أنـا وكرستيانو والشله ~

بـسم لله الرحمن الرح ــيم ~ كيكفكم ان شاء الله كويسون × المهم بعد سالفة البوغاتي الشهير والتي تناقلتها الصحف حبيت أقولكم سالفتي مع كرستيانو

صورة 'سر الجاذبية' الرمزية
سر الجاذبية
:: عضو نشيط ::
تاريخ الإنضمام: 02 - 04 - 2008
رقم العضوية : 55668
الدولة : U S A
المشاركات: 4,529
10
قديمة 04 - 05 - 2009, 14:32
المشاركة 1
  • قوة السمعة : 4520
  • الإعجاب: 479

    بـسم لله الرحمن الرح ــيم ~

    كيكفكم ان شاء الله كويسون

    ×

    المهم بعد سالفة البوغاتي الشهير والتي تناقلتها الصحف

    حبيت أقولكم سالفتي مع كرستيانو >>> حتى حنا لنا رب

    : )

    قبل امس كنت اتدرب بالنادي (تشلسي) مع العيال شف شنكو ودروقبا
    المهم
    وحنا جالسين نتدرب دق على جوالي واحد وسكر وانا على طول عرفته طلع كرستيانو رونالدو ملعون الوالدين ... وادق عليه واقول ياخي قضيت ام رصيدي يابو قعط قال لي يرحم والديه ابو كرم < تحملوني شوي
    قلت له عطني الزبده ترا الجوال يقول رصيدك منخفض قال اوك
    قال لي انا عازم الجماعه على عشا بمزرعتنا وحبيت انك تحلي العزيمة بجيتك ... قلت الله مير يسلمك يابو رونالدو مير طارق التايب عازمني ومالها داعي ارده
    قال طارق البآيخ الي سحبت فيه بالسعوديه قلت ايه قال يارجال صرفه واجني لان بيجوننا ناس تعزهم
    قلت من قال (هنري و ميسي وابو فيتش والشايب باتيستوتا و اكويلاني اللي بروما ونآس ثانين بعد ) قلت ماعاش من يردك يابو رونالدو ابشر بمن يحضر عندك من الظهر قال الظهر مابيك بطلع مع اهلي بنسير على مزرعه خوالي قلت له على طاري خوالك هم وش عايلتهم ? قال تراهم من جماعه مارادونا ويرجعون من قبايل نجد
    همن قال لي انا كد قابلتك وكان معي واحد من عيال خالتي يوم عند بقاله الامير ذكرتها ? قلت لاتقول لي اللي شعره مقوم قال عليك لمبه قلت الله يقلعك انا يوم شفته شكيت بامرين يا انه يتروش بببسي او انه شايف ام دروقبا قال لا يارجال ماتدري انه رآيح وطي مع شعره ? يقول لو بروح اسواق اليحيى والله ان يخقون معي البنيات ...
    بالله انت ماتدري ان راسه فيه خنفسين وبعرصي ... قلت زين والله ان كانه كذا اقول بس تراك طولتها وهي قصيره انا عقب صلاه المغرب بكون موجود اذا مالقيتك بجلس اسولف مع السوداني حق المزرعه لين تجي ... واذا شحنت حولي 10 قضيت رصيدي يالوصخ قال بخبث ان شاء الله ودريت ان ماوراه خير...
    وطلعت من النادي ورحت لمقهى وادخل موقع كوره الشهير واشوف اخبار اللعيبه ومدري ايش ... المهم فجعت يوم قريت خبر وهو يقول (طارق التايب يصرح ان الفوتوغرافي لاعب بآيخ ... وقد قال ايضا: الله يلعن من سماك لاعب ) وانا زقت معي وارسل له كول مي ويدق واقول له كذا ياطارق وقال وشو ? قلت الكلام الي قلته فيني قال مانيب قده بس تبي الصراحه لعبك مهوب ذاك الزود مع احترامي قلت والله ? اجل بنقابلكم الربوع الجاي بملعب نادي ارسنال قال يا معوق كيف نروح نادي ارسنال وانت تشلسي وانا هلال ? قلت ماعليك ايتو الذيب مايقصر بيدبرنا قال خلاص اجل ...
    المهم تواعدنا عالمكان ...
    وعقب ماسكرت المخابره< اروح انا مخابره
    زقت معي عقب ما قريت الخبر وتميت عشر دقايق وانا دافع عن ساعتين واجي بطلع وتذكرت اني دافع عشره (مقهى اوليه) للساعتين
    وقلت للفلبيني عطني 8 مابطيت قال سقها لارجفك انت قلت لي ساعتين لأ استطيع ارجاع نقودك < يتكلم لغه عربيه واول مادخل السعوديه ودوه لبيشه يعني لاتغركم زين اللهجه
    وانشب له لين قال لي ترا بنادي السكرتيه اخليهم يتشجارون معك ويمردغونك تراهم مفتولي العضلات قلت وينهم انا في راسي حرش وجو 2 ويوم شافوني قال واحد ذا العصل اخاف اعطيه بقس ينشل ماقدر اطقه طقه انت وكل واحد يقول رح انت وقلت يالزلايب الحالي وقامطين والله انكم هلاليين < تلاحظون جبت التعصب هنا
    المهم ودفني واحد وانا ارجع ورا كيلووين هذا عقب ما تكرفست وعضيت الارض ودخلت بالمطعم الي جمب الكوفي
    ومشو وانا توعدتهم ومشيت
    واعود البيت واتضبط واطق الكرفته على فنيله النصر واروح لعزيمه كراوسان < يقاله دلع كرستيانو
    والا ابن الايه ماجا واجلس اسولف مع سوداني المزرعه النصاب وبعطيكم سالفه من سوالفه

