×

علي بن لبدان

كان هناك شخص يدعى علي بن لبدان المهم علي بن لبدان هذا كان كل امنياته في الحياة أنه يصير شيخ قبيلة لكن ما فيه مقومات
Like Tree2معجبون
  • 2 أضيفت بواسطة ناصر الظفيري

صورة 'ناصر الظفيري' الرمزية
قديمة 22 - 06 - 2007, 03:31
المشاركة 1
كان هناك شخص يدعى علي بن لبدان


المهم علي بن لبدان هذا كان كل امنياته في الحياة أنه يصير شيخ قبيلة


لكن ما فيه مقومات وما أحد بيعطيه مجال لأن الشيخة لها ناس وآخرهم علي بن لبدان


بعد ما يأس من الشيخة في قبيلته قال يا ولد أنا بفصل لي جنبية زي حقت الشيوخ واكتب عليها


الشيخ علي بن لبدان


المشكلة ما فيه دراهم قام باع الغنم كلها علشان يفصل الجنبية (الحلم)


فصل الجنبية وكتب عليها :


الشيخ علي بن لبدان قاتل مية ومعتق مية


علشان الشيخة تكون على اصولها


المهم طق في الأرض بعد ما باع كل شيء علشان هذي الجنبية


هائم على وجهه لا فرس ولا حتى حمار ولا قليل ولا كثير


ومشى وابعد عن ديرته بعيييييييييييد

المهم من كثر التعب جلس تحت شجرة ونام

خ
خ
خ
خ
خ

وهو نايم الإ ويشوفونه مجموعة رجال جوا قربوا منه وبدون ما يحس


طالعوا فيه طالعوا في الجنبية :


الشيخ علي بن لبدان قاتل مية ومعتق مية


الله يكفينا شره هذا ماهو بسيط هذا مطلوبنا هذا اللي بيحل مشاكلنا


المهم صحوه برفق ولين شيخ وقاتل مية يعني العفاشة ما تنفع معه


المهم قام الشيخ علي خير وش فيه

(من الخوف طبعا)



هم :

لالا ابدا بس قلنا تتفضل عندنا هنا يا شيخ علي


هو:

هاااه الشيخ علي طيب طيب

(اول مرة يسمعها في حياته)


هم :

تفضل تفضل


المهم راح معهم قهووه وغدوه وريح وقيل عندهم

وقالوا له روس القبيلة عازمينك الليلة على العشاء


وطلبناك أن تقول تم

قال:

تم تم


المهم اجتمعوا وتشاوروا قبل ما يجي الشيخ المزعوم


ويوم جا وتعشى واللي عليه بالخير

قالوا له العلم سلامتك

حن قبيلة ضعوف ما عندنا فارس ولا عندنا شيخ


وقطاع الطرق ذبحونا ما يمر يومين الا وهم

داخلين عندنا ياخذون اللي يبغون من حلالنا


وحن لا حيلة ولا بصيرة


لمعت عيون الشيخ علي من الفرح


قالوا له اسمع حن بنحطك شيخ لنا كلنا طبعا الشيخ علي على طول قال أنا موافق

(حلمه القديم)


قالوا بس فيه شروط


الشيخ علي يتمتم :إنا لله وش شروطه؟

طيب وش شروطكم


قالوا فيه ثلاثه اختبارات إن نجحت فيها تأخذ الشيخة

وإن ما نجحت فما لك عندنا الإ ضيافة ثلاثة أيام


الشرط الأول :

اختبار الفروسية والقتال


الشرط الثاني :

اختبار الشجاعة


الشرط الثالث :

اختبار الذكاء


المهم فكر الشيخ علي شوي وهو عارف ان ما فيه ولا شرط ينطبق عليه


قال يا ولد خلني استفيد قدر المستطاع على الاقل اذا جاء اختبار الفروسية اخذ من عندهم فرس

واحط رجلي


قال لهم أنا موافق


قالوا اختبار الفروسية بكرة جهز نفسك

جاء اليوم الثاني


قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا


قال طيب بس ابغى فرس متعودة على الكر والفر قالوا جاهزة والسلاح جاهز


طبعا الرجال عمره ما ركب خيل


قال ابغاكم تربطوني على الفرس ربطة ما تنفك


ركب الفرس وربطوه ربطة الشر اخذ سلاحه


قال:

