×

قصتي مع الجامعه ( عذاب طالب جامعي )

ليه تركت جامعة فيصل ؟؟ والله انها طيبه ودراستها حلوه انا ادرس فيها ولله الحمد ماشفت منها اله كل خير اذا انت لحد الان ما
قديمة 12 - 03 - 2009, 00:19
المشاركة 31
صورة 'Abdulaziz Al-Subeaei' الرمزية
Abdulaziz Al-Subeaei
:: عضو نشيط ::
تاريخ الإنضمام: 11 - 09 - 2006
رقم العضوية : 26284
الدولة : الشرقيه - الدمام
المشاركات: 2,200
1
افتراضي
ليه تركت جامعة فيصل ؟؟

والله انها طيبه ودراستها حلوه

انا ادرس فيها ولله الحمد ماشفت منها اله كل خير

اذا انت لحد الان ما دخلت جامعه قدم عليها مره ثانيه السنه الجايه

والله يوفقك
سبحان الله وبحمده ... سبحان الله العظيم

كلمات بسيطة ضعها في توقيعك لتقرأها وليقرأها غيرك
ستجدها يوم القيامة وقد رجحت كفتك بإذن الله تعالى

منتدى شرقية كوم , مدونتي الشخصية
للتراسل اظغط هنا

قديمة 12 - 03 - 2009, 01:01
المشاركة 32
صورة 'آمير الغلا' الرمزية
آمير الغلا
:: عضو نشيط ::
تاريخ الإنضمام: 25 - 11 - 2007
رقم العضوية : 45556
الدولة : في دار من حمو نجد من كل فساد
المشاركات: 1,030
افتراضي
اخوي انا شفت حلقاتك كلها عقبات وعواقب وكماله الامر يزداد ضيق عندك

وانت رجال متحمس وتبي تدرس

انت اكبر اخوانك يعني اذا ماكملت الدراسه بقيت اخوانك كلهم مهب مكملين

شف ترى لكل واحد نصيب ماله عنه

والمكتوب لك بيجيك بيحيك لو توسط لك الملك عبدالله

ادخل انت وابوك على عميد كلية العلوم بالخرج

انتبه تروح لعميد كلية الهندسه تراهم ما يمدحونه

وانتبه تروح لوكيل كلية العلوم تراهم ما يمدحونه

وانا ما جربتهم كلهم لكن يمدحون عميد العلوم

وان شاء الله انك بتدخل لانك رجال صامل ومعك عزم

لكن اذا دخلت الجامعه لا تغفل عن الدراسه ترى الجامعه يبي لها كل يوم مذاكره


اقرا كتاب "رحلة الآلم والامل " للدكتور المبارك نسية اسمه بالضبط بس فيه المبارك

واقرا كتاب " كفاحي " لهتلر

وقارن بين الكتابين

باختصار واحد جمع بين العلم والعسكريه والاخر العلم وكيف جهاده في طلب العلم والعوائق اللي تواجهه

هتلر تخرج مهندس ثم اصبح قائد عسكري وكأنه من بدايته واهو داخل عسكريه وكل اموره في العسكريه البحته

وانت لديك همه ابحث عن محاضرة الدكتور محمد العريفي والدكتور محمد حسان في عنوان ضع بصمتك في الحياة بتلاقيها في اليوتيوب 10 اجزاء كل جزء 10 دقائق لا تبخل على نفسك فيها

صدقني المجال واسع عندك ترى الدنيا كبيره حبكة إلا الدراسه إلا الجامعه صحيح الانسان ما يثبت وجوده في هذا الوقت إلابالعلم والمال طيب ليه ما تجرب التجاره يقول الرسول صلى الله عليه وسلم في ما معنى الحديث ان تسع اعشار الربح او ارزق في التجاره

بس ليتك تسوي مدونه وتدون فيها او تسوي مذكره عندك وكل يوم تسجل وش حصل معك هذا اليوم

ترى كل الرجال اللي لهم بصمه في الحياة اذا ماتوا يطلعون مذكراتهم ويشوفون وش يصير عليهم وماذا يطمحون ويخططون

انت لا تقول جامعت الملك سعود حطمتني وخلاص تقعد بالعكس حاول تبذل جهد مضاعف ولا تفكر في شهادة الثانويه وتقول حسافة ليتني مجتهد شوي خلاص اللي راح راح فكر في الي قدام والله بامكانك تبصم بصمة يذكرونها الاجيال القادمة ويدرسونها


انا باكثر عليك من المتطلبات الل ودي ترجع لها وتشوف لكن اصبر علي ان شاء الله بتستفيد

ابحث عن سيدس وسائل لحفظ القرآن الكريم للدكتور يحيا الغوثاني

السيدي جزائين الجزء الاول يحطم العوائق امامك ويرفع همتك والجزء القثاني يعطيك وسائل تساعد على حفظ القرآن الكريم

انت اسمع الجء الأول واذا استمتعت اسمع الجزء الثاني

انا احس اني مخربط في ردي مره اقدم ومره اوخر ومدري كيف صاير الرد بس اعذرني دايخ وفيني النوم بس قلت مانيب نايم إلا انا راد هع



8\||/8
_||_

عن شداد بن أوس ‏‏رضي الله عنه ‏عن النبي ‏ ‏صلى الله عليه وسلم ‏‏سيد ‏‏الاستغفار أن تقول
{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}
قال ومن قالها من النهار موقنا بها فمات من يومه قبل أن يمسي فهو من أهل الجنة ومن قالها من الليل وهو موقن بها فمات قبل أن يصبح فهو من أهل الجنة .رواه البخاري


[email protected]
قديمة 12 - 03 - 2009, 01:20
المشاركة 33
صورة 'lolo_waled' الرمزية
lolo_waled
:: عضو نشيط ::
تاريخ الإنضمام: 05 - 03 - 2009
رقم العضوية : 65431
الدولة : egypt
المشاركات: 281
افتراضي
يعطيك العافيه على القصه وانتظر الجزء الثانى
لا ترى كل ما تراه عينك ولا تسمع كل ما تسمعه إذنك

قديمة 12 - 03 - 2009, 02:04
المشاركة 34
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
اخوي انا شفت حلقاتك كلها عقبات وعواقب وكماله الامر يزداد ضيق عندك