    يقول انا تراني الحالي من بين اهلي كلهم الاسود
    قلت بآين اصلن قال ادري كل الناس اذا قلت لهم كذا يقولون بآين
    ووراني صوره واحد مهوب غريب علي يقول هذا اخوي (اللي بالصوره اكويلاني) قلت انا من يوم شفته وانا مشبهه عليك ... وكل يوم ينصب علينا يا اما يقول امي لبنانيه ولا ابوي عيونه زرقاء وانا مغير قوه تسليك ...
    وجا كرستيانوا وندخل انا وياه الملحق حقهم ومن شافني وهو يقول والله انك رسمي غطيت على اخو السوداني حقنا على فنيله النصر والكرفته ماشا الله عليك بس ...
    المهم الولد قال لي اليوم انا والعيال مجهزين شي فله وبتشوفه وانا عرق اللقافه نقز فيني واقول له ياولد وشو ويابن الحلال ونشبت له وقال لي خل اللقافه والله لو انك قصمنجي ياخوك < احترامي وتقديري ياعاشق القصيم ترا الدعوى مزح
    المهم جلسنا وشوي ودخل علينا دروقبا ويوم شافني قال وانا اقول ليه اللمبه الي عند باب المزرعه طافيه اثرك موجود ? وانا مفهي واقول الله يسلمك < يوم جاوبته توني ماستوعبت جملته مزبوط
    وشوي لين تجمعوا الشباب كلهم ويقوم ابو رونالدو ويطلع وهو قايل عن اذنكم شويات وراجع وطلع الرجال ودقيقتين ويدخل ومعه عود ومرواس و3 طبول الي تنحط قدام اللي بيروس قلت هذي المفاجأه يابو رونالدو قال الله الله ويستلم هنري المرواس والطبول الثلاثه والله ياهو غطا على ابو حيدر < اطلق مروس بالاغاني الشعبية
    واللي مستلم العود كرستيانوا والله ياهو عزيف والعود ابو 7000 سالمين اسمه ... عزف لنا اغنية لبريتني لاكن ماعرف هنري يروسها يقول انا ماعرف الا فهد عبدالمحسن وخالد سلامه وهيفا وهبي < مهوب عاقل هنري
    واطربنا بتغريده اخونا بالله دروقبا
    والله ياصوته شقا
    انا يوم سمعت قلت له انا بطلع لك شريط بربح سلام سلام بس مانيب حاط صورتك عليه لانهم بيحسبونه عن مجاعات افريقيا ...
    وفليناها ذيك الليله بس الي خربها يوم طب علينا ايمن < هذا ابو كرستيانو رونالدو
    ومعه خيزرانه ومغير تمحيط فينا ... وانا كنت حاط في بالي انه مطوع لين قال ميد كرستيانو (ياملعون الوالدين ورا ماقلت لي انك بتآخذ عودي ?) وكرستيانوا انلخم ماعآد يدري وش يسوي وركع لابوه قلت ماتنلام من شاف وجه ابوك سجد مهوب ركع وبس < ابوه فيه بوهه من القرد لاعصب ...
    المهم انا كان في وجهي رضه عقب الهوشه مع السكرتية وشافها دروقبا وقال لي افا ياذا العلم من مليخك ياخوك ? قلت يارجال السكرتية حقين المقهى متلاقط معهم وكانوا اثنين وانا يوم شفتهم فاضت قريحتي وقلت :

