|
معقولة تحديث النت بمحافظة بكاملها يحتاج الى ستةايام واكثر
الـسـلام عليكم ورحمة اللهـ وبركاته صباح الــ خ ــيــــر ياشباب لــي 6 أيـام والنت عندي فاشل فاشل فاشل بمعنى الكلمة وادق على 907 في اليوم الاول من المشكلة قالولي في تحديث بالمحافظة عندكم بالكامل وان شـاء اللهـ 24 سـاعة ويرجع زي اول واحسن قلت مو مشكلة وقعدت يوم كامل ورجعت وشبكت النت لقيت النت افشل من سابقتها ودقيت عليهم وبرضو قالولي ماجانا شي من الدعم الفني بالمحافظة ان شـاء الله على الصبح الساعة 9 يكون كل شي جايز وعلى هالموال وكل يوم ادق عليهم 24 ساعة وان شـاء الله يضبط معك اقسم باللهـ ارتفع ضغطي من كثر ماااادق عليهم اخر شي امس الصباح دقيت عليهم وقلت حولني على المشرف عندكم واخذ بياناتي وجوالي وقال خلاص كلها دقايق ويدق عليك المشرف قلت خلاص اوكي انتظرت مو دقايق انتظرت 24 ساعة ومادقوا ولا شي ودقيت قبل كتابة هـذا الموضوع والى الان المشكلة ياشباب انا تخسرت خلال الــ 6 أيـام اوامر شراء وتنفيذ بسوق الاسهم الصباح مايتنفذ الا بعد طلعة الروح ســؤالي الان هل تحديث النت بمحافظة بكاملها يحتاج الى 6 أيــام هل بامكاني مقاضاة شركة الاتصالات على ماسببته لي من خساير وماهو الحل بنظركم ؟ |
لا يمكنك مقاضاة أحد ياخوي
بس ما نقول الا حسبي الله ونعم الوكيل الناس في الخارج اقل سرعة عندها الـ 10 ميجا والجيجا وااحنا باقي نتعامل بالكيلو بايت لا حول ولا قوة الا بالله |
والله الحال مع بعضه.
< الرياض النت بطيئ جداً خاصه في ترايدنت اما المواقع الثانيه يمشي الحال.. الله يعين. |
up
|
انا النت انقطع عندي عشر ايام
واليوم توه راجع الله يعينا |
والله كل يوم وموال عن هذي الشركه الي لو يحولوها لشركة بيع اقمشه افضل لهم
|
اقتباس:
|
خخخخخخخخخخخخخخخخخخخخ
تدري انا كم خذ فاصل معي .؟.؟ قرابة الشهر تدري وش سويت .؟.؟ ارضيتهم زدة السرعه ..........! والله والله والله من مدة قرابة الشهر بنص يوم رجع :D ادري كلامي مو معقول لاكن هذا الي صار معي وشوف شيك اعدادات المودم والباسورد برضو لها مشاكلها هذي الله يعينك اخوي |
اقتباس:
اخوي لي ست ايام اكلمه واخرتها قبل ربع ساعة من كتابتي هنـا يقول المشكلة عامة على المحافظة وجاري اصلاحها معقولة 6 ايام تحديث وتصليح خــــــــلاص طابت النفس انا اعلن من هنا ابشتكي الاتصالات واللي يصير يصير |
الله يعينك
|
اقتباس:
تدري وش بقول لك ..؟ مالك الاخشمك لو كان عوج << مثل من تشتكي عنده .؟ بترجع لهم لو صار ماصار .؟ ولا حط لك هذا حق اوربت :no: |
اقتباس:
ههههههه حلو المثل تبي الصراحة فكرت اشتكيهم عند من بس مااادري انا ابدق على تلفونهم المجاني حق الشكاوي وابشتكي سبب هالست الايام وماشاء اللهـ ياخذون حق الدي اس ال وحقنا ضايع وافكر اشتكيهم عند هيئة التحقيق والادعاء العام لانه بصررراحة هـذا اكل اموال تدري ليش لانهم ياخذون حقهم كامل مكمل والكمال لله تعالى وحنا ياالله تخلف علينا ماااقول اللهـ اللهـ يعين بس ونشوف تاليتها |
الســلأام عليكـمـ ما أظن الشكووووى تبي تنفعك لو أنا بأمريكا يمكن لأن حقهـم معهم لو تضربه رأأح أشتكآآك وأخذ حقـه حنا كل شي ضــآآيع وللأسف بس يمكن من الأعدادات عندي لأنه قد أنقطع وكم مرة أدق عليه ويزرعوووني بصل بس عقبه طلعت انا الغلطاان بالبااسوورد هو الحروف كابيتال وسمول انا كنت حاطها كلها سمووول ^^" ومشكووووووووور |
|
احنا نفس المشكله النت مقطوع له 4 ايام
اول يوم قالو تحديث كامل وراح يشتغل الساعه 11 وبعدها قالو خلال 24 الى 48 ساعه .. تعبت من كثر ما اتصل عليهم .. المشكله جيرانا شغال معهم واحنا لا ..!! قالو خلص عندهم التحديث !! مع انه ما فصل عندهم اصلا .. شوف التلاعب كيف المهم الحين شبكته واشتغل بعد ما يأست خلاص .. ومو غريبه يمكن يقطع في اي وقت ... الله يعين مدري متى تجي شركة منافسه زي الناس |
| الساعة معتمدة بتوقيت جرينتش +3 . الساعة الآن : 08:36. المعهد غير مسؤول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر) |
Powered by vBulletin® Version 3.8.11 .Copyright ©2000 - 2020, Jelsoft Enterprises Ltd