وانت رجال متحمس وتبي تدرس

انت اكبر اخوانك يعني اذا ماكملت الدراسه بقيت اخوانك كلهم مهب مكملين

شف ترى لكل واحد نصيب ماله عنه

والمكتوب لك بيجيك بيحيك لو توسط لك الملك عبدالله

ادخل انت وابوك على عميد كلية العلوم بالخرج

انتبه تروح لعميد كلية الهندسه تراهم ما يمدحونه

وانتبه تروح لوكيل كلية العلوم تراهم ما يمدحونه

وانا ما جربتهم كلهم لكن يمدحون عميد العلوم

وان شاء الله انك بتدخل لانك رجال صامل ومعك عزم

لكن اذا دخلت الجامعه لا تغفل عن الدراسه ترى الجامعه يبي لها كل يوم مذاكره


اقرا كتاب "رحلة الآلم والامل " للدكتور المبارك نسية اسمه بالضبط بس فيه المبارك

واقرا كتاب " كفاحي " لهتلر

وقارن بين الكتابين

باختصار واحد جمع بين العلم والعسكريه والاخر العلم وكيف جهاده في طلب العلم والعوائق اللي تواجهه

هتلر تخرج مهندس ثم اصبح قائد عسكري وكأنه من بدايته واهو داخل عسكريه وكل اموره في العسكريه البحته

وانت لديك همه ابحث عن محاضرة الدكتور محمد العريفي والدكتور محمد حسان في عنوان ضع بصمتك في الحياة بتلاقيها في اليوتيوب 10 اجزاء كل جزء 10 دقائق لا تبخل على نفسك فيها

صدقني المجال واسع عندك ترى الدنيا كبيره حبكة إلا الدراسه إلا الجامعه صحيح الانسان ما يثبت وجوده في هذا الوقت إلابالعلم والمال طيب ليه ما تجرب التجاره يقول الرسول صلى الله عليه وسلم في ما معنى الحديث ان تسع اعشار الربح او ارزق في التجاره

بس ليتك تسوي مدونه وتدون فيها او تسوي مذكره عندك وكل يوم تسجل وش حصل معك هذا اليوم

ترى كل الرجال اللي لهم بصمه في الحياة اذا ماتوا يطلعون مذكراتهم ويشوفون وش يصير عليهم وماذا يطمحون ويخططون

انت لا تقول جامعت الملك سعود حطمتني وخلاص تقعد بالعكس حاول تبذل جهد مضاعف ولا تفكر في شهادة الثانويه وتقول حسافة ليتني مجتهد شوي خلاص اللي راح راح فكر في الي قدام والله بامكانك تبصم بصمة يذكرونها الاجيال القادمة ويدرسونها


انا باكثر عليك من المتطلبات الل ودي ترجع لها وتشوف لكن اصبر علي ان شاء الله بتستفيد

ابحث عن سيدس وسائل لحفظ القرآن الكريم للدكتور يحيا الغوثاني

السيدي جزائين الجزء الاول يحطم العوائق امامك ويرفع همتك والجزء القثاني يعطيك وسائل تساعد على حفظ القرآن الكريم

انت اسمع الجء الأول واذا استمتعت اسمع الجزء الثاني

انا احس اني مخربط في ردي مره اقدم ومره اوخر ومدري كيف صاير الرد بس اعذرني دايخ وفيني النوم بس قلت مانيب نايم إلا انا راد هع
يابعد قلبي والله انك هونت علي كثيررررررر جزاك الله الف خير وان شاء الله ماراح انسى الاي قلته
قديمة 12 - 03 - 2009, 02:05
المشاركة 35
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
واعجبني تفاعلكم وتواجدكم والحين راح انزل الحلقه الاي بعد هذي

وانا الحين طالب بجامعه الملك سعود بس حبيت انزل لكم وجامعه فيصل ابيها بس الولد رافض
قديمة 12 - 03 - 2009, 02:08
المشاركة 36
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
حلقه الرابعه
وبعدها بسبوع واحد حولوني الى كليه التربيه - قسم ثقافه اسلاميه -
وحولو رائد الى قسم التربيه الخاصه ورائد يبي تربيه خاصه حاطه الرغبه رقم 2 بعد الرياضه عشان هو يبي رياضه او تربيه خاصه المهم

