السلام عليكم ..
وانا افر في قوقل حصلت هالقصة احزنتني والله ..
الله يكون في عون الاسرة ..
================================================== =
السلام عليكم يابنات
اخوي معاناااااااااة مأساااااااااة
جاب السكر لابوي وجاب الهم والدموع والحزن لأمي
من يوم هو بالمتوسط
الين الحين وعمره 26 وهو متعب أهلي
من مشكله لمشكله ومن هم لأكبر
ابوي انسان طيب محبوب من الناس محافظ على صلاة المسجد خلوق والكل يحبه
امي انسانه طيبه قليلة الكلام ذات دين ولله الحمد
بلاهم ربي بأخوي اللي اصغر مني بسنه..
اخوي هذا جا بعد بنتين.. اختي الكبيره وانا ثم هو .. وبينه وبين اللي بعده6 سنوات تقريبا
يمكن عشان كذا اخوي ما كان عنده اخ قريب منه يطلع معه ويتونس مع زي بعض الاخوان ماشاءالله.كان ضحيه وجروه رفاق السووووووووء حسبي الله عليهم
بدا الانحراف من اولى متوسط بوقتها نقلنا مدينه ثانيه غير مدينتنا ..
كان بمدينتنا يماشي اساتذه مطاوعه يطلع معهم رحلات يلعبون كوره مسابقات العاب وكان مره متأثر فيهم لدرجة لما أمي تطلع له بنطلون يلبسه.. كان يعيي والله اني اذكره كأنه الحين !!
بس نقلنا للمدينه الثانيه ومن اولى متوسط تعرف على الدخان
وابوي يحاول يتركه وهو يكذب من هنا .. بثالث متوسط بدا الوضع يتأزم صار ينافخ ويهاوش واخواني الاصغر منه يخاااااافوووووووون منه خووووووووف ماتتخيلونه يضربهم ولاكأنه اخوهم ..
بالثنوي مايرجع من المدرسه الا متأخر .. يسرق سيارة ابوي ... وابوي حبيبي مايتعامل بالضرب..دايم يجلس معه يكلمه يفهمه يعلمه .. وكان عبدالله اخوي يبكي ونسمع صوته يبكي ويتأثر.. اليوم الثاني ابد ولا كنه بكا ولا كنه صار شي..
ومع كثرة المشاكل قال لابوي انا يايبه ماني متعدل ولانيب متغير لين تطلع لي سياره..وصار دايم يقول كذا
راح الاب الطيب ولبى طلبه وجاب له سياره على أمل انه يصير رجال يرفع الراس .. والله ماعاد يرجع من المدرسه الا متأخر اكثر من اول .. ودايم يطلع ويسهر ولا شفنا من الاعتدال شي !! الا زاد حالته سوء على سوء
يطلب فلووووووس بالهبل.. سمعته سيئه ..لاصلاة ولاصوم.. مشكلجي .. مشهوووووور بالتفحيط .. جر جر ابوي بالشرطه .. وخلاه يكلم اللي يسوى واللي مايسوى
وفوق كذا اولى ثنوي سحب منها وقعد سنه ثم رجع كمل دراسته
والله ما انسى مره وحيده ابوي فقد اعصابه على مشكله وجا بيضربه وعبدالله شرد وابوي لحقه بالحوش وشرد مع الباب وانا أطل من الدريشه .. والله يابنات ان ابوي داخ من السكر وطاح بالحوش واني رحت ركض عنده لقيت امي جمبه وتبكي
والله اني بكيييييييييت ذاك اليوم وماقدرت امسك نفسي..لاني من عادتي استحي ابكي عند احد.. خفت على ابوي لايموت ..والله يابنات ان ابوي جاني وانا كنت اكوي وحبني على راسي وقال لي بالحف: بكيتي عشاني؟
شفتوا ابوي كيف مسكين الله يحفظه ويطول عمره
والله اني كني اسمعه الحين باذني يقولها ياعمري يابوي
المهم ويرجع اخوي للدراسه مستوى زفت وعلامات ازفت اشوفه بعيني يبرشم.. وصل ثالث ثنوي قال ما ابي ادرس هنا.. متضارب مع ناس والظاهر خاف منهم..
