الركن العام للمواضيع العامة : :: [يمنع] منعاً باتاً كتابة أي مواضيع هابطه أو ترفيهيه أو التشهير بأي موقع أو صاحبه أو ذكر نوع من أنواع الإختراقات .

فضفضه

صورة 'tectec' الرمزية
tectec
:: عضو نشيط ::
تاريخ الإنضمام: 21 - 04 - 2008
رقم العضوية : 57270
الدولة : home/techno/public_html
المشاركات: 4,285
الإجابات المقدمة: 1
قديمة 01 - 03 - 2010, 17:09
المشاركة 1
نشاط tectec
  • قوة السمعة : 1058
  • الإعجاب: 73
    افتراضي فضفضه
    فضفضه


    أكثر الأشياء اللي تضيق صدري و تجيب لي االقلق و تخلي الدنيا مقفله معي
    .. هي المقارنة بين مجتمعنا و مجتمع ثاني ..

    من جد و الله يا جماعة !!
    (( اقـول الله مـن خـفة الدم .. كمـل بس )) ..!
    .
    .
    .
    [ 1 ]

    عندك مثلا نفسيات بعض الناس .. تدخل عليه تلقاه و نفسه في طرف خشمه .
    تبادره بالسلام يا لله يرد عليك .. كنك تشحذه سلام ، زين بعد إذا ما قال الله يعطينا و يعطيك
    أما إذا صار له عندك حاجة جاك يضحك من بعد كيلو
    و يقعد يدعي لك بالخير ساعة .. يعني عالم مصلحجية !!
    .
    .
    .
    [ 2 ]

    تقعد مع أخوياك في البر إذا جا الربيع ، و تقعد على الثيل و أعصابك عال العال ..
    وإذا شفت عصفور و قلت لهم ياسلاااام يازين منظر العصافير و السما الصافية فعلا تمازج رائع
    قالو لك بلا هبال عطنا الساكتون خل نرجده ..
    و تلقاهم مطامر يوم كامل ورا عصفور كبر أصبعي الصغير و إذا حالفهم الحظ و صادوه
    شبولك نار كبر بليس ثمن شووه .. ثمن يطبون عليه عشرين واحد
    و أخر شي إذا فصفصوا عظامه قالوا لك ياشين لحمته شيناه !!
    .
    .
    .
    [ 3 ]

    تطلع من المسجد تلقا شايبين يأكلونك بعيونهم ..
    تمر من جنبهم وتسلم .. مايردون لك و يستمرون في يطالعون فيك .. تمشي و تخليهم
    لكن واحد منهم يقول لك يا ولد .؟!
    تقوله سم يا عم .. يقول مهوب أنت ولد فلان بن فلان .
    تقوله لا .. يقولك إلا نفس الشكل .. تاخذه على قد عقله و تقوله طيب أنا ولده
    ينقز لك الثاني و يقول بلا كذب فلان بن فلان ما يجيه عيال !!
    .
    .
    .
    [ 4 ]

    تروح للسوق أنت و أمك .. تغفل عنها خمس دقايق ثمن ترجع لها
    تلقا بزر ما تقدر تشوفه إلا بمكبر قاعدن يغازل أمك .. ودك تجلده
    لكنك تخاف تمسكه و يتكسر في يدك
    فتقوله عيب يا بابا اللي تسويه .. فيقولك : ألعب غيرها ، أنا حاجز البنت قبلك !!
    تسطره و تلزقه في الجدار ويصير عاقل من ملاحق الحريم و يحول على ملاحق لبناني كبر أبوه !!!
    .
    .
    .
    [ 5 ]



    ترجع لبيتكم في عز الليول تافلن العافية ، تدور الفراش دورة
    تدخل غرفتك تلقى اطفال أخواتك متسدحين على سريرك و نايمين
    تجي تبي تنطلهم برا غرفتك .. تطلع لك أمك من بين الظلام و تقولك "
    وجع ماعندك قلب ، خلهم ينامون في سريرك الجدا و الله ذا الليلة " تقولها " و أنا وين أنام فيه !!
    تقول " هين أنت كبير رح نم في الملحق
    تروح تنام في الملحق و ما يجي عقب ثلاث ساعات إلا و بزارين أختك يتناقزون فوق ظهرك
    تقوم تجلدهم .. تطلع لك أمهم و تقول " هو وش فيك عليهم
    تقولها ذبحوني ما خلوني أنام .. تقولك مالهم دخل المساكين أنا اللي قايلة
    لهم يقومونك من النوم عشان توديني لبيتي !!
    عاد وقتها ودك تجلد أمهم بكبرها !!
    .
    .
    .
    [ 6 ]

    تفتح التلفزيون يطلع لك برنامج عن المدارس
    و يقولك أن طلاب مدرسة في فرنسا تمكنوا من إعادة تركيب مسبار مصغر
    و طلاب في مدرسة كندية تمكنوا من استخلاص الكلور من ملح الطعام ..
    و طلاب في مدرسة بلجيكية تمكنوا من تقييم مستوى التلوث في بروكسل
    و طلعوا بنتايج قريبة من اللي توصلت لها وزارة البيئة عندهم ..
    و عقبها أقعد أفكر يومنا في المدرسة وش أزين تجربة سويناها !؟!
    و أطلع بنتيجة أننا ما سوينا إلا تجربة وحده وهي أن الموية في علبة زبادي إذا صبيتها في إناء مسطح تطلع نفس الحجم !!
    و اللي قاهرني أننا يالله فهمنا ذا التجربة !!!

    المصدر: منتديات تكنو فور كوم || TECHNO4COM FORUMS
    صح لسآنك ياولد ديرتي

    http://www.youtube.com/watch?v=vNF_hVAZfu4

    تكنو فور كوم & عشقانه

    دومينات للبيع :
    قديمة 01 - 03 - 2010, 17:29
    المشاركة 2
    صورة 'd7e100' الرمزية
    d7e100
    :: عضو نشيط ::
    تاريخ الإنضمام: 21 - 04 - 2007
    رقم العضوية : 34324
    الدولة : قصيمك نديمك ولو طال تنسيمك
    المشاركات: 737
    افتراضي
    اهنيك على موضوعه

    وخاصة اللي نام بالملحق خخخخخخخخ
    الصراحة رحمته
    ^
    ^^^
    ^^^^^
    ^^^^^^^
    ^^^^^^^^^
    |||
    |||
    |||
    |||
    |||
    قديمة 01 - 03 - 2010, 17:37
    المشاركة 3
    صورة 'F E D U O' الرمزية
    F E D U O
    :: عضو نشيط ::
    تاريخ الإنضمام: 02 - 03 - 2006
    رقم العضوية : 21836
    الدولة : IN my Room
    المشاركات: 2,599
    افتراضي
    ههههههههههههههههههههه

    والله رهيبه خآصه المسجد



    قال الله تعالى: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56].
    اضافة رد
    العلامات المرجعية

    فضفضه


    فيديو تقشعر له الابدان .. الاقصى يناديكم .. ادخل لترى بعينك أرنبة تلد فيلا صغيرا ,. بالصور

    أدوات الموضوع
    طرق العرض



    الساعة معتمدة بتوقيت جرينتش +3 . الساعة الآن : 05:38.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2015
    • 00966138651070
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2017, Jelsoft Enterprises Ltd
    SEO by vBSEO ©2011, Crawlability, Inc.