×

تجربتى فى الشراء من شركة egyptlaptop بمصر

تجربتى فى الشراء من شركة egyptlaptop بمصر و تحذير للمشتريين منها ألسلام عليكم اسم الشركة : ايجيبت لاب توب الفرع: سنتر البستان - التحرير -
Like Tree7معجبون
  • 4 أضيفت بواسطة hossamcv
  • 1 أضيفت بواسطة Khaled el-behery
  • 2 أضيفت بواسطة hossamcv

صورة 'hossamcv' الرمزية
قديمة 07 - 12 - 2014, 11:32
المشاركة 1
تجربتى فى الشراء من شركة egyptlaptop بمصر و تحذير للمشتريين منها


ألسلام عليكم
اسم الشركة : ايجيبت لاب توب
الفرع: سنتر البستان - التحرير - القاهرة
egyptlaptop

طبعا انا بكتب التجربة دة بما ان شكلى كدة خت مقلب فى جهازى الجديد
المهم
يوم 25 نوفمبر اشتريت لاب توشيبا C50-A538 من شركة ايجيب لاب توب فرع البستان و عايز اقول ان الفرع دة اتعملت معه قبل كدة و كان 10/10 فى كل شئ
نيجى لبداية المشكلة او المشاكل اللى حصلت .

دخلت الفرع و اخترت من ورقة العروض لاب و بعدين قلت للموظف عايز لاب دة السعر هيكون كم قالى زى ما مكتوب فى الورقة و كان 3555 جنية
وبعدين انا عارف ان الورقة بيكون مكتوب فيها اسعار اعلى و بيبقة فى كدة كدة خصم بحكم تجربتى قبل كدة

المهم وقفت فكرت شوية و لم لقنى همشى زميلوا اللى جنبوا قالوا فى ودنوا 3400 جنية المهم قلت له ماشى هشتريه
دخلت على الخزنة دفعت و استلمت لاب وكالمعتاد المفروض اروح للفنى ينزلى الويندوز و كان فى الدور اللى فوق الفرع على ما اتذكر

المهم سالت قلى لاء دة فى نفس المحل ... روحت للفنى اللى هيسطب الويندوز قالى ادفع 50 جنية ... بقولوا ليه ؟
قالى عشان تطسيب الويندوز ... قلتله طيب هات التعريفات على فلاشه وانا هسطب بمعرفتى ويندوز
قالى لاء لازم عندنا الاول ... المهم حسيت ان اتورطت خلاص و دفعت 50 جنية
فبقولوا مش المفروض الويندوز دة فرى .. قالى انا بعملك حاجة اورجينال ... قلتله ااااااااااااااه .. طيب كمل كمل .

بس و خت لاب و مشيت على كدة

الجزء التانى من المشكلة :
روحت بالاب و سبتها و فتحت لاب القديم عليه كل الشغل و قلت انقل الملفات بقة و شغلى
لاقيت ان عايز يوم كامل نقل بالفلاشه عشان انقل 250 جيجا . المهم قلت اجيب هارد يو اس بى احسن انقل بيه و اهو ينفع بردة ..
نزلت بعديها بكم يوم جبت الهارد بس من محل تانى خلاص غير ايجيبت لاب توب و روحت البيت بدات عملية النقل خدت منى يومين تقريبا ..
فتحت لاب الجديد و حطيت الهارد و بدات انقل عليه و بشيك بقة على الشغل و المتصفح و بركز فى الشاشة لقيت بقعتين بيضاء ...

قلت ايه دة ... جبت منديل و مسحت الشاشه كويس البقعتين لسه موجودين قلت يمكن عينى مزغلله من كتر الشغل بعت جبت اللى قاعدين فى البيت و الكل قال فعلا فيه بقع اضاءة فى الشاشة متخليش اللى بيقراء شئ يركز و ملفته للنظر ...

المهم خت الجهاز زى ما هو بكل حاجاته و قلت اروح الشركة ارجعه .... دخلت استقبلنى واحد وجه بشوش و قلت له على المشكلة فتح لاب و بص لمين و شمال قالى مفهوش حاجة
.. روحت ماسك انا لاب و وضحتله و شافها و عرف ان فى مشكلة .. ومع ذلك قالى روح الضمان بتاع توشيبا و هات ورقة منهم ان نرجعلك الجهاز وانا ارجعهولك ..
قلتله يعنى انت شفت العيب اللى فى الشاشه و عشان انت متاكد انه عيب بتقولى روح الضمان و تلففنى لحد ما فترة ال 14 يوم تخلص ؟؟؟؟؟؟؟؟؟

المهم قالى طيب الصيانه مش موجودين تعال يوم السبت اللى جى و يشوفها يا تروح يوم الاحد على الضمان ..
المهم سبتوا و مشيت و قلت اروح اعمل محضر فى قسم قصر النيل عشان اثبت حالة و ميضعش على فترة ال 14 يوم, و يرجعوا يقولولى ما ال 14 يوم خلصوا منقدرش نعملك حاجة ...

