×

- قصة غشييم في المغازل - تنتهي بالفشل-ههه!!!!

السلام عليكم ورحمة الله وبركاته اخواني هده رسالة وصلتني على اميلي وموتني ضحك شوفو كيف الدلاخة هههههه ةاعتدر لانها طويلة جدا ------------------------بدأت القصة مصيول قصة
صورة 'ميت الإحسـاس' الرمزية
قديمة 15 - 06 - 2009, 15:55
المشاركة 1
السلام عليكم ورحمة الله وبركاته

اخواني هده رسالة وصلتني على اميلي وموتني ضحك

شوفو كيف الدلاخة هههههه

ةاعتدر لانها طويلة جدا
------------------------بدأت القصة
مصيول
قصة مشوقة لاتفوووتك
أحلاااا سهرة عليها
- قصة غشييم في المغازل - تنتهي بالفشل-



المهم وانا في عز النووم والسعابيل لا فجــأه .. رن التلفوووون ...
وطبعا تلفوننا شايل ابوي منه كل الارقام ..
مووب مخلي الا رقمين التسعه والثمانيه ..
يعني مالك الا تدق على
الشرطه ولا الدفاع المدنـي وغيره مافيه ...
المهم اني رفعت السماعه واقول نعم ..
الا وذاك الصوووت اللي يرد الروووح ..
صوووت بنت ..
واخوكم اذا سمع
صوت بنت اوجعه بطنــه... - قصة غشييم في المغازل - تنتهي بالفشل-ههه!!!!
وقالت الووووو ..
انا ماااعاااد عرررفت
وش اقوووول انشلت برااااطمي وطلعت كني ياسر عرفات ..
ال ال ال ال لوووووو ..
قالت .. مين معاي ..؟؟
قلت .. معاك انا ..
<<<(( صرااحه جوااب يدل على ذكائي ..!! ))
وهي اللي تضحك ..
وانا قلبي احسه موب طبيعي قـالبها سامري واستنزل عندي الكبد والبنكرياس..
انوااع الررربكه ..
وقالت لي .. سوسو موجوووده ..؟؟
قلت لها ..
ما ينفع حـوحـو ..؟؟
قالت مين حـوحـو ..؟؟ ..
قلت .. هذا اسـم الدلـع حـق الحمار اللي هـو انا ... !!
وضحكت للمرره الثانيه على التواالي ..
وقالت .. يؤ يؤ ..
شكلي غلطانه .. طيب آسفــه ...
قلت لها .. لاعادي..
لاشكــررر على واجب ..
<<<(( دايم اسمع هالكلمه .. وجالس أنتظر الفرصه اني اقولها ..!! )) ..
وقفلت السماعه ... :
تصدقون .. ماادري وش صار فيني .. حسيت بشعقريــره في جسمــي ..
وان افرازات الخشـم عندي زادت .. وان ودي ارووح انبطــح في الحوووش
واكتب قصيـده هجائيه .. لايكووون هـذا هــو الحـب اللي يقولوووووون ..

<<<(( نعن ابو الحب اللي تعرررفه يالضفــدع ..!!

عاد انا ماني متعود على
البنات .. لأن ما شاالله بيتنا فيـه خـمـسـطـعـشـر رجال اللي هم انا واخواني وابوي وامــي ..

<<<(( الله يخلف على ابوك واميمتك هذا وانت اكبر
اخوانك عليه العوض ومنه العوض: ))

المهم .. يعني انا واخواني ماشفنا بنت ابــد ..
وهذا اللي سبب لنا عقــده
تسمــى العقـده الفيسلوجيـه ..


<<<(( من وين جت ذي ..!! ))

المهــم .. انـي قررت انــي اتعرف على بناااات ..
بس فيــه مشكلــه وحـــده
اللي هـي انـي ماعنــدي اسلووووب ابــد ...