وينهم قال في الجهة الشمالية قال طيب وراح يوم ابعد وهو يفرك جهة الجنوب


ومشى الا والله ان قطاع الطرق قدامه


ويوم تشوفهم الفرس وتقول بسم الله

وعليهم والشيخ علي يحاول ينزل يمين شمال يحاول يوقف الفرس


ما فيه فايدة رايحة لهم رايحة وهو مربوط ربطة شينة

وهو يطالع الا شجرة قدامه


ويوم وصل جنبها وهو يتمسك بها مضبوط لكن الربطة كانت أقوى


وهو يقتلع غصن كبيييييير


ويوم شافوه قطاع الطرق وبيده الغصن الكبير هذا وطريقته في اقتلاع الغصن


خافوا منه وسلوموا واستسلموا قالوا هذا الداهية عزا الله بيذبحنا كلنا


اللي قلع ذاك الغصن وراعي هذا الهجوم الخاطف ما لنا الا نستسلم


يوم شافهم الشيخ علي مستسلمين


قال :
يا كلاب واحد منكم يربط البقية والا والله لاذبحكم ذبح الشاة

المهم ربطهم كلهم وسحبهم


وراح للقبيلة وهم قدامه مربوطين زي الغنم


ويوم شافوا القبيلة قطاع الطرق مربطين

قالوا :

عزا الله شيخ ولد شيخ


ويفكون الرباط اللي مربوط فيه على الفرس ويهنونه ويكرمونه

ويريح الشيخ علي

وهو يقول:

في نفسه راحت الفرس ورحت انا فيها


جا اختبار الشجاعة


قالوا له :

فيه أسد دايم يأكل حلالنا ونبغاك تقتله


قال:

هااااااه أسد عدلوا بدلوا

قالوا :

أسد


قال :

طيب اتركوني عليه بس ابغى فرس

بس غير الفرس هذي

ما تنفع له يبغى وحدة حبيبة

( ما هي حقت مشاكل )


قالوا :

طب وتخير يا شيخ علي

المهم لقي وحدة هناك شكلها ضعيفة مالها في المشاكل
قال :

هذي

قالوا:

يا شيخ علي هذي تعبانه ما هي حقت كر وفر وانت بتقابل أسد


قال :

انتوا تعلموني الكر والفر وبعدين من هو اللي بيقابل الاسد أنا والا انتوا


قالوا :

خلاص يا شيخ علي انت ادرى


المهم اخذ الفرس التعبانه ويوم يبغون يربطونه قال :

لالالا

(خايف من الورطة القديمة)


كل معركة ولها طريقة


اخذ الفرس الحبيبة هذي وتوكل


قال لهم :

من وين الاسد هذا اللي يطلع لكم


قالوا :

من الشرق

قال :

طيب خلاص ازهلوه


ويوم ابعد وهو يروح غرب مشى

وهو يقول:

قالوا اسد مجنون انا؟

ومبسوط من الفرس تمشي على اقل من مهلها


مشى الرجال الى ان تعب وهو يشوف ذاك الشجرة الكبيرة

قال:

اريح هنا


المهم ربط الفرس وطلع هوه فوق الشجرة ونام


شويه الا والاسد محضر

الله لا يوريكم الشجرة هذي بالذات محل ما يتكي الاسد


أما الفرس من يوم ما شمت ريحة الاسد

وهي تحط رجولها وتعود لاهلها


والشيخ علي نايم في سابع نومه


نام الاسد

والشيخ علي ينقلب ويطيح على ظهر الاسد


وينفر الاسد

لكن الشيخ علي من كثر الخوف تمسك مضبوط

لانه عارف انه لوطاح انه بيروح فيها


ويحاول الاسد يطيحه يحاول

لكن الرجال متمسك مسكة خواف يعني متسمر فيه


ويحاول الاسد يطيحه يمين شمال

ما فيه فايدة الرجال مسمر

ولا هو ناوي يفكه


المهم وبينما الصراع

(صراع من اجل البقاء)