    جيتكم 1 وجيتون جماعه ... كلكم ضدي ترا ماهي شجاعه

    بس قفطني دروقبا قال يالنصاب هذي لحامد زيد قلت اخس تعرفه قال اكيد معي 4 اشرطه له ...
    المهم تبي تآخذ حقك ?
    قلت اي والله يا ولد لاكن كيف ?
    عيال عمي مسافرين ومالمي احد ... وكرستيانو زلابه الا مني بغيت اقول له ابيك تفزع لي ولاشي صرفني ...
    قال يارجال بس الرجال ماعليك ذولا خلهم علي ... عيال عمي جايين قبل امس من الديره ومايقصرون ...
    قال لي ابيك الساعه 1 تكون حول بآب المقهى قلت طيب ...
    وجت 1 واحتري الا يوم جا قدامي 4 مواتر كوابرس كلها والالوان رايقه ... وحده بنفسجية والباقي مدري وشن الزبده انها الوان جديده...
    المهم انا قلت من ذولا ياولد وراهم وقفو عندي الله يستر بس ...
    وشوي وينفتح طريف الدريشه ويقول واحد (تعال انت ) انا قمطت وسويت نفسي ماسمعت وشوي وينفتح باب الكابرس وينزل منها دروقبا
    وقال انادي العيال ...
    قلت نادهم وشوي سمعت دروقبا يهرج بلغه غير مفهومه اثره يقول فيه 2 يبي لهم من يمردغهم متعرضين خويي...
    وينزل من الموتر 60 نفر مدري كيف انا رآكبين ومعهم 6 اقزام طلعوا ذولا اخوان دروقبا الكبار ...
    المهم انهم مسكوا السكرتية ولعنوا والديهم ...
    ومشوا وانا ماسويت شي ...
    المهم ومرت الايام وانا مغير مع كرستيانو نطلع نقنص من الساعه 7 الصبح وما نرجع الا 2 عقب ماتضبط لنا امه اطلق غدا ...
    لين جا اليوم الموعود حق المبارآه ...
    وانا كنت احتري ذا اليوم بفارغ الصبر وادعي يارب ان طارق التايب مايسوي ذيك الحركه الي يجلس يضبط لعيبته وانا مقابله وبعدين يناول...
    المهم
    وطبينا الملعب وقلنا الانشوده حقت الوطن
    اني انا الفلاح ... الخ
    ويوم دقت طوالي الحكم صفر <لاتخافون مهوب عشان يغش للهلال
    والا الحكم يطلع جواله والاها ام عياله داقه عليه تقول له وش تبي عشا والظاهر اني سامعه يقول مرقوق مدري سليق ...
    وطفا جواله وكملنا لعب وشوي وتجيني الكوره ويطلع في وجهي الخثران ويطب علي ويصكني بقس وصفر الحكم والخثران يقول ماسويت شي ياخوي لمسته لمسه وبالغلط ...
    ويجي الذيب دروقبا وختم على خشم الخثران ببقس ...
    وطوالي مافحصوه ولاشي ودوه للعناية المركزه وقالو لاتأملون يلعب مره ثانية قال التايب اما عاد موب لاعب ابد ... قال الدكتور ياخوي مهوب لاعب قال التايب احلف وزقت مع الدكتور وقال كبرك انا امزح معك ...? اقول سقها لانادي درقبا يصكك بقس انت الثاني ... قال ان شاء الله ...
    والحكم ماعطا دروقبا كرت لان الحكم من جماعه دروقبا ولا قال له شي ...
    ويوم درا التايب قال وين ياحكم تصارع مع لاعبنا وماعطيته كرت قال ياخوي مزاج ... وزقت مع التايب وقال بطلت ... قلت بحارتكم تلعب انت ? عود لارجفك بغرشه ألموية الي جمبي وركد الرجال وعود ...
    وراح من المباراه نص ساعه والنتيجه اصفار ...
    وشوي تقابلوا طارق ودروقبا وسوا طارق حركته اللي دايم وسحب في دروقبا وزقت مع دروقبا ويجي ويرجف طارق على قفاه رجفه بنت كلب وراح على جمب وقام يبتسي والحكم جا ميد دروقبا وقال له لاتفلها ياولد عمي مالها داعي يطلعون علينا كلام حنا عيال الحمايل قال دروقبا اي والله انك صادز ... قال له الحكم رح حب راسه قال مايخسى ... احب راس الاجرب ولد خالت كرستيانو اطلق من ذي الكشره ... قال اقل شي رح تأسف منه قال طيب ... عاد دروقبا ماعنده اسلوب جا عند طارق وقال له زعلت ? وطارق قال ايه قال درقبا في 60 جدار بالملعب خخخخخخخ ودقها بتسيه طارق قال دروقبا يخوي امزح معك لا تزعل ... قال طارق طيب همن قال دروقبا تسامح وقال طارق ايه وقال يالله اجل قم مش خشمك ومسح دموعك وادخل الملعب ...