<<<(( يعنـي وقفـت على الاسلوووب .. نعن ابوووك انت عندك الف مشكلـه مو مشكله بس .. واهمها مشكلــة وجهـــك اللي كنـه لوحة(انتبه امامك نقـطة تفتيـش.!!)


الوكاد اني مالقيت قدامي
الا واحد مـن العيال اسمه عبدوش ..
معروف ان البنات ما يعوقون معـاه ..
وانا اللي اللقـط مفتاح سيارتي واروح لــه .. الوكاد .. انــي رحــت لعبدوش ..
وعلمتــه بوضعـي وان امنيتــي في الحياة اتعرف على بنـت قبل ما اموت ..

<<<(( اخسسس يالشايب ..!! )::

فقال لي .. السالفه بسيطــه ..
اذا بغيـت البنـت تحبــك حسـسـها انها احسـن وحــده فـي العالم ...
قلت لـه .. يعنـي كيــف ..؟!
يعنـي ..

اقولها انتـي احســن مـن مارادونا ...!!
وهو اللي يرفسنـي برجلــه فـي بطنــي ..
وقال لي .. انت ثووووور ..
وش دخل مارادونا يالغبـي .. !!
انا قــصدي انـك تحسسها
بانوثتها وان مافيه
بنت غيرها في العالم ..
قلـت لـه .. برضه

مافهمـت .. يعني تبينـي اذبـح كل البنات واخليها لحالها ...!!
وهــو اللي يمووه علـي برجلـه ويمحطنــي بيــده علـى جبهتـــي ...
وقال لي ..
شوف انت حمااااار ..
ومارااح تفهـم الا بالدروس العمليــه ...
ويطلــع جواله ويــدق .. وقال لي .. شوف انا هاللحين باكلـم وحــده..
وتعلــم .. قلت لـه .. طيـــب ...
وكلم .. وقال .. هلا حياااتي هلا عمـررري هلا روووحي ..
انا لــؤي حبيبـك ومجنووونك ..
<<<(( الحمدلله على العقل .. نعن ابووك وين لؤي معــك .. والله لو اشووف وجهـه في احســن الاحواال بعــدمااعطيــه غيـر اسم جعـفــر ..قال ايش قال لـؤي ..!!))..

وقام يقوول لها ..
أحبــك وامووت فيــك ..
اناا بدوونك مثــل البيـت بدوون حاره ..
مثل التلفووون بـدوون حراره ..
مثل السواق بدوون سياره ..
انا البنـزين وانتـي الشراره ..
انا الشارع وانتي الاناره ..
انا الرومانسيـه وانتـي الاثاره ..
انا مبنى التجاره العالمي وانتـي الطياره ...
<<<(( قســم بالله اني بغيـت اضمــه وابووسه يووم سمعـت كلامه ..
حسيت بشعووور غريب ..نعن ابو بليسه لو يكلم جدار كان ذاب ))

المهم .. انه خلـص المكالمـه .. والتفـت لي .. وقال لي .. يالله دورك ..
باعطيـك رقـم بنــت وكلمها .. وقول لها نفــس كلامي ...
قلـت لـه بكـل خجـل .. طيـب .. وهو اللي يــدق علــى بنــت ويعطينـــي
الجوال عشان اكلمها ...
وانا اللي اقوول الووووو ..
ويووم سمعــت
صوووتها ضااعت علووومي .. ونسيـت كل الكلاااام ..
وقلت لها ..
بابا فيـــن ..!!
وما حسـيت الا بذيـك الجزمـه اللي لازقـه في مقفاي ...
وقال لي .. قـوووول نفس الكلام اللي قلتـه يالثوووور ...
وانا اللي اقووول لهـا...
هلا حياتي هلا رووحي
هلا تعالي ..
وقالت .. طيب وبعــدين ...
قلت لها ..
انا بدوونك مثـل الكيبورد بدون فاره ..
مثل التقاطع بدون اشاره ..
مثـل الحمار بدون حماره ...
مثل السلطـه بدون خياره ..
انا محترف وانتي نظام الإعاره ..
انا الولاعه وانتـي السجاره ..
انا الددســن وانتـي الغماره ..
انا الصرصور وانتـي البياره ..
اناااا..........!!!
.. طوووط طوووط طوووط طوووط ...
قفلـت الخـط في وجهــي ....
قاال عبدووووش ..
وش فيــك ؟؟ ..
قلـت لـه ..
لا ابــد الخــط مشغول ...!!


