×

قصيدة عن التوظيف‏

قصيدة عن التوظيف‏ قصيدة رائعة لشاعر إماراتي تشكي الحال تو .. طين وش عاد يا دار ٍ بها صار ( توطين ) و في مكتب
قديمة 09 - 01 - 2008, 20:16
المشاركة 1
قصيدة عن التوظيف‏
قصيدة رائعة لشاعر إماراتي تشكي الحال





تو .. طين



وش عاد يا دار ٍ بها صار ( توطين )


و في مكتب التوظيف سوسن و ميسون !


مديرهم مدحت و نائبْته نسرين


و على الرسبشن حمّص و فول و زيتون !


كل ما اتصلت اسمع ( الو مرحبا مين ؟


بدّك وظيفه ؟ .. مين دلّك على هون ؟ )


اقول انا لي اتصل صار شهرين


و انتوا وعدتوني متى بس توفون


اسمي ( مواطن ) ( جامعي ) طيب و زين


كني ابخطب عندكم و اتّغلون !


عندي شهادة طايحه بجبدي سنين


عشش عليها شي له ستة عيون !!


لو للشهاده لسان قالت ( على وين


ناوي توديني .. تلف فيني الكون ؟ )


من كثر ما صورتها غارق بدين


للهندي راعي المطبعه صرت مديون


لا ليلي ليل ولا نهاري نوى يبين


دقيت راسي لين ما صرت مينون !


مطلوب خبره عالأقل في مجالين


ولا ّ تجينا بواسطه و سير مدهون !


ولا انثبر في بيتك .. افرك بكفين


يومك يشابه امسك و عيش مغبون


تعدادنا ويّاهم اربع ملايين


و اهل البلد للحين ما صاروا مليون !!


ويلاه من باكر اذا وضعنا الحين


و احنا اقل من الربع حالنا شجون !


و اللي ابتسم له حظه والله مسكين !


حصّل وظيفه .. بس في وين .. تدرون ؟


اكن في راس الخيمه .. حطوه في العين !!


و اللي سكن في الذيد .. في السلع مدفون !!


يشوف اهله بس في الأسبوع يومين


و اذا حسبتوا الدرب كم ساعه ... تبكون


يعني في كل احواله ذاق الأمرين


شغّال محزون و بلا شغل محزون


و الأجنبي اللي راتبه فوق عشرين


فله و سياره و تذاكر .. و طاعون


عنده بدل كل شي عالراتب الفين


حتى بدل معجون اسنان و صابون !


و من بعد ما يجمع من بلادي فلسين


و يربّي م القعده على الكرسي بطون


و يصير في بلاده غني و عنده برجين


يرحل و هو جاحد .. و كم مثله ملعون !


و حتى الجماعه قوم مدحت و نسرين


مردّهم لبلادهم لو يطولون


يرضون بشوية دراهم .. و شفتين


صبح و عصر .. لو حتى في الليل يرضون


بس لو سمعتوا همسهم بينهم بين


وسط القهاوي يلعنون و يسبون !


لا تحسبوني عنصري .. كلنا طين


و الخِـل لو عاتب محبينه يمون


داري و انا اولى بها من الغريبين


ما يوصلون لحبها لو يموتون


و ( الأقربون اولى ) .. كلام ٍ من الدين


ما جبته من شعري مع الهام و ظنون


ولد البلد ما يبغي لبلاده الشين


بالروح بالدم يفتديها ولا يخون


لكن سؤاله يوم قلتوا له ( توطين )


يا كيف بيد الغرب توظيفه يكون ؟؟!!


شعارهم معروف ( راجعنا بعدين )


و باين من التأجيل .. انهم يخافون


اذا معك خبرة .. يا اهلين و سهلين


و اذا شهاده بس .. عن ّ ك يصدون


ما عندنا شاغر .. و بطلنا تعيين


ولو تحرق الهاتف ترى ما يردون !


من وين اجيب الخبره ؟ من وين من وين ؟


دام الوظيفه عند سوسن و ميسون !


عندي بمطبخ بيتنا خبره سنتين !


تنفع اذا صاروا المطاعم يوطنون ؟؟!


ولاّ أهاجر و آخذ الخبرة في الصين ؟


صح العيون صغار .. لكن يقدْرون


سؤال يا دار ٍ ..صراحه بترضين ؟


اني أسافر و اطلب الغرب لي عون ؟


و سؤال يا ناس ٍ على الراس و العين


صدق الوظايف واسطه و سير مدهون ؟


اما الجواب الشافي يجيني الحين


او هاتوا تأشيره .. اذا كنتوا ترضون !



قصيدة عن التوظيف‏


http://www.ii5ii.com/vb/showthread.p...7247#post17247
المشاهدات 1815 | التعليقات 11
قديمة 09 - 01 - 2008, 20:19
المشاركة 2
صورة 'AWWSA' الرمزية
AWWSA
:: عضو نشيط ::
تاريخ الإنضمام: 15 - 06 - 2007
رقم العضوية : 37754
الدولة : ارض الله الواسعة
العمر: 31
المشاركات: 1,536
افتراضي
ههههههههههههههههههه يعطيك العافيه
تحياتي
شكرا ترايدنت افدتني 6 سنوات 2007-2013
قديمة 09 - 01 - 2008, 20:20
المشاركة 3
صورة 'تطبيق شاليهات' الرمزية
تطبيق شاليهات
.:: عضو متألق ::.
تاريخ الإنضمام: 07 - 03 - 2005
رقم العضوية : 2155
الدولة : الجبيل
المشاركات: 7,812
افتراضي
شعارهم معروف ( راجعنا بعدين )