انا قلت وين ثقافه اسلاميه وش ابي فيهاااا خير ان شاء الله انا اول شي علمي ثاني شي نسبتي عاليه رابع شي مااخترتها 5 شي وش تبي ذي على اي اساس يحطوني فيها المهم شفت جدولهم فله وقلت يارجال خلني ادوام بس الناس دوامت واشد حيلي واجيب معدل واحول للتربيه الخاص زي رائد وزي ولد عمي ودخلتها الجدول كان تدام 3 ايام الاحد والاثنين والثلاثاء من 8 لين 12 يعني رواق وفله قلت خلني اداوم ونشد حيلي والمهم داومت ا لسبت وشفت كليه رايحه فيها في المبنى والقاعات مدري كيف جايه
والطلاب فيه طالب جنبك من افريقياء اسمه عزير واحد ثاني اسمه نور الدين محمد من باكستان حسيت نفسي مبتعث موب بالسعوديه طلاب اجانب معنا وبصراحه ماقدرت اتحمل من كلامهم المتكسر وقمت اضحك اذا قالو اسمه ولا اذا قام يشارك
ومر اول يوم على خير والاحد على رحت للدكتور ولد عمي وشرحت له الوضع وقلت له انا طالب في تربيه اسلاميه وحولوني وزي ذا الكلام ورحت للمكتبه الامير سليمان هو فيه استاذ دكتور يعني زي الواسطه كذا قال لي انت تبي تحول قلت ايه ابي تربيه خاصه زي ولد عمي
ولا زي رائد قال كان رايح معي ولد عمي ولد عمي كان نفس طريقتي بس ولد عمي هو مسجل من قبل العام يعني هو راغبها هو الاي يبي الثقافه الاسلاميه عشان يحول تربيه خاصه يعني زي مايقلون هو هاوي التربيه الخاصه ولا قدر يخشها قال اخش ثقافه بعدين تربيه هذا ولد عمي عبدالله غير عن علي الاي باول السالفه ولد عمي علي حاجرينه ب 45 يوم وانا الاي احوس بذا الجامعه المهم
يوم رحنا للولد عمي استاذ الدكتور قلت له السالفه كذا وكذا وكذا وقال له ولد عمي ليش ماتسوي زي طريقتي انا قال وش طريقته قال يوم تعطيني ظرف ونروح نعطيه عميد الكليه حقت التربيه ويوافق قال هو انا ماعرف رائيس قسم التربيه الخاص بس اعرف عميد كليه التربيه بكبرها قالت انا عايدي اهم شي ورقه منك قال خلاص ويكتب خطاب والله اني ضيعته ولا كان اعلمكم بس في اختصار يقول
نرجو قبول شفاعتنا بطالب فلان فلان لنه تم تحويله الى كليه الثقافه الاسلاميه وهي ليست من ر غباته وانما كان رغبته الاول التربيه الخاصه وقال لي هو وش رايك نحط لك علم نفس طبعا ولد عمي مقد شفته وزي كذا زي الاي منحرج منه قلت له اي شي بس اهم شي موب ثقافه اسلاميه قال هو خلاص وراح كتب اما قبوله في تربيه الخاصه ا وعلم النفس نرجو قبول شفاعتي استاذ الدكتور سليمان وحط الورقه في ضرف ووقع عليها وعطاني اياه وقال يالله روحو عطوه العميد وعلموني وش يقول قلنا طيب ورحنا للمكتب العميد ولقينا المعميد موب موجود مافيه الاء السكرتير
قال عطوني الظرف وانا اعطيه العميد قلت انا لا هو موجه للعميد وانا بسلمه بيدي قال هو اجل انتظره قلت بيتاخر قال مدري يمكن يجي ويمكن مايجي قلت طيب ورحت على طول عند ولد عمي الدكتور قلت له وش رايك نكتب معروض للعميد كليه التربيه نفسه وش اسمه والله اني نسيت العميد المهم قال ولد عمي ان الدكتور حبيب وطيب وزي ذا الكلام وقال طيب وراح حذف العلم نفس وراح حذف معالي عميد كليه التربيه الى حط سعاده رائيس قسم التربيه الخاصه وغير الاسم ووقع عليها وقال رح عطها العميد قلت انا طيب ورحنا للكيه التربيه
طبعا مشوار يمكن ربع ساعه مشي تخيلو روحه ورجعه شي الله لايوريكم احس اني نقصت 10 كيلو بس من ذا المشاوير في الجامعه المهم رحت انا للعميد وطقيت الباب ودخلت عليه وعطيه الورقه وقراها وقال ابشر امر تبي تربيه خاصه ابشر الاستاذ سليمان عليه فضل علينا وحنا نحتري اش شي منه انا طرت من الفرحه وجهي تشقق من الفرحه
وقال شف يابعدي لو اخذت الظرف منك مقدر احولك الحين لان الدارسه باديه لها اسبوعين ولا فيه تحويل انت شف المواد الاي يدرسونها الثقافه الاسلاميه نفسها الاي يدرسونها التربيه الخاصه عشان كذا ادرس واعتبر نفسك تربيه خاصه واذا شفت الاعلان عن التحويل للتربيه الخاصه على طول تعال وجب الظرف هذا
عشان لو حطيته عندي راح انساه خله عندك احسن قلت طيب قلت يعني اعتمد ان شاء الله قال ان شاء الله وانا الاي اطلع منه مبسووووووووووط قلت بس تربيه خاصه واجي البيت واعلمهم وفرحو اهلي وسوينا قروشه عشان حولونا وزي كذا
و جاء يوم الاثنين الدكتور حق الثقافه الاسلاميه يقول الاسماء ولا قال اسمي قال انت كم لك هنا قلت لي من السبت قال لي طيب اسمك مانزل عندي انت متاكد انك بالكليه قلت ايه وهذا جدولي قال طيب انا توني مستلم الاسماء اليوم محدثه ولا فيها انت رح اول ماتطلع وخش على الخدمه وشوف انت في الشعبه ولا غيروك يمكن غيرو شعبتك قلت لاحول ولا قوه الاء بالله طيب ونطلع المحاظره وانا ضايق صدر قلت وين يافرحه ماتمت لايكون نقلوني ولا صار شي بس والله ذاك اليوم حسيت بضيقه المهم وارجع للبيت وونام وسحبها نووومه لين 12 بالليل واشبك النت وافلها شوي تذكرت كلام الدكتور قلت خلني اتاكد من الشعب كان الثلاثاء علينا اوف يعني فله نايم نوم وناوي افلها المهم يوم شفت قلت وييييين شي ضيق صدري مره مره مره ودكم تعرفون انتظروني في الحلقه الخامسه
قديمة 12 - 03 - 2009, 19:43
المشاركة 37
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
قديمة 25 - 04 - 2009, 02:12
المشاركة 38
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
الحلقه الخامسه
وخشيت على الخدمه الاكترونيه وشوفت القسم لقيتهم مغيرينه وحاطيني كليه العلوم السنه التحظيريه وفي روايه اخرى تمحيطيه او تمسيطيه تدرون شلون جت لي دوره تدرون كيف انقهرت يعني راح التعب وراح كلمه العميد والواسطه والظرف ووجع الراس يعني كنك يابو زيد ماغزيت وطرح وجهي عند ولد عمي راحت كذا وولد عمي معروضه عند الدكتور راح كذا بس يوم شفت كليه العلوم قلت كويس وسنه تحظيريه احسن واحسن بصراحه اول مره استانس وفرحت بس ضيق صدري جدوله يلعن بليسهم كرف كرف على كيف كيفك المهم قلت احسن من ثقافه شي مضمون على الاقل اخش كيمياء ولا رياضيات احسن مع انها اقل درجه بالشهاده ذا المادتين بس قلت شي احسن من شي من ثقافه وطبعت الجدول وسحبت من الجامعه اول اسبوع مارحت لها والله من سبهه ضيقه الصدر قسم بالله شي يضيق الصدر ورحت عند عمتي عشانها جنب السنه التحظيريه المهم طبعت الجدول وقلت خلني اسكن عندها اسبوع اشوف وش الوضع على بالي بقعد اسبوع بعد ماراحت من الدارسه 3 اسابيع لاحظو متى جيتهم المهم رحت لعمتي والصبح تقريبا الساعه 9 وصلت عندها وكان عندي محاظره ودخلت عليها وسلمت وكيف حالك وزي ذا الكلام والله رايح لها مواصل انا مانمت المهم هي الاي تدخلني الملحق حقها وادخل وتصلح الفطور ونفطر انا وياها وسوالف وسوالف وجاني النوم قالت بتروح قلت مصدقه انتي بعدين بكره بروح لهم احسن وقالت براحتك والله ونفطر وخلصنا قالت اجيب فراشك اجل قلت ياليت وهي الاي تحط فراشي وانا من 10 لين جو عيالها الساعه ودخلو علي الساعه 3 العصر والله واقوم اغسل ويجيبون لي الغداء قلت توني قايم مابي غداء وين القهوى بس وهم الاي يجبون القهوى ونتقهوى واجلس شوي واتغدى وامترضت ابي نت احس اني فاقد الانترانت متقروش مره مره المهم شوي جاني زوجها قال انا بروح اشتري لاب توب جديد اذا تبي تخاويني يالله مشينا وعشانك تعرف بعض الاشياء امش معي قلت مشينا وحنا الاي نروح مكتبه جرير الاي على طريق عبدالله المهم وشرينا الاب توب وجبناها بالبيت ونرقاء بالصاله وانا الاي اقلب بالدش وهو الاي يركب البرامج للاب توب انا امترضت ابي نت ابي مسنجر ابي رجه تخيلو فاقد النت والله واجلس اشوف اي مسلسل من الطفش لين جت الساعه 10 خلص من البرامج وعطاه عمتي قالت عمتي تبي الاب توب بدون اي تردد قلت تكفييييين ابيه وهي الاي تعطيني ماقصرت والله وانا ادخل على المسن واخوياي وينك وزي ذا الكلام واكلم اختي وتضحك علي المهم وقالو بنطلب عشاء والله الواحد لماه نفس ياكل بس طلبو بيتزاء وتعشينا وعطتني الاب توب مع الشاحن وقالت هذا الغرفه يمكن تبي تسولف تبي تكلم احد وانا بروح انام شف عطيتك غرفه فوق كانت حقت العاب بزرانها بس كبرو الحين ولا صارت العاب دخلت فيها والله واطق طق بالاب توب لين الساعه 3 الفجر وانا الاي انا قلت وراي تحظيريه وطبعت الجدول تخيلو شوف الجدول الاي يوجع البطن من 8 الصبح لين 4 العصر يعني كررررف ياشيخ تطلع نيوتن غصب المهم جت الساعه 7 ونصف دخلت عمتي وقومتني وقالت يالله قم وانا الاي اقوم وافطر والبس ثوبي وشماغي ورحت امشي لين راس الشارع طبعا مارحت بسيارتي للجامعه للاسباب شخصيه المهم رحت امشي تقريبا 4 دقايق واشوف واحد تكسي عند مدرسه بنات جنب البيت رحت له قلت له توصلني قال اصبر خلني اكلم المراه واحد بدوي قلت له طيب قال للحرمته كم يبي لك قالت شوي بس قال بروح اودي طالب للجامعه وبجي قالت طيب المهم قال اركب قلت له بكم قال ب 10 قلت يالله وانا لاي اروح للتحظيريه الصبح قبل مايجي اي طالب دخلت احسبها زي التربيه ولا زي الرياضه المهم يوم دخلتها رحت للشعب والقاعات الاي مطبوعه واجلس انتظر وادق على امي قلت تراني بالكليه الحين اول يوم ادعي لي
واجلس انتظر لين جاء واحد من الطلاب قلت له الحين هذي عليكم وشو قال علينا نجم قلت لا مسجل بالجدول تقن قال اشوف جدولك يوم شاف جدولي قال الشعبه تغيرت قلت وش شعبته طبعا تعرفون مادري وش الجامعه ولا وش شعبته متعود على فصل وقلت له وش اسوي قال رح للغرفه المدرسين فيه جدول بالشعب الاي تغيرت ورح للشعبه ورحت للمدرسين وشفت واحد وعطيته جدولي قلت وش السالفه قال امش وراح دخلني على قاعه قال هذي القاعه ودخلتها القاعه و شفت شرح مدري وش يبي ودكتور مدري كيف انجليزي ماعرفت ولا كلمه منه اول مادخلت قال هلو وات از يو نيم قلت له قال ااااو مدري و يرطن بس بعد الترجمه قال وينك لك اسبوع غايب قلت له مدري ماطلع جدولي قال ايه اجلس هذي بعد الترجمه انا اقول وش يقول وفيه طالب يترجم لي لو شفو موقفي تضحكون ضحك موب صاحي يعني هو يرطن اقول اناظر فيه واناظر بالطلاب وواحد من الطلاب يشرح لي وانا اقول للطلاب والطالب يقول له طلع مترجم المهم خلصت المحاظره الاي مافهمت شي وطلعنا للبريك على قولتهم ويوم طلعت ياليتني ماطلعت شفت شفت نااس استغفر الله مدري كيف عايشين