<<<(( مايعررف يصررف ابــــد ..!! ))

ومادريت الا وعبدووش مطلــع لووح فيه مساامير ودبجنــي فيــه لين قلــت للعنــز ياخاله ...:
المهـم .. اني رجعــت للبيـت ودماااني تصـب ومااليه وجهـي من كثر الطق
اللـي جاني مـن عبدووش
لدررجة ان اللي يشوفني ما يعرفني .. طالع كنـي مسابقـة ..
مـن صاحب هــذه الصوره ..
اللي يحطونها في المجلات ...
وانا اللي ادخـل البيــت بشويش عشان مايشوفني احــد ..
واطلـع غرفتي واسكــر الباب وانام ... وفـي عــز النوووم ..
دق جررس التلفووون .. وارفع السماعه .. الا هـي نفـس البنــت
اللي كلمتنـي اول مره ..
قلـت .. نعــم ..
قالت .. سوسو موجوووده.؟؟
قلـت لهـا .. شوفي .. بيتنا كلــه شباب .. ومافيه احـد يبدا اسمـه بحرف السيــن ..
انا واخواني كلنا اسمنا خالد .. وما فيه إلا اخوي الصغيــر فهــد هو اللي اسمــه نايف ونناديه عبدالرحمـن ....
<<<(( وش عنــده عادل امام..!! ))
والبنــت كرتها ضحكــه ..
وقالت : ما شاالله دمـك خفيــف ...
<<<(هي تحسبني استهبل مادرت اني دلخ من جد ))
وقلــت لها .. شكــرا ..
<<<(( مسوي مؤدب ..!! ))
وسـألتنـي البنــت .. وش تسوي هاللحيــن ..؟؟ ..
قلت لها .. والله كنـت نايم
... قالت .. يؤ يؤ تنام في الليل انــت ..!! ..
قلت .. اجــل متـــى انام ..؟؟
قالت .. لا انا انام في النهار واسهر في الليـل ...
قلـت لها ..
ليـش الاخـــت
بومـه
..!!
قالت .. لا بس الليل وقـت
الرومانسيه
..
انت تعرف الرومانسيه ..؟؟
قلت لها .. لا والله ما اعرف بنات انا ...!!

<<<(( مسوي فيها فاهم ..!! ))
وسألتنـــي .. انت وش اسمــك ..؟؟
قلت لهـا مصيول..
قالت وش معناه ..
قلت لها .. هذا اسـم كلـب كان عنــد جـدي وسماني ابوي عليـه لانـي اشبـهه
.... وسألتها .. وانتــي وش اسمــك ..؟!
قاالت .. داااليدااا ..
قلت لها ..
اناا ابي اعرف اسمــك مو عيارتك ...!!
قالت .. هــذا اسمــي ..!!
سويت فيها اسلوب وقلت لها إني حبيت وحده بس انتهى هالحب ..
لان اللي حبيتها خانتني ...
قالت لي .. من حبيـت ..؟؟
قلت لها .. حبيـت عنـز جيراننا ..
بس خانتني مـع تيــس سوري عشان لـه قــذلـه ...!!
المهم .. إن البنت قالتلي .. اوكي اكلمك بكره لان امـي تناديني ..
قلت مو مشكلــه ..
وتطووورت العلاااقه ..
وصرنا نكلم بعــض كـل يوم ..
وانا انقلــب حالي ..
ولاحظوا اهلــي انــي تغيــرت .. يعني نكون جالسين على الغـدا وإلا العـشا وانا ما آكــل .. سارح ..
ولاحظوا اهلــي انـي صرت مؤدب واقرأ واجد ..
وانا اقرا عشان اعرف كلام جديد في الحـب .. تلقاني اقرا كتـب الشعــر والحب والطبـخ ..

