×

لا مؤاخذة .. هو إحنا بقينا كدة ليه ..؟

في البداية يا جماعة الموضوع فكرته مجنونة حبتين ، فمش عايز حد يفكر ان أنا رومانتيكي زيادة عن اللزوم ، وان أنا عايش في دنيا

صورة 'روميو مصر' الرمزية
قديمة 02 - 06 - 2009, 03:29
المشاركة 1
في البداية يا جماعة الموضوع فكرته مجنونة حبتين ، فمش عايز حد يفكر ان أنا رومانتيكي زيادة عن اللزوم ، وان أنا عايش في دنيا غير الدنيا ولاكلام اللي أنا عارفه وحافظه دة ، أو عندي حنين للماضي أو شايف الناس عموما ( طبعا بتكلم عن المصريين ) كانوا ملايكة وبقوا شياطين ، كانو حلوين وبقوا وحشين ..

لا طبعا .. الفكرة غير كدة خالص ..
الموضوع بيتكلم عن ظواهر اجتماعية في أصولها ومعانيها وسماتها الخاصة بيها .

بعد ما اتفقنا علي الفكرة البسيطة دي تعالوا احكيلكم علي حاجة جميلة أوي كتير بنقولها لكن أغلبنا مش عارف معناها الحقيقي ..


:: اللي بني مصر كان في الأصل حلواني ::
طبعا مش يقصد بتاع الحلاوة والبسبوسة والسمسمية ، المقصود بالجميلة دي ان المصريين عموما بيختاروا الحلو من كل حاجة ..

الحلو من الألوان
الحلو من الألفاظ والتعبيرات ..
الحلو من السلوك
الحلو من مختلف أنواع التعامل ..

كلنا أكيد مرينا بمشكلة أو شفنا خناقة حقيقيةحصلت طبعا مع اختلاف الأسباب .. نلاقي اللي بيتخانق علي حتة أرض ، واللي بيتخانق علي جوازة ، واللي بيتخانقوا علي الكورة .. أي حاجة من دي مثلا ..

نلاقي اتنين واحد بيقول التاني " علي فكرة انت راجل مش كويس "
صاحبنا يرد عليه يقله " ماتقول مش كويس انت اللي ستين مش كويس "
فجاة كدة يجي واحد محترم يقولهم " يا جماعة وحدوا الله ، وصلوا علي النبي كدة واهدوا "
أو يجي واحد كبير يقولهم " اختشي يا جدع انت وهو علي دمك ، بلاش مسخرة وقلة حيا "

بالليل بقي تلاقي الخناقة بقت موضوع حلو للسهرة ويقعدوا يضحكوا علي اللي كانوا بيتخانقوا .. :

:: لا مؤاخذة بس لكيت عليكم كتير بس خليكوا معايا :

المصريين بطبعهم تفننوا في اختراع الألفاظ والعبارات في المناسبات السعيدة ، أما المناسبات الحزينة دي حدوتة تانية .. تلاقيهم يخففوا العملية شوية أو يرمزوا ليها بألفاظ توحي بالعكس مثلا يعني :

فلان تعبان يقلك " بعافية حبتين " :sad:
وطبعا اللي بيقول الكلمة دي ما ينساش يدعي للي بيسمعوا ويقلك " بعيد الشر عنك " أو " بعيد عن السامعين "
أو " الشر برة وبعيد ياخويا "

مثال تاني :
كلمة " بالإذن أو دستور " دي بقي لو عايز الرجا والسماح عشان يقول حاجة أو يعمل حاجة كويسة ومشروعة يعني

-- اخترعنا بقي حاجة اسمها " لا مؤاخذة "دي بقي لو مثلا يعني واحد بيطلب من الموجودين أو اللي بيسمعوا السماح عن سلوك غير مشروع أو سلوك ما ينفعش يعمله أو لفظ ما يصحش انه يقوله ..

من هنا بقي اتعودت ألسنتنا علي الكلمة دي ناس بتكررها عشرات المرات وبقت عادة فواحد مثلا لو عطس أو كح أو قام فجأة قعد فجأة أو اتكلم فجأة أو سكت فجأة أو إذا قطع كلام واحد أو اضطر انه يقول اسم حيوان أو اسماء بعض الناس أو بعض المهن البطالة أو خايف مثلا ان بيسمعه يفكر انه بيتكلم عليه أو بدأ يقرب من شخصيته أو صوته علي وأزعج اللي قاعدين ..

