الركن العام للمواضيع العامة : :: [يمنع] منعاً باتاً كتابة أي مواضيع هابطه أو ترفيهيه أو التشهير بأي موقع أو صاحبه أو ذكر نوع من أنواع الإختراقات .

موضوع جاد اتمنى الرد من الجميع ...!

دعم نت
:: عضو فعال ::
تاريخ الإنضمام: 15 - 10 - 2009
رقم العضوية : 71693
الدولة : السعودية
المشاركات: 170
  • أرسل رسالة بواسطة MSN إلى دعم نت
قديمة 08 - 02 - 2010, 18:11
المشاركة 1
نشاط دعم نت
  • قوة السمعة : 53
  • الإعجاب: 1
    افتراضي موضوع جاد اتمنى الرد من الجميع ...!
    السلام عليكم ورحمة الله وبركاته

    تحية طيبه للجميع معطره بريح الورد والياسمين ,,

    صراحة ((وآآآسفاااه )) ...!

    والله اكتب هالموضوع وكلي حزن على حالنا يالسعوديين ,,

    اتمنى من يقرأ الموضوع يكمله للاخير .. ويبدي رايه

    قبل كل شي انا نزلت هالموضوع ابي ابين فيه سلبيات واتمنى انا نتوصل جميعنا لحل نبدأ فيه من بيوتنا بالاول ثم نفكر كيف نوصله لكل بيت سعودي ,,


    ### التعليم ###


    نبدأ بقصه واقعيه والى الان مستمره باقي يومين على نهاية الاختبارات ..!!


    لي صاحب يدرس بمعهد طبي .. تخصص صيدله . قابلته السبت سئلته عن اختباراته

    قالي والله الاسئله واشتريها ليه اذاكر ...!!

    كيف شاريها .؟
    قال والله متفق انا ومدرس يجيبلي الاسئله كلها مقابل مبلغ من المال ..

    وانا اوزعها على باقي الطلاب .. والحمد الله االامور ماشيه

    طيب من متى وانت تشتريها ؟؟؟

    قال الشهري مو لازم نشتريها لانهم يعطونا بالكثير 5 صفحات وكله اختيارات .. والنهائي نشتريه بفلوسنا

    طيب وش بتسوي بعد ماتخلص مجالك طبي ..؟؟

    يارجال يعني اللي تخرجو فاهمين شي ...! ترى الصيدليه زي البقاله اللهم ان الصيدليه ارقى شوي ..!!!!

    طيب وين تجهيز الادويه وين الدواء الافضل .. كيف اعرف حالة الشخص اللي امامي ......

    _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

    السؤال الأهم ..!!

    منهم اللي يدرسونك ..؟ والله اردنين والاغلبيه مصريين ..!


    طيب مايكفينا ابر التخدير اللي ناخذها طول السنوات اللي درسنا فيها .. حتى بعد الثانويه قاعدين نشتري الاسئله ونغش والا مدرسين يعطونا الاسئله والا خمس صفحات ..


    السعوديه دوله ثريه .. تدعم التعليم .. ولكن وين المراقبه .؟؟؟!!؟


    قسم بالله المفروض هنا يكون منبع للنجاح مو العكس ...

    الموضوع مو مقتصر بس على المدرسين الاجانب .. حتى السعوديين ...


    ###المرحلة الابتداية ###

    والله اخوي الصغير يعلمني يقولي ان المدرس يكلم بنات بالفصل ..!!!!

    طيب ياقدوه يامدرس يامتلعم يامتربي .. وش علمت هالاطفال .؟؟؟

    ويقولي مدرس الدين يدخن ..!!!

    اذا الاساس مو قادرين نسيطر عليه كيف المراحل الاصعب ..!؟

    ### المرحلة المتوسطة###

    مراهقه .. !

    يبدا المدرس مسوي انا والله بدخل مع جو الطلاب هم مراهقين وانا لازم اكون زي عقليتهم .. علشان افهمهم وانا مسؤليتي هذول بحاول اصير خويهم ..

    ها ابو فلان كيف الهجوله امس .. شكلك دخن وحق تفحيط <<< مدرس يخاط ب طالب

    مدرس الاملاء .. اكتبو ياشباب (( أكل الولد حذاء ابيه ))

    مدرس E .. ذاكرو للامتحان اهم شي المرحله هذي هذي الاساس .. قبل الاختبار بـ 3 أيام ياشباب فيه 3 صفحات بمكتبة ****** تنفعكم بالاختبار معضم الاسئله منها ..!!

    ### المرحلة الثانويه ###

    رجوله ..!

