×

سوالف 1 ..

السـلام عليـكم و رحمة اللـه و بركاته .. صباح الخير .. كل عام و أنتم بألف خير .. و تقبل الله طاعتكم .. اسئل الله

صورة 'mmiz' الرمزية
قديمة 30 - 09 - 2008, 11:33
المشاركة 1
السـلام عليـكم و رحمة اللـه و بركاته ..







صباح الخير ..

كل عام و أنتم بألف خير ..

و تقبل الله طاعتكم ..




اسئل الله العظيم رب العرش الكريم أن يشفي مرضانا و مرضى المسلمين و أن يوحد كلمة المسلمين

على طاعته و لا يفرق شملهم .. اللهم أمين ..




أكتشفت في أعضاء معهدنا و خاصه الركن العام يحبون السوالف ..

يعني السوالف الذربه .. سوالف الأولين الي فيهم خير .. سواء كانت محزنه أو مضحكه ..

و لهذا سوف أكتب لكم موضوع عباره عن سلسله من السواليـف ما بين الماضي و الحاضر ..

و سوف أتناول في كل موضوع 6 قصص حتى ما تحسون بالملل ..

مع مراعاتي للهجه بإن تصل جميع أعضائنا وليس الخليجيين ..

فقط فبعض الأعضاء قد لا يفهم كلامي و أي شخص وجد كلمه غير مفهومه يكتبها و انا اترجمها له إن

شاءلله ولا يصير خاطره إلا طيب إن شاء لله .. و كل سالفه لها عنوان .. فـ بسم الله نبدء ..









العرق الطيب طيب ..




رجل اعرابي ( بدوي ) ..

كان يمشي على سيارته في البر ( الصحراء ) و لكن فجئه البنزين ( الوقود ) خلص منه ..

فالرجل يريد ماء لأن ذبحه العطش ضميان و يبي يروي حاله بالماء ..

فجلس يمشي الى جهة الشمال و يمشي و يمشي و يمشي حتى شاف بالليل لمبه .. !

قال أكيد هذولا عرب ( ناس بدو ) خلني اروح لهم ..

فراح لهم فلما راح دخل عليهم و قال يا اهل البيت .. يا اهل البيت ..

و كان الرجل و زوجته من خلف الرواق ( الغطاء الفاصل بين النساء و الرجال ) ..

فلما نادى أهل البيت سمع الرجل يقول وش هذا بعد و في نفس الوقت سمع الزوجه تقول !

الله يحييه .. خله يتقهوى و بجيب له المرقد ( سرير النوم ) .. لإنه في ساعه متأخره

دخل الرجال و هو في نفسه زعلان من كلام الرجال فلما جلس و جات القهوه ..

قال عندكم احد من العربان هنا قال ايه في الجنوب هناك في عربان ..

قال خير إن شاء لله أسمح لي انام كم ساعه و اذا طلعت الشمس مشيت قال طيب ..



بعد صلاة الفجر أنطلق الى جهة الجنوب ..

و لما وصل للعربان دخل عليهم و قال يا اهل البيت ..

حصل رجال يقول يا مرحبا حياك حياك في بيتك .. تفضل مرحبا و مسهلا فيك

دخل و الرجال منشرح صدره ..

تقهوى و أفطر و عين من الله خير ..

و بحكم الخيام صغيره فإن اي كلمه تنسمع و كلمة السوء مسموعه ..

قالت زوجة الرجل ترى ما عندنا غير هالتيس نذبحه ولا نبي نذبحه قال الزوج اذبحيها ولا ذبحتك !

فلما رجع الزوج للرجال الضيف جلس يسولف وياه ..

قال الضيف الي راح من الشمال الى الجنوب ..

اصدقك في القول ولا ما أصدقك قال تفضل ..

قال انا رحت للشمال و شفت عربان الزوجه احسن و اخير من الزوج ..