كل شي في بالك تشوفه تبي جنس ثالث تحصل
تبي كديش تشوف
تبي بدو دوت كم تشوف يالبى البدو بس
تبي كل كل شي تشوفه قسم بالله والله العظيم احس اني رايح معجمع تجاري قسم بالله العظيم اني احس اني رايح مجمع تجاري تقولون ليش اقول لكم

كل زاويه مطعم دونات وموكا الاي يخطر في بالك بتحصليه واسعارهم ناااار يعني يبي لك مزانيه بس وغصب تشتري بيكرفونك من 8 لين 4 والله بتموت جوع وعطش وكل شي ويكفي ان المحاظره الوحده 4 ساعات يعني من 8 لين 12 محاظره ومن 12 لين 4 محاظره

شي يقرف ويخلي جبين الحر ينداله بصراحه انا ماقدرت اعيش مع ذولي الاشكال ولا الدكتور يدخل يرطن رطن مدري وش يقول 4 ساعات مافهمت الاء هلوووو ولا استن اب ولا ولكم اذا احد دخل بس هذا الاي فهمت لا بعد احسن كلمه اذا قال قد باي يعني بروح بس هذي الاي فهمناه منه والاي الباقي مدري وش يرطن وش يقول المهم قلت مقدر اعيش بهذا الجو انا وبعد البريك و انا طفشت وبدون اي مشاوره او اي كلام طلعت برى واخذت تكسي على طول بيت عمتي وقالت لي وراك راجع بدري قلت له وقالت بكيفك وبعدين وذي الدارسه صعبه مره والدكاتره بعد والطلاب بعد يجيبون الهم وزياده على كذا كليه العلوم خير وانا من سكان الخرج يعني مشوار على قل فايده وتعب وساكن عند عمتي وا حس بحراج ياخي انا امن النوع الاي مايحب اسكن عند احد احب غرفتي المهم ضاق صدري واسحب عليهم الاسبوع الاي بعد الاسبوع الاي درسته اخوياي اختبرو شهري حقين البرنامج وحقني الحاسب وانا مابعد درست ولا شريت كتب المهم