قائم بين الشيخ علي والاسد


القبيله هناك بعد ما رجعت الفرس

عرفوا ان الشيخ علي تعرض لمكروه


وهم ينفرون كلهم ويلحقونه

ويجون الا والله الشيخ علي متمسك بظهر الاسد

والا سد يحاول
يطيحه


ويجي واحد من القبيلة ويقتل الاسد

ويطيح الاسد ويموت

والشيخ علي متسمر فيه
ويجون عنده الا وهو زعلان مرررررررررة

قالوا الحمد لله على السلامة يا شيخ علي


قال :

الله لا يسلمكم


قالوا:

ليش


قال:

من اللي قتل الاسد


قام واحد وقال:

انا


قال:

الله لا يوفقك


قالوا لييييش؟؟؟؟؟؟؟؟؟؟؟؟؟؟؟


قال:

انا كنت قاعد اروضه ابغاه ركوبه لي وتجي تقتله حسبي الله عليكم


المهم اعتذروا منه وتسامحوا منه


والرجال يسامحهم وياخذونه

ويرجعون على القبيلة ويعشونه ويحتفلون به


الفارس العظيم مروض الاسود


المهم هو يفكر يقول :

راحت علي الفرس لانه عارف انه ما بينجح في اختبار الذكاء


لان ما فيه مجال للحظ في هذا الاختبار


جاء موعد الاختبار النهائي

اختبار الذكاء


المهم جابوا تنكة

وحطوا نصها عسل

والنص الثاني تكرمون

( بعر غنم )



وغطوها وقالوا :

يالله يا شيخ علي تقدر تقول لنا التنكة هذيك وش فيها

المهم الرجال قعد يفكر في وضعه لانه عارف انه ما راح يعرف


يفكر كيف الكرم اللي كان فيه والامجاد اللي عاشها اليومين

اللي راحت مع هذا القبيلة اللي نادوه باغلى اسم عنده

وهو الشيخ علي


فكر فكر وكيف بيكون وضعه بعد ما يروح من عندهم


وهو يتكلم مع نفسه


وهو يتزفر زفرات من قلبه

وبدون ما يحس طلع من لسانه

جزء من الشيء اللي يفكر فيه


قال :

( اللي أوله عسل آخره بعر )

كلهم صاحوا :

صح صح جبتها يا شيخ علي


وهم يحتفلون به

وهو ما يدري وش السالفة

الا بعد ما فتحوا التنكه


واخيرا تحقق حلم الشيخ علي


واصبح شيخ قبيلة

منقول من منتدى بيت الظفير www.aldhfer.com/vb
jordnt.com و ::تصاميم:: معجبون بهذا .
المشاهدات 794 | التعليقات 13
قديمة 22 - 06 - 2007, 04:09
المشاركة 2
ahmedesigner.com
:: عضـــو::
تاريخ الإنضمام: 21 - 06 - 2007
رقم العضوية : 38294
الدولة : مــكــة المكــرمـة
المشاركات: 110
افتراضي
مشكور وعقال ما تصير شيخ مثله هههههه
قديمة 22 - 06 - 2007, 04:24
المشاركة 3
تاريخ الإنضمام: 22 - 02 - 2007
رقم العضوية : 32726
الدولة : خليجنا واحد ..
العمر: 38
المشاركات: 2,718
افتراضي
خخخخخخخخ

قصة حلووة

مشكوور اخووي

تحياتي
قديمة 23 - 06 - 2007, 01:20
المشاركة 4
صورة 'ناصر الظفيري' الرمزية
ناصر الظفيري
:: عضو نشيط ::
تاريخ الإنضمام: 08 - 11 - 2005
رقم العضوية : 11716
الدولة : الكويت
المشاركات: 672
افتراضي
مشكور وعقال ما تصير شيخ مثله هههههه
الله يسمع منك ان شاءالله واصير شيخ
قديمة 23 - 06 - 2007, 01:21
المشاركة 5
صورة 'ناصر الظفيري' الرمزية
ناصر الظفيري
:: عضو نشيط ::
تاريخ الإنضمام: 08 - 11 - 2005
رقم العضوية : 11716
الدولة : الكويت
المشاركات: 672
افتراضي
خخخخخخخخ

قصة حلووة

مشكوور اخووي

تحياتي

العفو وحياك الله نورت الموضوع
قديمة 23 - 06 - 2007, 01:28
المشاركة 6
jordnt.com
تحت المجهر
تاريخ الإنضمام: 11 - 09 - 2006
رقم العضوية : 26178
الدولة : UaE & JoRdAn
المشاركات: 2,542
افتراضي
ههههههههههههههههههههههههه ه و الله قصة رائعه


