ترايدنت

ترايدنت (https://www.traidnt.net/vb/)
-   الركن العام للمواضيع العامة (https://www.traidnt.net/vb/f25/)
-   -   وجهة نظر ميكانيكية ( تسخين السيّآرة ) (https://www.traidnt.net/vb/traidnt1444955/)

MR.DNS 19 - 01 - 2010 03:28

وجهة نظر ميكانيكية ( تسخين السيّآرة )
 
السّلآم عليكمـ ..


المقصود بالتسخين هو تشغيل السيارة والمحرك بارد ، والانتظار لفترة معينة تطول أو تقصر حتى تسخن المكينة ، ثم تمشي بالسيارة ..



كل السيارات الحديثة اللي تشتغل بالبخاخات (( من موديلات التسعينات وممكن قبل حتى .. )) ما تحتاج التسخين .. أبداً ..



وراح نتكلم اليوم كلام علمي ميكانيكي بعيداً عن : (( قالولي – سمعت – من خلال تجربة )) .. !!



س : متى تكون السيارة مستعدة للانطلاق بعد التشغيل ؟؟



ج : متى ما اكتملت دورة الزيت على (( كامل )) أجزاء المكينة عن طريق ضخ طرمبة الزيت للزيت من الكارتير (( مخزن الزيت أسفل المكينة )) ..



س : كم تأخذ دورة الزيت من الوقت حتى تكتمل ؟؟



ج : تختلف المدة التي تستغرقها دروة الزيت من سيارة لسيارة ، ومن محرك لمحرك ، لكنها لا تتجاوز في معظم السيارات – حسب علمي – 10 ثوان فقط .. وفي كثير منها أقل ..



س : وكيف أعرف أنها اكتملت في سيارتي ؟؟



ج : تعرف من خلال طريقة سهلة جداً ..



راقب اللمبات التحذيرية اللي تولع في الطبلون مع تشغيلة السيارة (( ABS-CHECK ENGINE - AIRBAG ... إلخ )) ..



تلاحظ إنها تشتغل في أول التشغيل ، وخلال ثوان تنطفيء كلها تلقائياً ..



إذا انطفأت كل اللمبات التحذيرية فمعناها إن دورة الزيت عندك اكتملت ، وتستطيع قيادة السيارة ..



(( مصانع السيارات تصمم كومبيوتر السيارة على إنه يفحص هذه الأشياء اللي تولع لمباتها خلال فترة تدوير الزيت الأولى مع دفع طرمبة الزيت له ، بشكل إن الفحص ينتهي وتنطفي اللمبات مع اكتمال تدوير الزيت .. ))



وهذا الكلام – إنك تنتظر اللمبات تنطفي وبعدها تمشي – نصت عليه بعض الكتلوجات صراحة (( مثل
بعض كتلوجات تويوتا )) ..



وبعضها تحدد مدة قصيرة بالثوان – مثل كتلوج الكامري أو السوناتا الموجودة صورها في موضوع الأخ بندر - ..



وبعضها تكتفي إنها تذكر إن سيارتك حديثة ولا تحتاج للتسخين أصلاً – مثل الأزيرا والسوناتا - ..



لكن في كل الأحوال جميع شركات السيارات تذكر في كتلوجات السيارات الحديثة إنها مصنوعة بشكل أنها لا تحتاج للتسخين ..




إن جميع السيارات الحديثة البخاخات من تويوتا أو غيرها ما تحتاج أكثر من الثوان الأولى للتشغيل ، وبالتحديد بعد انطفاء لمبات التحذير في الطبلون ..



ولو كانت المسألة مهمة جداً لسلامة المكينة – مثل ما يقول بعض الشباب – ما كان أغفلتها الشركة المصنعة للسيارة في الكتلوج .. (( إلا إذا كنا نفهم أكثر من المصنع .. !! ))



س : هل توجد مشكلة لو انتظرت عدة دقائق بالسيارة قبل التحرك بها ؟؟



ج : نعم .. !!



المشكلة إن السيارة مع الوقوف المستمر لعدة دقائق يبدأ الكربون بالتجمع الزائد في المحول الحفاز أو الكنداسة الخاصة بتخفيف ابنعاثات الغازات الضارة والكربون للجو وتسبب – على المدى الطويل – مشكلة وخلل في الكنداسة نفسها ، وتغير في العزم ..



(( وهذا الموضوع مذكور في كتلوج الأزيرا ))



س : هل إذا مشيت بالسيارة والحرارة أسفل العداد ما طلعت ، تخرب المكينة لأن الزيت بارد ؟؟؟



ج : أولاً : عداد الحرارة هذا يقيس حرارة موية الرديتير اللي تسخن من احتكاكها بجوانب المكينة ، وبالتالي إنت الآن تقيس درجة حرارة الموية ماهي حرارة الزيت ..