و ان شاء الله يوم السبت بردة هقدم شكوى مباشرة الى حماية المستهلك لان دة مش مشكلة واحدة دول 3 مشاكل
1- كان ممكن يبعوا لاب على السعر الاعلى قبل ما يقول السعر المخفض .
2- ال 50 جنية اللى خده الموظف بدون اى وجه حق عشان الويندوز
3- عيب صنعه و مش عايزين يرجعوا لاب زى ما يكون بيتخلصوا منه بالعافيه.

انا حبيت احكى لكم بس عشان الناس تاخد بالها و تعرف تشترى منين بالظبط و تتعامل مع مين ... لان انا دمى محروق بسببهم جدا وخلاص قرفت من لاب و ركنته و حتى لو بدلته مش هبقة مستريح كمان بسبب المواقف اللى كرهتنى فى توشيبا نفسها كمان


*** و حسب الله و نعمة الوكيل ***



تحديث اليوم ( السبت ) 6-12-2014

ذهبت الى سنتر البستان كما قال لى البائع يوم الخميس و دخلت الى الصيانه و معى لاب توب ثم وجهنى موظف الريسبشن الى المهندس ايهاب مسئول الصيانه او مدير الصيانه
وبعد فحص لاب توب لم ينظر الى العيب التصنيع به ولكن نظر الى الجهاز من الخارج بحث عن اى خدوش او كسور و للحظ الجهاز به على الظهر بعض الخدوش البسيطة و التى لم ارها لانه لم يستخدم و عندما تحدثة معه عن طبيعية الخدوش و قلت له مش معقول استخدم ساعه واحدة او يوم كامل مثلا يحدث به هذا الخدوش , كان اولى ان الخدوش تحدث فى الشاشة او الكيبورد ... ثم قال لا استطيع ارجع لاب توب الينا بهذة الخدوش و هذة سياسة الشركة .... من هنا فهمت ان الموضوع كلوا ان لاب مش هيرجع يعنى مش هيرجع ...
وبعد ذلك قالى ممكن ندخلوا صيانه و نبعته للتوكيل و يحل لك العيب اللى فيه وانا قلت له ماشى دخلوا التوكيل عن طريقكم
و ذلك اثبت اخر انه لم يمر فترة الاسترجاع اللى هى 14 يوم و تركت لهم الجهاز و اخت الكرتونة و المتعلفات و البطارية و ايصال استلام الجهاز ..

ثم سألت عن المسئول عن الشركة فى هذا الفرع قالوا المدير اسمه ا/ سعيد الهضيبى لكن لم يكن متواجد ثم اخذت رقمه و حاولت الاتصال به كان تليفونه المحمول مغلق

الان الجهاز لديهم كم يقول سوف يرسله الى توكيل توشيبا وانا بما انى حصل كل دة معى فهذة الشركة قرارت الاتى :
1- سوف اقدم شكوى فى حماية المستهلك وسوف اتابع معهم يوميا
2- عمل محضر اخر فى النيابة العامه هذة المرة .
وتم عمل محضر فى حماية المستهلك
3- تقديم شكوى فى شركة توشيبا الام و شركة توشيبا مصر
4- سوف اترك لهم هذا الاب توب ولان اذهب حتى للاستفسار
5- نشر هذة التجربة فى كل المنتديات التقنية للحظر من تلعب مثل هذة الشركات
6- هنزل ان شاء الله غدا اشترى لاب اخر من شركة او محل لا يحدث فيه مثلا هذة الامور
7- عوضنا على الله

ولكن لدى تعليق بسيط وهو ان شركة مثل ايجبت لاب توب بهذة المشاكل يقوم بالاساءة الى ماركة كبيرة مثل توشيبا .

