Traidnt Forum

Traidnt Forum (https://www.traidnt.net/vb/)
-   ركن مواقع التواصل الإجتماعي (https://www.traidnt.net/vb/f145/)
-   -   للدخول في توصيات الفيسبوك والحصول على آلاف المعجبين مجانًا (https://www.traidnt.net/vb/traidnt2519440/)

EGy Ghost 24 - 03 - 2015 16:27

للدخول في توصيات الفيسبوك والحصول على آلاف المعجبين مجانًا
 
يتضمن 3 ملف مرفق
الملف المرفق 748257

الموضوع ده ممكن يهمّك لو إنت مُهتم بالSocial media سواء ده كان شُغلك أو مجرّد شغف، أو لو عندك صفحة بتديرها عمومًا ع الفيسبوك ...
هو الكلام ده معروف لناس كتير جدًا، بس في ناس برضو ماتعرفوش، فيهمني إن المعلومة دي تبقى واضحه .. أغلب اللي بيديروا صفحات ع الفيسبوك بيبقى هدفهم طبعًا إن الصفحة بتاعتهم تكبر وتوصل لعدد أكبر من الفانز. وفي طريقتين لكدة، ياتزيد organic ياتزيد paid. والأخيرة معروفه، هتعمل كامبين لايكس والدنيا هتبقى زي الفل.
الملف المرفق 748259
أسرع طريقة عشان صفحتك تزيد أورجانيك هي إنها تدخل في توصيات الفيسبوك، بس موضوع التوصيات ده صعب شويّة، لكن مش مستحيل ..
الملف المرفق 748258
الفيسبوك مالوش معايير ثابتة في الموضوع ده، لكن دي شويّة عوامل لو عملتها هتساعدك بشكل كبير:
١. الPage information بتاعتك تكون كاملة وصحيحة، أهم حاجة الأساسيات (Category/Username/Website/About) .. معلومات كامله توضّح بيها البيزنس أو النشاط بتاعك، تختار الفئة الصح اللي بينتمي ليها نشاطك، ماتكونش صفحة بنك وتختار منظمة غير ربحيّة مثلًا.
٢. الContent بتاعك يكون حصري، وفيه تنوّع بإستمرار (Photos/Videos/Texts) .. راجع المحتوى مرة وإتنين قبل ماتنزّله، وشوفه مفيد وهيضيف للفانز حاجة ولا لأ، وريليتد بالنشاط بتاعك ولا أي حاجة بتملى بيها فراغ الصفحة، نزّل أسئلة للفانز بتوعك من وقت للتاني. البوستات اللي بيحصل عليها تفاعل بإستمرار بتكون الإنفوجرافيكس، الإقتباسات، المعلومات الغريبة والمثيرة، المهم كله يكون ليه علاقة بنشاطك. راعي معايير جودة الصور، ماترفعش أي فيديو حقوق ملكيته مش راجعه ليك.
٣. التفاعل أهم حاجة. إتفاعل مع الفانز بتوعك بشكل مستمر، ماتبقاش في وادي وهمّا في وادي تاني. نزّلت بوست، عليه كومنتات ترد عليها. الرد على الرسايل مهم جدًا. رد على أي بوست ينزل على التايم لاين بتاع الصفحة (إفتح التايم لاين للفانز أصلًا ماينفعش تقفله؛ لإنك مش خايف من حاجة، ولو على السبام إتعامل معاه). كل ماكان الResponse rate أعلى، ووقت الرد أسرع كل ماكان أفضل ليك.
٤. إعمل لايك للصفحات المشابهه ليك على صفحتك (الفيسبوك يهمّه تجربة المستخدم في المقام الأول، بالتالي لما إنت كصاحب نشاط ترشد الفانز بتوعك لصفحات من نفس الكاتيجوري بيعتبر صفحتك مفيدة للمستخدمين بتوعه فعلًا). وماتقلقش عُمر الفانز ماهيهربوا منّك لو إنت بتتفاعل معاهم وبتفيدهم عمومًا.
٥. راعي طول البوستات اللي بتنزل على الصفحة، حط Call to action محترمة مع كل بوست، ماينفعش توجّه الفانز في الCTA إنهم يعملوا شير بشكل مباشر. إستخدم هاشتاج.
٦. ضيف Milestones بإستمرار، وللأسف أغلب الناس بيتجاهلوها دي، رغم إنها من أساسيات أي صفحة المفروض.
الملف المرفق 748258
لو عملت ده كله ماضمنلكش إنك تدخل في التوصيات برضو :nosweat: هو المشكلة إن الموضوع فعلًا مالوش أي معايير ثابته، لكن بشكل عام إنت مش هتدخل التوصيات وإنت مش مراعي النقاط دي، لكن حتى لو مادخلتش، فأنت ماخسرتش أي حاجة، بالعكس هتستفاد كتير جدًا.
في يوم من الأيام كان عندي صفحة بتزيد ١٥ ألف في اليوم لوحدها، فالموضوع يستحق المجهود اللي هتعمله، وخليك فاكر إنك بتدير صفحة، والموضوع ده ليه أساسيات، هي بسيطة زي مانت شايف، بس لازم تتعمل صح، وده اللي بيفرق بينك وبين أي حد تاني عنده صفحة ع الفيسبوك.
الملف المرفق 748258
لو عندك أي إستفسار أنا في الخدمة
:emoji11::emoji14:

MR HTML 24 - 03 - 2015 20:41

رد : للدخول في توصيات الفيسبوك والحصول على آلاف المعجبين مجانًا
 
شكرا لك

شلات 25 - 03 - 2015 08:56

رد : للدخول في توصيات الفيسبوك والحصول على آلاف المعجبين مجانًا
 
فين صورة البرادعي :D

فعلاً يمكن تكون أشياء بسيطة جداً وكتير بيغفل عنها لكنها مهمة
جزاك الله خير على المعلومات المفيدة

صاحب صاحبة 25 - 03 - 2015 09:38

رد : للدخول في توصيات الفيسبوك والحصول على آلاف المعجبين مجانًا
 
مشكور حبيبي

abn alsltan 25 - 03 - 2015 11:55

رد : للدخول في توصيات الفيسبوك والحصول على آلاف المعجبين مجانًا
 
تسلم ايدك اخي الغالي علي الشرح المميز والرائع

شباب مؤمن 26 - 03 - 2015 00:48

رد : للدخول في توصيات الفيسبوك والحصول على آلاف المعجبين مجانًا
 
فكره رائعه جدا :)
أيضا لو قدرت انك تصنف صفحتك بشكل كويس جدا هتفيد كتير

EGy Ghost 27 - 03 - 2015 17:48

رد : للدخول في توصيات الفيسبوك والحصول على آلاف المعجبين مجانًا
 
اقتباس:

المشاركة التي أضيفت بواسطة : MR HTML (المشاركة : 21839026)
شكرا لك

منورني ياغالي

اقتباس:

المشاركة التي أضيفت بواسطة : شلات (المشاركة : 21839998)
فين صورة البرادعي :D

فعلاً يمكن تكون أشياء بسيطة جداً وكتير بيغفل عنها لكنها مهمة
جزاك الله خير على المعلومات المفيدة

هههههههه ماخلاص الراجل بقى تبعكم ياعم :'D

منورني ياريس

اقتباس:

المشاركة التي أضيفت بواسطة : صاحب صاحبة (المشاركة : 21840034)
مشكور حبيبي

أهلًا بيك ياباشا

اقتباس:

المشاركة التي أضيفت بواسطة : ENG YASSER (المشاركة : 21840179)
تسلم ايدك اخي الغالي علي الشرح المميز والرائع

تسلملي ياغالي ومنورني

اقتباس:

المشاركة التي أضيفت بواسطة : شباب مؤمن (المشاركة : 21841551)
فكره رائعه جدا :)
أيضا لو قدرت انك تصنف صفحتك بشكل كويس جدا هتفيد كتير

مظبوط ياريس. البراندينج أهم حاجة. يمكن قريب اتكلم بالتفصيل عن موضوع البراندينج لأهميته؛ لإن للأسف براندات كبيرة وصفحاتهم عايمه، وتدخل عندهم ماتعرفش ايه علاقة الكونتنت بالبراند بتاعهم :D

x_5 27 - 03 - 2015 18:21

رد : للدخول في توصيات الفيسبوك والحصول على آلاف المعجبين مجانًا
 
الشكر لك

شلات 29 - 03 - 2015 08:30

رد : للدخول في توصيات الفيسبوك والحصول على آلاف المعجبين مجانًا
 
اقتباس:

المشاركة التي أضيفت بواسطة : EGy Ghost (المشاركة : 21844835)
مظبوط ياريس. البراندينج أهم حاجة. يمكن قريب اتكلم بالتفصيل عن موضوع البراندينج لأهميته؛ لإن للأسف براندات كبيرة وصفحاتهم عايمه، وتدخل عندهم ماتعرفش ايه علاقة الكونتنت بالبراند بتاعهم :D

يمكن زي صفحات براندينج كبيرة بينشروا فقط للتنشيط

وانت عارف قلة النشر بتقلل نسبة الريتش والاكتيفيتي

منتظرين جديدك ياعسل

Mohamed Yahia 31 - 03 - 2015 11:00

رد : للدخول في توصيات الفيسبوك والحصول على آلاف المعجبين مجانًا
 
تسلم ايدك
موضوع رائع ومفيد

Saw2010 31 - 03 - 2015 21:33

رد : للدخول في توصيات الفيسبوك والحصول على آلاف المعجبين مجانًا
 
موضوع رائع ومفيد جدا
شكرا لك اخى الكريم
يثبت الموضوع

صاحب صاحبة 01 - 04 - 2015 11:49

رد : للدخول في توصيات الفيسبوك والحصول على آلاف المعجبين مجانًا
 
بارك الله فيك

احمد هندي 02 - 04 - 2015 13:54

رد : للدخول في توصيات الفيسبوك والحصول على آلاف المعجبين مجانًا
 
شكرا اخي

hamza8 03 - 04 - 2015 01:51

رد : للدخول في توصيات الفيسبوك والحصول على آلاف المعجبين مجانًا
 
[MENTION]hi[/MENTION]

Dr berhak 03 - 04 - 2015 02:28

رد : للدخول في توصيات الفيسبوك والحصول على آلاف المعجبين مجانًا
 
موضوع مفيد جدا

بارك الله فيك


الساعة معتمدة بتوقيت جرينتش +3 . الساعة الآن : 17:00.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

Powered by vBulletin® Version 3.8.7 .Copyright ©2000 - 2018, Jelsoft Enterprises Ltd


SEO by vBSEO ©2011, Crawlability, Inc.