<<<(( لا تستغربون لان كتب الطبخ اتعلم منها كلام حلو بعـد مثـل
.. ياعسـل , ياحليـب , ياقشطـه , ياكريم كراميل ..!! ))

وبرضه صرت ادخـل كتــب ممنوعه للبيـت .. مثل كتاب ..
ماذا تفعـل في ليلـة الدخلــه .. وكتاب .. سنـه اولى زواج ..
بس المشكله انها ضاعت هالكتـب منــي وصرت اروح
عند بيارة جارنا اللي طافحه واقعـد افكر واتـأمل
وارمي
حصى وسط البياره
....

<<<(( مسوي رومانسي .. مثل اللي يجلسون على البحر ويرمون حصى ..!! ))

المهم .. انه في ليلـه من الملاليل .. قالت لي البنت .. مصيوول..
اوصـفلي شكلــك ..!!
لاولله البلشــه ..
وش اقولها هذي هاللحين ..
اقوولها اني قررررد ..
اعترف لها بالحقيقه المررره واقولها ..
اني جدار مالي ملامح ...
اعترف لها اني شبيه عبدالله سليمان((الف حمد لله وشكر )) الوكاد انـي قلت في نفسي .. ياولد خلني
اسوي مثـل كل الشباب ..
وانصـب عليها يعني تلقـى الواحد من الشباب شيييين
واذا شفته في الشارع
ماتدري هو رايح ولا جاي لان وجهـه ماله معالم ..
ولو تشوف وجهه
تحسبــه واحد معطيـك مقفاه .. يعني مفروض يحـط لوحه على وجهـه ويكتـب .. ترى هذا وجهـي .. عشان الناس مايلخبطون بين وجهه وقفاه ..... وانـا مثلكم واردى بعــد .. انا اذا قابلت احد يجلس ساعه محتار وين وجهي من قفاي وما يعرف الا اذا لقـى الورقه ..
لان فيني ورقه مثل
اللي تجي في الفنايل والسراويل عشان تعرف ورى من قدام ...
!! المهـــم .. انـي قلـت لهــا ..
انا عيوني مثل عيون جواد ..
وطولي مثل طلال الرشيـد ..
وخشمـي مثـل خشـم خالد عبدالرحمن ..
وملحـي مثل ملـح راشد الماجد ..
ومهضوم كثير مثـل رامي عياش ...

<<<(( والله ماناقص الا تحط ملحـن معاهم ويكمـل الاوبريت ..!! ))

الوكاد .. ان البنــت شكلها خقـت معــي وقامت تشاهق من الفرحه..
وسألتها طيب انتي اوصفيلي شكلـك .. .. قالت ..
ما اقدر .. لما تشوفيني بتعرف .. لان مالي شبيـه ..

<<<(( اخسس يابريتنـي..!! ))..

وانا اللي افـك خشتــي وسعابيلي تقوطر ..
كني كلـب شايف له عظمــه ...
وقلت لها ..
يعني باشوووفك ..؟؟
قالت .. اكيــد .. انا بكره باروح شاليهات اليمامه اللي على طريق الرياض الخرج .. ونتقابل هناك ..
قلت لها .. بس هذيك للعوائل بس .. قالت عاد انت دبر نفسـك ...
قلت اووكي مو مشكلــه بس كيف اعرفك ..؟؟
قالت بيننا الجوال ..
إذا وصلت كلمني وانا اعلمك وين تلقاني .. قلت لها :
خلاص الوعـد هناك ...
المهم .. اني انا توهقت .. وش لون ادخــل الشاليهات وهي للعوايل ..
.. وقلت مالي الا عبدوووش ..
اتصل عليه واتفاهم معاه ..
ودقيت عليه ..
ورد علــي وقال بعصبيه :
نعم وش تبـي يالغبـي ..؟؟..
وعلمتــه بالسالفه من سلسل اللين طقاق عليكم ..