فى النهاية بعض النصائح العامة

1- عند الشراء لا تستمع الى كلام البائع اذا قل هذا افضل او هذا اعلى
2- راجع على لاب توب مللى مللى و اذا به خربوش لا يقارن لا تأخذ الجهاز
3- شيك على شاشة الجهاز و يكون معك فلاشه به صور على الوضوع من اللون الابيض و الاسود و الاحمر و تكبر الصورة بحجم الشاشة و تنظر جيدة لكل مللى فى الشاشه و اذا وجدت اى شئ لا تستريح له غير الجهاز فورا
4- بعد استلم الفاتورة تاكد من وجود فترة 14 يوم استرجاع حتى اذا لم يكن الجهاز به شئ لان بعض الاجهاز تسخن بصورة رهيبه و اذا ذهب للبائع او الشركة يقولك دة شئ طبيعى
5- اختار شركة او محل يكون له سمعه طيبة و لا يوجد به مشاكل نهائيا
6- حاول انك تخد الجهاز اللى ليه ضمان محلى عشان متتعبش مع الشركة فيما بعد لقدر الله
7- اذا طلب منك البائع اى فلوس مقابل تسطيب الويندوز لا تأخذ لجهاز و لا تعطيه فلوس مقابل شئ اساى مع الجهاز
8- حاول بالقدر المستطاع ان تشترى من مكان ليس لديه فرز تانى او تالت او يبع مرتجعات مرة اخرى
9- ان شاء الله ما حد يحصل معه نفس مشكلتى
uae user, شباب مؤمن, شلات و 1 آخرون معجبون بهذا.
  • إسم الشركة : ايجى بنك
  • صاحب الشركة : أ/ حسام سيد على
  • خدمات الشركة :بيع, شراء, جميع البنوك الالكترونية - دفع فواتير - ايداع شركات - خدمات الجوال - وكيل بيرفكت مونى - وكيل ايجو باى - وسيط مالى فى منتديات اخرى.
  • مقر الشركة : مصر - القاهرة -السيدة زينب
  • هاتف الشركة : 01006441056 - 00201006441056
  • بريد الشركة : [email protected]
  • روابط الشركة : WWW.EGYBANK.COM
المشاهدات 1002 | التعليقات 7
قديمة 07 - 12 - 2014, 13:59
المشاركة 2
صورة 'Khaled el-behery' الرمزية
Khaled el-behery
:: عضو نشيط ::
تاريخ الإنضمام: 19 - 02 - 2010
رقم العضوية : 78665
الدولة : milky way solar system earth planet
المشاركات: 2,976
211
افتراضي رد : تجربتى فى الشراء من شركة egyptlaptop بمصر
قريت فقرتين من الكلام
بس الكلام كتير جدا جدا
كنت اختصر
شلات معجب بهذا.
قديمة 08 - 12 - 2014, 01:05
المشاركة 3
صورة 'uae user' الرمزية
uae user
.:: عضو متألق ::.
تاريخ الإنضمام: 16 - 07 - 2009
رقم العضوية : 68215
الدولة : الامارات
العمر: 49
المشاركات: 6,902
85
افتراضي رد : تجربتى فى الشراء من شركة egyptlaptop بمصر
++ عليك السلام ورحمة الله وبركاته


++ ماشاء الله انت ذاكر كل التفاصيل هنا


++ أنا قريت المقال كامل وحاسس فيك، والله يعينك ابصراحه أبتلشت ويا هذا المحل !


++ شركة توشيبا مالها علاقة بالسالفه ههههه هدي اعصابك


++ حاول تطبق اللي ناوي عليه، وان شاء الله توصل لنتيجة مرضيه معاهم


++ أقترح عليك اذا ماقدرت توصل لنتيجة مرضية صلح الشاشة يمكن تكلفك مابين 100-300 جنيه ، عالاقل أحسن من شراء جهاز جديد


++ بالنهاية محد يتعلم ببلاش


++ معوض خير ان شاء الله
+ سلام عليكم ورحمة الله وبركاته

++ للتواصل من هنا فقط[/B]


منتديات الطريق إلى الله
قديمة 08 - 12 - 2014, 08:34
المشاركة 4
صورة 'شلات' الرمزية
شلات
:: عضو نشيط ::
تاريخ الإنضمام: 16 - 11 - 2005
رقم العضوية : 12233
الدولة : الجنة مكانهم مش هنا
العمر: 40
المشاركات: 4,263
73
افتراضي رد : تجربتى فى الشراء من شركة egyptlaptop بمصر
قريت فقرتين من الكلام
بس الكلام كتير جدا جدا
كنت اختصر
هذه تجربة شراء بآلاف الجنيهات
ويجب عليه ذكر كافة التفاصيل ليتعلم غيره ونستفيد جميعاً


