×

قصتي مع الجامعه ( عذاب طالب جامعي )

السلام عليكم ورحمة الله وبركاته كيف حالكم وش اخباركم يارب انكم طيبين اليوم راح اسدح لكم قصتي مع الجامعه والحلم وحالتي الاي تضيق الصدر وهي
قديمة 09 - 03 - 2009, 21:00
المشاركة 1
السلام عليكم ورحمة الله وبركاته

كيف حالكم وش اخباركم يارب انكم طيبين


اليوم راح اسدح لكم قصتي مع الجامعه والحلم وحالتي الاي تضيق الصدر وهي السالفه صايره معي انا شخصيا ولو قراها احد من المسؤولين ولا يكذبني يكلمني هذا ايميلي ولا لو يبي رقمي اكلمه وعندي جميع الادله

وطبعا راح اسدحها على شكل حلقات افضل وهي كاتبها كامله اذا تبون احطها كلها كامله قولو لي ولا تبون حلقات قولو بعد بسم الله

الحلقه الاولى

في اسبوع الاختبارات كل ويفكر وش يسجل كل واحد ويفكر في قسم طبعا انا احب الحاسب قلت انا مابي الاء حاسب وعند واحد من اخوياي قال انا مابي الاء هندسه والاي يقول ابي طب وولد عمي يقول ابي عسكريه اقول له وش تبي في الكليه العسكريه تعب ومدري وشو قال ابيها طبعا تخرجنا انا بنسبه 93.57 وبقدرات 68 وتحصيلي 40 انا يوم شفت ان النسبه فوق ال 90 قلت مضمونه الحاسب بالراحه وطبعا صار تقديم على الانترانت وكل جامعه تفتح القبول نسجل فيه فتحت اول جامعه بعد الدراسه بسبوع على طول فتح التسجيل انا سجلت فيها وقبلوني هندسه حاسب نفس القسم الاي ابيه وافكر فيه انا بصراحه استانست وفرحت بس فيه شي يعرقل هذا القبول الاي هو وشو انها في مكه وانا من سكان الخرج يعني تبعد عن مكه 13 ساعه وكان ولد عمي معي وكان قبلوه تربيه فنيه ورفض انه يخشها وطبعا قلت موب رايح مكه لحالي ودام ان مكه قبلوني هندسه حاسب اكيد الجامعه الرياض بتقبلني

وطبعا انتم عارفين ان جامعه الملك سعود اخر جامعه تفتح القبول المهم ماعلينا

جت جامعه الطائف وقلت بسجل فيه دامه مع الانترانت بنسجيل فيها وسجلت فيه واخترت الرغبات بس وقبلوني ادره اعمال او تربيه خاصه اختر وحده انت تروح وتختار من ضمن الرغبات وقلت لا مابيها

وبعدها جت جامعه القصيم والقصيم اعرف عيال عمي واهلي قلت لبوي اذا قبلوني قسم زين بالقصيم بروح قال خلاص والله ونسجل بجامعه القصيم حسيت او جامعه اتحمس لها واني بدخلها بجد وسجلنا فيها انا وولد عمي عشان نقول نروح سواء اذا قبلونا مشكله ولد عمي نسبته 90 وقدراته 65 ولا اختبر تحصيلي المهم ماقبلوه هم وانا طلع قبولي في كليه المجتمع تخيلو مجتمع وانا نسبتي 93 موب قهر قلت لا والله اول شي المجتمع دبلو وثاني شي المجتمع بدون مكافئه وثالث واهم شي بعيده عني مابيها

وجت جامعه حائل وطبعا حائل معروفه وطبعا بعد موافقه الوالد قال خلاص موب مشكله رح اهم شي دراستك المهم نسجل فيها ونقول يارب تعبت كل شوي يطلع لي قسم واسحب عليهم حسيت اني موب داخل جامعه المهم ماقبلوني الاء في كليه المعلمين وين تخيل مدرس مايصلح لي ورفضت طبعا


وطبعا جت جامعه الملك فيصل بالاحساء ودخلت فيها 3 رغبات حاسب الي وهندسه وادره اعمال