و باين من التأجيل .. انهم يخافون

اخويـ الغاليـ / amir257

السلامـ عليكمـ ورحمة اللهـ وبركاتهـ

[ صادقـ بهالبيتـ ]

صحـ لسانكـ ولسانـ قايلها

جرحتينيـ
#تطبيق‬⁩_شاليهات‬⁩

⁦‪Shalehat‬⁩


‏للتحميل /

‏ios / ⁦‪‬⁩https://appsto.re/eg/LpAWfb.i


‏Android / ⁦‪⁩https://play.google.com/store/apps/d...alets.chaalets

🔴 توضيح بخصوص اضافة الجوال عند التسجيل
لابد من إضافة رمز السعوديه 00966
قديمة 09 - 01 - 2008, 20:20
المشاركة 4
الصامــت
:: عضو نشيط ::
تاريخ الإنضمام: 10 - 10 - 2007
رقم العضوية : 40570
الدولة : ابوظبي - الإمارات
المشاركات: 1,305
افتراضي
ههههههه

رووعهـ !!

بس انا سامعهـآ صووتيهـ

تسلم الغآلي
قديمة 10 - 01 - 2008, 00:18
المشاركة 5
amir257
Banned
تاريخ الإنضمام: 09 - 05 - 2007
رقم العضوية : 36778
الدولة : ...
المشاركات: 2,499
افتراضي
شكرا لمروركم ^_^
قديمة 10 - 01 - 2008, 00:23
المشاركة 6
صورة 'الأفاضل' الرمزية
الأفاضل
:: عضو نشيط ::
تاريخ الإنضمام: 08 - 11 - 2007
رقم العضوية : 43803
الدولة : أعلنت إسلامي - أسأل الثبات
العمر: 32
المشاركات: 876
افتراضي
جميل وربي ...

والكلام كله صح مع 1000 شهادة مني بذلك .
أشهد ان لا إله إلا الله ، وان محمدا رسول الله
ربي أعلنت لك إسلامي
فاغفر لي وارحمني

وزير أردني لقناة الجزيرة: أحر التعازي

مهم: مقابلة صحفية عن هروب الخادمات
قديمة 10 - 01 - 2008, 00:33
المشاركة 7
Forget me
Banned
تاريخ الإنضمام: 29 - 04 - 2007
رقم العضوية : 35531
المشاركات: 708
افتراضي
لمن يريد سماع القصيده بالصوت ( عدل الموضوع وحط القصيده فوق )


http://www.youtube.com/watch?v=-l_gA9cc79o


صحيح والله! هل تنتظر خيراً من سوسن وميسون؟

الوافدين اصبحو بالامارات عندنا اكثر منا عدداً,,,لا ويأتي شخص منهم يقولك حرام على دول الخليج! هذي الدول النفطيه ماتساعد الناس!! طيب ماانتو عايشين متهنين بالخليج وبخيرها,,

المشكله ياعزيزي ليست بالوافدين فقط,,بل بالنظره العامه للمؤسسات التوظيفيه وللجميع,,ترى ان هؤلاء هم اكبر خبره واتقان للعمل من المواطن,,بعيداً عن كونه ابن البلد!

يعني بالأول نغير النظره المريضه هذي,,بتالي ممكن يكون في ابداع ! بدلاً من تحطيم المعنويات لا ويطلبون منا التقدم اٍلى الأمام!

لا حل سوى الهجره


فمان الله
قديمة 10 - 01 - 2008, 06:56
المشاركة 8
fllah.net
:: عضو نشيط ::
تاريخ الإنضمام: 08 - 03 - 2007
رقم العضوية : 32989
الدولة : السعودية - بريدة
المشاركات: 2,174
افتراضي
قصيدة حلوة

شكرا لك
رومنسيات زوجية





المعذرة لا أستطيع طرحها هنا




قديمة 10 - 01 - 2008, 07:04
المشاركة 9
صورة '@ المخلص @' الرمزية
@ المخلص @
:: عضو شرف ::
تاريخ الإنضمام: 27 - 03 - 2005
رقم العضوية : 3128
الدولة : Saudi Arabia
العمر: 51
المشاركات: 9,500
افتراضي
اهنيك على اختيارك القصيده المعبره

لا تشكيلي ابكي لك


تحياتي واحترامي لشخصك الكريم .
قديمة 10 - 01 - 2008, 07:14
المشاركة 10
صورة 'أرشفة قوقل' الرمزية
أرشفة قوقل
.:: عضو متألق ::.
تاريخ الإنضمام: 03 - 02 - 2006
رقم العضوية : 18215
الدولة : جدة غير
العمر: 34
المشاركات: 6,243
افتراضي
والله انــه صادق .. صح لســانه
قديمة 10 - 01 - 2008, 08:22
المشاركة 11
Line-Host.Com
Banned
تاريخ الإنضمام: 26 - 12 - 2007
رقم العضوية : 47631
الدولة : EgYpT
المشاركات: 857
افتراضي
شكرا على القصيده ..
قديمة 10 - 01 - 2008, 08:57
المشاركة 12
صورة 'دليل حركات' الرمزية
دليل حركات
.:: عضو متألق ::.
تاريخ الإنضمام: 31 - 12 - 2005
رقم العضوية : 15151
المشاركات: 6,823
2
افتراضي
حتي في الامارات


لحول ولا قوة الا بالله
.

قال تعالي
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

اللهم رب الارباب ومسبب الاسباب انت اعلم بحالي فلا تكلني الي نفسي طرفة عين

اصبري يانفس الله بيفرجها
 
اضافة رد
 

النصر يعلنهارباعيه في شباك الاتحاد و هدف واحدللإتحاد وكذلك الهلال وباقي المباريات هنا الثلوج على مدينة عرعر السعودية .

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 23:24.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.