(( بعض السيارات القديمة والجيوب يجي فيها عداد حرارة الزيت ))



ثانياً : الزيت البارد ما يضر السيارة ، لأن الزيت يحمى بحرارة المكينة ، إذا ارتفعت حرارتها ارتفعت حرارته ..



والزيوت معدة ومصنوعة أصلاً للاستخدام في درجات الحرارة المختلفة ، العالية الحرارة ، والشديدة البرودة ، ولزوجة الزيت تزيد مع الحرارة لتتناسب مع زيادة حرارة الاحتكاك داخل المكينة ..



لكن هذا لا يعني أن انخفاض لزوجة الزيت البارد عن لزوجته وهو حار أنه لا يؤدي عمله لتزييت أجزاء المكينة بكفاءة ، أو أنه سيؤدي – ولو على المدى البعيد – إلى تآكل في المكينة ، أو خراب في أجزائها ، لأن المحرك لا يحتاج للزوجة الزائدة إلا في حال ارتفاع الحرارة داخل أجزاء المكينة ..



وزيت المحرك إنما صمم من أجل أن يعمل على حماية المكينة من آثار الاحتكاك في جميع الظروف ، وعلى جميع درجات الحرارة ، ووصت به شركات تصنيع السيارات لحماية محركاتها لكي تمشي مئات الآلاف من الكيلومترات ، ولم تطلب من قائد السيارة أن ينتظر قبل قيادتها ، أو أنه يجب عليه تسخين زيت المحرك قبل القيادة (( مثل سيارات الديزل مثلاً )) ..



فهل نقول بأننا لا نثق في عمل زيت المحرك ، وفي عمل خبراء تصنيع الزيوت والسيارات في العالم في مختلف الشركات ، ونثق في آراء بعض من لم يعرف – ربما – كيف تعمل المكينة أصلاً ؟؟!!



س : ما هو سبب ما يقوله بعض الناس أن – فلان – ضربت مكينته بسبب عدم التسخين ، و- فلان - تضررت سيارته بسبب عدم التسخين إذا كان كلامك هذا صحيح ؟؟



ج : السبب في كل سيارة يختلف عن الأخرى ، لكن كل الأسباب (( الميكانيكة )) الحقيقية ليس لها علاقة بالتسخين إطلاقاً ، ولكن الإنسان يبحث دائماً عن (( شماعة )) يعلق عليها الأشياء التي لا يجد لها تفسير مقبول عنده ..!!



-----------------------------------------



خلاصة الموضوع :



السيارات التي تحتاج التسخين - لمدة لا تتجاوز دقيقتين - هي الموجودة في مكان تصل درجة حرارته إلى ما تحت الصفر ..



وهذا الشيء غير موجود عندنا في المملكة إلا في مناطق وفترات قليلة – الشمال في الشتاء ولعدة أسابيع فقط - ..



وأما بقية أشهر العام ، فهي في الشمال مثل بقية مناطق المملكة فوق الصفر ..



والسيارات لا تحتاج في الشمال إلى تسخين ، فكيف تحتاج إلى تسخين في مدن مثل مكة والرياض ؟؟؟؟؟؟؟؟؟؟

مما اعجبني فنقلته لكمـ :)


وجهة نظر (( ميكانيكية )) قابلة للنقاش ...




!.سع ـودي كول.! 19 - 01 - 2010 03:31

يعطيك العافيه
وتسخَين السيآره آمر ضروري

الا عندنا يا السعوِديَين :bleh:
شغل وامشِ :shiny01:

والوعدِ بعدَ آسبوعين في الصنآعيه وضب مكينه :nosweat:

عوافي خيي

MR.DNS 19 - 01 - 2010 03:33

اقتباس:

المشاركة التي أضيفت بواسطة : !.سع ـودي كول.! (المشاركة : 13211546)
يعطيك العافيه
وتسخَين السيآره آمر ضروري

الا عندنا يا السعوِديَين :bleh:
شغل وامشِ :shiny01:

والوعدِ بعدَ آسبوعين في الصنآعيه وضب مكينه :nosweat:

عوافي خيي



يعافيكـ. .

ليش ضروري ؟

وليش اوضب الماكينة اذا ما سخنت السيارة ؟

al5aleej 19 - 01 - 2010 03:46

يعطيك العافيه على هالمعلومات ...

NOTICE 19 - 01 - 2010 03:47

مرحبا ...!!

