الركن العام للمواضيع العامة : :: [يمنع] منعاً باتاً كتابة أي مواضيع هابطه أو ترفيهيه أو التشهير بأي موقع أو صاحبه أو ذكر نوع من أنواع الإختراقات .

.. ( إنت حبيبي مو أخوي فاهم وإلا لا ؟) .. العَشٍقْ ـآلِمَمَنِوْعْ..

صورة 'عاشق القمة' الرمزية
عاشق القمة
.:: عضو متألق ::.
تاريخ الإنضمام: 30 - 09 - 2007
رقم العضوية : 39891
العمر: 3
المشاركات: 6,026
الإجابات المقدمة: 1
  • أرسل رسالة بواسطة Skype™ إلى عاشق القمة
قديمة 19 - 01 - 2010, 14:21
نشاط عاشق القمة
  • قوة السمعة : 3953
  • الإعجاب: 180
    Icon30 .. ( إنت حبيبي مو أخوي فاهم وإلا لا ؟) .. العَشٍقْ ـآلِمَمَنِوْعْ..


    مساء / صباح الخير والدفا عليكم

    ولأول مره أكتب روأيه تحملوني زين

    ================================================== =

    عائله أبو فهد ( نوره 28 , فهد 25, غاده23 , غدير 18 , راكان 14)

    وأخوه
    عائلة أبو مشعل ( مشعل 29 , عبدالرحمن وعبدالعزيز 28,ساره 23, شهد 10 )

    ولا ننسى جدتهم الخير والبركه وخواتهم الجوهرة ودلال وأخوهم الجميل سعود

    في بيت ابو فهد :


    غاده وأمها جالسين يتقهوون , غاده : يمه أبوي وينه ؟ أم فهد: مدري عنه لا تسأليني تخيلي لقيته متصل أربع مرات عليها !
    غاده: اف متى ؟
    أم فهد: الصباح
    (هم يتكلمون عن طليقة أبو فهد )
    غاده : يالله أبي أفهم مو خلاص إنفصلوا وش يبون في بعض !
    أم فهد : العتب مهوب عليها العتب على أبوك الشيب مالي رأسه ويسوي حركات مراهقين
    أخذت غاده الريموت وقعدت تقلب في هالقنوات وبعدها طلعت لغرفتها ,, فتحت اللاب وشافت ساره تكلمها


    ساره : غدوو صقيقتي الوووو
    غاده : هلا سوسو
    ساره : بدري وينك لي ساعه أكلمك ؟
    غاده : منيب حول الجهاز والله , ليش وش عندك ؟
    ساره : كنت بقول لك سالفه بس عبدالعزيز يناديني , إذا خلص هالبثر بجيك


    غاده : ( فز قلبها ) اوك
    ( طولت ساره ولا جت وأذن المغرب وقامت غاده تصلي )


    في بيت ابو مشعل :

    ايوه ما قلتي لي يأم مشعل وشلون زوجة مشعل عساها طيبه معكم ؟
    أم مشعل : اي والله طيبه , ما تجي ويدها فاضيه
    جارتها أم نمر : ايه كله من خير مشعل ,, طيب وعيالك التوأم ما فكرتي تخطبين لهم والا لازم تزوجينهم توأم بعد !
    أم مشعل : لا وش توأمه لو تشوفين دحيم يقول معصي اتزوج توأم أنا وعبدالعزيز علشان يعرف شكل زوجتي
    أم نمر : طيب ظنك لو تزوجوا توأم بيصيرون عيالهم نفس الشكل !> مفهيه
    أم مشعل : والله مدري ,, عبدالرحمن ما يبي يتزوج من العائله وعبدالعزيز شايل فكرة الزواج من رأسه
    .

    .......
    طبعا السالفه وما فيها أن أم مشعل لما ولدت بعيالها عبدالعزيز وعبدالرحمن تعبت ونامت بالمستشفى يومين وكانت أم فهد بنفس الوقت معها بنتها نورة
    عمرها 3 شهور فأخذت واحد من هالتوأم وأرضعته ولا كانوا يدروون من اللي خذته ولا فيه فرق بينهم يتشابهون كثير , والثاني خذته وحده من قرايبهم
    ورضعته ,, بعد ما كبروا توهقوا فقالوا خلاص كلهم عيالك والاعمال بالنيات , وهي بالأصل أرضعت عبدالرحمن
    .

    ......
    في مزرعة جدهم كل جمعه يتجمعون ويتغدون فكان عبدالعزيز وعبدالرحمن يدخلون يسلمون على أمهم وخواتهم من الرضاعه " نوره, غاده , غدير"
    عبدالعزيز ما كان يحس تجاه أم فهد أي إحساس بالعكس كان لما يسلم عليها يحس بشئ مقزز شئ غريب , بعكس عبدالرحمن يجي ركض ويحضنها
    ويبوس راسها ويسلم على خواته ويسولف معهم ..

    ( عبدالعزيز وعبدالرحمن كانوا في غاية الوسامه طول وجسم حتى نفس السكسوكه بس عبدالعزيز كان أبيض شوي وأنحف من عبدالرحمن )


    في كل جمعه كانت غاده تلبس أحلى شئ وتتعطر بأحلى عطر وكل جمعه ستايلها غير هي الوحيده اللي تحس أن عبدالعزيز مو أخوها
    وعبدالعزيز حاس بنفس الشئ وكان يحب غاده حب جنوني ولا يقدر يعترف لأن حبهم ممنوع .


    دخلوا عبدالرحمن وعبدالعزيز وما كان فيه أحد غريب عماتهم وأمهم وخواتهم وزوجة عمهم ابو فهد اللي هي أمهم من الرضاعه
    أول ما دخل عبدالعزيز دارت عيونه على المجلس شاف غاده قال بنفسه :" حماره قصت شعرها " هي عرفت إنه أنصدم وضحكت
    سلم على أمه وخواته نوره وغدير ولما جاء دور غاده حضنها وضغط على يدها وقال وحشتيني , كل مره عبدالعزيز يحضن غاده تحس بشعور غريب


    كان عبدالعزيز يستغل هالأخوة والرضاعه وكان يمزح معها ويحضنها ويطقها ويلعب معها .
    قعدوا يسولفون وكان عبدالعزيز جرئ جدا الفرق اللي يميزه عن عبدالرحمن هو الجرأه جلس عبدالعزيز بالوسط وقعد يسولف مع هذي ويمزح مع هذي
    وعيونه وقلبه مع غاده قال : عندي لكم مفاجأه بس بشرط اللي يفرح بهالمفاجأه من قلب يجي يبوس خدي ( هو يدري إن غاده تموت في عمها سعود) قالوا كلهم : اوكى
    قال عمي سعود الليله بيوصل من كندا
    كلهم صرخوا بصوت عالي : وااااااااااااااااااااااااااو
    قال يالله اللي فرح يجي يبوس خدي ,قاموا كلهم باسوا خده الا غاده , قال وانتي ياغاده قالت : واذا بيجي يعني ! الله يحيه بس ماني فرحانه ( غاده فيها عناد ولكاعه )