طبعا جامعه الملك فيصل اقدر اروح لها قريبه ماتفرق الاء 3 ساعات وسهله اهم شي ادرس بس تعبت كم جامعه رفضتها حسيت بحباط ابي اي جامعه بس اهم شي ادرس مااضيع عمري وجت جامعه الملك فيصل ونزلت طبعا عارفين ان جامعه الملك فيصل تنزل على دفعات توصل الى 5 دفعات المهم مالكم بالطويله ولا نزل اسمي بالدفعه الاول ولا الثانيه ولا الثالثه نزل في الرابعه والرابعه لازم تجيب ملفك يوم الاثنين لك فرصه من الاثنين لين الاربعاء طبعا انا قبلوني ادره اعمال فرحت واستانست مررررره وقلت خلاص بكره بروح للاحساء وبرسله طبعا تعرفون اني اكبر اخواني وزي كذا وهم معتمدين علي فهمتو كيف قالو لي وين تروح وتخلينا وزي كذا والادره عارفه وش تضيع عمرك وزي ذا الكلام ودقو على خالي الاء هناك ودقو على جيرانا يعني بالعربي مايبوني اروح هبلو فيني قالو وقالو ماتعرف احد ويبي لك مصاريف وزي كذا وابوي مسكني قال شف انت رجال وتعرف مصلحت نفسك الاي تبيه سواه واهم شي دارستك والله حسيت ابوي ضايق صدره اني بروح ولا هو موافق وضاق صدري انا بعد قلت لابوها دراسه تضيق اهلي والديني قلت لهم هذا البيتين اقول فيها


رضى الله من رضى الوالدين * وانا راضي بالي تقوله يابوي
رضى عن المقسوم والمكتوب * والمراره كاس لازم نشربه
راضي بالي تشوره عليه * وراضي بالرياضه بعد رضاك
ورضى الله من رضى الولدين * وانا يابوي راضي بالاي تقوله




طبعا يمكن تقولون انه غير موزونه وهي اكيد غير موزونه بس اقول لكم رتبت لي كلميتين موب قصيده عشان ماتقولون شي المهم وقتها انا رفضت الادره الاعمال وسحبت عليها
وانتم ودكم تعرفون وش سالفه الرياضه الرياضه هذي سلمكم الله جامعه الملك سعود

طبعا جامعه الملك سعود كان اخر شي في السنه اخر حلم زي مايقلون لو يقبلوين لغه عربيه سجلت فيها ماعندي مشكله المهم جاء وقت التسجيل وانتظرو الحلقه الثانيه اذا شفت فيه تفاعل نزلت الباقي قصتي مع الجامعه ( عذاب طالب جامعي ) حلقه الجامعه الملك سعود قصتي مع الجامعه ( عذاب طالب جامعي )
المشاهدات 10286 | التعليقات 55
قديمة 09 - 03 - 2009, 21:12
المشاركة 2
صورة 'alraayan.com' الرمزية
alraayan.com
:: عضو نشيط ::
تاريخ الإنضمام: 16 - 10 - 2008
رقم العضوية : 61191
الدولة : :: kuwait ::
العمر: 36
المشاركات: 299
افتراضي
والله قصتك قصه الله يعينك ويا هالوية .. ماعندكم جامعات خاصه قريبه من منطقتك وتقبلك حاسب الي يعني بفلوس

يلا نشوف الحلقة الثانية
قيد الانشاء
قديمة 09 - 03 - 2009, 21:30
المشاركة 3
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
الله يسلمك على المرور وبكره نفس الوقت بنزل الحلقه الثانيه
قديمة 09 - 03 - 2009, 21:43
المشاركة 4
صورة 'defo' الرمزية
defo
.:: عضو متألق ::.
تاريخ الإنضمام: 14 - 05 - 2006
رقم العضوية : 24775
الدولة : ام الدنيا
العمر: 60
المشاركات: 7,753
افتراضي
قصته روعه بجد
منتظرين الحلقة الثانيه
قديمة 09 - 03 - 2009, 21:43
المشاركة 5
صورة 'Scre4m' الرمزية
Scre4m
:: عضو نشيط ::
تاريخ الإنضمام: 30 - 09 - 2008
رقم العضوية : 60650
الدولة : Arsen Lupin The 3rd
المشاركات: 554
افتراضي
الله يعينك
آلبترول ~ صنع في آلخليج
أحدث آلألآت ~ صنعت في آليآبآن
أحلى آلملآبس ~ صنعت في إطآليآ
أجمل أنوآع عطور ~ صنعت في فرنسآ
.
.
آلكرآمة و آلعزة و آلرجولة و آلشرف <<

~ ♥ صنعت في ♥ سوريا ♥ و ♥ فلسطين ♥
,,,

ونفس الشريف لها غايتان, ورورد المنايا ونيل المنى, وما العيش لا عشت ان لم اكن مخوف الجناب حرام الحمى, !