<<<((تراني اقصد من طقطق اللين السلام عليكم بس مدلخ شوى ))

وقال لي .. والله صعبـه وش بتسوي .. قلت له .. وش رأيك تلبس عباة وتسوي نفسك حرمه وتروح معي على انك زوجتي ...
وهو اللي يتغير صوته
وقال .. أنا ولـد ابوي ..
قلت له .. بالله .. توني ادري ..
كنت احسبك ولد ابوي انا ..!!
قال .. تستهبل يالزبال ..
أنا اسوي نفسي حرمه ..
ياويل ويلي ويلاااه ..
خيل الخيـل خيالها ..
قلت له .. يارجال كلك تبـن لأدوس في بطنك ..
جالسين في مضارب
الباديه احنا ..!! ..
قال لي .. لا يا مصيول هذا شي ما اقدرر عليـه ..
وش اقول للجماعه ..؟؟
قلت له .. ومن قالك اننا بنحضر عرس ..
حناا بنرووح الشاليهااات ..
وانت ماراح تكشف وجهــك ابــد .. قال ..
طيب ليش انت مااتسوي نفسـك حرمه وانا الرجال ..!!
قلت لـه .. ياخوي انا ما اقدر ..
لاني لا رجال نافع ولا حررمه نافع ..
وبعدين حتى لو غطيت وجهـي بيكشفون اني ماني حرمه من
ريحتــي اللي كنها ريحـة شرابات عزوبي ... قال لي .. خلاص ..
بس لا احد يدري ...
قلت لـه .. ابشــر ..
بس جهز نفسـك بكره
بامرك ونروووح ...
وأخـذت سيارة واحد من العيال .. ورحــت لبيت عبدوووش ولقيت
عنـد بابهم شحاده
وهي اللي تجـي تبي تركب ..
قلت لها .. الله يعطينا ويعطيك ياخاله ..
وهي اللي تطق قزازة السياره شوي وتكسرها ..
وانا اللي اطلع من جيبـي ريال ونص كنت ناوي اشتري فيـه تويكـس ..
بس قلت مو خساره
فيها عشان الله يوفقني ..
وتوني افتح الدريشـه باعطيها..
الا وهي تقول افتح الباب الله ياخذ هالراس .....
الصوت مو غريب علي ..
يوووووووه عبدوووش.. قال .. اييه عبدوووش الله لا يبارك فيك ..
افتح بسرعه قبل ما يطلــع احد من هلـي ...
وفتحــت لـه الباب وركب ..
وانطلقنا للشاليهات ...
المهم وصلنا للشاليهات ....
ونزلنا من السياره ..
وامســك يـد زوجتي ..
اللي هـي عبدوووش سابقا ... ودفعنا التذاكر ..
ويوم جينا بنـدخل ..
وقفنا الحارس اللي على الباب .. وقال ..
لحظــه لاازم زوجتك تـدخل محـل تفتيـش النساء لاننا شاكين فيهـا ..
قلت لــه .. لييش في مطار حنا .. تراه شاليهات ..
بعدين وش فيها زوجتي ..؟؟
قال الحارس ... ياخوي وش هالحرمه اللي
لابسـه
زبيريات ....!!!!!
وانا اللي اناظر في
ارجول عبدووووووش الا
فعــلا لابس زبيريات ..!!!!
يالله لاتفضحنا بـس ...
وانا اللي اقول للحارس
ممكن تتركني مع زوجتي ..
ابيها في كلمـة راس ..
قال لي ادخل هالغرفه الفاضيه وتفاهم معاها ...
وانا اللي اسحب عبدووش للغرفه .. واترفس في بطنــه وانواع ألاكواع .. نعن ابوك يالغبي زبيريات مره وحــده ... قال ..
وش اسوي مالقيت جزمـه كعــب على مقاسي ...
وقلت له .. اسمع نزل العباة على ارجولك عشان ماحد ينتبــه يالغبي
المهم .. اننا رجعنا للحارس .. واعتذرنا منه على سوء التفاهم ..
ودفيناه بميـة ريال عشان يسكــت ...
واول مادخلنا استأجرت شاليه صغيـر وقلت لعبدووش يجلــس فيــه .. وانا باروح ادور خويتي
.... وطلعــت ..
ودقيــت جوال على خويتي ..
ووصفــت لـي مكانها ...
تقول انها عنــد الشجـر اللي جنـب المطعــــم ... وانا اللي اروح هناك ..
واجلـس ساعتين ادورها ومالقيتها ...
وادق عليها جوال قلـت لها ..
وينك فيــه لي ساعتين ادورك ... قالت .. انت ويـنك بالظبــط ؟؟؟..
قلت لها .. انا واقـف جنـب كيـس زباله .. وانتـي وينــك ..؟؟ ..
قالت .. انا واقفه جنـب واحد شكلــه مجنووون وعليه قل صـح ...
وانا اللي التفت وراي .. اووووب .. هــذي هــي ...