    نوره : عزيز الساعه كم بيوصل عمي سعود ؟
    عبدالعزيز : الساعه 7 المغرب
    طلع عبدالعزيز وعبدالرحمن من المجلس علشان يتغدون , عبدالعزيز بدل ملابسه وطلع يتمشى على رجوله ومعاه الاي بود ويسمع لأبو نوره كثير
    تعمد يمر من البنات ويغني أبي أعرف متى تسكن رياحك ~~ وأبي أعرفك غرورك هو متى يطلق صراحك

    كان صوت عبدالعزيز أكثر من رائع وكأنه يتحدى أبو نوره , ردت عليه غاده بصوت عالي : حبيبي الأصدق الأكذب تعبت أوصل شواطئ طبعك الأعذب


    ............
    جاء عمهم سعود من المطار الساعه 9 وكانوا كلهم متجمعين في المزرعه ينتظرونه , نزل عبدالرحمن ونزل سعود من السياره سلموا عليهم وتحمدوا له بالسلامه
    طبعا سعود حاس أن بين غاده وعبدالعزيز شئ ومسوي الفطين ,قعد سعود يسأل البنات عن أحوالهم كيف الجامعه وكيف أحوالهم ألتفت على غاده وقال : غدوو
    شخبارك ؟ أستحت وقالت : تمام بشوفتك , رد عليها وقال أجتهدي وتخرجي بس عريسك ينتظرك عندي شاب وسيم ورومنسي ويشبه هريتك روشان

    طمر عبد العزيز من مكانه : أسمع غاده أختي وأعرف من اللي يناسبها هااااااااه ضبط وضعك يا سعود وكلش الا خواتي .
    أبتسمت غاده وقعدت تلعب بشعرها ,

    إلتفتت دلال لسعود : سعود وش فيك بردان قال اي والله جميده الرياض صح هناك برد لكن بردكم يعور
    قامت ساره وجابت لسعود فروة وقالت خذها " لبسها وكملوا سوالفهم , بعدها نادت أم فهد على العشاء دخلوا كلهم يتعشون والبنات راحوا يساعدون
    الحريم جوا , بعد العشاء دخل سعود على أمه وجلس يسولف عليها وكل واحد أنشغل بشغله ,,

    دخلت غاده المجلس وقعدت تكلم صاحبتها وكانت متحمسه وهي تسولف حست ببرد خذت فروة سعود ولبستها وغطت راسها , دخل عبدالعزيز المجلس
    وشاف غاده حسبها سعود ويسمع وشوشة سوالف قال بنفسه " يالخبيث من تكلم ؟ جاء مسرع وحاول يمزح معه جاء من ورى ضم أكتافه بيدينه بقوه
    وحاول ينومه على الأرض صرخت غاده بقووة آآآهـ

    برب
    لو اجتمع العرب على "إسرائيل" كما إجتمعوا على "سوريا" لتحررت فلسطين خلال ساعات .
    قديمة 19 - 01 - 2010, 14:27
    صورة 'الاماكن2' الرمزية
    الاماكن2
    :: عضو نشيط ::
    تاريخ الإنضمام: 16 - 01 - 2006
    رقم العضوية : 16514
    المشاركات: 1,159
    افتراضي
    ههههههههههههه

    ساره : غدوو صقيقتي الوووو


    صديقتي
    قديمة 19 - 01 - 2010, 14:29
    صورة 'عاشق القمة' الرمزية
    عاشق القمة
    .:: عضو متألق ::.
    تاريخ الإنضمام: 30 - 09 - 2007
    رقم العضوية : 39891
    العمر: 3
    المشاركات: 6,026
    • أرسل رسالة بواسطة Skype™ إلى عاشق القمة
    الإجابات المقدمة: 1
    افتراضي
    الجزء الثاني ^_^

    صرخت غاده آآهـ ووقفت , تلعثم عبدالعزيز : ما دريت والله أحسبك عمي سعود

    دخل راكان أخو غاده الصغير عمره 14 وشافهم حس بقهر
    لأنه مهب عاجبه وضع عبدالعزيز وعبدالرحمن يدخلون ويسلمون ويسولفون على خواته وهم مش محارم لهم وكان ضد هالشئ بس لأنه صغير ماله
    سلّطه وكلام على أمـه وأبوه صرخ بوجه غاده وقال أطلعي من هنا ولا عاد أشوفك داخله هنا .

    طلعت غاده من المجلس وعبدالعزيز لحق راكان وقال له : وش فيك عسى ما شر صاير من تالي تنفخ ؟ عصب راكان وقال مالك شغل ولو فيك خير
    وتستحي أنت وأخوك ما دخلتوا على خواتي ! " مسك عبدالعزيز أكتاف راكان وقال له : إنت ناسي إننا أخوان ؟ والا تبي أذكرك ؟

    جاوب راكان بعصبية :
    من قال إننا إخوان أمي تقول مدري من أرضعت ولا أدري كم عدد الرضعات يعني شئ ماهو أكيد خلاص ما نبيكم إخواننا لا تحتكون ياخي

    " لف عبدالعزيز بظهر راكان وطلعه من المجلس وقال لا عاد توطوط هنا ما بقى الا هي بزر طول ساقي وينافخ براااااا


    ...........
    غاده دخلت على البنات وهي مرتبكه ومبسوطه هاه وش تأكلون
    غدير : ما أكلنا شئ يالقطوه كلي شئ ترمينه , وأصلا أبوي يقول مشينا للبيت الساعه اللحين 11 وورانا بكره دوامات

    غاده : يؤه بدري طيب سوسو لا تنسين باكر الفطور عليك أنتي ومها توصوا فينا ( غاده سمعت صوت أمها أم فهد توشوش مع عمتها الجوهره أكبر عماتها
    قربت غاده منهم وقالت : يمه وش تقولون قالت : ولا شئ وخري عني وبلا لقافه " طبعا أم فهد تعرف أن غاده ملقوفه وتحب تعرف كلش "

    قامت غاده تترجى في أمها وش السالفه أنا سمعت أسمي تكرر مرتين قالت عمتها الجوهرة أنا بعلمك تخبرين اللي بزواج مشعل خطبتك لولدها ؟ قالت غاده :
    أيوة وش فيها ؟ قالت ام فهد وبصوتها نبرة حزن : هونت عن الخطبه .
    غاده : جد هونت ؟؟ قولي قسم ؟؟ يمه وين القبله ؟
    ام فهد : وش فيك ؟
    غاده : بسجد سجود الشكر , الحمد لله يارب الحمد لله , قاطعتها نوره : مالك نصيب يعني وش فيها لو كملتي الصفه معنا وصرنا شلة العوانس

    صرخوا كل البنات : معاً يداً واحده فلتحيا العنوسه .



    نادى أبو فهد يالله يا حريم سرينا , لبسوا عباياتهم وطلعوا والكل ركب سيارته وعيون غاده أول ما طلعت تناظر سياره عبدالعزيز وتقول بقلبها " وه لا خلا ولا عدم يارب "
    وصلوا للبيت والكل نام لأنهم مرهقين من الصباح ..