وجيت هنا و حصلتك افضل من زوجتك فتمنيت إنك تزوجت البنت هذيك و زوجتك تروح للرجل الخمام ذاك

قال كلامك صحيح و وصل لكن الي ما تعرفه انا ما اقدر اتزوج هذيك يا طويل العمر قاله ليش

قال هذيك اختي و انا اخوها ..

قال الضيف يا عنك إن العرق الطيب طيب و العرق الردي ردي ..

و غداه تيسه الوحيد و ظبطت الأمور ..


















شايب طايش



هذا شايب انا اعرفه شخصيا ً الله يرحمه رغم كبر سنه إلا فيه طيش عجيب ..


راح للسوق في منطقة الأحساء في السعوديه و لما مر على سوق القيصريه ..

وجد رجال يهاوش ( يشتم ) في بنت معه ..

جاء الشايب مسك الرجال و ضربه ضرب غير طبيعي و ركبه بالسياره بالدبة ( مؤخرة السياره ) ..

و سكر عليه و مسك البنت وركبها السياره و هي تبكي بحاله هيستريه ..

و صلهم للشرطه ( البوليس ) قالهم أن لقيت رجال يغازل بنت و يصايح عليها ..

لما جاء الرجل وشافو فيهم دم و متكسر ضرس قال الشايب هذا مخرف مو صاحي

قالو له ليش .. قال انا في سوء خلاف مع زوجتي و الاخ ضربني .. !




راحت الشرطه و مسكت الشايب و حطته بالسجن بالزنزانه طلع بكفاله غراميه ..


















مجنون و مرفوع عني القلم ..




واحد مجنون عليه من الله ظلال يعني مرفوع عنه القلم ..

لكن هالمجنون عليه حركات صاحيه غير طبيعيه و الشخص هذا

أخذ الأول على مستوى الطلاب في كل سنه .. و عبقري جدا ً

فمجرد تعطيه شريط بلاي ستيشن 2 او 3 .. ينهي لك جميع الحلقات مهما كانت صعبه ..



طلب من والده سياره قال يا ولدي ما يصير اعطيك سياره تدعم العالم

قال يبه انا عندي 11 اخ انت جبتهم كلهم ما يعرفون يسوقون مثلي ..

و أنا احسن واحد فيهم ..

قال ابوه لا لا ما اقدر قال طيب يا يبه خلاص ..

رح الولد للشرطه يرفع قضيه على ابوه ..

جاء الشرطه قال ابي ارفع قضيه على ابوي قالو ليش يا يبه حرام .. !

قال كيفي برفع قضيه و رجاء بتكتب ولا رحت لرئيسك قال طيب طيب ..

سوو إستدعاء لوالده ..

لما جاء الوالد قالو الولد رافع عليك قضية تفرقه بين الأبناء .. !!

قال والله ما فرقت بينه و بين اخوانه بالعكس اعطيه فلوس اكثر من اخوانه ..

قالو للولد شتقول قال اقول القضيه ارفوعها للنيابه و ابي المحكمه تفصل بالقرارا ..

قال الوالد يا شباب ولدي مجنون ! قالو الشرطه مجنون ! بالعكس ولدك صاحي ويعرف القانون ..

قال الولد سجلو بالقضيه ان الوالد يتهم ولده بالجنون ..

رجع الوالد للولد قال يا ولدي بشتري لك سياره و بطلع لك رخصه ..

قال خلاص بس سو تنازل قال يبه انا اسوي تنازل بعد ما تشتري لي سياره ..

قال خلاص راح يشتري له ماكسيما قال الولد يبه انا ابي مرسيدي قال يا ولدي غاليه ..

فقام الوالد و حط نفسه انه يبكي فحن الولد و شاف ابوه يبكي قال خلاص يبه ..

ماكسيما ماكسيما .. موافق

شرى ماكسيما ..

أول اسبوع دخل بشبة المحافظ حق المنطقه لإنه كان يقحص ..

و المضحك في الأمر كاتب على الماكسيما بالخط العريض ..









مجنوووووون و مرفوع عني القلم ..