<<<(( افااا طلعـت انا المجنوون اللي تقصـده .. وطلعـت هي كيـس الزباله اللي اقصــدها ..!! ))

وهـي اللي تنصـدم ..
وقالت .. هــذا انت ..!!
وين الوصـف اللي تقووول ..
اجل طلال الرشيــد هااااه ..
امحـق طلاااال اللي تشبـه لـه انـت ..

<<<(( صادتني ان عيوني مثل عيون خالد الملا .. وجسمي مثل نبيل شعيل .. وخشمي مثل عبد المجيد عبدالله ..!! ))

.. قلت لها ..
لا انا فعلا مثل ماقلـت .. بس صار لي حادث هو اللي اثــر على وجهــي .. ولا انا كنـت حلوووو ...
<<<(( اييه هيــن ..!! ))
قالت .. مو مشكلــه اهـم شي اسلوبك اعجبنـي .. قلت لها ..
اشوى إن اعجبـك شـي فينــي ....
وطلـبت منها انها توريني
وجهها ..
قالت .. طيب بس لا يشووفنا احـــد .. وانا اللي
اغطــي عليها .. وقلت لها .. يالله بسرعه .... وهـي اللي
ترفــع الغطوه .. وانا اللي اضحـــك ..!!
قالت .. وش فيــك تضحـــك ..؟؟
قلت لها .. يالله عاد بدون استهبال ....!!
قالت .. وش فيـــك ؟؟ ..
قلـت لها .. يالله بسرعه شيلــي القناع اللـي على وجهــك لا تستهبليــن ....!!
وهي اللي تقول .. هــذا وجهــي الصدقــي يالقررررد ...
وانا اللي انصـــدم واحـس ان الارض تدور فينـــي ...
وش ذا الوجـه الشييييين .. اول مره اشوف وجـه
يطلــع منــه ريحــه مخيســه ...
نعـن ابووها حتـى الشجــره اللـي كنا واقفيـن جنبها رفعـت ثوبها وهربت ..
من شيــن وجهـها ....!!!
وانا كنـت حاط في بالي كلام رومانسي جلست عشرين دولار يوم احفظ فيـه ..
عشان اذا شفتها اقوله لها .. بس يوم شفت وجهها اللي كنـه وجـه واحد جالس في مجلس رجاجيل وفيـه اسهال ...
وضيعت كل الكلام اللي حفظتـه وقمـت الخبـط في
الكلام ....
سألتـها .. ليـش الغمـص ساكـن عيووونك ..؟؟
جاوبتنـي ..مـن الأرق ..!!
سألتـها .. طيب وش هالببسـي اللـي
مكبووب علـى ثوووبك ..؟؟ جاوبتنـي .. هـذا موبيبسـي ..
هــذا مـرق ..!!
سألتها .. طيب مادامك شينـه
وشهـولـه تغازلين ..؟؟
جاوبتنـي .. انا كنـت حلوه ..
بس ان وجهـي انحـرق ..!! وسألتنـــي .. وش رايك فيني ..
ما اشبـه باسكال ..؟؟
جاوبتهـا .. انتـي جسمـك جسـم باسكال ..
بس الوجـه الله خلـق وفرق ..!!
المهـم انـي ماقـدرت اتحمـل وجـههـا..
وقلـت لها .. انتـي جــدك الأكبــر كان غوريلا ..؟؟