    ........
    في الجامعه كان الجو برد الصباح وكانت غاده لابسه بلوفر أبيض مرت من بنتين لزلز شكلهم كان جداً مقرف كانت وحده منهم مركبه بريسز والثانيه تأكل الساندويتش
    وتمضغه لها وتحطه بفمها , صرخت غاده فيهم ولعنه وإذا بوليتم فأستتروا
    ولا عبروها ويا لزلز ما يهزك ريح , ناظرت غاده قدامها إلا الشله متجمعين سلمت عليهم وطلعوا لمحاضراتهم

    كانت غاده طول الوقت تفكر في عبدالعزيز وهل ممكن يصير أخوها أولا وكيف بيصير الوضع لو كان أخوها ! رددت بنفسها " يارب تجي عجوز من هي وإلا من هي وتقول أنه مب أخوي
    يارب تطلع فيه وحمه في ظهره وتتذكرها أمي يارب أي شئ بس ما يكون أخوي والله بموت .


    .......
    في بيت أبو مشعل :
    كانوا متجمعين بعد المغرب أبو فهد وأبو مشعل وسعود وخواتهم دلال والجوهرة وأمهم , يقرب سعود من أمه ويبوس يدها ويجلس جنبها يمه ما ودك تخطبين لي ؟
    خلاص دراسه وكملت والوظيفه جاهزة أنتظر وحده تجمع شتات الغربه وتحتويني أبي وحده مربربه تدفيني أبي فلبينيه تمسجني أي داهيه المهم أبي أنثى
    تشاركني غرفتي " ضحكت أمه وقالت أبشر أنت أختارومن بكره أخطبها لك , قاطعهم أبو فهد شوف الهنوف بنت عمك تخرجت من الجامعه

    رد سعود : الهنوف ! يآخي أحد قايل لك إني بباي ؟ الهنوف ما تنفع زواج هذي مشروع مسطره ناجح شف لي غيرها تكفى.

    ضحكت دلال وهي تقول : زوجة سعود عندي جمال ودلع وأدب وفوق هذا كله نَفسها في الأكل أليم
    طمر سعود من الفرحه : وين تعرفينها فيه هذي ؟ ردت دلال : لقيتها عارضه نفسها للزواج في مجلة ترغب بالزواج من سعودي وسيم
    ويقدر الحياة الزوجيه ! وين بعرفها يعني أخت زوجي محمد أسمها جميله لكن أسم على مسمى كل شئ فيها جميل

    سعود : جميله اللي في باب الحاره ؟ ههههه دلال : يا ظريف شايف جميله اللي في باب الحاره ذي ما تسوى ظفرها وخر بس

    نزل عبدالعزيز من الدرج وهم جالسين بالصاله عيونه مورمه من النوم : مساء الخير وسلم على أعمامه وعماته وجلس جنب سعود وكان ينتظرسعود يمد له الفنجال
    وقعد يدور بجيبه ناظر فيه سعود بإستغراب : خير ! قال لا بس بدور إثباتي وبعلمك إني سعودي وأشرب قهوتكم ضحك سعود : ما تستحي
    صب القهوه أنت وإلا ناسي إني عمك ؟ رد عبدالعزيز :إلا عمي بس لا تنسى إني أكبر منك بشهرين ,سحبت دلال منهم القهوه : ما بعد صرنا حضارم وترمس القوه يدور
    بيننا ,إبتسم سعود بخبث وقال : سمي يا بتاعة جميله وهو يغمز بعينه فجأه رن جواله أرتبك وقام من عندهم وطلع يكلم برا


    ... : آآدووه
    سعود : وربي أحلى آدوه سمعتها بحياتي وه يناس
    ..... : كيفك ؟
    سعود : تمام إلين قبل شوي , بس سمعت صوتك تعبت ومحتاج طبيب
    .....: هههههههههههههههههههههه
    سعود : ليش تضحكين ! سبحان الله أنتم اللي يتعب عندكم تضحكون منه وين الشهامه وين الخوف من الله


    دخل عليه عبدالعزيز وهو كاتم الضحكه : لو تعرف الخوف من الله ما كلمت بنات الناس , طالع سعود فيه وهو مطير حواجبه ومعصب ويسوي حركه بيده يعني برا
    رد عبدالعزيز : منيب طالع ولو سمحت أبيك بسالفه ,سعود وبحركه ذكيه : لو تموت يا عزوز ما سمعت صوتها هذي روان عين السيح , روان : قلبو شفيك من تحاكي ؟
    سعود : أبد يا قلبي هذا عبدالعزيز ولد أخوي يقول يبي يسمع صوتك وقلت له معصي أنتي شئ خاص فيني
    روان : أمممممم وش يبي بصوتي !
    سعود : هههههههه ما يبي لها بيشوف من هاللي ساحره سعود ومأكله عقله وتفكيره .
    روان : حياتوو مامي عندي بقفل وأرجع أكلمك شوي
    سعود : سمي من عيوني وه يا بخت أمك فيك بس
    " سعود بعد ما قفلت روان :أجل مامي هاه ! طلع جواله الثاني اللي روان ما تعرفه وأتصل عليها وحصله إنتظار ! طيب يا روانوه دواك عندي "
    ألتفت سعود وما حصل عبدالعزيز قال بنفسه " فكه .

    لو اجتمع العرب على "إسرائيل" كما إجتمعوا على "سوريا" لتحررت فلسطين خلال ساعات .
    قديمة 19 - 01 - 2010, 14:32
    صورة 'Darkahmed93' الرمزية
    Darkahmed93
    :: عضو نشيط ::
    تاريخ الإنضمام: 22 - 08 - 2009
    رقم العضوية : 69498
    الدولة : Jordan - Amman
    المشاركات: 2,270
    • أرسل رسالة بواسطة MSN إلى Darkahmed93
    • أرسل رسالة بواسطة Yahoo إلى Darkahmed93
    افتراضي
    مشكور اخي ...
    وجاري قراءة الجزء الثاني
    قديمة 19 - 01 - 2010, 14:34
    حلول ويب
    :: عضو نشيط ::
    تاريخ الإنضمام: 16 - 07 - 2009
    رقم العضوية : 66735
    المشاركات: 2,388
    افتراضي
    ؟؟؟؟؟؟؟؟
    قديمة 19 - 01 - 2010, 14:36
    صورة 'عاشق القمة' الرمزية
    عاشق القمة
    .:: عضو متألق ::.
    تاريخ الإنضمام: 30 - 09 - 2007
    رقم العضوية : 39891
    العمر: 3
    المشاركات: 6,026
    • أرسل رسالة بواسطة Skype™ إلى عاشق القمة
    الإجابات المقدمة: 1
    افتراضي
    هذا الجزء الثالث .. وتابعوني كل ماشفت ردود راح انزل الجزء اللي بعده ~