السؤال هل هذا مجنون أم لا ! سؤال يحير و هل معقوله يمثل طوال هالسنين عمره الان 22 سنه !













الله لا يوفقـك يا سعد







واحد من أصحابي الاعزاء ..

عجمي من أهل الكويت ..



تنوم بالمستشفى تحديدا ً العدان في المنطقه العاشره ..

كان منوم بسبب الدوده الزايده ..

جيت و زرته العصر .. قلت علومك طيب قال طيب الحمد لله ..

جات امه دخلت سلمت علي و رديت السلام قالت شلونك قلت طيب انتي شلونك يا ام سعد قالت بخير

المهم جلست شوي وطلعت ..

وهي طالعه قال سعد يمه تعالي لا تروحين

قالت هلا يا وليدي قال يمه تشوفين شرشف (بطانيه خفيفه ) المستشفى اخذيه معك ..

قالت وين اخذه .. قال حطيه بالشنطه الكبيره قالت لا يا ولدي حرام

قال تكفين و غلاة ولدك عندك تأخذينه قالت يا ولدي حرام مو لنا قال تكفين اذا انا غالي عندك ..

بعد اخذ و عطا و انا متفاجئ من سعد اخذيته امه وراحت ..

أول ما طلعت بس ..

دق سعد جرس الانذار حق السرير جات الممرضه كويتيه قال سعد ..

شفتي العجوز الي توها طلعت قالت ايه قال ترى سرقت شرشفكم !!

راحت البنت قالت اختي لو سمحتي ليش تسرقين البطانيه مو حرام ..

أنحرجت امه و قالت الله لا يوفقك يا سعد ..
















صايع مع مرتبة الشرف ..





في اول سنه ثانويه دائما ً يجي الشخص من المتوسطه متمرد ( زعاطه ) ..

يعني يجي من الإعداديه راجل و لما يدخل الثانويه ( فتوى ) حمش يعني المهم ..


في اول سنه لي بالثانويه ..

كان عدد الصفوف الدراسيه في أول ثانوي 13 فصل

وكان الفصل حقي 1/9 ..

بالكويت طبعا ً ..

المهم بعد 3 اسابيع قامت المدرسه بتقليص العدد و إظهار الناس الي اعمارهم كبيره ...

صرت في صف 1 / 8 ..

عندنا مدرس مصري يدرسنا اللغه العربيه اسمه عبدالسـلام طيب و محترم جدا ً و خلوق لأبعد درجه ..

عزمناه قبل الإختبارات بأسبوع لأن حنا خايفين من العربي لأنه صعب جدا ً نحو و بلاغه و الخ ..

فلما عزمناه .. قلنا اكيد بيظبطنا في الإختبارات و ينجحنا ..

المهم يوم جاء الإختبار ..


صفنا عدد الطلاب فيه 28 ..

إلي ناجح واحد و الساقطين 27 و انا من ضمنهم كانت درجتي 4 من 20 ..


المهم اتفق كم شخص انه يمسكون المدرس و يظربونه قلت انا لا حرام ..

وكان يقولون لي حرام يا عمده يسموني العمده لإني اكبرهم و أسنعهم السمرمد ..

ما علينا دخلنا على الأستاذ بالدور الثاني و حنا 4 شبان ..

خذينا المدرس و شلناه من رجله و يديه ..

2 يمكسونه من يده و 2 من رجليه .. و نحذفه من الدور الثاني ..

طبعا ً حنا ما راح نحذفه بس نخوفه ..

كان يسبنا سب يهود و هو خاف و يقول حنجحكم يا كلاب يا غجر ..

المهم يوم وقفنا قلنا هاه تنجحنا قال حنجحكم يا كلاب يا غجر ..

يسمينا غجر لأن كلنا شعورنا طويله و تصل الى اكتافنا فكان يسمينا غجر ..


المهم ما نجحنا وكان يقول لنا دايم انت يا ولد انت صايع مع مرتبة الشرف ..

و دايم الكلمه في لسانه ..