قالت لي .. لا تطنـز انت ووجهــك ..
أنا أول كنـت مصـدقه ان الديناصورات انقررضت ..
بس من يوم شفـت
وجهــك عرفت ان هالكلام إشاعات اشاعات ...!!!
قلـت لها .. شوفي ياآنســه جراده ..
أنا ودي اجاملك واقولك كلام حلــو ..
بــس وجهــك يقول مااااااااالك أمـــل ..!!
قالت لي .. والله حتـى انا بعـد ودي اقولك كلام حلو ..
بس وجهــك ما يساعد .. وجهـك كنــه دعاية..
(لاااا للمخدراااااات ..!!)
المهــم .. ان كـل واحد منــا تفــل فـي وجـه الثاني ورحنا ...
وانا مـن الصـدمـه توقف تفكيــري .. كل آمالي واحلامي
راحت ادراااج الدواااليب .... وركبــت السياره ..
ورجعـت للبيــت وانا متحــطم .. كنـت متخيــلها مثـل مايا نصــري وإلا اليسـا ..
وطلعـت مثــل فطومـه ... لااااااااا خلاااص ماعاد ابــي اتعرف على بنااااات ...

<<<(( تكفـى آخر مره .. حرام تحطـم قلوب المعجبات يا راغب علامه .. اقول انطم بس))

الوكاد .. انـي سكرت باب الغرفـه .. ونمــت نووومة عدوكم ..
(( مسوي علوم رجال ..!!)) ومادريت اليوم الثاني الا باللي يرفس الباب ..
وانا اللي انقز من فراشي ... وش السالفه يالربع ..
إلا وهو ابوي يصايح ..
افتـح يالسمرمـدي .. افتـح لابارك الله فيــك ...
وانا اللي افتــح الباب ....
الا وابوي في وجهـي..
ووجـهه مايطمـن .. ويطلـع ذيـك العجرا من وراه .. وانواع التلحيـــط ..
واخواني وامــي
واقفيـن عنــد الباب يتفرجون الانذال ...
من لقاها مصارعه على الطبيعــه .... المهم .. ان ابوي شغال ضرب فيني ويقول :
تتزوج من ورانا يالخسيــس ..
قلت لـه .. والله ما تزوجت ... قال .. الا .. الشاليهات اتصلوا علينا
وقالوا خـلوا مصيول يجي ياخذ زوجته اللي نساها
امــس ...
وانا اللي تضيـع علومي .. وأبي افهـم ابوي السالفه ..
بس انــه شغال ضرب فينــي .. ماترك لي فرصـه ..
وبعــد جـهــد جهيــد قــدرت انفــك مـن ابوي .. ورحـت لآخــر الغرفـه ..
وياخذ ابوي نعال ويرميها علــي ... وانا اللي اوخــر عنها بـسرعـه وامسكهــا بفمــي ...
<<<(( متأثر بالأفلام ..!! ))
واخواني يوم شافوني
سويت هالحركـه وهـم اللي يصفقون ويصفرون لــي ...
وانا اللي اتحمــس ..
وانـط على ابوي وامسـكــه مسـكــه منومــه ..