هيهات يا عرب هيهات !
قديمة 09 - 03 - 2009, 22:01
المشاركة 6
صورة 'HaOyNT' الرمزية
HaOyNT
:: عضو نشيط ::
تاريخ الإنضمام: 05 - 12 - 2008
رقم العضوية : 63332
الدولة : الجنة بأذن الله
العمر: 31
المشاركات: 1,381
افتراضي
:: موفق . ان شاء الله . ربي ايكون في عون الجميع::
حسبي الله ونعم الوكيل
قديمة 09 - 03 - 2009, 22:07
المشاركة 7
صورة 'عيال وايل' الرمزية
عيال وايل
:: عضو نشيط ::
تاريخ الإنضمام: 10 - 05 - 2007
رقم العضوية : 37011
الدولة : ArAr CiTy عـْرعـْر
المشاركات: 2,649
5
افتراضي
ههههههههههههههه

انا من عرعر

وعلوم طبية بسكاكا ( الجوف)

150 كليو تبعد عنا والله بها بعد بس وش السواه

وعلى مرمطت الجامعات

تمرمطنا لين ماقلنا العيد باتسر
قديمة 09 - 03 - 2009, 22:35
المشاركة 8
صورة 'mmiz' الرمزية
mmiz
||| عضو التميز |||
تاريخ الإنضمام: 11 - 08 - 2006
رقم العضوية : 25988
الدولة : www.xp.net.sa
المشاركات: 12,410
افتراضي
والله يا اخوي حاسين بشعورك و ما تنلام لكن حيل الله اقوى ..

الواحد يكثر من الدعاء و يبذل الاسباب و كل شي بتوفيق الله ..
قديمة 09 - 03 - 2009, 22:47
المشاركة 9
Dark_angle 50
:: عضو نشيط ::
تاريخ الإنضمام: 29 - 10 - 2005
رقم العضوية : 11073
المشاركات: 1,666
افتراضي
والله شكلها القصه مووت بإنتظار الباقي
Dark_angle 50

أول مره احط توقيع
قديمة 09 - 03 - 2009, 23:32
المشاركة 10
غلا السعودية
:: عضو نشيط ::
تاريخ الإنضمام: 21 - 09 - 2005
رقم العضوية : 8812
الدولة : الرياض
العمر: 32
المشاركات: 972
2
افتراضي
لا عادي القبول بجامعة الملك سعود مافيه اي مشاكل تقدر تدرس بالمجتمع الرياض انتقالي تخلص سنتين ثمن تنتقل للجامعة وتاخذ بكالوريس وتمشي امورك فيها تخصص حاسب آلي ع ما اتوقع
قديمة 09 - 03 - 2009, 23:38
المشاركة 11
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
نورتو الصفحه يابعدي قلبي واحد واحد نورتو وحمستوني انزل كل الاي صار معي
قديمة 09 - 03 - 2009, 23:41
المشاركة 12
صورة 'مسولف' الرمزية
مسولف
:: عضو نشيط ::
تاريخ الإنضمام: 12 - 02 - 2006
رقم العضوية : 19730
الدولة : الرياض
المشاركات: 3,191
1
افتراضي
اكيد لك معاناه خاصة بجامعة الملك سعود

<< الحين قاعد يتمرمط بالتحضيرية


الله يعييينك
قديمة 09 - 03 - 2009, 23:45
المشاركة 13
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
الله يعينك التحظيريه صفحه كامله كاتب عنها
قديمة 09 - 03 - 2009, 23:55
المشاركة 14
صورة 'ويـن الـبـخـت' الرمزية
ويـن الـبـخـت
:: عضو نشيط ::
تاريخ الإنضمام: 23 - 01 - 2008
رقم العضوية : 50847
المشاركات: 3,024
افتراضي



طبعا جامعه الملك فيصل اقدر اروح لها قريبه ماتفرق الاء 3 ساعات وسهله ]

كأنك طالع من الكويت الي الشرقيه
قديمة 09 - 03 - 2009, 23:59
المشاركة 15
Maybe
:: عضو نشيط ::
تاريخ الإنضمام: 09 - 03 - 2006
رقم العضوية : 22798
العمر: 32
المشاركات: 3,753
افتراضي
يلا التعليق بعد الجزء الثاني =)
وش صار بعدين؟
 
مغلق
 

فيديو مصور للرقم القياسي لنيسان جي تي آر على جبل حيف جنودنا البواسل الذي تم استشهادهم

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 23:52.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.