    =========================

    ...................
    في بيت أبو فهد
    كانت نوره نايمه على بطنها وتلعب بشعرها وهي تحمل فيلم عمر وسلمى من النت

    دخلت عليها غاده : كويحه أمي تبيك

    ردت نوره وهي معصبه : كويحتن تحشرك
    إن شاء الله لين تعرفين أن الله حق عاجبك لونك يا زبدة لورباك تقلعي لا بالجوال على عينك " ضحكت غاده وهي تقرب من نوره : كم مره أسأل أمي وأقول لها وش كنتي
    متوحمه عليه وأنتي حامل فيني مره تقول فيشار ومره تقول أبلع من الثلج

    قاطعتها نوره وهي تقول : ومره بالعه كلوركس أقول برا من تالي صايرتن ماصله

    غاده : لا حول غلط أتاكد لوني الجميل جاء من وين

    نوره وهي تضحك : لا مو غلط من حليب الوالده حتى شوفي عبدالعزيز أبيض من دحوم علشان أمي أرضعته " رفعت غاده رأسها وهي تداري دموعها : ومن قال
    إن عبدالعزيز أخونا أنا أحس أمي أرضعت عبدالرحمن .
    نوره : وشلون عرفتي يا عجوز حزم الضامي ؟
    غاده : ما عرفت ولا شئ أساساً أبي أعرف أمي ليش مسبله حليبها هههههههههه بصراحه بديت أشك أنها كاتبه عليه حليب دافئ سبيل

    نوره وهي ترمي الجوال عليها : فيك خير قولي هالحكي لأمي يالفالحه وأذلفي جيبي جوالي بسرعه بسوي له إسعافات أوليه

    فتحت أم فهد الباب عليهم : أنتبهت لها نوره وقعدت ترتب سريرها وتقول : غدو تعالي نطلع لأمي يحرام لها ساعه تنتظرنا " أم فهد وحاطه يدها على خصرها :
    على هامان يا فرعون ؟ قدامي أشوف أنتي وياها
    نوره : أبشري بس لحظه أجيب اللاب وأجي , دخلت عليهم نوره وكانت جدتها موجوده عندهم باست رأسها وجلست جنبها

    جدتها وبكل براءة : أفتحي التلفزيون حق فهد أبي أشوفه وأسلم عليه مثل ذيك المره
    نوره : ههههههههههههههههه وش تلفزيونه يالغاليه قصدك الكام , يؤ يمه لازم تواكبين العصر وتفهمين كل شئ بالكمبيوتر
    قاطعتها غدير : حركات يعني جدتي بتسوي إيميل هههههههه
    غاده : عاد بيكون توبيكها تسبدن تعاف ما تسمن هههههههه ضحكت نوره وهي تقول : لا لا كلن يحوش النار لقريصه
    ناظرت غدير لجدتها : يمه ما ودك تسوين حركة الإنتصار بأصابعك وأصورك وأخليها رمزيتك ههههههههههههه وإلا نسوي لك تاتو على ساقك
    غاده : ما يحتاج جدتي ساقها ناشفه والعروق اللي فيها أطلق تاتو , قاموا يضحكون البنات ضحك هستيري

    أم فهد : ووجعه صدق ما تستحون , ما عليك منهم يا خالتي الله يخليك لنا .

    رن تنبيه بماسنجر غاده
    قالوا ترى مالك أمل في قربها لو يوم ( عبدالعزيز ) : مساء الخير يا نور الرياض كله

    مهما يكون عندي شعور بنلتقي ( غاده ) : هلا وغلا وكراتين حلا

    قالوا ترى مالك أمل في قربها لو يوم ( عبدالعزيز ) : مابي كراتين الحلا أبيك أنتي وبس , كيفك يا أغلى من وطى نجد ؟

    مهما يكون عندي شعور بنلتقي ( غاده ) : بخير بس بردانه " تقولها بدلع

    قالوا ترى مالك أمل في قربها لو يوم ( عبدالعزيز ) : يالبى قلبهم البردانين طيب ردي ع جوالك بكلمك
    ردت غاده وهي تغني : برداااااان أنا تكفى أبحترق بدفا

    عبدالعزيز : ما عاش ولا كان البرد يا بعدهم دفي نفسك وإلا شغلي التكييف أو الدفايه ( عبدالعزيز ما يمون عليها بس يدري أنها تحبه ويدري أنها داريه وحاسه بحبه )

    غاده وهي مقهوره منه : كيفك وكيف عمي ووسعود وعبدالرحمن ؟

    عبدالعزيز : ما أخبرك قليلة أصل باقي السواق والشغاله والجيران أسألي عنهم بعد !

    غاده : عادي نسأل ليش لا كيف الجيران والسواق والشغاله وكيفك انت ؟

    عبدالعزيز : هههههههههههههههههههههههههههه مجنونه يناس ترى ما تفوت علي حركاتك , كيف الدوام معك ؟

    غاده : ماشي الحال متى أتخرج وأفتك جد كرهت نفسي

    عبدالعزيز : وعلى أيش مستعجله ؟

    غاده : أبي أتزوج وأستقر واجيب بيبي وأسميه عبدالعزيز عليك يخوي طبعا " تشد على أسنانها بخبث

    عبدالعزيز : غااااااااااااااده أعقلي ترى حتى المزح بهالامور ما أحبه

    غاده : وليش ما تحبه يعني تبي أقعد عانس طول عمري ؟

    عبدالعزيز : أمممم لا لا تقعدين ولا شئ يا عمتي بس ما أبيك تتزوجين قبلي لأني بخطب الأسبوع الجاي أخت صديقي

    غاده وهي خانقتها العبره : من جدك ؟

    عبدالعزيز : أي جاد حتى أسألي أبوي وعمي أبو فهد هم بيخطبونها معي

    غاده :
    عبدالعزيز : آلووووو

    عبدالعزيز : آلووووو غدو , وش فيك

    غاده وهي تصيح : هلا ما فيني شئ بس بروح لأمي بالصاله

    عبدالعزيز : تعالي يالشينه تضايقتي ؟ عموما هذا درس لك علشان ما تختبرين صبري وأنتي عارفه أني أحبك وما راح أتزوج طول عمري

    غاده وهي تشاهق : يعني كنت تلعب في أعصابي ؟

    عبدالعزيز : ايه

    غاده : طيييييييييييييب , طوط طوط طوط ورجعت للصاله وجلست على جهازها

    قالوا ترى مالك أمل في قربها لو يوم ( عبدالعزيز ) : تقفلين بوجهي زين يا غدو حسابك معي بعدين , وطلع من المسن

    قعدت غاده تفكر " ياربي أنا ليش قفلت بوجهه هو يمزح معي صدق إني ما عندي أسلوب " قامت إتصلت عليه ولا رد أتصلت مره ومرتين وثلاث إلين رد : نعم

    غاده وبكل دلع : زيزوووو عاقبني سوي اللي تبي بس لا تتركني ترى جد ما أبيك تخليني

    عبدالعزيز وهو خاق : يا ويل قلبك يا عبدالعزيز الله لا يخليني إذا فكرت أخليك أو أستغني عنك

    غاده : طيب ما قلت لي كيف الجيران والسواق هههههههه أمزح أمزح قصدي كيف الدوام ؟

    عبدالعزيز حب يغيضها : تمام اليوم جتني وحده علشان قضيتها مسكينه رحمتها جد الكل ضدها وتبي تتطلق من زوجها المجرم

    غاده : أيوة وش بعد ؟؟ ما ودك تتزوجها وتكسب أجر فيها !