في مثل يقول تيجي مع الهبل دبل .. ههههههههههه


مشكور اخوي و يعطيك العافيه
قديمة 23 - 06 - 2007, 01:57
المشاركة 7
صورة 'ناصر الظفيري' الرمزية
ناصر الظفيري
:: عضو نشيط ::
تاريخ الإنضمام: 08 - 11 - 2005
رقم العضوية : 11716
الدولة : الكويت
المشاركات: 672
افتراضي
ههههههههههههههههههههههههه ه و الله قصة رائعه


في مثل يقول تيجي مع الهبل دبل .. ههههههههههه


مشكور اخوي و يعطيك العافيه

ههههه عز الله انك صدقت

وبارك الله فيك على مرورك
قديمة 23 - 06 - 2007, 05:23
المشاركة 8
تاريخ الإنضمام: 23 - 03 - 2006
رقم العضوية : 23592
الدولة : ام الدنيا وام البلاد العربيه
المشاركات: 14,763
افتراضي
هههههههههههههههه تسلم
قديمة 23 - 06 - 2007, 07:41
المشاركة 9
صورة 'S a l m a n' الرمزية
S a l m a n
:: عضو نشيط ::
تاريخ الإنضمام: 28 - 07 - 2005
رقم العضوية : 6501
الدولة : ::+:SUDAN:+::
العمر: 31
المشاركات: 539
افتراضي
ههههههههههههههههههههههههه هههههههه

اللي اوله عسل اخره بعر

عز الله هذا شيخ بنتوم 4 حظه مافي أحلى منه ..

يسلموو أخوووي
.................................................. ......................
قديمة 23 - 06 - 2007, 12:55
المشاركة 10
صورة 'الشوقبي' الرمزية
الشوقبي
:: عضو نشيط ::
تاريخ الإنضمام: 22 - 12 - 2006
رقم العضوية : 30150
الدولة : الصين
العمر: 33
المشاركات: 1,570
افتراضي
هههههههههههههههههه

قصه حقيقه ماتنمل قريتها امكن 5 مرات

يعطيك العافيه
对于世界而言,你是一个人;但对于某个人,你是他的整个世界
قديمة 23 - 06 - 2007, 13:19
المشاركة 11
صورة '::تصاميم::' الرمزية
::تصاميم::
:: عضو نشيط ::
تاريخ الإنضمام: 30 - 09 - 2005
رقم العضوية : 9238
الدولة : ..::ksa::...
المشاركات: 4,968
افتراضي
هههههه
والله قصة راائع سلمت يدينك يا الغلا
مجمـــوعـــة ابـــداع التـصامــيم
W W W . T 9 A M I M . N E T
لطلب تصميم اضغط هنا لـ اضافتي
T9amim In Twitter
قديمة 23 - 06 - 2007, 13:40
المشاركة 12
صورة 'wanasa' الرمزية
wanasa
:: عضو نشيط ::
تاريخ الإنضمام: 20 - 04 - 2007
رقم العضوية : 34235
الدولة : الرياض
المشاركات: 3,607
افتراضي
هههههه


اجل مروض الاسود

لاهنت ع القصه
قديمة 23 - 06 - 2007, 16:29
المشاركة 13
الشـمري
:: عضو نشيط ::
تاريخ الإنضمام: 22 - 09 - 2006
رقم العضوية : 26597
المشاركات: 5,326
افتراضي
<< قاعد يفكر بالشيخه يعطيك العافيه يالغلا هههههههههههههه


كيف ابكي على شيء اذا ذهب .. ونفسي التي تملك الاشياء ذاهبه

راسلني من هنا
قديمة 26 - 06 - 2007, 02:25
المشاركة 14
صورة 'ناصر الظفيري' الرمزية
ناصر الظفيري
:: عضو نشيط ::
تاريخ الإنضمام: 08 - 11 - 2005
رقم العضوية : 11716
الدولة : الكويت
المشاركات: 672
افتراضي
حللتم اهلا ووطئتم سهلا .. اشكركم على المرور
 
اضافة رد
 

أغـرب مـواقع الانتـرنت ..... عاجل صور تقديم تيري هنري (( حق اللي مومصدقني ))

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 02:46.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.