انتظروني بالحلقه السادسه
قديمة 25 - 04 - 2009, 02:13
المشاركة 39
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
افتراضي
الحلقه السادسه والسابعه والثامنه والتاسعه والعاشره والاخيره

المهم ولد عمي في الجامعه الملك سعود في كليه العلوم دقيت عليه ولد عمي هذا عبدالله المهم قال لي انا ليش مارحت للود عمك قلت له وش اقول له قال موب سليمان ليش مارحت للود عمك صالح طبعا صالح ذا مقد شفته انتم اذا شفتو فانا شفته قلت من صالح ذا وعندي ولد عم اسمه صالح قال والله من القطاعه قلت من ذا صالح قال ولد عمك لزم قلت توني ادري قسم بالله قال خلني ادق عليه واقول له عن سالفتك قلت له دق عليه ودق عليه وقلت له خلاص وشوي دق علي قال الرجال يبي يكلمك قلت طيب عطني رقمه وانا الاي ادق عليه واسلم عليه اسمه ابو خالد اخبار ابو خالد وزي ذا الكلام وقلت له وقال لي خلاص بكره تعال عندي في كليه العلوم قسم الجلوجياء و رحت له قال لي انت وش تبي قلت ابي الخرج ابي حاسب الخرج قال لي حاسب الخرج يمديك كم نسبتك قلت له 93 قال لايمديك ونصف وزي ذا الكلام وزي مايقلون عطاك القمر بيد والشمس بيد مره قال شف اول شي انك تبي الخرج تقدر تحول قلت له كيف احول قال قدم اعتذار الترم هذا دامك ماتقدر تدرس وحول على نسبتك كنك بالتسجل قلت له ابشر اقدم اعتذار اقدم اعتذار ويقول بكلم لك احد ان عرفت قلت زين ارتحت وقلت زين جت الواسطه امحق واسطه والله فرحني المهم رحت للسنه الحظيريه وقلت لهم ابي اقدم اعتذار قالو مالنا شغل رح للبهو ورحت للبهو ورحت عن قسم القبول والتسجيل قال لي رح انزل في الدور الارضي فيه موضفين خذ لك ورقه وعب الورقه طبعا ورقه الاعتذار لازم



توقع من عند مكتبه الامير سلمان الاي بالجامعه

ويوقع قسم المكافئات

ويوقع عند السكن الجامعي

وبعدها يوقع التسجيل

وعميد كليه العلوم موب السنه التحظيريه العلوم عشان انا مقبول بالعلوم

اذا سويت هذا كله تجيب لي الورقه هذا كلام حق القبول



طبعا مشوار كل مكتب يبعد عن الثاني قرابه ال 3 كليو بالتمام يعني 15 كيلو عشان توقع اعتذار والله رجلي راحت وطي وركبتي وش اقول وش اخلي بس خليها على الله ورحت وتعبت وتفلت العافيه وووخليتهم يوقعون وبعد ماوقعو قال خلاص انت مقدم اعتذار نشوف الفصل ا الثاني



استانست وفرحت وفليت امها واضحك على اخواني ومافيه الاء مقابل نت ولعب بلايستيشن وفله وكوره ونادي ووناسه واستراحه ورجه عاطل على قولتهم لليل نهار ونهاري لليل



المهم بعد كم اسبوع جاني رائد قال لي تراني شايف اسمك نازل لك مكافئه قلت انا متى درست قال والله اني شايف اسمك قلت والله قال ايه رح تراهي 1600 قلت والله حقت جنوط خلني اروح دامها بلاش خلني اروح قال ايه رح وشوف متى التحويل بعد لك شهرين وانت نايم قلت والله انك صادق يعني غرضين المهم




المهم انا رحت للسنه التحظيريه عشان ابي الصرافه قال لي احد الموظفين ماجتنا الصرافه انت تدرس هنا قلت له انا مقدم اعتذار وابي احول قال لي تحول قلت له ايه قال طيب اخذت استماره تحويل قلت لا قال لي طيب الصرافه رح للبنك وتفاهم معهم بس التحويل تعال معي المهم رحت معه وعطاني استماره تحويل داخل الجامعه والاستماره هذي فيه طلب تحويل من الكليه الاي انا فيه الى كليه الاي ابي احول لها وكتبت البيانات ووقعت وعميد السنه التحظيريه وقع على الورقه وكتب بخطه لامانع لدينا للتحويل الى كليتكم يعني قلت له وش باقي الحين قال رح للكليه الاي تبيها وعطهم الورقه وخل العميد يشوف نسبتك ويوافق عليها اذا وافق تجيب لنا نسخه من التحويل وللكليه الاي تبيها نسخه ولك نسخه قلت يعني مابقاء الاء بس توقيع العميد واذا وقع العميد خلاص احول على النسبه الثانويه وانا مقدم اعتذار قال ايه والله ذا الموظف قمت ادعي له طول الطريق المهم رجعت نسيت سالفه الصرافه مافكرت فيها ابد ابد



ودخلت البيت فرحان ودقيت على ذاك الاي قال لي قدم اعتذار المهم دقيت عليه وقلت له اسم حق الحاسب ولد المزيد تعرفه قال لا ماني اعرفه قلت طيب مقدم اعتذار قال ماعرفه يعني صرفني زحلطني قلت لابوها من واسطه ومن منه اروح انا بنفسي المهم رحت انا وابوي عشان يمكن يكون رجال ويحترم ابوي ولا شي ورحنا للسكرتير ودخلنا عليه وقالنا له عندنا نموذج تحويل ونبي نخش على العميد قال طيب وراح للعميد وكلمه وقال يدخل الولد بس الابو لااشوفه تخيلو قلت طيب موب مشكله رحت له وقلت له اني طالب في كليه العلوم سنه تحظيريه وابي احول عندكم قال لي تونا عن التحويل قلت له التحويل ينقصه بس توقيعيك لو توقع خلاص بحول قال مافيه امكانيه نحول بسنبه الثانويه رح حول فيزياء ولا رضيات وجب معدل وبعدين تعال قلت يارجال يمين يسار مره قال مافيه تحويل الاء بالمعدل قلت يعطيك العافيه وطلعت