السؤال هنا بقي هل الألفاظ والسلوكيات دي اللي كنا بنحافظ بيها علي مشاعر بعضنا انتهت من عندنا .؟.؟

خايف اجاوب علي السؤال دة واقول آه اختفت وللأبد ، وأبص في شوارعنا ألاقي ألفاظ بذيئة بين السواقين سواء عامة أو خاصة ، بيسوقها واحد أو واحدة مفيش فرق ..

وألاقي كلمة لا مؤاخذة اختفت من علي السنتنا ،
وأبص لوحد وهوا داخل عليا يقلي :
هوا الأخ مسلم ..؟
اقله الحمد لله
الاقيه يرد عليا ويقلي
انت ما بتصليش ليه ..؟
ولا لابس خاتم دهب ليه ..؟
ولا اخواتك وبناتك ومراتك مش محجبين ليه ..؟
ولا ابقي راكب في ميكروباص ألاقي اللي ورايا بيزغدني في كتفي ويقلي واحد مؤسسة والتاني نازل كلية زراعة ..
أما الأغاني بقي اللي بقت كلها بذاءة وانحطاط وتبقي امه داعية عليه اللي يقول لسواق وطي شوية ياسطي ..



آلااف النماذج من ألوان الفحش في التعبير اختفت من عندنا سواء بين العامة أو المسئولين أو الفنانين أو الفنانين ولا بتوع الكورة ولا اللي في السوق ولا ولا ولا ..
جرايم قتل ومعاكسات وتحرش جنسي وخطف وسرقة ونهب واختلاس وكتيــــــــــر ..


بذمتكم بقي مش من أبسط حقوقي وحقوقكم اننا نقول :

لا مؤاخذة .. هوا احنا بقينا كدة ليه ..؟

الكلام خلص ربنا يسترها علينا دنيا وآخرة يارب ..
طولت عليكم بس أنا زهقان أوي قلت اشخبط في كراستي شوية

Romuo
التعديل الأخير كان بواسطة روميو مصر; 02 - 06 - 2009 الساعة 03:32
المشاهدات 1212 | التعليقات 28
قديمة 02 - 06 - 2009, 03:36
المشاركة 2
صورة 'عبدالله ابراهيم' الرمزية
عبدالله ابراهيم
||| عضو التميز |||
تاريخ الإنضمام: 08 - 03 - 2006
رقم العضوية : 22723
المشاركات: 21,337
20
افتراضي
اقتباس
لا مؤاخذة .. هوا احنا بقينا كدة ليه ..؟


فع ـلا عزيزى اصبح ـت طبقة الكلام لغ ـة رسمية متداولة لدينا وهى كالع ـادة التى تتع ـود عليها

ولا تقدر تنساها لكن الح ـمد لله اخ ـتيار الكلام والتفكير فية قبل النطق هوة الاصح ولذلك تع ـلم الكلام هاذا سريع انتشارة لان الذى ينقلة ينقلة بدون وع ـى او ادراك ..)
قديمة 02 - 06 - 2009, 04:09
المشاركة 3
صورة 'T®oY' الرمزية
T®oY
:: عضو نشيط ::
تاريخ الإنضمام: 21 - 10 - 2007
رقم العضوية : 42674
الدولة : Linux
المشاركات: 3,237
افتراضي
بسم الله الرحمن الرحيم

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))

صدق الله العظيم
(@[email protected])
\_\||||/_/
\_\/_/
$$$$$$$$$$$$$$$$$$$$$
$ Skype : linux.hamdy $
$$$$$$$$$$$$$$$$$$$$$

(T®oY)
[Ahmed Hamdy]

^ اللهم ارحم والديا وادخلهما فسيح جناتك ^


قديمة 02 - 06 - 2009, 04:35
المشاركة 4
صورة 'MANDOZ' الرمزية
MANDOZ
:: عضو نشيط ::
تاريخ الإنضمام: 26 - 04 - 2007
رقم العضوية : 35275
الدولة : PSD
المشاركات: 1,068
افتراضي
بقينا كدا عشان لازم نكون كدا
بص لحال البلد الاول بعدين عيب علي الشعب ..
الشعب كفران عشان يجيب الجنية
قديمة 02 - 06 - 2009, 04:45
المشاركة 5
صورة 'waleed_so' الرمزية
waleed_so
:: عضو نشيط ::
تاريخ الإنضمام: 11 - 12 - 2005
رقم العضوية : 13852
الدولة : مصر
العمر: 42
المشاركات: 4,430
45
افتراضي
لا مؤاخذه يا روميوا
هو انت شبراوي
( مؤسسة - كلية الزراعة )