ياولد مايصير وين تروح.. قال ابروح لمدينتنا الاولى..ياولد مايصير بلحالك ..أبد عيا يدرس.. عنيد عنيد عنيد واللي براسه هو يمشي..
والله وفعلا وديناه هناك..
بعدها دخل الجامعه وزين انقبل .. كنا مانشوفه الا كل 3 اسابيع كل شهر.. حسب مزاجه
اكتشفوا اهلي عن طريق واحد من الاقار انه يروح للبحرين.. ومدري وشلون جاهم خبر ان الشرطه هناك مسكته سكران ويسوق سياره!
صدمه ورا صدمه ولله الحمد
الحين المفروض متخرج.. لكن تخيلوا اكثر من 5 سنوات بالجامعه.. وآخرتها فصل منها
ليش؟؟؟؟؟؟
المصيبه الكبرى
ولصدمه القويه اللي ماقدروا اهلي يتحملونها
اخوووووي اخوووووووووووووووووووووي يابنات اخوي عبدالله مدمن مخدرات
والله اني انهرت يوم دريت
الله يرحم حالكم يا امي وابوي
الله يرحم ضعفك يايمه ويرحم شيبك يا ابوي
ويرحم حالك يااخوي
حسبي الله على رفاق السوء
يابنات اخوي الحين عنده افكار غريبه
يقول انا المهدي وسيارتي الدابه!!
ويقول ان كل الشعب السعودي سحره (من السحر والشعوذه) ويقول حتى امي وابوي سحره وحتى انا واخواني ساحرين!!
يابنات عبدالله ضاع وانتهى
يقول القيامه قربت
كم مره يدخل على اهلي يقول بصوت عالي الصلالالالالالالالالاة الصلالالالالالالالالاة..
يقول يأجوج ومأجوج هم الصين ماتشوفونهم كيف غزوا العالم بمنتجاتهم..
اخوي عنده افكار غريبه بسبة المخدرات أثرت عليه وعلى تفكيره..
بس الحسنه الوحيده من الادمان انه صار يصلي.. ويزعل اذا فاتته الصلاة!!!!!!!!!
ويقول بيروح يعتكف في مكه لين تقوم القيامه!! وفعلا راح مكه واعتمر وزار المدينه ورجع
وبعد فتره قال لابوي انه بطل المخدرات وحلف لابوي وقال انا لما كنت اتعاطى كنت اعلمك يايبه والحين انا بطلت وعلمتك..لكن افكاره مازالت غريبه..
وبعد كم شهر من العمره الاخيره
قال لاهلي بروح مكه لاني شفت مرسوم بالأفق مرسوم سهم يقول روح مكه خذ عمره !! وفعلا راح ورجع.. بس ترك سيارته بمطار المدينه!!!!!!! ورجع طياره
ليششششش؟؟؟
لأنه يقول شاف في الافق مرسوم سهم : يقول السهم روح لسوريا !! عشانك المهدي مدري ايش ماني فاهمه
بنات اهلي خايفين عليه من الاغتيال لانهم كم مره اغتالوا سعوديين عشان فلوسهم!!
بنات ادعوا له لعل فيكم من اقسمت على الله لأبرها
بنات امي وابوي وانا في كرب عظيم ونفسيه تعبانه
دعواتكم لهذا الاخ بالهدايه وان ربي يصرف عنه السفر وزملاء السوء
والله مرات امي تقول تتمنى تموت هي وابوي بحادث عشان يموتون سوا.. بس قالت لي اختك الصغيره وشلون بتعيش ؟
ومرات تتمنى عبدالله يموت اذا ماراح ينصلح حاله
انا دايم اقولها يمه استغفري بنية الصلاح..ادعي له
وامي انسانه مؤمنه وتعرف هالأمور
ادعوا له الحين هو بمكه ينتظر ابوي يحول له فلوس عشان يسافر
اخاف يموت وهو عاق عاصي مابي له النار هذا اخووووي يابنات انا منهاره
ادعوا لعبدالله بالهدايه بصلاتكم ولابوعبدالله وام عبدالله بالفرج ================================================== =
لا اله الا الله ..
سبحان الله وبحمده سبحان الله العظيم ..
09 - 06 - 2008, 22:37
العرض العادي