    عبدالعزيز : هههههههههه لا ما ينفع تدرين ليش ؟ لأنها مهيب حلوة مثلك ولا دلوعه مثلك ولا تعرف تقص شعرها بدون ما تعلمني


    أم فهد وهي تصارخ : غاااااااده من تكلمين ؟ ووجع إن شاء الله حسبي الله على اللي أخترع الجوال

    نوره وهي تعلك : تدرين يمه إن اللي أخترع الجوال ولا مره أستخدمه أم فهد وبكل جديه : إيه لاقيكم يلعب عليكم يهودي يبكم تموتون واحد ورى الثاني

    نوره : لا يمه لأنه ما يتكلم ولا يسمع .

    تجي غاده وترمي الجوال ع الكنب : حتى الجوال محسوب علي عيشه تقصر العمر

    يدخل أبو فهد ويفسخ شماغه ويحطه على الكنب جنبه : شلونك يمه عساك بخير ,. ترد أمه : دامني أشوفكم أنا بخير
    تركض غاده تجي بحضن أبوها : دادي بابي يبه " يضحك أبوها : هلا سمي أمري وش تبين ؟

    غاده : يرضيك أمي تصارخ وتهاوش علشان كنت أكلم أخوي عبدالعزيز بالجوال ؟

    أبو فهد وهو يعدل جلسته : وش تبين فيه ! غاده ووجهها كله علامه تعجب : ليش مو أخوي وش فيها لو كلمته

    أبو فهد : يبوي يا غاده خلاص كبرتي لا عاد تكلمينه لا هو ولا عبدالرحمن صحيح أنتوا أخوان بس لا تشيلين الميانه

    غدير : يبه ليش تشيل الميانه وبنفس الوقت تسلم عليه جد عائله متناقضه !

    أم فهد : إنطمي يأم لسانين

    نوره وهي تعطي جدتها دواء الضغط : وهي صادقه يمه يا نسلم عليهم أو ما نطلع لهم ونعتبرهم عيال عم أصلا مدري ليش كنتي حاسدتني لا أشرب حليبي
    وكنتي توزعينه على اللي يسوى واللي ما يسوى

    يرن جرس التلفون وتقوم ترد غاده : آلو
    عمتها الجوهرة : هلا غدير ؟
    غاده بدلع : لا غدووو
    الجوهره : طيب هاتي أمي

    غاده وهي تعطي السماعه لجدتها : ياربيه عمتي الجوهرة ناقصها شنب بس وتصير عمي الثالث
    ترد نوره وهي ميته ضحك : ودي أعرف العيال منها والا من زوجها هههههههههههههههه

    أم فهد : قليلات أدب أفهم فيكم وإلا ما أفهم عمتكم تسمع يا مال الماحي مقطعتكم الأنوثه .
    تبوس غاده رأس أمها : يمه ضميني بقوة وإلا أنحرفت أم فهد وهي معصبه وفيها الضحكه : أنحرفي كود نفتك منك
    نوره : أوووهووو مدام الانحراف عندكم بريال بنحرف معكم بس يبي لنا أحد فاهم علشان يوجهنا الوجهه الصحيحه
    غدير : وأنا معكم تقاطعها أم فهد : ولا كلمه خربتوا دلوعتي صارت تقلدكم بكل شئ صيروا قدوتها


    إنطلقوا يا رعاكم الله والبارت الجاي بكره إن شاء الله

    لو اجتمع العرب على "إسرائيل" كما إجتمعوا على "سوريا" لتحررت فلسطين خلال ساعات .
    قديمة 19 - 01 - 2010, 14:36
    صورة 'متعب الحربي' الرمزية
    متعب الحربي
    :: عضو نشيط ::
    تاريخ الإنضمام: 29 - 09 - 2007
    رقم العضوية : 39208
    الدولة : آلقصـيم .~
    المشاركات: 3,453
    الإجابات المقدمة: 18
    افتراضي
    يآلبى قلبك ~
    لي ع ـودهـ بآلقراءة ...
    اللهمّ هَب لِـ" أبي وأمّي " مَآلآ عينٌ رأتْ ، ولآ أذنٌ سَمعت
    ولآ خَطر على قلب بَشر ، وآستَجِب دُعآئهم كُلّ سآعَه !
    وأعطِهم عطآءً يشرحُ صُدورهُم [ بِـ الدّنيآ وآلآخِره ]
    قديمة 19 - 01 - 2010, 14:39
    صورة 'أبوعبيّد' الرمزية
    أبوعبيّد
    ||| عضو التميز |||
    تاريخ الإنضمام: 25 - 11 - 2007
    رقم العضوية : 45609
    الدولة : الرياض
    المشاركات: 15,118
    • أرسل رسالة بواسطة Skype™ إلى أبوعبيّد
    الإجابات المقدمة: 10
    افتراضي
    اهااااااااا .. أثرك انت اللي في الاقلاع ؟ :D
    لي باك لقرأت الرواية !
    عوافي عاااااااشق
    سبحان الله وبحمده .. سبحان الله العظيم
    * 10 سنوات .. عشرة عمر في هذا المعهد الراقي
    ابوروان / اسعدك الباري ..
    قديمة 19 - 01 - 2010, 14:56
    صورة 'عاشق القمة' الرمزية
    عاشق القمة
    .:: عضو متألق ::.
    تاريخ الإنضمام: 30 - 09 - 2007
    رقم العضوية : 39891
    العمر: 3
    المشاركات: 6,026
    • أرسل رسالة بواسطة Skype™ إلى عاشق القمة
    الإجابات المقدمة: 1
    افتراضي

    في الأستراحه :

    سعود وعبدالرحمن وصديقهم وليد يتفرجون على مباراة الهلال والنصر كان سعود يشجع النصر ومتحمس في المباراه وكل شوي الهلال جايب هدف وهو يصارخ
    ولعنه ذولا يلعبون في دحديره والا وش السالفه !!!