انا وابوي وقلت لبوي عن السالفه قال زين بكره انا بدخل عليه وبطلبه وش تبي بعد قلت لا خله بس قال ماعليك يارجال يمكن لو بروح لحالي بيستحي وابوي قال لصديقه في العمل عني وقال انا اعرف ولد الجعيدي الاي بالعلوم رح له وكلمه يمكن يكون له معرفه ولا شي والله ماقصر ولد الجعيدي رحنا له ودخلنا عليه وقلنا له السالفه كلها وقال والله انا مقدر ادخلكم انا كليت العلوم تبي فيزيا تبي رياضيات من عيوني بس حاسب والله انها لها عميد
قلت له طيب وش السواه قال خلني اكلم ولد المزيد قال ولد المزيد مانحول احد الاء بالمعدل بنسبه مانحول وقفلها وقال لنا ولد الجعيدي كذا وقال الجعيدي لبوي ادخل عليه انت وقلت لجعيدي عطني رقم المزيد خلني ادق عليه يمكن يوافق ولا شي قال طيب وعطاني اياه انااخذته وكلمت ولد عمي الاي قال بتوسط لك اول وعطيته وقال بدق عليه والى يومكم مارد علي المهم الوالد ماقصر والله ابوي وراح لهم ودخل عليه وقال له ابي اخش للعميد والعميد رفض يدخل ابوي تخيلو وقسم بالله رفض يدخله اخذ الورقه من ابوي وكتب عدم الموافقه على التحويل وعطاه ابوي وابوي جاني قال مادخلني ذا مدري وش يحس نفسه وزير ولا شي قلت ماعليك خلاص بدرس تحظيريه انا



بدرس بالفصل الثاني خلني ادرس لغه الحين قال تبي تخش معهد قلت موب الحين شوي المهم قلت الحين ليش مااروح للكيه ادره الاعمال واقول لهم عن التحويل ورحت لهم ودخلت على الدكتور الخثلان والله انه دكتور ويستاهل ومتعاون واخلاق قسم بالله موب عشانه قبلني لا والله عشان يطلع ويدخل ويسولف على الطلاب موب زي حق الحاسب مايدخل احد ولا يبي يشوف احد وزي كذا المهم دخلت عليه وقلت له انا طالب سنه تحظيريه معدلي 93 قدراتي 65 معدلي التراكمي فوق ال 83 قال خلاص مقبول رح للرياض وجب ورقه تحويل موافقه وجب ملفك من الرياض وسو اخلاء طرف واعتبر نفسك مقبول عندنا



انا ماقدر اوصف شعوري لكم احس اني فرحان واني رجع الدم لي يعني تخيلو كليه الاي ابيه كانت حاسب او ادره اعمال وجتني ادره اعمال والله ما قدر اوصف شعوري كنت طاير من الفرحه وابوي بعد قسم بالله استانس كنه يدرس معي والله فرح يقول توني ارتاح نفسيا انهم قبلوك الله يخليه لي المهم

قلت اجل لازم اروح اجيب ورقه من الرياض واسوي اخلاء طرف قال ايه قلت ابشر



طبعا ودكم تعرفون وش فيه الورقه حقت التحويل نموذج التحويل هي كالاتي



الاسم

الجنسيه

الرقم الجامعي

الكليه المحول منها

التخصص

الكليه المحول اليها

التخصص

نسبه الثانويه

نوعها

تاريخها

المعدل التاركمي

عدد الانذارت

عدد مرات التحويل

هل سبق لك التحويل



راي الكليه المحول منها نوافق لا نوافق



راي الكليه المحول اليها نوافق لا نوافق







طبعا كتبتها بختصار هذي



ورحت للجامعه قلت عطوني ورقه قالو معطينك ورقه قلت انتم كانت ورقتكم للحاسب والحين للادره الاعمال قال لي مانقدر رحت للاي قال حق التحويل النموذج تتذكرونه المهم رحت له وقلت له عن وضعي قال ابشر ومن عيوني وعطاني ورقه الله يطول عمره ذاك ياشيخ كل ماتذكرته بدعي له المهم رحت له وعطاني ورقه وعبيت النموذج وقال لي ان العميد موب موجود تعال بكره عندهم عزاء قلت يوه مشوار ثاني قال ايه بكره تعال او اي يوم قلت طيب وقال رح سو اخلاء طرف من الجامعه قلت انا ادرس عندكم مالي شغل بالجامعه قال لا رح سو اخلاء طرف ورحت اسوي اخلاء طرف طبعا اخلاء الطرف شي يوجع الراس ويخلي الواحد يروح وطي وهو يمشي طبعا انا قلت يالله ورحت لهم وطبعا خلاء الطرف لازم يوقع عليها



مسجل الكليه

مكتبه الكليه

معامل الكليه

مكتبه الامير سلمان

صندوق الطلاب

الاعانات والسلف

سكن الطلاب

الامن والسلامه

عماده القبول والتسجيل

قسم المكافات

البطاقات

بعدين الملفات



طبعا ذولي كلهم يبي لك يومين كامله عشان تخلصها كل وحده ابعد من الثانيه ولازم تخلصها مشي مافيه سياره كلها داخل بعض يعني لازم تمشي قسم بالله ذاك اليوم ماعرفت امشي اهد حيلي انكرفت كرف الويل تعبت تعبت تعب موب صاحي قسم بالله فوق ال 20 كيلو امشي شوي وارتاح بس كلها لعيون التحويل المهم سويت خلاء الطرف بعد تعب وجهد هبل فيني



سويتها وقالو لي خذ نسخه خلاص انت مسوي اخلاء طرف



وبعدين رحت للخرج وكليه ادره الاعمال وعطيه النموذج ووقع على النموذج وقال جب ملفك للخرج عندنا قلت له طيب



ورحت لهم وعطيتهم نسخه النموذج وقلت لهم ان العميد قال جب لنا ملفك قال لي لا حنا بنرسله خلاص انت محول وهذا تاكيد التحويل استلمه واخذتها وقال حنا بنرسلها ورجعت وفليته وخلاص قلت انا الحين ادره اعمال