    ودخلوا وانا كنت على جمب اسولف انا والفريدي ... وهو كل شوي يقول لي انا خاق مع لعبك علمني قلت بس على شرط قال ويش قلت اتحداك تقول بطتنا بطت بطن بطتكم 10 مرات قال لاتكلمني ابد ...
    الزبده وكملنا وولا حصل شي بالشوط الاول ...
    وبين الشوطين جانا خرش ملعون جد من المدرب وخاصة دروقبا وشوي مشى للبيت المدرب يقول لي يوم مارقدت ...
    وسير علينا كرستيانو هو وولد خالته ابو شعر كايش ومعه كيسه حمضيات وفصفص
    وقال تراها تقويكم ماعليكم من الهلال ذولا الي ياكلون هالحين موز وعصير ليمون ...
    وشوي وبدا الشوط الثاني واطب الملعب وانا متهيض لان كرستيانو يقول اختي جايه بالملعب وتشجعك تراها ...
    وعاد اخت كرستيانو شق الله يوريكم < احس بيجيني باند
    واطب واسحب بنص العيبه واطلعها للامبارد وينتفها بس صفقت يد الحارس وطلعت ويجي اشلي كول يرفع وجابها مزبوط فوقي بغيت اهايط وادبل بس خفت اشوت راس تفاريس وتورم رجلي وبعد كنت خايف اضيعها واطيح من عين اخت كرستيانو وادقها بدماغي وجبت قول واسمع سمية (اخت كرستيانو) فوق بالمدرجآت تقول (كفو ينطح كفو ... عدآك العيب يالكيف)
    وانا طرت من الفرحه وصلت المريخ < بدا تنكيت الورعنة
    المهم قضت المباراه واحد صفر لنا طبعا ومسكت التآيب وقلت له رح صرح عقب شوي عند مذيعين الرياضية وقل (والله طلع لعبي انا السكه مهوب الفوتوغرافي وانا اعتذر عن التصريح الي قلته ذيك المره) قال تستاهل ...
    وطلعنا من الملعب مستانسين ورحنا عند بيت كرستيانو نحتفل وطق لنا الذيب كرستيانو برميلين جعه مخمخنا عليهن وجابوا العود ومير كل ابونا سكارى ...
    العزيف نسا كيف يعزف وهنري الرويس في دوره المياه يطرش (تكرمون) ...
    ورقدنا وقومنا ايمن (ابو كرستيانوا كما ذكر اعلاه) بسطل ماء في وجيهنا الله يقطعه وطردنا
    ومن عقبها حرمنا نجي كرستيانوا ...
    يوم طلعت من عندهم كنت مصدع ... وشوي ويدق علي رقم مميز بالحيل وارد وطلع اللي داق (سمية اخت كرستيانوا)
    وانا صراحه ماكد كلمت بنت ...وحتى ماعندي اسلوب اصلن ...
    وماكد سمعت واحد يكلم بنت الا ميسي ... اسمعه يقول لازم تثيقل على البنت ...
    المهم مسوي انا وخشتي ثقيل وقلت لها وش تبين يالنشبه قالت افا وراه نشبه قلت سكري بس انا ثقيل ما اكلم ذي الاشكال وصدقت وسكرت وزقت معي وارسل لها كول مي ولا ترد ...
    وكان معي 50 كنت زارفها من بوك كرستيانو وحنا بالملحق ...
    واطق شحن بعشرين وادق دق عليها لين ردت قالت لعنه وش تبي قلت لعنت مترستس <والله من زين ألرد
    قلت تراني امزح وراك زعلتي قالت احس ان دروقبا هو الي علمك تمزح ... قلت كيف عرفتي?
    قالت اخلص بس وش تبي قلت علينا قالت وش الي عليكم قلت ادري انك خاقه معي ... قالت اخق مع بريستاجو (لاعب بالاتفاق) ولا اخق معك ... قلت طيب ليه تشجعيني بالملعب قالت اخوي الي قايلن لي ولا انا ماودي قلت اها قفطتك قالت وش قفطتني فيه يالذيب ? قلت داقه علي ليه اجل ? قالت ادور اخوي يابزعه ابوي طرده معكم ... قلت مدري وينه ...
    المهم خبر انها ماتدانيني جاني كالصاعقه وصرت حاط على طبلون السدرك حقتي صوره قلب منشق ... وصرت اسمع اغاني حزينه ومارقد زين
    والي زاد الطين بله جاني عقب شهر دعوه على زواج ولد خاله كرستيانوا ويوم فتحت الدعوه القا مكتوب :
    زواج معتصم ... على كريمه ... ايمن كرستيانوا (هذا اسم ابو كرستيانو)
    وانا قلت خلاص انا بخربها بجي وبعرسه وبقول قصيده طلعت معي قبل 5 دقايق ...