و بعد يومين في الاذاعه المدرسيه .. تكلم هو عن سوء تعامل الطلبه مع المدرسين ..

فدخل المدير حق المدرسه و كان نظره خفيف جدا ً جدا ً فقال من هذا قال المدرس بالميكرفون ..


صايع مع مرتبة الشرف بالخطأ فجلس الناس كلها تضحك و تم إستدعاء المدرس للإداره و بعد

فتره اقتنع المدير انها ظهرت من المدرس خطأ ..
عازف الاورج, BYRQ.NET, NASSER و 3 آخرون معجبون بهذا.
المشاهدات 2433 | التعليقات 47
قديمة 30 - 09 - 2008, 11:36
المشاركة 2
صورة 'عرش القلوب' الرمزية
عرش القلوب
:: عضو نشيط ::
تاريخ الإنضمام: 11 - 04 - 2008
رقم العضوية : 56517
العمر: 26
المشاركات: 1,791
افتراضي
موضوع رائع يعطيك العافية لنا عودة ونكمل قراءة السوالف ^_+
-
اللََـًـًٍہـُمَ صَلﱟ عَلَـًٍێ مُحَمَدٍ ﯙآل مُحَمَدْ
-




للتواصل
[email protected]
قديمة 30 - 09 - 2008, 11:39
المشاركة 3
صورة 'mmiz' الرمزية
mmiz
||| عضو التميز |||
تاريخ الإنضمام: 11 - 08 - 2006
رقم العضوية : 25988
الدولة : www.xp.net.sa
المشاركات: 12,433
افتراضي
يشرفني وجودك يا بعد راسي (F)
عرش القلوب معجب بهذا.
قديمة 30 - 09 - 2008, 11:41
المشاركة 4
صورة 'عازف الاورج' الرمزية
عازف الاورج
:: عضو نشيط ::
تاريخ الإنضمام: 03 - 05 - 2007
رقم العضوية : 36487
الدولة : قطر
العمر: 25
المشاركات: 1,754
قديمة 30 - 09 - 2008, 11:43
المشاركة 5
صورة 'BYRQ.NET' الرمزية
BYRQ.NET
:: عضو نشيط ::
تاريخ الإنضمام: 21 - 03 - 2008
رقم العضوية : 54129
الدولة : حائل عروس الشمال
المشاركات: 421
افتراضي
السلام عليكم

مشكوور اخوي على القصص ..
قديمة 30 - 09 - 2008, 11:44
المشاركة 6
:: عبدالله ::
.:: عضو متألق ::.
تاريخ الإنضمام: 07 - 12 - 2006
رقم العضوية : 29277
الدولة : لــيــبــيــا
المشاركات: 5,760
افتراضي
تسلم يا غالي وعجبتني سالفة الشايب الطايش ^^

قديمة 30 - 09 - 2008, 12:06
المشاركة 7
صورة 'mmiz' الرمزية
mmiz
||| عضو التميز |||
تاريخ الإنضمام: 11 - 08 - 2006
رقم العضوية : 25988
الدولة : www.xp.net.sa
المشاركات: 12,433
افتراضي
هلا عازف ..

مرورك بحد ذاته يكفيني ..

تسلم و بارك الله فيك ..
قديمة 30 - 09 - 2008, 12:24
المشاركة 8
صورة 'wanasa' الرمزية
wanasa
:: عضو نشيط ::
تاريخ الإنضمام: 20 - 04 - 2007
رقم العضوية : 34235
الدولة : الرياض
المشاركات: 3,610
افتراضي
ههههههههههههههههه هذي السوالف ولا بلاش

ابشرك قريتهم كلهم ...