ورجعت للنت والنوم وفله ونهاري لليل ولليل نهار المهم



جاء يوم الاحد بتاريخ 27 -2-1430 وادخل على الخدمه الاكترونيه واشوف نفس الحال كليه العلوم سنه تحظيريه قلت الدرسه الاسبوع الجاي خير وانا مابعد حولوني وش اسوي قلت خلني اروح للادره الاعمال ورحت لهم قالت لهم الوضع قالو وين ملفك قلت بالرياض قال رح جب ملفك لاتجي الاء ومعك ملفك قلت لهم طيب



الاثين رحت للجامعه بالرياض وقال رح سو اخلاء طرف قلت مسوي قال عطني نسخه واعطيه النسخه قال عطني بطاقتك الجامعيه وياخذ البطاقه ويدخل رقم الجامعي قال انت في كليه التربيه البدنيه قلت وش دخلني بالبدنيه قال انت بالبدنيه الحين رح للجامعه الامام خذ ملفك قلت وش دخل الامام قال ملفك هناك انت راسله هناك قلت يوووه يبي مشوار ثاني



رحت للجامعه من بكره مايمدي رحت لهم من بكره يوم الثلاثاء دخلت عليهم قلت لهم ملفي عندكم قال انت تدرس هنا قلت لا ابشرك ماادرس هنا قال بعد ابشرك قلت ايه قال طيب وش تبي وش جاب ملفك عندناقلت له انا اول قبلوني رياضه وحولت ملفي عندكم قال اييييه محول ملفك عندنا قلت ايه قال طيب قبلناك قلت لا قال طيب رح للحق الملفات انا وش دخلني قلت طيب ليش تسئل قال طيب رح هناك بيفيدونك وشفت لي واحد بدوي يالبى قلبه بس المهم رحت انا وياه قال خلنا نصلي بس وصلينا الظهر تخيلو الظهر مصليها هناك وادور ملفي قال انا راسل الملفات دورنا فيه طلاب المستجدين مالقينا ولا ملف من ملفات ولا شي قال انها مع العميد رح للعميد المعميد بعد الظهر موب موجود قلت دبروني مالي شغل خل العميد يجي قال العميد يطلع الظهر قلت دوامه لين الظهر قال لا قلت طيب شف لي حل قال طيب وينادي الهندي ونروح ندرو الملفات مالقيته ونخش على حق الشؤون الاكدميه وقلت له السالفه قال انا متاكد ان حنا ارسلين ملف انت و 11 طالب ماقبلناهم قلت طيب عطني مايثبت تعبت معكم انا قال طيب وندور بالمستندات ندور بالصداري ولقيناه الخطاب الاي هم راسلينه قال رح للجامعه وقلهم ان الملف عندكم



قلت يووووه مشوار 3 بعد قال ايه الله يعينك واطلع من الامام واحظر عند الملك سعود الساعه 1ونصف لعنت والدين السياره خلاص لازم اجيب ملفي واخر وقت عشان اوصل ملفي للخرج عشان اقدر ادرس بالخرج الاربعاء اخر فرصه والسبت دراسه المهم رحت لهم الساعه 1 مابقاء على الدوام الاء نصف ساعه ودخلت علي حق الملفات المطوع اشوانه مطوع والله انه رجال وكفو قال يالله عشانك باخذ خارج دوام قلت له انا من سكان الخرج وجايك مشوار وجيتكم وقلتو ملفي بالامام ورحت للامام وتوني جاي منهم وزي ذا الكلام قال خلاص امش ندرور الملف وقسم بالله اني مااكذب عليكم دخل يدور الملف ولا لقاه وقال مالك الاء بكره تحظر قلت له يابوي تكفى انا بدور معك وقال امش ودخلنا ندور ندور قسم بالله فوق ال 10 الاف ملف من وين اطلعها ودخلنا ندور ندور وقسم بالله داخت روسنا وحنا ندور اخر شي قال لي انت وش لون ملفك قلت اخضر قال طيب وندرو ندور وقال مالك الاء تورح للعميد وتقول له ورحت للعميد ودخلت عليه الساعه 3ونصف الظهر حول الاذن العصر قال لي مااستقبل طلعو الموضفين تعبنا انا والرجال تعبنا مره مره وحنا ندور ونحوس على الملف وقالت له وش اسوي قال مالك الاء بكره قالت يارجال تكفى ماقدر ولازم ملفي بكره عندهم قال ايه طيب يالله ندور ثانيه بالملفات الخضرو الله اول ماخشينا دورنا بالكراتين وفوق وتحت شوي الاء ونلقاااااااااه قال شفه شفه خذه والله يوم شفته استانست قالت يعطيك العافيه قال رح جعلي اعكرف لك بالجنه يعني اطيحك بالجنه قلت امين قلت ولا اطيح قال يالله بطلع معك انا بعد وطلعت انا وياه بعد اذن العصر وجلسنا نحوس على الملف عشانه المهم طلعت من الملف وانا فرحان ومبسوط وموب وجهي مشقوق من الابتسامه حسيت بالانتصار المهم جيت للخرج وجيت بيتنا واروح انام من اثار التعب تخيلو حست على ملفات حسيت بشغل والله ياهو مسكين حقين الملفات والله ينرحمون المهم نمت من جيت لين الساعه 4 وقمت وافطرت وخشيت النت وبعدها رحت وديت ملفي وعطيتهم نسخه التحويل وسوو لي اضافه ورحت للبيت اشيك لقيت نفسي في كليه ادره الاعمال واخيرررررررررررررررررررا اني في كليه ادره الاعمال





والحين جت سالفه الجدوال جاء يوم السبت الاي هو تاريخ 3-3-1430 رحت اخش على الخدمه الاكترونيه ابي جدولي اشوفه ماحصلت لي جدول يقول لاتوجد قرارت مسجله قلت غريبه



وكل اخوياي عندهم جدوالهم يدرسون الفصل الثاني قلت يمكن عشان هم دارسين الفصل الاول قلت ايه زين واكلم واحد من اخوياي ادره اعمال قال انا ادره اعمال قلت له صور لي الخطه حقتك صورها



تختلف عني 100000000000% انا ماعندي ولا ماده انجليزي هو كل مواده انجليزي قلت وين فيه اختلاف قال ياحظك وزي كذا شد حيلك وجب معدل وزي ذا الكلام المهم جاء يوم الثلاثاء يوم الحذف ولااضاف سمحو للطلاب انهم يحذفوون ويضيفون لمده يومين المهم رحت انا وابي اضيف