    أبد ماجيت أبارك لك ، ولكن :
    جيت باوصيك ،،،!
    على اللي ناوي
    تدخل بها الليله "معذبتني " ...!
    ترى لولا الظروف اللي عطتك وحدت محاكيك ..
    قسما بالله ماتدخل عليها .. لو على رقبتي ،،!
    ولكن النصيب أقوى ولا أدري وش أسوي فيه ؟
    نعم .. صارت معزبتك ، ولا صارت معزبتي ..!
    كذا شاءت بنا الأقدار تحرمني لجل تعطيك
    كذا لازم عشان تفوز إنت ، أخسر بتجربتي !!
    تراها غااااالية جدا .. وتكفى .. الله يخليك :
    تدللها .. تدلعها .. تنسيها مصاحبتي !
    أنا من كثر ماأغليها أحس إني ؛
    ( بديت أغليك ) ...!
    ولاتسأل بأية حق ؟! ولا وش مناسبتي ؟!
    لأنك لو بتسألني بتسمع شيء مايرضيك ،،
    لذا ياأخوي لاتسأل ولاتسمع لأجوبتي
    أبيك تحطها
    [[ في داخل عيونك وبين ايديك ]]
    وهي " دلوووووعه " اعتادت على كثرة مداعبتي ....!
    فداعبها شوي شوي ،، حتى تشتهي طاريك ..
    وشااااااااااااغبها إلين تقول لك :
    [[ بطل مشاعبتي ]] ...!
    وإذا هي مالها خلقك .. ولاتضحك ولاتسليك ؛
    تحملها وأسألها :
    "ياعمري ليه عصبتي " ،،؟!
    وياك اسمع أنك يوم تضربها وهي تشكيك !!
    ماااايحتاج أوري لك " بفن الضرب" موهبتي ،.،.،§!!
    صحيح إنك بتملكها ، ومعك العقد بالتمليك
    وأنا عارف حدود الله ومن حقك معاقبتي ،،
    ولكن قلها ( المجنون ) وصاني وهو يعنيك
    يقول : أنه بينتظرك ولو شيب وشيبتي ....!!
    وأنا مجنونها اللي مانساها وأنت مايمديك
    تغطي ذكرياتي في هواها ، وربع تجربتي !!
    أحس إني تمااااااديت بكلامي والغضب حاديك ؟
    لو إنك في مكاني ماتفكر في محاسبتي ،،،!
    كفاك إني تركت الليلة أشغالي عشان أجيك ،،!
    دخلت القاعة برجلي ولاأدري وش عاقبتي ...؟!
    وأنا ماجيت أخرب عرسك الليلة
    ولا آذيك ..!!
    أنا جيتك عشان أخاطبك واسمع مخاطبتي
    توصى .. وانتبه .. واحرص عليها والله يهنيك
    ترى كل الكلام اللي طلع من ضيقي وكبتي ،،،!
    ولكن ٠٠ ماقدرت إني أقوله وأنت مايخفيك
    أخاف أني إذا قلته
    [[ تقوم وتقطع رقبتي ]] ...!