    ضحك عبدالرحمن اللي كان من جماهير الزعيم تبطي يبو دحديره الهلال من يومه وهو لاعبن فيكم ,
    كان وليد هادئ ومكتفي بالاستماع والابتسامه
    سعود كل شوي يولع سيقاره ويدخن ألتفت عليه وليد : أركد يالمدخنه ترى جد صرعتنا بريحته أففففف
    كان سعود مو مهتم طبعه من صغره مدلل ولا يرفض له طلب ولا يهتم بمشاعر الناس وكان عبدالرحمن يأخذ كثير من صفاته عكس عبدالعزيز
    ما يحب المشاكل وفيه كمية عطف ورحمه تكفي بلد , سحب وليد مفتاح سيارته وجواله بعد ما أنتهت المباراه وطلع من الأستراحه وحصل عند الباب عبدالعزيز
    توه جاي من بيتهم وليد وهو فاتح يدينه : هلاا ااا ويسلم عليه

    عبدالعزيز : هلا بك أبو خالد على وين ؟ "

    رد وليد : طالع بأخذ لي عشاء وأرجع للبيت

    عبدالعزيز : ليش تعال أسهر معنا فيصل جاي اللحين ,,, وليد : لا بطلع الأستراحه من عقب فهد مالها طعم

    عبدالعزيز : أفاا وأنا

    وليد : فيك الخير والبركه بس فهد غير

    عبدالعزيز : براحتك " يرفع يده ويقول لا تقاطع يبو خالد

    دخل عبدالعزيز عليهم وكان عبدالرحمن على اللاب توب وسعود يكلم بالجوال ألتفت عبدالعزيز لسعود : يآخي فشلتنا في الاتصالات كل ارقام جوالك بنات
    فتح سعود السبيكر " كان صوت بنت ناعم : عبدالعزيز روقنا وفكنا من شرك وإلا ما ودك أشبكك مع صاحبتي يمكن تنسيك سعود وتفكه من شرك ؟
    عبدالعزيز وهو مدخل اصابعه في أذونه ومكشر : ويععععع سمعت أصوات نشاز لكن مثل صوتها ما سمعت , من تكونين أنتي روان والا ريما والا رهف بفهم
    وش سر حرف الراء ؟ ردت البنت بصوت كله دلع : علشان حرف الراء يبين الدلع أكثررررر وهي ترقق حرف الراء .


    حامت كبد عبدالعزيز وطلع من المجلس وجلس في الحديقه , كمل سعود مكالمته مع البنت : أيوة قلبي وش لابسه اللحين ؟

    ردت البنت : تسألني على أساس أنا مين روان والا ريما والا رهف هاااااااااااااه طرااااااااااخ
    سكرت بوجهه وهو يناظر بالجوال : وجع قلة ذوق دحيم شف لك صرفه مع أخوك ياخي صاير بثر بشكل .


    كان عبدالعزيز يفكر بغاده " ياربي اللي قاعد أسويه غلط وإلا صح يارب أنت تعلم ولا أعلم أنت تقدر ولا أقدر يارب أكفيني شر أعمالي آآه قالها عبدالعزيز
    بألم ولا يدري وش يسوي مع غاده وهل اللي يسويه صح أو غلط وكل مره يفكر أنه يتزوج يتذكرها ويشيل فكرة الزواج من رأسه مع إنها الحل الوحيد اللي بتخليه
    ينسى غاده ويعاملها معاملة أخت وبس , لكن شلون ينساها ولحظاتها الحلوة معه ما تفارق خياله قعد يتذكر وهي نايمه على حضنه وهو يلبسها عدساتها
    وكانت ترمش كثير وهو يقول ترى ببوسك لو ما عقلتي وظلت ترمش الين باسها , يتذكر لما كان يذاكر لها الرياضيات وهي تقول ما احب الضرب أجمع أطرح بس
    ما أحب الضرب ضمها وهو يقول تحبين الطرح هاه طيب والضم ما تحبينه ردت بكل براءة عزيز فهمني الرياضيات أول بعدين نروح للقواعد , قعد يتذكر سوالفها
    وصوتها وهبالها وطيبتها وعنادها يالله كل شئ فيها يجنن ردد بنفسه " تجمعين الضد في كل الأمور غامضه مره ومره مثل نور "

    قطع عبدالرحمن عليه حبل أفكاره وهو يقول عبدالعزيز ما تبي تتعشى معنا ؟
    جاوب عليه عبدالعزيز : لا ما أشتهي بطلع للبيت عبدالعزيز كان يبي يجلس على الماسنجر ويسولف مع غاده , أتصل على فيصل ورد عليه وبعجالة : هلا عزوز أنا مشغول مع أهلي ما أظن بجيكم , سكر عبدالعزيز منه وتوجه لبيتهم.

    دخل البيت وجلس مع أمه وأخته ساره وتعشى معهم وجاب اللاب وجلس عندهم بالصاله أنتظر غاده تدخل وما دخلت أنتظرها للساعه 12 بالليل ولا جت
    دخل غرفته ونام لأن عنده دوام .

    كانت غاده في غرفتها وكانت تسولف مع راكان أخوها وتحاول تكسبه بصفها لأنه عنيد ومراهق فكانت تسولف معه عن المدرسه وأصحابه
    فكانوا يتكلمون عن الكدش صار راكان يتفلسف : ما أدري ليش يمنعونه مع إن الرسول كان شعره طويل وأغلب الصحابه
    ردت عليه غاده : صحيح بس ما كانوا يقلدون الغرب ولا كانوا يدورون وراه شهره وتميزصح والا غلطانه
    راكان : أهم شئ مو حرام وبعدين هذي حرية شخصيه شعري وبكيفي
    غاده : أممممم طيب لو أطلع فاتشه وجهي وكاشفه بتهاوشني أو لا ؟
    راكان : بلعنك وأكسر راسك
    غاده : طيب وين الحريه الشخصيه اللي كنت تتكلم عنها ! شفت يا قلبي فيه أشياء ينصحونا فيها الكبار ولا ندري إنها غلط الا بعد ما نكبر ومجرد تكبر صدقني
    بتندم شلون كنت تسوي شعرك كدش ,, دخلت عليهم غدير شافت راكان طلعت وسكرت الباب أستغربت غاده من الحركه !
    غاده : راكان مزعل غدير بشئ ؟ راكان : ايه وطاقها بعد , غاده : وليش ان شاء الله ؟
    راكان : شفت صور عبدالعزيز اللي بستار اكاديمي بجوالها ومسحتها وطقيتها بعد بنات آخر زمن
    غاده وهي ميته ضحك : ههههههههه كفو أخوي ,, طيب هات جوالك
    راكان : ليش ؟ غاده : بشوف إذا فيه بنات بجوالك أو لا علشان أنادي غدير تمسحهم وتبرد حرتها فيك

    راكان وهو مستغرب : تبطين تأخذين جوالي

    غاده : سبحان الله تأمرون الناس بالبر وتنسون أنفسكم ! ما يصحش كيده يخوي ولا تنسى العقاب والثواب واحد سواء للبنت او الولد واللي ما يجوز لغيرك
    برضو ما يجوز لك فاهمني ؟

    راكان : آآه رأسي عورني كلامك كثير دوختيني

    غاده وبكل حنيه وهي تمسح على رأس راكان : لا تنسى يا حلو أنو انت اللي جيت برجولك لغرفتي وقلت بتسولف معي