أخي صاحب الموضوع
طمنا على اللي حصل
انتهى الموضوع على إيه

هل عملت محضر في القسم لإثبات الحالة
ولا اكتفيت ببلاغ حماية المستهلك
+ لا أنصحك بشراء جهاز آخر الآن حتى تنتهي من هذه المشكلة

هذه النقطة لم أفهمها
اقتباس
4- سوف اترك لهم هذا الاب توب ولان اذهب حتى للاستفسار
سبحان الله وبحمده سبحان الله العظيم
أسألكم الدعاء لأبي رحمة الله عليه
قديمة 08 - 12 - 2014, 09:08
المشاركة 5
صورة 'حسام القاضي' الرمزية
حسام القاضي
:: عضو نشيط ::
تاريخ الإنضمام: 31 - 10 - 2012
رقم العضوية : 168362
الدولة : في مصر
العمر: 21
المشاركات: 781
21
افتراضي رد : تجربتى فى الشراء من شركة egyptlaptop بمصر
قرات كلامك كلو
ربنا يعوضك

الواحد لازم يفكر قبل ما يشتري حاجه بالثمن ده
أنا عربي
WWW.RFERARB.COM


وسائل التواصل /
قديمة 08 - 12 - 2014, 11:07
المشاركة 6
صورة 'hossamcv' الرمزية
hossamcv
:: عضو فعال ::
تاريخ الإنضمام: 21 - 06 - 2011
رقم العضوية : 97641
الدولة : مصر
العمر: 38
المشاركات: 173
افتراضي رد : تجربتى فى الشراء من شركة egyptlaptop بمصر
قريت فقرتين من الكلام
بس الكلام كتير جدا جدا
كنت اختصر
التجربة كامل للاستفادة حتى لا يقع احد فى مثل هذا الموقف وانا لم اكتب الموضوع لمجرد التشهير بالشركة لتبيه الناس اللى هتشترى من اى محل او اى شركة كيف يمكن التلاعب فى مثل هذة الامور .

++ عليك السلام ورحمة الله وبركاته


++ ماشاء الله انت ذاكر كل التفاصيل هنا


++ أنا قريت المقال كامل وحاسس فيك، والله يعينك ابصراحه أبتلشت ويا هذا المحل !


++ شركة توشيبا مالها علاقة بالسالفه ههههه هدي اعصابك


++ حاول تطبق اللي ناوي عليه، وان شاء الله توصل لنتيجة مرضيه معاهم


++ أقترح عليك اذا ماقدرت توصل لنتيجة مرضية صلح الشاشة يمكن تكلفك مابين 100-300 جنيه ، عالاقل أحسن من شراء جهاز جديد


++ بالنهاية محد يتعلم ببلاش


++ معوض خير ان شاء الله
المفروض فى 14 يوم استرجاع اى شركة كبيرة و محترمة او حتى محل صغيرة بيرجع المنتج فى الفترة دة . لكن ادخل منتج صيانه و هو لسه جديد دة اللى صعبه جدا .

فعلا انا ما قلت ان توشيبا له علاقة .. انا البيت عندى كلوا اجهزة توشيبا من تلفزيون الى سخان الى مكوة و حبيت اكمل المجموعه و يبقة لاب توب كمان ..

بس الشركة اللى تعاملت معه كرهتنى ان اجيب توشيبا ..


هذه تجربة شراء بآلاف الجنيهات
ويجب عليه ذكر كافة التفاصيل ليتعلم غيره ونستفيد جميعاً


أخي صاحب الموضوع
طمنا على اللي حصل
انتهى الموضوع على إيه

هل عملت محضر في القسم لإثبات الحالة
ولا اكتفيت ببلاغ حماية المستهلك
+ لا أنصحك بشراء جهاز آخر الآن حتى تنتهي من هذه المشكلة

هذه النقطة لم أفهمها
( 4- سوف اترك لهم هذا الاب توب ولان اذهب حتى للاستفسار) يبمعنى ان تركت لهم الجهاز كما قالوا للارساله الى توكيل صيانه توشيبا و معنى ذلك ان هستلم ايصال به التاريخ يعنى كدة معى اثبت اخر ان تم تسليم الجهاز مع ذكر العيوب قبل انتهاء ال 14 يوم .