    وطلعت علآ طول برآ...
    ومن عقبها قلت خلاص مادام الدعوى كذا ماعاد نيب متزوج وقلت بيتين :
    مصيري طول عمري عزابي ... مابغا اتزوج كذا مرتاح
    مدام تغير البناتي ... ابي لي خيمه ومعاها سلاح
    المهم
    ومن عقب ذي السالفه وانا تطورت صرت ماعاد اشرب جعه ... لا هالحين ادهر بالتكيلا
    وشافني دروقبا قال ياخوك انت وش بلاك ... ابلشت امنا في اخت كرستيانو ... لاتهمك بس يطرون العيال انها امس جت بتطبخ لمعتصم وانفجر الغاز في وجهها وحت شعر حواجبها ... وراسها مافيه ولا شعره ... حتى كرستيانو يوم شافها قال ماشاء الله متاكم معتمرين ...
    ومعتصم تحرآه يطلقها قريب ...
    وان كان ودك تزوج ترا اعرف وحده من بنات عمي ... قلت فكني بس بايعها آخذ وحده منكم ? انت الظاهر احلا من بنات عمك ... قال ترا السواد شي ...قلت ياشيخ سقها بس ماعاد انيب متزوج خلاص انتهى الكلام قال براحتك ...
    وانا نسيت سالفه سمية مره ... ودق علي هنري مره الظهرية كنت انا وكرستيانوا نتغدى تونا راجعين من القنيص مثل مانتم خابرين ...
    وارد عليه:هلا ابو سعود
    قال هلا وراكم شي العصرية ? قلت لا والله قال خلاص اجل ترانا نبي نروح نطعس بشطب ... قلت قدام وانا اخبر ان هنري معه كورفيت يعني مدري كيف بيطعس بنا لاكن نسيت انشده
    وعقب ماصلينا العصر ونسمع صوت بوري ويوم طلعنا لقينا اخونا بالله هنري على هايلوكس 2008 خليجية جلكس ولزقه الوكاله ومغبره وقلت لاتقول لي بعت الكورفت وطقيتها قال لا هاذي ابوي طاقها لبنقالي المزرعه وماخذها من امس وضبطتها ... المهم الرجال مايدير للتطعيس البته وحنا على الدرب جانا تغاريز عادية يعني يبيله يسرع شوي والمهايطي مانسم كفراته ومهدي وغطس الموتر ... نزلنا والذيب كتم لامها لين وصل الشاصي للتراب ...
    وتزق معنا وقلنا له نسم الكفرات وحنا نب نروح ندور شي نحطه تحت الكفر دزمنه يطلع الموتر وجلسنا عشر دقايق ويوم رجعنا لقينا الشاب اللطيف فهم الدعوى غلط ونسمها الى الجنط ويوم ذاك بغيت اصكه بجوالي على خشته ... المهم قلنا ماش لازم ندور لنا واحد يطلعنا ولا يجيب معه ماطور ننفخ الكفر شوي ... ودق كرستيانو على ولد خالته معتصم (على فكره ... معتصم ابوه قصمنجي يعني خبره بالطعوس) وجانا الذيب على الفتك حقه ... وطلع الماطور من الموتر وتفخ الكفر خلا الهوا بالكفر 15 همن قال ميد هنري ادعس شوي شوي قدم وريوس لاكن ماش الكفر قام يحفر همن قال كل واحد فيكم (ميدي انا وكرستيانو) يجلس بالصندوق فوق جهة الكفر عشان يثقل على الموتر ويتحرك لاكن ماش حنا عصلان والكفرات غاطسة وشوي طلع لنا معتصم بفكرة خنفشارية ... راح طلع من موتره خيشتين كبار حقات رز ... حنا استغربنا وقلنا له عسا ماشر يالاخو ? قال البدوا يالخكارية وناظروا بس ... عطانا كل واحد خيشة وقال عبوها تراب لين راسها وفعلا عبيناها وعطيناهياها نبي نناظر وش بيسوي وحطها تحت الكفر وقال ميد هنري انزل لابوك لابو من علمك تسوق ... ونزل هنري والرجال طلع ذهين وطا علا الخيش واظهر موترنا وقلنا له ماتقصر يالذيب وقلنا ميد هنري والله انك سواق ياشيخ رجعنا لبيوتنا بس ... وقال معتصم والله ماتمشون خيمتنا فيذا تعالوا تقهوو وعينو من الله خير وسوقوها قلنا ابشر ..
    وجينا عنده وماقصر الرجال اول ماجيناه قهوانا وجلس اخوانه معنا وماشاء الله عليهم كل واحد شعره ازين من الثاني ... وجلسنا جلسه اطلق من الي بمزرعه كرستيانو ... طلع معتصم اطلق من كرستيانو بالعزف ... واستلم العود خلاه يتآغر (دام عزازي يقلد صوت الباخره بالعود اجل وش نقص معتصم) وجلسنا عنده بخيمته لين جا بكره الظهر ... همن عقبها يوم عودنا لمزرعه كرستيانو لقيناها تحترق ... طلع اخوه الصغير جا من المدرسه وراح يصخن الرز حق امس وانفجر غازهم والورع راح يركض بيدق على الدفاع المدني ويوم ردوا عليه قال مزرعتنا تحترق قالو له اقول الفقه بس يالورع مسوي بتلعب علينا ولو بحلف انك هالحين حاط تسجيل الصوت بجوالك ... وصكوها في وجهه ...
    وكرستيانو تعقد المسيكين يقول ياخوي قهر ترعرعت فيذا وحبيتها وبالاخير تحترق ! يالسخرية القدر ... قلت هها بس لاتسوي زاقه معك انت خابر ان ابوك الكآش بيطق لكم مزرعتن اطلق منها وبصير اجيكم دايم ... قال ياخوي انا من يوم عرفتك وانت تحلت وجهك عندي بالمزرعه ياخوي استح على وجههك ...
    وهنا تحطمت كليا وقلت :
    والله يانت تزبد وانا اخوك ... مير من اليوم ورايح معادنيب ناشبن لك ... وقال لي صدقت ياخي تراني امزح معك ... قلت زين يعني احلت وجههي عندك باي يوم عآدي < ماتآب
    قال حياك الله واول مانطق مزرعه بقول لابوي يخليك تسميها وانا قلت يس يس اجل بسميها مزرعه الشعراء < تحسون اللي كآتب ورع ...
    هذا والله اعلم وصلى الله وسلم على نبينا ورسولنا محمد < يسمع بالخاتمه