    راكان : خلاص بطلع أنا إذا سولفت معك أحس إني عاقل وطيب وأحس ودي أخم كل الناس وأنا ما أحب يكون كيذا طبعي يالله بطلع
    لو اجتمع العرب على "إسرائيل" كما إجتمعوا على "سوريا" لتحررت فلسطين خلال ساعات .
    قديمة 19 - 01 - 2010, 15:16
    صورة 'JSR' الرمزية
    JSR
    :: عضو شرف ::
    تاريخ الإنضمام: 15 - 10 - 2007
    رقم العضوية : 41588
    الدولة : Arab World
    المشاركات: 19,246
    افتراضي
    رائع للغاية
    ننظرك ,
    قبل ان تفكر في .. " الدخول" .. في حياة شخص ما..
    ..... تأكد من وجود المخارج الآمنة في حالات الطوارئ .. } .. !

    tw : 3jassar
    قديمة 19 - 01 - 2010, 15:24
    صورة 'ولـد وأيل' الرمزية
    ولـد وأيل
    .:: عضو متألق ::.
    تاريخ الإنضمام: 16 - 07 - 2009
    رقم العضوية : 67494
    الدولة : ألكـويت . الجهرأء
    المشاركات: 8,871
    افتراضي
    مافهمت انتو تكتبون ولا تنسخون ياليت تفيدوني ^_^ ،،
    قديمة 19 - 01 - 2010, 15:25
    صورة 'عاشق القمة' الرمزية
    عاشق القمة
    .:: عضو متألق ::.
    تاريخ الإنضمام: 30 - 09 - 2007
    رقم العضوية : 39891
    العمر: 3
    المشاركات: 6,026
    • أرسل رسالة بواسطة Skype™ إلى عاشق القمة
    الإجابات المقدمة: 1
    افتراضي
    ^
    هي روايه بين كل رد انزل جزء ..
    =========

    طلع راكان من غرفة غاده وألتفتت لجوالها دقت أرقامه اللي حافظتها عن ظهر قلب وما رد عليها

    مره مرتين ثلاث ما رد كان جواله على الصامت ولا حس فيه أرسلت له مسج من كتاباتها :

    أحبك وأعلم أني لست لك وأنك لست لي كسماء تجمع السحب ويخونها الغيم ..! يا لخيبة الحلم والأحلام التي طالما زارتنا
    لعل رحمة الخالق جعلتك أخاً لي . غاده

    قفلت غاده جوالها ونامت بعد مرور سبع ساعات رن منبه الجوال وكعادة أي بنت سعوديه تضغط على غفوة لحد ما يجي أحد ويصحيها دخلت عليها نوره وهي
    طالعه للدوام غااااااده قومي يالله , صحت غاده بسرعه لأن نومها خفيف ( خفيف وهي تحط غفوة كملي البارت ولا يكثر ) أول ما فتحت عيونها ناظرت بالجوال ولا حصلت
    لا مكالمه ولا مسج طلعت واتحممت وبدلت ملابسها ورتبت شعرها وطلعت للجامعه .

    ............

    في بيت عمتهم الجوهره :
    مناااااااال قومي قامت قيامتك أخوك ينتظر , منال وهي تتمغط : طيب يمه اللحين بصحى ,تأخذ منال جوالها وتناظر وش ذا 30 مكالمه لم يرد عليها !
    فتحت الجوال وكانت ساره بنت خالها أف ياربيه ساره ذي ما تعرف غير رقمي لحول بس " قعدت منال تفكر وش عندها ساره تتصل اممم يمكن لأني ما حضرت
    الجمعه معهم في المزرعه ؟ لا لا ما أظن كلهم يعرفون إني منيب حريصه عليهم ويععععع وش بيفكني منها ذي

    دخلت الجوهره على بنتها منال : يالله صحيتي بدلي بسرعه نواف ينتظرك
    نزلت منال بعد ما أتحممت وبدلت ونفسها شينه مررره جلست مع أمها علشان تفطر : اف انا شكلي بذبح دجاج العالم كله
    الجوهره : وليش ان شاء الله ؟
    منال : علشان ما عاد تسوون بيض يعني بزعمكم تشكلون هاه ؟ بيض مسلوق وبيض مقلي ! خربوها مره وحطوا بيض عيون " بعدت منال الطاوله بيدها ورجع الكرسي
    ورى وخذت شنطتها وطلعت مع أخوها اللي كان عكسها تماما قمة في الذوق والأدب كان بأخلاقه يشابه عبدالعزيز كثير فتحت باب السياره وهي تقول يالله
    صباح خير فيروز مع هالصبح رد نواف بكل برود : إذا فيروز ما تنفع مع الصبح وش ينفع رابح والا علاء زلزلي ؟
    منال بصوت مبحوح : وش فيه رابح أقلها يعرف كيف يسوي جوء وهيصه

    كانت فيروز تغني :
    كيفك أنتا ملا أنتا
    كيفك قال عم بيئولو صار عندك ولاد
    أنا والله كنت مفكرتك برات البلا د
    شو بدي بالبلاد الله يخلي لـ لولاد


    كانت منال طول الوقت تناظر في جوالها ومستعجله تبي توصل للجامعه بسرعه , وصل نواف للجامعه ونزلت منال دخلت وعلى طول راحت لصديقاتها
    أشواق ورشا : صباحو يا عسولااااااات , جبت لكم اللي تبونه
    أشواق ورشا وهم بيتشققون من الفرحه : جد هاتي " كانت سي ديات ومجلات أشياء مش كويسه , لمحت منال غاده وهي تمشي من بعيد " يؤه وش جابها ذي بعد "
    مشت غاده جنبها ولا عبرتها لأنها عارفه بكمية الحقد والكره اللي بقلب منال فتعاملها بنفس الطريقه أما ساره كانت على نياتها
    عضت منال على شفايفها : أوخس مهيب هينه " ضحكت رشا وهي تقول : حدك عاد هذي يسمونها بالجامعه ظلال كريستينا ههههههههه
    منال وهي مستغربه : من متى هذي فضيله المبشر وتخب عليها قال كريستينا قال
    أشواق وهي مرتبكه : بنات بلا هياط من زينكم عاد أمشوا بسرعه فوق خلونا نشبع غريزتنا, طلعت منال وهي تقول تدرون عاد إني لما أقابلهم بالمزرعه أصير غير
    أشواق وهي تنبش بشنطتها : ليش طيب ؟ منال : لأن فيه شخص يخلي الدنيا غير ويخلي منال غير قولو آمين بس يارب يكون من نصيبي " تتنفس بعمق يالهوووووي
    يا أنا بحوسه حوس يا أنا بألعب فيه لعب بخليه ما يشوف غيري ولا يسمع غيري " تقاطعها رشا : صوت ونبلعها لكن شكل تبطين سوري يعني بس أول مره أشوف
    شينه وشايفه عمرها ! إذا غاده وقلتي عنها فضيله المبشر أنتي وش بتطلعين ؟" أشواق وبضحكه عاليه : تخبرين اللي مع عيال قريه أختهم اللي أسمها لطيفه أبد
    مهيب بعيدتن عن منال هههههههههههه .
    منال وهي معصبه : قلبتوا علي ؟ طيب لو تموتون ما أخذتوا ولا شفتوا اللي بالشنطة
    رشا : لولي قلبي وش فيك ترى نمزح , منال : وخري بس جد ما أمزح لو جثتي ما تشوفون شئ , رشا وهي تقرب من منال وتتحايل عليها : يارب يارب يارب عبدالعزيز
    ولد خالك يكون من نصيبك ونحظر زواجك يارب
    منال بدون ما تحس تجلس على الأرض وتفتح شنطتها وتطلع كل شئ شوفوا وتسولف عليهم وهم مشغولين :عبدالعزيز غريب جرئ جداً وبنفس الوقت
    أحسه خجول ,طيب مره ومع كذا عصبي , أبيه زوج لي لأنه وسيم و حنون ورومنسي وما أبيه علشان بيئته والناس اللي حوله معقدين ما يحبوني , تصدقون شفته مره
    وهو طالع من المسبح كان صدره عريان يا ساتر يا بنات جسمه مشدود وعضلاته مرسومه رسم كان يمسح جسمه وينفض شعره كان إغراء وكان يغني يدوخ يدوخ وسندت
    برأسها على الجدار ويدها على جبينها, فجأة إنتبهت للبنات وهم مندمجين يناظرون ويفتحون الصفحات وكل وحده تخم لها سي دي .