قديمة 02 - 06 - 2009, 09:05
المشاركة 6
صورة 'Ataaweb.CoM' الرمزية
Ataaweb.CoM
.:: عضو متألق ::.
تاريخ الإنضمام: 03 - 02 - 2007
رقم العضوية : 32172
الدولة : Ataaweb.com
العمر: 29
المشاركات: 6,826
6
افتراضي
لا موخذة ياغالي
عندي اعتراض علي كلامك
لا موخذة
كلنا عارفين ان الانسان بينشئ علي البيئة اللي اتربي فيها
وقليل اوي لو لقينا واحد بيطبق التقاليد
انت بتتكلم كده وشايف الناس كده
بس انت مش عارف كل الناس
ومش عارف الا شبرا واللي قاعدين في شبرا
الاهم اننا نكون حافظين للدستور علشان نعلم اجيال ورا اجيال
والاهم ان الانسان باخلاقه بس تكفي
والانسان العاقل هيقدر يوزن كلام صاحبه ويعرف انه مش جاي عليه
وده اشياء تعبرية علي الوجه او مع اي حركة تدل انها مش بنية مش كويسة
وبالعافية
تاريخ الانضمام لمجموعة الاستضافة : 1/3/2014
اسم الشركة : عطاء ويب لخدمات الويب المتكاملة
نوع الخادم : Vps
صاحب الشركة : اسلام بدير
خدمات الشركة : استضافة - تصميم - برمجة - حجز تراخيص منتديات - الدعم الفني - حماية السيرفرات - تاجير رسيلرات
مقر الشركة : مصر - القاهرة
هاتف الشركة/واتس اب : من داخل مصر 01062035499 - من خارج مصر 00201062035499
بريد الشركة : [email protected]
سكايب : ataaweb
الدعم الفني : http://www.ataaweb.com/support
روابط الشركة : ataaweb.com
قديمة 02 - 06 - 2009, 09:13
المشاركة 7
صورة 'Ahmedesign' الرمزية
Ahmedesign
.:: عضو متألق ::.
تاريخ الإنضمام: 02 - 03 - 2007
رقم العضوية : 32778
الدولة : Alexandria, Egypt
العمر: 26
المشاركات: 6,126
افتراضي
موضوعك ع الجَرح ..
إمبـارح في سـان ستيـفـانو علامة إسكنـدرية ..
كنت واقف ..
لقيت سوّاق تاكسي بيتخـانق مع عسكري مرور عشـان كتبـله مخـالفة ..
وبعدين لقيت واحد جاي من بعيـد عضـلات كدا ^^
وخبط السـواق قلمين قدّام المول ..
قام السواق خد التاكسي ومشى !
والمفـروض ان ده ظـابط ..
بس تقول إيـه !
السمووحه على الكَلام بالعـامية !
قديمة 02 - 06 - 2009, 11:43
المشاركة 8
U_4_Me
:: عضو نشيط ::
تاريخ الإنضمام: 07 - 02 - 2007
رقم العضوية : 32507
المشاركات: 1,485
افتراضي
للاسف كلامك صحيح .. او بمعنى اصح كلامك جية ع الجرح بالظبت .

البلد دى فعلا محتاجة معجزة عشان ترجع زى ما كانت .

تقبل تحياتى على موضوعك الممتاز .
“الحياه قصيره”
قديمة 02 - 06 - 2009, 17:18
المشاركة 9
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي

فع ـلا عزيزى اصبح ـت طبقة الكلام لغ ـة رسمية متداولة لدينا وهى كالع ـادة التى تتع ـود عليها

ولا تقدر تنساها لكن الح ـمد لله اخ ـتيار الكلام والتفكير فية قبل النطق هوة الاصح ولذلك تع ـلم الكلام هاذا سريع انتشارة لان الذى ينقلة ينقلة بدون وع ـى او ادراك ..)
عندك حق فعلا يا أخ عبد الله ..
ممكن ننقل كلمات أو نتداول عبارات احنا مش عارفين معانيها إيه ..
وبتبقي عادة عندنا ..

شكرا علي مرورك الرائع دة
قديمة 02 - 06 - 2009, 17:20
المشاركة 10
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي
بسم الله الرحمن الرحيم

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))

صدق الله العظيم
حقا يا أخي ..
ابتعدنا عن الله فاستحق علينا ما ورد في هذه الآيات ..
ربنا يهدينا جميعا ..
قديمة 02 - 06 - 2009, 17:25
المشاركة 11
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي
بقينا كدا عشان لازم نكون كدا
بص لحال البلد الاول بعدين عيب علي الشعب ..
الشعب كفران عشان يجيب الجنية
لا معلشي ..

