ترايدنت

ترايدنت (https://www.traidnt.net/vb/)
-   الركن العام للمواضيع العامة (https://www.traidnt.net/vb/f25/)
-   -   توضيح بسيط (https://www.traidnt.net/vb/traidnt1897352/)

محمد عباس مصطفى 11 - 07 - 2011 03:50

توضيح بسيط
 
السلام عليكم ورحمة الله وبركاته

اخوانى فى الله اسعد الله مسائكم

اولا هذا توضيح بسيط عن بعض الامور فى مصر وليس جدل سياسى حتى لا يغلق الموضوع

ولكن هذا الموضوع ممكن ان يكون السبب فى توعية بعض الشباب المصرى لذلك يجى عدم غلقه

يا جماعة بالنسبة لموضوع ان المجلس العسكرى مش عايز يحاكم مبارك والنظام السابق والكلام ده كله

اولا قبل اى حاجة عيب جدا اننا نخون المجلس العسكرى بعض الموقف العظيم اللى عمله معانا يوم 29 يناير ولما اعلن انه مع الشعب

ثانيا القضاء عندنا مستقبل وموضوع المحاكمات خاص فى يد القضاء وليس المجلس العسكرى

وعلى فكرة ده اللى احنا بقالنا سنين بنطالب بيه ان القضاء يكون مستقل

وموضوع فلول النظام وان المجلس العسكرى ووزير الداخلية سايبهم

بالعقل يا جماعة لو فكرنا فى الموضوع ده هتلاقى ان فلول النظام دول مش عدد قليل

احنا بنتكلم على قيادات كبيرة فى وزارة الداخلية وجميع الوزارت المهمة والجامعات

والنقابات واعضاء مجالس شعب سابقة ومجالس محلية وقيادات بالحزب الوطنى ورجال

اعمال وناس كتيرة يا جماعة

معنى انك تشيل كل دول كده انت بتوقف البلد

وموضوع ان المجلس العسكرى عامل صفقة مع امريكا ولا مش عارف مع مبارك

بجد كلام بيستفزنى جدا بدون اى دليل وبحس ان اللى بيقول الكلام ده شخص معنهدوش اى وعى سياسى

مجرد انه بيتكلم وخلاص

وان المجلس العسكرى مش عايز يحاكم مبارك والكلام ده كله

برده نفس الاجابة الموضوع فى يد القضاء

وبالنسبة لحكومة الدكتور عصام شرف هو الراجل محترم جدا بس انا هختصر موقفى منه فى جملة واحدة

حكومة عادية فى وقت غير عادى

فى اوقات فى تاريخ اى بلد بنحتاج شخص زى محمد على باشا او صلاح الدين الايوبى او جمال عبد الناصر

اشخاص تصنع التاريخ وتستطيع ان تقود هذه المرحلة لكن حكومة الدكتور عصام شرف

تستطيع قيادة البلد لكن فى الاوضاع الطبيعية ليس هذه الاوضاع

وموضوع الاعتصامات انا ضده مليون المية وليس ضد المطالب

مش من حق اى حد مهما كان ليه حق انه يقطع طريق ويعتصم وانا بنتقد وزارة الداخلية

انها مش تتصرف بحزم فى موقف زى ده

ده قطع طريق يعنى ناس فوق القانون

النهاردة كنت على البحر عند القائد ابراهيم فى اسكندرية منظر بجد والله حاجة تحرق الدم

الناس قاطعة الطريق ووالله العظيم منظر الناس مش منظر ناس محترمة وشباب نظيفة خالص

واسلوبهم فى الكلام تحس انك بتكلم بائع فى الشارع

والناس مصالحها كلها واقفة ولا حد عارف يتحرك

اعمل مظاهرة زى ما انت عايز لأنها فعلا بتجيب نتيجة لكن مش تقطع طريق وتوقف البلد

فى النهاية بجد يا جماعة احنا كلنا لازم نقدم شكر للقوات المسلحة دى الناس بعد الثورة

كانت مرشحة الجيش المصرى لجائزة نوبل للسلام

دلوقتى ارحل ارحل يا مشير

بجد انا مش عارف سيادة المشير بينام ازاى والله كان الله فى عونه

اتمنى قبول هذا الموضوع بصدر رحب وعدم تحويل مسار الموضوع حتى لا يغلق الموضوع من الادارة

وعلى الاقل نثبت للاخوة الاشقاء العرب اننا قد نختلف ولكن لا نسئ لبعض ونفكر سويا فى مصلحة مصر