    وبعد 2سنة من ذي السوالف :
    كرستيانو: دخل المستشفى (زعلت عليه امه وقالت له : جعلك الجدري , وفعلا جاه)
    دروقبا: دخل السجن لانه تهاوش مع عبند بحي الثقبه في المنطقه الشرقية وفصخ راس 2 و3 في العناية المركزه , واحتمال يقصونه < يابعدهم يافزعتي ليتها في ولد خاله كرستيانو ولا فيك
    بنقالي مزرعه هنري : صادوه الدوريات في بيشة سارق الهايلوكس حقت اهل هنري
    هنري : طلبه خالد سلامه عشان يروس بشريطه الجديد الي بينتج قريبا
    سمية اخت كرستيانو : مسوية الله يهديها بتضحي وقعدت عند اخوها بالمستشفى واعداها
    الخثران : تعافا من الشلل واحتمال عقب مده يرجع للهلال ...
    التايب : جاه عرض من نادي الحزم واحتمال ينتقل اليهم ...
    ................

    مايستفاد من القصه :

    اطلق خ ـيالك الواسع وعادي تخيل ان ابوك وزير الماليه وانت معك بوغاتي او تخيل انك لاعب بمانشستر يوناتد
    أو تخيل انك > كـــــذاب < هذي الحقيقه ودوم الحقيقه مره على قول أخونا كلاش





    الــموضوع بـرعاية :

    الفوتوغرافي - كيفكم ديزاين - توشيبا -
    FrNdZz

    موبايلي تن تن تنتنت ..>>> نغمة موبايلي


    : )


    قديمة 04 - 05 - 2009, 14:38
    المشاركة 2
    صورة 'عملة نادرة' الرمزية
    عملة نادرة
    ||| عضو التميز |||
    تاريخ الإنضمام: 06 - 12 - 2008
    رقم العضوية : 63550
    الدولة : » Saudi Arabia | Jubail Industrial City ♥ «
    العمر: 27
    المشاركات: 12,150
    51
    قديمة 04 - 05 - 2009, 14:40
    المشاركة 3
    صورة 'Mohamed.Belal' الرمزية
    Mohamed.Belal
    مشرف الركن العام
    تاريخ الإنضمام: 18 - 04 - 2008
    رقم العضوية : 57039
    الدولة : في مملكتي الخاصة
    المشاركات: 7,823
    21
    افتراضي
    تمأم ..
    مـــــــــــطــــور مــــــــواقـــــــــــع
    للتواصل معي عبره التطبيقات التاليه :-
    whatsup - imo - Telegram - viber
    00201205448012
    قديمة 04 - 05 - 2009, 14:41
    المشاركة 4
    صورة 'salman alqahtani' الرمزية
    salman alqahtani
    :: عضو نشيط ::
    تاريخ الإنضمام: 16 - 11 - 2006
    رقم العضوية : 28254
    الدولة : الخبـر
    المشاركات: 4,431
    افتراضي
    خخخخخ
    لك رب ولنا رب ولله الحمد
    ربنا واحد
    ايه تخبر البوغاتي غاليه ونبي نبيعها
    اما كرستيانو قعيطي خبري به يوم كنا بزران كان خويي
    formspring.me
    متابع بصمت
    قديمة 04 - 05 - 2009, 14:42
    المشاركة 5
    تاريخ الإنضمام: 19 - 05 - 2005
    رقم العضوية : 4426
    الدولة : ..::+::. نجـــــــد ..::+::.
    المشاركات: 1,545
    افتراضي
    والله مدري وش تهذري ووش تقول ههههههههههههه

    يعني تبي بطاقة شحن والا وشو بالضبط؟
    قديمة 04 - 05 - 2009, 14:45
    المشاركة 6
    صورة 'سر الجاذبية' الرمزية
    سر الجاذبية
    :: عضو نشيط ::
    تاريخ الإنضمام: 02 - 04 - 2008
    رقم العضوية : 55668
    الدولة : U S A
    المشاركات: 4,529
    10
    افتراضي
    نورت



    يـسلموو



    خخخخخ
    لك رب ولنا رب ولله الحمد
    ربنا واحد
    ايه تخبر البوغاتي غاليه ونبي نبيعها
    اما كرستيانو قعيطي خبري به يوم كنا بزران كان خويي

    خخخ البوغاتي خلاص نبي نبيعها ونشتري غيرهـا
    اما كرستيانو تفتكر لما لعب معانا سوووني وصكناه ..XD



    والله مدري وش تهذري ووش تقول ههههههههههههه

    يعني تبي بطاقة شحن والا وشو بالضبط؟

    انت ماتفهم وش اسويلك ..


    قديمة 04 - 05 - 2009, 14:49
    المشاركة 7
    تاريخ الإنضمام: 19 - 05 - 2005
    رقم العضوية : 4426
    الدولة : ..::+::. نجـــــــد ..::+::.
    المشاركات: 1,545
    افتراضي
    انا ادري عنك !!

    كاتب كلام طويل عريض تقول كتاب قصص الأطفال تحكيها عن نفسك لنا ههههههههههه

    فهّمنا باختصار

    ترى اللي مثلي يعجز يقرا طويل
    قديمة 04 - 05 - 2009, 14:50
    المشاركة 8
    صورة 'خالد الشهري' الرمزية
    خالد الشهري
    :: عضو نشيط ::
    تاريخ الإنضمام: 22 - 09 - 2006
    رقم العضوية : 26639
    الدولة : السعوديه
    العمر: 34
    المشاركات: 2,806
    افتراضي
    خيالك واسع