واحسن شي حق الشايب والعرق الطيب

.
تقبل مروري
قديمة 30 - 09 - 2008, 12:28
المشاركة 9
عبدالعزيز الشميمري
:: عضو نشيط ::
تاريخ الإنضمام: 20 - 06 - 2007
رقم العضوية : 38215
الدولة : الرياض
المشاركات: 587
افتراضي
مميز قسم بالله , أنك مميز مع مرتبة شرف بعد
أغلب السوالف مرت علي من قبببل ,
->بس سالفة الشايب لـ حالة هههههههههههههه ,
يعطيك العافية , ولاعدمنآ خشتك
Student at KFUPM
قديمة 30 - 09 - 2008, 13:18
المشاركة 10
صورة 'mmiz' الرمزية
mmiz
||| عضو التميز |||
تاريخ الإنضمام: 11 - 08 - 2006
رقم العضوية : 25988
الدولة : www.xp.net.sa
المشاركات: 12,433
افتراضي
السلام عليكم

مشكوور اخوي على القصص ..

العفو اخوي ..

أسعدني مرورك ..
قديمة 30 - 09 - 2008, 13:28
المشاركة 11
صورة 'JSR' الرمزية
JSR
:: عضو شرف ::
تاريخ الإنضمام: 15 - 10 - 2007
رقم العضوية : 41588
الدولة : Arab World
المشاركات: 19,241
افتراضي
يعطيك العافيه ..

اسمح لي اترجم . ... .. يقحص .. أي يفحط

بعدين سالفة سعد سامعه قبل الحقوق محفوظه للغير وانت تقول عند خويي ..


لايكون بس منتشرة كل هالسررع
قبل ان تفكر في .. " الدخول" .. في حياة شخص ما..
..... تأكد من وجود المخارج الآمنة في حالات الطوارئ .. } .. !

tw : 3jassar
قديمة 30 - 09 - 2008, 13:28
المشاركة 12
صورة 'نازف الجرح' الرمزية
نازف الجرح
:: عضو نشيط ::
تاريخ الإنضمام: 02 - 04 - 2008
رقم العضوية : 55666
الدولة : سَآكِنْ وٍهّـْمُ ~
المشاركات: 2,218
افتراضي
مميز بلآ مُنـــازع

فديتـ راسك يآ بعدـي

سجلنـي من ضمن المُتابعين
للمساعدة بحل مشاكل المنتديات دون مُقابل ~

[email protected]
قديمة 30 - 09 - 2008, 13:35
المشاركة 13
صورة 'ROMYO' الرمزية
ROMYO
.:: عضو متألق ::.
تاريخ الإنضمام: 08 - 05 - 2008
رقم العضوية : 58727
المشاركات: 8,191
19
افتراضي
÷ههههههههه

مشكور ..

- 2008 -
- 2009 -
- 2010 -
- 2011 -
- 2012 -
- 2013 -
- 2014 -
- 2015 -
- 2016 -
- 2017 -
- 2018 -
- 2019 -
قديمة 30 - 09 - 2008, 13:36
المشاركة 14
صورة 'mmiz' الرمزية
mmiz
||| عضو التميز |||
تاريخ الإنضمام: 11 - 08 - 2006
رقم العضوية : 25988
الدولة : www.xp.net.sa
المشاركات: 12,433
افتراضي
يا مرحبا بكم جميعا ً ..

سالفة سعد

على سعد بن فهد الناجعي العجمي خذها مني السالفه اعمارنا كانت 15 ..
قديمة 30 - 09 - 2008, 13:49
المشاركة 15
لمت نفسي
:: عضو نشيط ::
تاريخ الإنضمام: 11 - 03 - 2008
رقم العضوية : 53635
الدولة : الحجاز المقدس
المشاركات: 3,559
افتراضي
اما حقت المجنون ههههههههههههههههه


الله يعطيك العافيه عزيزي مميز
 
اضافة رد
 
العلامات المرجعية

شركة ليبتون تسحب منتجها "شاي بالحليب" من دول آسيوي .. .. إيقاف طارق التايب 4 أشهر وتغريمه 600.000 دولار .. .. (( قرار الفيفا ))

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 22:07.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2018
  • 00966138651070
  • 00966138648289
  • 2051033691
Powered by vBulletin® Version 3.8.7 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.