والسلام عليكم ورحمة الله وبركاته

abnor 11 - 07 - 2011 04:01

تمام يا استاذ محمد واانا معاك في كل الكلام ده وقلناه كذا مرة قبل كدة .. بس للاسف انك بتكلم 85 مليون مستحيل كلهم ايفكروا بالطريقة دى لان كل واحد بيفكر في مصلحته والحاجة دى اتجيب نتيجة معاه ولا لأ ملهوش علاقة بحاجة تانية وده الى خايفين منه الى هو ما يسمى بالثورة المضادة وربنا يستر بجد

mizo20 11 - 07 - 2011 04:13

اقتباس:

المشاركة التي أضيفت بواسطة : محمد عباس مصطفى (المشاركة : 17035157)

يرجى من الادارة غلق الموضوع

واسف جدا انى فكرت انى اتعب واكتب الموضوع

غريب

هو انا قلت حاجة غلط ؟؟؟

ولا لازم اكون متفق معاك

واكون من معارضين البيحصل

انت وضعت موضوع يجب تحمل اراء الاخرين


وانا كاتب الينقتدني يكون باسلوب محترم

لاني مجرب كتيييير

ومفيش اي خطا بكلامي

محمد عباس مصطفى 11 - 07 - 2011 04:16

اقتباس:

المشاركة التي أضيفت بواسطة : mizo20 (المشاركة : 17035169)
غريب

هو انا قلت حاجة غلط ؟؟؟

ولا لازم اكون متفق معاك

انت وضعت موضوع يجب تحمل اراء الاخرين


وانا كاتب الينقتدني يكون باسلوب محترم

لاني مجرب كتيييير

ومفيش اي خطا بكلامي


يا سيدى انا اللى غلطان والله

وبعدين انت بتقول بأسلوب محترم

هل طريقة كلامك على شخصية زى المشير محمد حسين طنطاوى بالطريقة دى هل ده احترام اصلا !!

mizo20 11 - 07 - 2011 04:17

اقتباس:

المشاركة التي أضيفت بواسطة : محمد عباس مصطفى (المشاركة : 17035180)

يا سيدى انا اللى غلطان والله

وبعدين انت بتقول بأسلوب محترم

هل طريقة كلامك على شخصية زى المشير محمد حسين طنطاوى بالطريقة دى هل ده احترام اصلا !!

ده راي فيه وده الحقيقة المعروفة

يمكن انت متعرفش

مسمعتش المتظاهرين وهما بيطالبوا باسقاط المشير

بس مينفعش نطلب دلوقتي لانه ماسك البلد

لكن بعد ما نعين رئيس اول واحد هيتحاكم


انا بقول العاي يعارضني بكلامي او يقول اني غلطان

يكون باسلوب احترام

من غير لا سب ولا شتائم

عشان انا كمان ارد عليه بنفس الاسلوب

PrOFeSsOR 11 - 07 - 2011 04:19

الموضوع بيتلخبط بالاخير مثل كل مره ..

على العموم الف شكر لك عزيزي

تحياتي

محمد عباس مصطفى 11 - 07 - 2011 04:22

اقتباس:

المشاركة التي أضيفت بواسطة : mizo20 (المشاركة : 17035191)
ده راي فيه وده الحقيقة المعروفة

يمكن انت متعرفش

مسمعتش المتظاهرين وهما بيطالبوا باسقاط المشير

بس مينفعش نطلب دلوقتي لانه ماسك البلد

لكن بعد ما نعين رئيس اول واحد هيتحاكم


انا بقول العاي يعارضني بكلامي او يقول اني غلطان

يكون باسلوب احترام

من غير لا سب ولا شتائم

عشان انا كمان ارد عليه بنفس الاسلوب


يعنى الراجل بعد ما وقف جنب الشعب ورفض ضرب المتظاهرين بعد ما يمشى الجيش نحاكمه

وجهة نظر محترمة طبعا ومحدش يقدر يعارضك فيها

وبعدين فى دليل ان سيادة المشير انه استولى على اى اموال ؟

ولا هو مجرد رأى خطر فى بالك قولت اكتبه فى الرد والناس تشوفه ؟

ابو نوره 11 - 07 - 2011 04:24

لا حول ولا قوة الا بالله

الله يهديكم ان شاء الله


الساعة معتمدة بتوقيت جرينتش +3 . الساعة الآن : 12:37.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

Powered by vBulletin® Version 3.8.7 .Copyright ©2000 - 2019, Jelsoft Enterprises Ltd


SEO by vBSEO ©2011, Crawlability, Inc.