    بس وش سالفة البوغاتي

    من امس اشوف مواضيعها وما فهمت وش السالفه

    فضلآ لا امر لو حبيت تفهمنا
    ◙────────────────█────────◙
    ◙───────────────█────────◙
    ◙────────────█▀█─█──▀─────◙
    ◙───▀▀──▀▀▀▀▀▀▀▀▀▀▀─█────────◙
    ◙───█─█─█───────────█─█──█───◙
    ◙───█─█─█──█──█▀▀▀──█─█──█───◙
    ◙───▀▀▀▀▀▀▀▀▀▀▀▀▀▀▀▀▀─▀▀▀▀───◙
    ◙──────────▀─────────────────◙
    قديمة 04 - 05 - 2009, 14:51
    المشاركة 9
    صورة 'فهد السديس' الرمزية
    فهد السديس
    :: عضو نشيط ::
    تاريخ الإنضمام: 05 - 03 - 2009
    رقم العضوية : 65369
    المشاركات: 1,982
    افتراضي
    ههههههههههههههههههههههههههههه
    هههههههههههههههههههههههههههههههههههههه
    هههههههههههههههههههههههههههههههههههههههههههه

    كملت نص السالفه والله انا فطست ضحححححححححك

    اما عاد اخوان دروقبا الكبار شي ثاني ض1 | ~

    تسسسسلم يالذيب ولا هنت يابعدي
    قديمة 04 - 05 - 2009, 14:52
    المشاركة 10
    صورة 'سر الجاذبية' الرمزية
    سر الجاذبية
    :: عضو نشيط ::
    تاريخ الإنضمام: 02 - 04 - 2008
    رقم العضوية : 55668
    الدولة : U S A
    المشاركات: 4,529
    10
    افتراضي
    انا ادري عنك !!

    كاتب كلام طويل عريض تقول كتاب قصص الأطفال تحكيها عن نفسك لنا ههههههههههه

    فهّمنا باختصار

    ترى اللي مثلي يعجز يقرا طويل
    فــضلا العقووول الصغيره خارج المعهد OUT

    قديمة 04 - 05 - 2009, 14:52
    المشاركة 11
    صورة 'فهد السديس' الرمزية
    فهد السديس
    :: عضو نشيط ::
    تاريخ الإنضمام: 05 - 03 - 2009
    رقم العضوية : 65369
    المشاركات: 1,982
    افتراضي
    اقتباس
    يعني تبي بطاقة شحن والا وشو بالضبط؟

    اسلوبك مدري وش يبي الصراحه | ~
    قديمة 04 - 05 - 2009, 14:54
    المشاركة 12
    تاريخ الإنضمام: 19 - 05 - 2005
    رقم العضوية : 4426
    الدولة : ..::+::. نجـــــــد ..::+::.
    المشاركات: 1,545
    افتراضي
    فــضلا العقووول الصغيره خارج المعهد OUT
    اها هذا قصدك بالموضوع يعني

    دام فيه عقول صغيره ورا ماتذكر لنا اسمائهم

    < تراه على نياته اخوي ياليت تذكر الاسماء بس
    يالله علمني واشتري لك بوقاتي مدري وش تسمونه هذا

    تحــــيتي
    قديمة 04 - 05 - 2009, 14:55
    المشاركة 13
    تاريخ الإنضمام: 19 - 05 - 2005
    رقم العضوية : 4426
    الدولة : ..::+::. نجـــــــد ..::+::.
    المشاركات: 1,545
    افتراضي
    مو فاهم الموضوع

    لا تلومني اخوي كبرياء هههههههههههه
    قديمة 04 - 05 - 2009, 14:56
    المشاركة 14
    صورة 'سر الجاذبية' الرمزية
    سر الجاذبية
    :: عضو نشيط ::
    تاريخ الإنضمام: 02 - 04 - 2008
    رقم العضوية : 55668
    الدولة : U S A
    المشاركات: 4,529
    10
    افتراضي
    خيالك واسع

    بس وش سالفة البوغاتي

    من امس اشوف مواضيعها وما فهمت وش السالفه

    فضلآ لا امر لو حبيت تفهمنا
    أقـراً الموضوع بالكامل وتعرف السالفه

    قديمة 04 - 05 - 2009, 14:57
    المشاركة 15
    صورة 'سر الجاذبية' الرمزية
    سر الجاذبية
    :: عضو نشيط ::
    تاريخ الإنضمام: 02 - 04 - 2008
    رقم العضوية : 55668
    الدولة : U S A
    المشاركات: 4,529
    10
    افتراضي

    ماعليك منه ..~

    ترىآ عقله صغير واستعابه بطئ


    مغلق
    العلامات المرجعية

    توقيع بسيط للأخوة المصريين ويحيا شعب مصر المانيا تتخوف من التحول الى دولة مسلمة

    أدوات الموضوع ابحث في الموضوع
    ابحث في الموضوع:

    البحث المتقدم
    طرق العرض



    الساعة معتمدة بتوقيت جرينتش +3 . الساعة الآن : 02:25.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2018
    • 00966138651070
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2018, Jelsoft Enterprises Ltd
    SEO by vBSEO ©2011, Crawlability, Inc.