    والله انتم ياشباب كبرتو اللحين وصرتو رجال ولازم تعرفون ان اللي راح شي والجاي شي ثاني انتم اللحين شباب الوطن طن طن طن ...!

    مدرس الكيمياء وش يبي انشتاين ذا والله ناس فاضيه ابو حميد وش اخر مقاطع وصلت عندك .. نبي فضايح ..!!!

    ياشباب الدوام للساعه 1ونص.. الساعه 11 صباحا .. الوكيل للمدير طلعهم يابو فلان والله هذولي بهايم لو يجلسون للعصر كل يوم مايفهمون شي .. لا اليوم بس جايين لجنه رح خلهم يطلعون السجاد للصلاه ياشهيد وين السجاد والله انا في بيع مافي فايده هنا بس غبار ..!!!

    الفيزياء استاذ علي : دخل الحصه كتب وكتب وكتب .. دا المطلوب ياشباب زاكرو الامتحان صعب ..! طيب ياستاذ علي اشرح مو فاهمين شي .. والله انا اشرح مرتين بتعب اللي عاوز الشرح يقي للتقويه الساعه 5 العصر .. واللي عاويز ينقح بالحفظ اتحداه ينقح لازم الشرح ..! شاطر ياعلي رفعت ميزانية المدرسة والله . اللي مقسمينها على 2 ..

    اختبار وزاره علشان الي يستحق النجاح ينجح ..
    قدمو الاسئله وجلس نايف بالاخير وبجنبه كروم وماحلو شي ينتظرون شي ..!

    دخل بسطويصي ايه ده يانايف ماحليت حاقه ليه ..؟

    والله ياستاذ امس راحت علي نومه .. << مايعرفون مذاكره قبل لازم يوم قبل الاختبار



    طيب يانايف الله يكون بعونك دا مستئبلك ..

    حط نايف ايده بجيبه ومد للمدرس 500 عني وعن كريم صديقي .. :d
    حط ايده الاستاذ بسطه بجيبه وسحب ورقة وحطها ع الطواله واخذ ورقة نايف ..!

    نايف 98% .. كريم 98% ماشالله الله لايفرق بينهم


    ### بعد الثانويه ###

    درسنا بالكلية ..بدا الطموح يتحقق .! ع بداية الطريق ..!


    قصه واقعيه ..

    كلية المجتمع .. تخصص علوم حاسب .

    ابطال الفلم :

    1- الطالب :ع .
    2- د.الاردن - برمجه -الشهادة : الاردن
    3-د.سوريا - برمجه - الشهادة : بريطانيا
    4- رئيس القسم - د.ت -سعودي

    C++ . د. سوريا

    الشباب جايبين العيد ..!

    الفيجول بيسك . د.الاردن

    يازين البرمجه .. من جد مخمخه وتحس ان لك داعي .

    الطالب ع ناجح عند د.الاردن راسب عن د.سوريا . شالسبب .؟ هذي برمجه وهذي برمجه ..!

    راح للدكتور الاردني وقاله انا سقطت عن الدكتور السوري كلمه لي يمكن يساعدني

    الدكتور الاردني والله الطالب ع متفوق شالسبب

    راح وسئل وبكل وقاحه الدكتور يرد .. ليش بينجحو خلوهم يسقطو علشان ابني وابنك بكره بيجو وبيعلمو عيالهم البرمجه ..!!!؟

    الدكتور .ت
    لازم التعليم باللغه الانجليزيه اللي يبي يسئل يسئل بالانجليزي والا لايسئل .. ليه ياستاذ والله نبغاكم تطلعون بلغه وشهادة .. جميل جميل ..

    متى هالكلام المستوى الثالث ..

    وتركت الطالب ع الكليه بعد دراسة سنه ونص .. والسبب هالمصخره اللي قاعد تصير بكلياتنا ..

    للمعلوميه هالكليه هذي بدون مكافأت على ماذكر مادري اللحين وش صار فيها .. يعني اللي يدخلها اكيد يبي الشهاده مو جاي يلعب فيها ..




    __________________________________________________ ________________________

    عذرا للاطاله ..


    حلول .. نبي حلول يالربع ..

    الناير
    اضافة رد
    العلامات المرجعية

    موضوع جاد اتمنى الرد من الجميع ...!


    خليه يضرني (( قصة مؤثرة )) الحلقة الأولى من سلسلة [بداية الهداية] بعنوان [صرخات من تحت التراب] الشيخ حازم شومان

    أدوات الموضوع
    طرق العرض



    الساعة معتمدة بتوقيت جرينتش +3 . الساعة الآن : 12:59.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2015
    • 00966920020037
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2017, Jelsoft Enterprises Ltd
    SEO by vBSEO ©2011, Crawlability, Inc.