بالفعل ذكرت ادق التفاصيل حتى لا يفع اى شخص اخر .. و للعلم بالشئ فى ناس بتسكت لكن احنا ما نسكت ابدا عن الحق

نعم عملت محضر دة كان اول شئ
تانى شئ نزلت اشتريت لاب توب اخر
تالت شئ عملت محضر فى حماية المستهلك
رابع شئ عملت شكوى فى شركة توشيبا بم ان الشركة اللى اشتريت منه معه توكيل من توشيبا
خامس شئ ان شاء الله محضر فى النيابة بعد ما تحقق حماية المستهلك
سادس شئ انا رافض اى حل ودى معهم بسبب اللى شوفته من يوم الشراء , لان انا عارف السناريو اللى هيحصل

- هيتصل بى مدير الشركة و هيقول احنا اسفين على اللى حصل .... الخ و اتفضل عندنا و قولنا طلباتك و اعتبرها منفذة .. واحنا هنتصرف مع الموظفين .. بس امسح كل المواضيع اللى نشرتها عننا .
وهى فى الاساس كل اللى حصل 100% تعليمات من المديريين لشركة فأن هتعمل معهم بكل حزم للنهاية و ما هتفرق خسارة نهائى معى

قرات كلامك كلو
ربنا يعوضك

الواحد لازم يفكر قبل ما يشتري حاجه بالثمن ده
الله يخليك و خلى بالك بقة و انت بتشترى
uae user و شلات معجبون بهذا .
  • إسم الشركة : ايجى بنك
  • صاحب الشركة : أ/ حسام سيد على
  • خدمات الشركة :بيع, شراء, جميع البنوك الالكترونية - دفع فواتير - ايداع شركات - خدمات الجوال - وكيل بيرفكت مونى - وكيل ايجو باى - وسيط مالى فى منتديات اخرى.
  • مقر الشركة : مصر - القاهرة -السيدة زينب
  • هاتف الشركة : 01006441056 - 00201006441056
  • بريد الشركة : [email protected]
  • روابط الشركة : WWW.EGYBANK.COM
قديمة 22 - 02 - 2015, 18:27
المشاركة 7
صورة 'hossamcv' الرمزية
hossamcv
:: عضو فعال ::
تاريخ الإنضمام: 21 - 06 - 2011
رقم العضوية : 97641
الدولة : مصر
العمر: 38
المشاركات: 173
افتراضي رد : تجربتى فى الشراء من شركة egyptlaptop بمصر
مازالت المشكلة قائمة و مازالت فى انتظار جهاز حماية المستهلك للانتهاء من الاجرائات القانونية ثم بعد ذلك تحويل الشركة الى النيابة .
  • إسم الشركة : ايجى بنك
  • صاحب الشركة : أ/ حسام سيد على
  • خدمات الشركة :بيع, شراء, جميع البنوك الالكترونية - دفع فواتير - ايداع شركات - خدمات الجوال - وكيل بيرفكت مونى - وكيل ايجو باى - وسيط مالى فى منتديات اخرى.
  • مقر الشركة : مصر - القاهرة -السيدة زينب
  • هاتف الشركة : 01006441056 - 00201006441056
  • بريد الشركة : [email protected]
  • روابط الشركة : WWW.EGYBANK.COM
قديمة 22 - 02 - 2015, 20:33
المشاركة 8
صورة 'SAFQA.NET' الرمزية
SAFQA.NET
.:: عضو متألق ::.
تاريخ الإنضمام: 17 - 10 - 2004
رقم العضوية : 157
المشاركات: 10,299
8
افتراضي رد : تجربتى فى الشراء من شركة egyptlaptop بمصر
موقع لابتوب ايجيبت ماشترتش منه قبل كدا بس كنت بسمع عنهم انهم كويسين بس دا كان في بداية افتتاحهم دلوقتي ممكن الشركة بقت كحال الشركات الاخري بقت انتهازية ولسه هنسمع عنهم كمان وكمان وفيه غيرك هيقع في نفس الامر ... الله يعينك
  • إسم الشركة: مؤسسة صفقة نت لخدمات وإستضافة المواقع
  • صاحب الشركة: أحمد سمير
  • خدمات الشركة: استضافة مواقع - تصميم مواقع - دعم فني - ترخيص منتديات وسكربتات
  • مقر الشركة : مصر
  • هاتف الشركة : من داخل مصر : 01020063586 | من خارج مصر : +201020063586
  • بريد المبيعات : [email protected]
  • روابط الشركة : الرئيسية - صفقة نت
 
اضافة رد
 

أبحث عن سكريبت تنسيق التدوينات لبلوجر تنصحوني اشتري لابتوب ولا هاتف

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 17:55.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.