حد يقترح افكار مشاريع صغيره

افتحلك سوبر ماركت مشروع محترم

للأسف مش هينفع لأن المبلغ مش هيكفى انى ادفع الايجار وادفع رواتب للعمال والمبلغ اصلاً ميكملش انى اجيب بضاعه كبيره

بس بالمناسبه انا عندى شقه تمليك بس دور ثالث بعد الأرضى مش عارف ممكن تنفع فى المشاريع المقترحه ولا لأ بحيث انها ممكن تبقى مخزن او حاجه معينه تساعد فى المشروع واهى توفر موضوع الايجار مثلاً لو نفعت فى اى مشروع


حد عنده اقتراحات تانيه ؟

اولا السوبر ماركت ممكن بتدئ بمكان وبضائع المطلوبه على قدك

احسن شئ شوف المطلوب بالمنطقه حضرتك وتعملها لان بتفرق من مكان لمكان

بص ياباشا عشان تفتح مشروع لازم تشوف المنطقة او المكان بتاعك ناقصة وطبعا مفيش منطقة فى مصر مفيهاش حاجة مش مفتوحة

دور على الحااجة الى انت فاهمها الاول او المجال الى حابه ومش بس كدة المجال او الفكرة الى هتقدر تكبرها فى المستقبل بعد كدة

خلى بالك من حاجة الى بيبدا صغير بيجيلة يوم ويكبر بس مع الصبر يعنى هتصرف ع المشروع من جيبك فى البداية وهتكبره بافكارك ومجهودك

ومتفكرش ال5 او 10 الاف دول شوية بالعكس انت معاك كنز وهتقدر تظبط دنيتك باذن الله

اما عن المشاريع انا ممكن اقترح عليك كتير جدا مثال بسيط هقلك اى حاجة فى اكل هتكسب اكتر الناس بتعمل عربية نظيفة محترمة وتجيب شوية حاجات زى برجر والبانيه وسدق وتنوع فى الاكل للمعلومة اشهر المطاعم المصريه والعالمية صاحبها بدا بعربية صغيرة بس فى الاخر ممكن يكون انت ملكش فى الموضوع ده

الخلاصة عشان كدة لازم الاول تشوف انت حابب اية منطقتك محتاجة اية اية الى انت فاهم فيه وهكذا

معلش ع الكلام الكتير وارجو انك تستفاد من كلامى وربنا يوفقك

مانا قولت السوبر ماركت هتبقى مشكله علشان موضوع تأجير مكان انا عايز استبعد فكرة انى اأجر وادفع ايجار شهرى لأن كده مش هيبقى معايا التكلفه بتاعت الايجار انما زى ما ذكرت ان عندى شقه فى دور 3 ممكن تنفع فى فكره من ضمن الافكار مثلاً

وللأسف يعنى انا مش شرط افتح محل عندنا فى المنطقه

يعنى ممكن اشتغل وابيع اون لاين واعمل موقع زى سوق دوت كوم مثلاً

هو اول حاجه انا مش عايز اضيق الافكار بأن فكرة المشروع تبقى فى المنطفه مثلاً اللى انا ساكن فيها ومش شرط مثلاً انى افتح محل
وانا معاك جداً ان اللى بيبتدى صغير بيكبر

وبالنسبه لموضوع انى اعمل عربيه اكل مثلاً فأنا استبعدها شويه علشان المشاكل القانونيه والمضايقات اللى ممكن تحصل عليها مثلاً وان الشرطه كل شويه هتدايقنى

انا عايز افكار مثلاً مقدر لها انها تكبر وممكن بعد كده افتح شركة وورق قانونى وكل حاجه قانونى وتبقى شركة كبيره ان شاء الله فيما بعد

يبقا ملابس افضل نشاط لو اون لاين

طب عندك فكره عن مشروع الملابس ده وانى اجبها بالجمله منين والتكلفه كام والكلام ده ؟

لو محتاج شغل ترنج رجالة مش مستورد قد كدا شغل مايل للشعبى شويا عندنا المصانع
لو محتاج ملابس مستورده والشغل ميه ميه بس مش هيكون عليه سحب قد كدا بسبب الحال الاقتصادى شوف شركه تجبلك من الصين
والخ المجال واسع وكبير بس انتا لازم يكون عندك شويا خلفيه
ابحث الاول وشوف المجال وهتلاقى طلبك

لو محتاج شغل ترنج مايل للشعبى او تنفيذ موديل معين ممكن انفذلك كل دا وابعتهولك شحن بس لازم اقل كميه 1000 قطعه دا لو اقل شئ

والله عندى فكره حلوه ممكن تنفذها فى شقتك
وهى انك تعمل الرنجه او السدين (فاطر رنجه النهرده ومنهنا جتنى الفكره ههه)
وبعد ما تعملها فى شقتك حتوزعها على المحلات والسوبر مركت وانشاء الله تكبر معاك بالتدريج وبعدين ممكن تفتح مصنع وشركه
وفره تنيه شبيهه بالرينجه وسوقها كبير ومطلوبه هى الجبنه اللى بيعملو بيها البتزا (مش فاكر اسمها الصراحه ههه) مطلوبه فى المطاعم وايضا الجبنه الرومى
وعجبتنى ايضا فكره الاخ elmahallawy انك تعمل متجر على الانترنت وتستورد بضاعه من الصين وكده
والله يرزقك ويبارك لك ان شاء الله

وعليكم السلام ورحمة الله
الاخ mianold
سيتم التواصل معك علي الفيس بوك بخصوص المتجر الالكتروني عندي افكار رهيبة
التجارة الالكترونية الان اصبح لها نصيب اكبر في التجارة حول العالم وهو فكرة ناجحة اذا نفذت بطريقة صحيحة وآمنة علي المستخدم
وتستطيع تخطي مبيعات سوق دوت كوم في يوم من الايام اذا كان عندك الاصرار والرغبة في النجاح
مع العلم ساحدثك عن طريقة لن تحتاج فيها الي شحن او تخزين بضائع والمخاطرة بذلك وهي طريقة التحضير عند طلب الزبون فقط من اكتر من وسيط
وهي آمنة كبداية حيث لن يتبقي عندك فائض في البضاعة او بضائع تالفة مثلا حتي يتوسع النشاط
انا مصري مقيم في السعودية من 5 سنوات ورابط حسابي
https://www.facebook.com/profile.php?id=100005346677829
سارسل لك اضافة ونتحدث عن الموضوع
مع تمنياتي بالتوفيق لك ان شاءالله

للرفع