<<<(( خربها الغبـي مع ابوه ..!!
وينـط واحد مـن اخواني ويمسـك يـد ابوي ويرفعها اول مره وطاحت ويرفعها ثاني مره وطاحت ..
ويرفعها ثالث مره وطاحــ... لاااا لاااا لااا لااا غيـر معقووول ...
رفـع ابوي يــده وقام يأشر باصبعــه يعني لااااا ترااني مانمــت ....!!
ويووم شفتــه مانااام .. وانا اللي اقوم وامسـك ارجوله .. واسوي
لـه
حركـه مقصيــه عشان
يستسلــم ..
بس ما استسلم .. واخواني يقنعونه انــه يستسلــم بــس هــو
عنيــد يحاول يـزحـف عنــد الحبال .. بس انا ماخليتــه ينفــس ... وفجــأه .. اوووه ..
لااا تــدخل خارجي ... امــي جابت المقلاة ومحطتنــي علــى
جبهتـــي محطــه مــدويه
... وتدخلوا اخواني ومسكــوا امــي وطلعوها
برا الحلبــه ..
<<<((عائله دلووووخ ))
المهم انــي دخــت وماعاد ادري ويـن انا وطحــت مكاني ..
ويزحـف ابوي بشويش .. ويحـط يــده على صــدري .. ويعدون اخواني
.. واحد .. اثنيـن .. ثلاثـه .... فااااز ابوووووووي هييييييييييييييييه ..
((الحمد لله والشكر))

المهم اني فهمت ابوى السالفه ((ما اصلح في جريات ابد اعلم واكع على طووول)) ونمر بيت ابو عبدوش ونعلمه وانواع التمحيط فيني
المهم وصلنا الشاليهات
وقلت له : معى لك مفاجأه وهو اللي يضحك ..
قال : والله اني خابرك ذيب ما تترك خويك ..
كذا الرجال ولا بلاش..
وووانا اقول في صدرى..
ايه هين ..
وهو يقول اكيد بتعرفني على وحده من خواتها..
قلت ايه : انا بعرفك على وحده صحيه..
وهو يبي يشوف المفاجأه بيفصخ العباه ..
قلت له خلها عليك كذا احسن..((انواع النذاله فيني))
وصلنا السياره ..
إلا وابو عبدوش ماسك مفــك العجـل فـي يــده يحتــري ولــده ...
وعبدووش مـن هووول الصــدمه
ماعاد شالته
رجليــه ..
طااح مكااانه وقااام يصيـــح ويولول ...
واستلمــه ابوه انوااع تفقيــع الوجــه.. وانواع الترفيع
والتنزيــل ....
وانا جالس اتفرج ومبسوط .. ومادريت الا وابووووي مااسكني وانواع الركب ..
وانا اللي اصيــح فيــه ..
هيه يابو الشباب ..
حلى هــي ..!!
توك طاقني قبـل شوووي ...!!
قاال ابوي ... اييه صحيح ..
بس عيـب الرجال يطـق ولــده وانا جالس
اتفرج ..
لازم اسوي شـــي انا بعـــد ..
<<<(( لا صراحه ان ابوي فاهم
في الاصول .. طالع لي ..!! ))
المهم .. عقــب الطــق اللي كليتـــه انا وعبدوووش .. تزاعلنا مـع بعــض ..
وانا حرررمت اتعرف على بنااااات ..

وخلاص كذا
------------------------




المشاهدات 938 | التعليقات 0
 
اضافة رد
 

وباء سوف يجتاح نصف العالم (معلومات سرية) قصص قصيرة لكنها جميلة جداً

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 14:27.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.