ماهو حال البلد بقي كدة ..
عشان اتخلينا عن قيمنا وعاداتنا وأخلاقنا ..

ما تلومش علي البلد ..
البلد هيا هيا ..
عاش فيها الناس اللي كافحت ..
وعاش فيها الناس اللي نهبت ..
الفرق في الأخلاق ..
قديمة 02 - 06 - 2009, 17:28
المشاركة 12
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي
لا مؤاخذه يا روميوا
هو انت شبراوي
( مؤسسة - كلية الزراعة )
لا وحياتك ..
دة أنا منصوراااااااااااوي ..
بس انا بتكلم بصفة عامة ..
والخط دة اللي جه في بالي وانا بكتب الموضوع ..


نورت يا حاج وليد
قديمة 02 - 06 - 2009, 17:34
المشاركة 13
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي
لا موخذة ياغالي
عندي اعتراض علي كلامك
لا موخذة
كلنا عارفين ان الانسان بينشئ علي البيئة اللي اتربي فيها
وقليل اوي لو لقينا واحد بيطبق التقاليد
انت بتتكلم كده وشايف الناس كده
بس انت مش عارف كل الناس
ومش عارف الا شبرا واللي قاعدين في شبرا
الاهم اننا نكون حافظين للدستور علشان نعلم اجيال ورا اجيال
والاهم ان الانسان باخلاقه بس تكفي
والانسان العاقل هيقدر يوزن كلام صاحبه ويعرف انه مش جاي عليه
وده اشياء تعبرية علي الوجه او مع اي حركة تدل انها مش بنية مش كويسة
وبالعافية
كلامك كله جميل أوي ، لكن في حاجة تعقيبا علي اعتراضك ..
أولا انا مش من شبرا خالص ..
ولا اعرف حد في شبرا ..
ثانيا ..
الموضوع كله ما هو إلا مثال لحال وصلنا إليه ..
حال تدني الأخلاق في كل التعاملات اللي بيبنا ..
يمكن الألفاظ اللي أنا استوحيتها في الموضوع
ما تنطبقي علي كل الناس ..
لكن دة مثال ..

بس انا عايز منك حاجة بسيطة أوي ولا مؤاخذة يعني ..
ممكن تقرأ المقدمة بتاعت الموضوع كويس وامعن فيها ..؟
صدقني هتفهمني ..
قديمة 02 - 06 - 2009, 17:35
المشاركة 14
صورة 'غير الناس' الرمزية
غير الناس
:: عضو نشيط ::
تاريخ الإنضمام: 19 - 01 - 2008
رقم العضوية : 50377
الدولة : السعودية
العمر: 86
المشاركات: 3,920
افتراضي
يعطيك العافيه اخوي على قد نيتك

ولكن حاول في المرات الجايه تكتب الموضوع بلهجه واضحه
او باللغه العربيه لافصحى
||||||||||||||||||

قديمة 02 - 06 - 2009, 17:38
المشاركة 15
صورة 'روميو مصر' الرمزية
روميو مصر
:: عضو نشيط ::
تاريخ الإنضمام: 06 - 12 - 2006
رقم العضوية : 29069
الدولة : فــ أرض الكنانة ـــي
العمر: 32
المشاركات: 428
افتراضي
موضوعك ع الجَرح ..
إمبـارح في سـان ستيـفـانو علامة إسكنـدرية ..
كنت واقف ..
لقيت سوّاق تاكسي بيتخـانق مع عسكري مرور عشـان كتبـله مخـالفة ..
وبعدين لقيت واحد جاي من بعيـد عضـلات كدا ^^
وخبط السـواق قلمين قدّام المول ..
قام السواق خد التاكسي ومشى !
والمفـروض ان ده ظـابط ..
بس تقول إيـه !
السمووحه على الكَلام بالعـامية !
دة اقل واجب العساكر بيعملوه مع السواقين ..
ربنا يستر علينا دنيا وآخرة ..

نورت يابو حميد ..
وسلملي علي اسكندرية ..
 
اضافة رد
 

[ فتاوى ] حكم التصوير | حكم قول "ماصدقت اني القاك " | حكم تغيير الاسم بعد الاسلام | فشل الألمان في تقليد حركة سعودية

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 10:52.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.