    ..........
    في بيت أم فهد :
    غدير بدلي ونادي راكان وتعالوا تغدو يالله يمي , كان جوال أم فهد يدق ردت عليه نوره وهي جايه عند أمها :هلا فهووووووودي كيفك قلبي .؟ إحنا تمام
    ما عليهم كلهم بخير وجدتي بعد بخير أمم تبي تكلمها خذها مدت نوره الجوال على جدتها : يمه هذا فهد يبي يكلمك جدتها وهي تأخذ الجوال وتعدل جلستها :
    هلا أبوي شلونك ان شاء الله مرتاح , أنا أبشرك بخير وأمك وأبوك بخير , أبد يالغالي ناقصنا شوفتك بس
    مرت غاده من جنبهم وشارد ذهنها " نادتها أمها : غاده تعالي تغدي معنا
    غاده : لا يمـه مالي مزاج بنام
    دخلت غرفتها بدلت ملابسها ونامت على سريرها وجوالها بيدها " ياربي أتصل أو لا ؟ معقوله ولا أتصل فيني ولا أرسل مسج يمكن المسج قوي ؟ لا لا أنا ما كتبت شئ
    يزعله بالعكس ! يمكن مشغول أو يمكن سحبها نومه وما داوم ؟ أممم مدري وهي تفكر جوالها رن غاده : هلا والللللللله
    عبدالعزيز : هلا بك لحظه شوي ....... لحظه بس دقيقه .......
    غاده : آلو عزيز
    عبدالعزيز : آيوه هلا أخبارك ؟
    غاده : تمام أنت كيفك ؟ نايم صاحي زعلان راضي تحبني ما تحبني جاوب وبسرعه وبدون تفكير
    عبدالعزيز وبسرعه : صاحي زعلان أحبك
    غاده : من اللي مزعلك دلني بيته بس والله أدخل الأحداث لعيونك
    عبدالعزيز : وش أحداثه يالقاصر ! إنتي ومعالي زايد تحتفلون بعيد ميلادكم الثمانين قال قاصر قال ههههههه
    غاده : لحظه بضحك أصبر دقيقه ههههههههههه ؟ هاه تكفي ؟
    عبدالعزيز : لا شكراً وبعدين تعالي يا كونان تغديتي وإلا لا ,, غاده بتردد : أيوه ( عبدالعزيز يخاف على غاده لأن عندها هبوط في الضغط )
    عبدالعزيز : طيب تسمحين لي أتغدى جوعان مرا وإحتمال كبير لو ما قفلتي بأكلك
    غاده وبكل دلع : يا غبي إذا أكلتني ما يصير عندك غـاده
    عبدالعزيز : طيب يا دلوعتي إذا تغديت بكلمك لأني أبيك في موضوع ضروري
    غاده : أوكى
    لو اجتمع العرب على "إسرائيل" كما إجتمعوا على "سوريا" لتحررت فلسطين خلال ساعات .
    قديمة 19 - 01 - 2010, 15:49
    صورة 'همت بغرامك' الرمزية
    همت بغرامك
    :: عضو نشيط ::
    تاريخ الإنضمام: 07 - 01 - 2008
    رقم العضوية : 49010
    الدولة : KSA - Yanbu
    المشاركات: 2,076
    افتراضي
    الروآية حلووهـ

    بس كمل الاجزآء البآقية ’’ وعندي ملآحظة بسيطة

    قفلت غاده جوالها ونامت بعد مرور سبع ساعات رن منبه الجوال <~ آعد النظر فيها
    [ الإنترنَت والمِنتديَآت ]
    عَآلم فِيه الكثَير مِن الشآكله ..{ المتخلفه !
    ونَقص بالعقَول .. والأُصول .. والتربيه الأسريه ,’
    لذلِك : جميل أنَ تتجَآهل هَذه العيّنه ..
    -
    وَلآ حـآجه ,, سوَآ إنيْ كنت بِ الغربه , أهوَجس فيه وَ " أحتـآجه

    سبحان الله وبحمده , سبحان الله العظيم
    قديمة 19 - 01 - 2010, 15:51
    favpro.com
    Banned
    تاريخ الإنضمام: 26 - 03 - 2008
    رقم العضوية : 54844
    الدولة : جوف السرحان
    المشاركات: 1,262
    الإجابات المقدمة: 1
    افتراضي
    كم جزاء هي يالي تقووول
    قديمة 19 - 01 - 2010, 15:53
    صورة 'ray-8' الرمزية
    ray-8
    .:: عضو متألق ::.
    تاريخ الإنضمام: 24 - 12 - 2007
    رقم العضوية : 47354
    الدولة : 312
    المشاركات: 7,368
    الإجابات المقدمة: 1
    افتراضي
    الروآية حلووهـ


    بس كمل الاجزآء البآقية ’’ وعندي ملآحظة بسيطة


    قفلت غاده جوالها ونامت بعد مرور سبع ساعات رن منبه الجوال <~ آعد النظر فيها
    المنبه يصيح حتى لو الجوال مطفي
    .
    يستخدم العضوية أكثر من شخص
    .
    ‏​‏​گمآ ﺂن بعض ﺂلأكل لآ يؤكل
    هنآگ عقليآت ﺂيضاً لآ تُنآقش ﺈطلآقاً
    .
     
    العلامات المرجعية

    .. ( إنت حبيبي مو أخوي فاهم وإلا لا ؟) .. العَشٍقْ ـآلِمَمَنِوْعْ..

    أدوات الموضوع



    الساعة معتمدة بتوقيت جرينتش +3 . الساعة الآن : 12:32.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2015
    • 00966920020037
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2017, Jelsoft Enterprises Ltd
    SEO by vBSEO ©2011, Crawlability, Inc.