الركن العام للمواضيع العامة : :: [يمنع] منعاً باتاً كتابة أي مواضيع هابطه أو ترفيهيه أو التشهير بأي موقع أو صاحبه أو ذكر نوع من أنواع الإختراقات .

ده كلام يا احمد ؟؟؟؟؟؟؟؟

صورة 'naderib999' الرمزية
naderib999
.:: عضو متألق ::.
تاريخ الإنضمام: 07 - 06 - 2008
رقم العضوية : 59565
الدولة : مصر - القاهره
المشاركات: 7,954
قديمة 19 - 12 - 2009, 22:56
المشاركة 1
نشاط naderib999
  • قوة السمعة : 8923
  • الإعجاب: 303
    افتراضي ده كلام يا احمد ؟؟؟؟؟؟؟؟
    ده كلام يا احمد ؟؟؟؟؟؟؟؟
    إستووا.. إعتدلوا.. إستقيموا يرحمكم الله

    الله أكبر
    الله أكبر


    أحمد ركز بأه في الصلاة وبلاش تسرح طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

    الله أكبر
    أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

    سمع الله لمن حمده
    ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

    الله أكبر
    هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله

    الله اكبر
    أهوه أنا مركز أهوه، إنظر لمكان السجود وركز في الأيات اللي بيقولها الإمام

    الله أكبر
    الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

    الله أكبر
    هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

    الله أكبر
    أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

    الله أكبر


    السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش

    الله أكبر
    الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

    الله أكبر
    فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟
    بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
    .
    .
    .
    .
    الله أكبر
    الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

    السلام عليكم ورحمة الله
    السلام عليكم ورحمة الله

    إيه هيا الصلاة خلصت ؟

    السلام عليكم ورحمة الله
    السلام عليكم ورحمة الله
    أستغفر الله العظيم
    !!!!!
    .
    .

    :b leh:
    منقول
    شركة تعبئة مغلقة لأجل غير مسمى وجاري العمل على العملاء الحاليين فقط - تركيز تآم بترايدنت فقط ( لاستعادة الأمجاد )
    قديمة 19 - 12 - 2009, 23:23
    المشاركة 2
    صورة 'mok3com' الرمزية
    mok3com
    :: عضو نشيط ::
    تاريخ الإنضمام: 16 - 11 - 2006
    رقم العضوية : 28414
    الدولة : ...♫♫مــصر أم الــدنــيا♫♫ ...
    المشاركات: 1,312
    • أرسل رسالة بواسطة Yahoo إلى mok3com
    الإجابات المقدمة: 2
    افتراضي
    اما صحيح احمد ده بيسرح كتير اوى

    صحيح....

    ابقا اسألهولى هو حط الساعه الجلد فين اصله مكملش التفكير فيها و مقلش فى الموضوع ^_^
    قديمة 19 - 12 - 2009, 23:39
    المشاركة 3
    صورة 'naderib999' الرمزية
    naderib999
    .:: عضو متألق ::.
    تاريخ الإنضمام: 07 - 06 - 2008
    رقم العضوية : 59565
    الدولة : مصر - القاهره
    المشاركات: 7,954
    افتراضي
    اما صحيح احمد ده بيسرح كتير اوى

    صحيح....

    ابقا اسألهولى هو حط الساعه الجلد فين اصله مكملش التفكير فيها و مقلش فى الموضوع ^_^
    ههههههههههههههههههههههه
    منا لاقيتهالو فى الدولاب

    بجد ربنا يهدينا كلنا ونخشع فى صلاتنـا عشان دا فعلا حال نصنا تقريبا بيفكر فى 70 حاجه وهو بيصلي ولا بيركز مع الشيخ وان كان بيصلي لوحده تلاقيه دخل سورة النبأ فى النازعات فى البقره ومايفهمش حاجه ولازم بعد كل صلاة يسلي سجدتين سهو
    شركة تعبئة مغلقة لأجل غير مسمى وجاري العمل على العملاء الحاليين فقط - تركيز تآم بترايدنت فقط ( لاستعادة الأمجاد )
    قديمة 19 - 12 - 2009, 23:47
    المشاركة 4
    صورة 'kingston' الرمزية
    kingston
    :: عضـــو::
    تاريخ الإنضمام: 16 - 07 - 2009
    رقم العضوية : 67102
    المشاركات: 31
    افتراضي
    اه ده احمد ده ربنا معاه ويغفر ليه ........
    بس اشمعنى احمد يعنى ما فيه كتير غير احمد فيه عباس و عطيات وزيزو والخ ,,,,,,
    قديمة 19 - 12 - 2009, 23:49
    المشاركة 5
    صورة 'باسمـ' الرمزية
    باسمـ
    :: عضو نشيط ::
    تاريخ الإنضمام: 15 - 10 - 2009
    رقم العضوية : 73652
    الدولة : لا اله الا الله
    المشاركات: 2,006
    افتراضي
    ربنا يهدي حماده
    ويهدي جميع المسلمين

    قصه فعلا بتحصل كتير جدااا

    وانا للاسف ساعات بسرح في الانترنت وبحلم اني اني بقيت مسؤال كبير في النت وبقيت شخصيه مهمه
    وبعمل مشاريع علي النت:(

    الله يخربيت شوشو
    تابعوني علي
    BaSeM
    اضافة رد
    العلامات المرجعية

    ده كلام يا احمد ؟؟؟؟؟؟؟؟


    شاركونا .. جريدتك المفضله / كاتبك المفضل / صفحتك المفضله لمستخدمي كونكت موبايلي .. خدمة لاهنتم

    أدوات الموضوع
    طرق العرض



    الساعة معتمدة بتوقيت جرينتش +3 . الساعة الآن : 12:56.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2015
    • 00966920020037
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2017, Jelsoft Enterprises Ltd
    SEO by vBSEO ©2011, Crawlability, Inc.