شفت المواد الاي حاطينها لي لقيتها بس سلم 101 مقدر اضيف غيرها تخيلو بس ماعندي الاء سلم وين قلت خلني اضيف السلم يمكن تجي مع باقي المواد اذا اضفته يعني وحده وحده قالت يالله وسويت اضافه واخترتها يوم الثلاثاء

المهم يوم اضفتها ماطلع لي باقي المواد وش اسوي قالت مالي الاء اروح الجامعه اشوف قلت اروح للخرج ورحت لهم يوم الاربعاء وفيه ولا 200 طالب مثل مشكلتي يقلون مانزل مواد مافيه مواد يوزعون اوراق يقلون سوو اضافه الاي مانزلت ورحت انا وخذت ورقه وقال لي شف وراء الباب فيه جدول اختر لك جدول



ورحت اخترت جدول واخترت مواد واضافه وسويت اضافه للمواد وقال خلاص يوم السبت بتطلع لك وتداوم قلت زين هانت وكل يوم اشيك ولا صار شي نفس المواد نفسها قلت يمكن يسوون لها اضافه يوم السبت ماني رايح لهم السبت بروح الاحد ورحت لهم يوم الاحد وقالت لهم وقال لي انت منزل ماده اول وصار فيه تعارض رح سو حذ الماده الاي نزلتها احذف شعبتها وسو اضافه من جديد للجدول الاي وراء الباب ورحت وسويت الاي يقوله وقال خلاص الحين ننزل لك المواد

ورجعت للبيت ودخلت للنت وجلست شوي وفتحت الخدمه الاكترونيه ولقيت مانزلو لي الاء ماده وحده بعد حذوف السلم واضافه لي نجم 163 والباقي مانزل شوي رحت لهم مره ثانيه وقلت لهم قال انت فيه عندك مشكله عندخ خلل انت الخطه حقتك قديمه لازم تتعدل الخطه حقتك قلت طيب وش اسوي قال مالنا شغل رح للعميد حقك ورحت للعميد وقال حنا بعثنا فاكس للجامعه الملك سعود بتعديل الخطه حقتك وانتظر ردهم وجاء يوم الاثنين الصبح الساعه 8 ونصف مدري كنت نايم ومشغل الجهاز كذا قمت بدون شعور
وادخل على الخدمه الاكترونيه وشوف انهم غيرو خطتي ودخلت على الجدول وووووووشفت الجدول واستانست بس جدول جدا جدا جدا غبي وصعب وزي التحظيريه وعليه بريكات غبيه بس اهم شي انها جتني ادره جتني الرغبه الثانيه والحمدلله على كل هذا واللهم لا اعتراض والحمدلله على كل شي ولاحول ولا قوه الاء بالله وطبعت الجدول ورجعت نمت وقمت وكلمت اخوياي وشافو الجدول وقالو زين وزي كذا وباركو لي
وقلت موب داوم الاء يوم السبت الموافق 18-3-1430
وطبعا رحت واول مارحت رحت للدكتور الانجليزي كان دكتور باكستاني واول شي سواه قام يستهبل بسمي
وبعدها في محاظره مافهم وش يقول بس الله يوفقنا
سجل ياتريخ واكتب ياقلم قصتي مع القبول بالجامعه تنتهي عند هذا الحد واشهدا ان لا اله الاء الله استفغرك واتوب اليك وان شاء الله اذا صارت احداث في الجامعه راح انزلها هنا لحظه بلحظه حتى التخرج ان كنا من الحيين


قديمة 25 - 04 - 2009, 02:54
المشاركة 40
صورة 'محمد القحطاني' الرمزية
محمد القحطاني
:: عضو نشيط ::
تاريخ الإنضمام: 30 - 04 - 2008
رقم العضوية : 57911
الدولة : نسيتها بالخبر عند الواجهه البحريه >> فاهم انها الجواز هههههه
المشاركات: 1,216
افتراضي
اله يوفقك ويعينكم > ماصدق خلص
التعديل الأخير كان بواسطة محمد القحطاني; 25 - 04 - 2009 الساعة 02:57
قديمة 12 - 05 - 2009, 05:21
المشاركة 41
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
قديمة 12 - 05 - 2009, 09:33
المشاركة 42
لمت نفسي
:: عضو نشيط ::
تاريخ الإنضمام: 11 - 03 - 2008
رقم العضوية : 53635
الدولة : الحجاز المقدس
المشاركات: 3,555
افتراضي
كذاب
قديمة 13 - 05 - 2009, 02:30
المشاركة 43
صوت الخرج
:: عضو نشيط ::
تاريخ الإنضمام: 17 - 04 - 2008
رقم العضوية : 56961
المشاركات: 2,084
قديمة 13 - 05 - 2009, 03:40
المشاركة 44
a7zany.com
:: عضو نشيط ::
تاريخ الإنضمام: 10 - 05 - 2007
رقم العضوية : 36945
الدولة : .:. .:.
المشاركات: 1,118
افتراضي
الله يعينك

من وين من الخرج
قديمة 13 - 05 - 2009, 06:02
المشاركة 45
لمت نفسي
:: عضو نشيط ::
تاريخ الإنضمام: 11 - 03 - 2008
رقم العضوية : 53635
الدولة : الحجاز المقدس
المشاركات: 3,555
افتراضي
حبيبي صوت الخرج العذر والسموحه منك حبيب قلبي

<< تم تغير كلمة المرور الظاهر العضوية يستخدمها غيري>>
التعديل الأخير كان بواسطة لمت نفسي; 13 - 05 - 2009 الساعة 10:35
 
مغلق
 

فيديو مصور للرقم القياسي لنيسان جي تي آر على جبل حيف جنودنا البواسل الذي تم استشهادهم

أدوات الموضوع ابحث في الموضوع
ابحث في الموضوع:

البحث المتقدم
طرق العرض


الساعة معتمدة بتوقيت جرينتش +3 . الساعة الآن : 23:06.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

جميع الحقوق محفوظة Traidnt 2019
  • 00966138651070
  • 00966138648289
  • 2051033691
Powered by vBulletin® Version 3.8.11 .Copyright ©2000 - 2019, Jelsoft Enterprises Ltd
SEO by vBSEO ©2011, Crawlability, Inc.