طيب يالغلا انا ابيك تفتح كتلوج التايوتا (( البرادو ))

هذا واحد يقولي الكلام

اللى مكتوب في الكاتلوج انة ماتمشي او ماتزيد سرعة السيارة عن 40 ك
حتى ترتفع الحرارة شوي

.::classic::. 19 - 01 - 2010 03:53

شكراًَ على المعلومات الجميلة ،،

fahooodi999 19 - 01 - 2010 03:56

والله كنت اشغل السياره وما امشي الا اذا تحرك مؤشر الحراره يبيله اقل شي 5 دقايق


مشكوور خيو

أبو عصفور 19 - 01 - 2010 04:04

السيارات المانول القديمة تحتاج تسخين وطبعاً كل واحد واستخدامه للسيارة

لينا جار يشغل السيارة ويمسحها كلها من التراب ومو بعيد يطلع بيته يجيب شئ يشربه بعدين ينزل يقودها لإنها لو حاول قبل كذا بتفصل منه واشياء من هذه فى السيارارت القديمة واكرر على حسب الحالة

ناصر الفهيقي 19 - 01 - 2010 04:06

والله ياخوك انا ماقتنع اني لازم اسخن السياره
انا معي فووورد
والله بالبرد وهو برد قوووي
بالكثير اخليه دقيقه وامشي
بس عندي قاعده اني لما امشي والسياره بارده
ماتعدى 40
لما اشوف العداد ارتفع شوي
وعندك ابوي من فك الاندكروزر من الوكاله 2002
وهو من يدق سلف يدعس دعستين ويحرك
برد او حر مايهم عنده
والحمد لله ماخبط ولا شي

بس المشكله ان المكنيك يقووول لازم تسخين السياره وانا صراحه ماقتنع فيه
لان مثل ماااورد بالموضوع انه حرارت المااااء الي في العداد

عوافي على الموضوع

احسـ انسان ــاس 19 - 01 - 2010 04:09

لاتاخذ فيها
عندك جيوب النيسان مايمشي الين يسخن وان جيت بتمشي طفى.
موجوده في العمل ولا اقدر امشي الا لما يسخن او ماعشق الموتر وبمشي ترررر طفى.
انا كنت ماسخن سيارتي امشي بس ماتااخذ معي فتره صوفة الصدر تعرفها !؟
مابين المكينه والجربوكس على طول تخرب تاخذها بـ10 ريال وتركبها ب250 حوليها
لأن تركيبها صعب وغير وغير الزبده التسخين ضروري ويعطي عمر اطول للمحرك كلام شيبان ولاغيره


في امان الكريم

أسود الأطلس 19 - 01 - 2010 04:11

اقتباس:

المشاركة التي أضيفت بواسطة : !! ابو زيد !! (المشاركة : 13211617)
مرحبا ...!!

طيب يالغلا انا ابيك تفتح كتلوج التايوتا (( البرادو ))

هذا واحد يقولي الكلام

اللى مكتوب في الكاتلوج انة ماتمشي او ماتزيد سرعة السيارة عن 40 ك
حتى ترتفع الحرارة شوي

أؤكد لك هذا الكلام أخي يعني لا تفوت 2000 دورة حتى تتعدى درجة الحرارة 50 درجة أقل شيء
والأخ أعتقد أنه يتكلم عن التشغيل في منتصف النهار ولا يقصد به الصبح الباكر

أسود الأطلس 19 - 01 - 2010 04:13

اقتباس:

المشاركة التي أضيفت بواسطة : kalegcom.net (المشاركة : 13211651)
والله كنت اشغل السياره وما امشي الا اذا تحرك مؤشر الحراره يبيله اقل شي 5 دقايق


مشكوور خيو

أحسن ما تعمل أخي خليك مثل الأول

MR.DNS 19 - 01 - 2010 04:15

اقتباس:

المشاركة التي أضيفت بواسطة : al5aleej (المشاركة : 13211610)
يعطيك العافيه على هالمعلومات ...

يعافيكـ ..
اقتباس:

المشاركة التي أضيفت بواسطة : !! ابو زيد !! (المشاركة : 13211617)
مرحبا ...!!

طيب يالغلا انا ابيك تفتح كتلوج التايوتا (( البرادو ))

هذا واحد يقولي الكلام

اللى مكتوب في الكاتلوج انة ماتمشي او ماتزيد سرعة السيارة عن 40 ك
حتى ترتفع الحرارة شوي


أخوي اوكي انت تقوللي تمشي بس ما تزيد عن 40 .. الين ترتفع الحرارهـ. .

لكن هل اوقّف حتى ترتفع الحرارة ؟ أجلس خمس او عشر دقايق الين تحمى السيارة ..

فيه ضرر اذا ما وقفت ؟ دقيت سلف ومشيت ..

هذا اللي نتكلم فيهـ ..
اقتباس:

المشاركة التي أضيفت بواسطة : .::classic::. (المشاركة : 13211638)
شكراًَ على المعلومات الجميلة ،،

العفو ..

اقتباس:

المشاركة التي أضيفت بواسطة : kalegcom.net (المشاركة : 13211651)
والله كنت اشغل السياره وما امشي الا اذا تحرك مؤشر الحراره يبيله اقل شي 5 دقايق


مشكوور خيو

حياك .. واللي يقوللك ان هذا خطأ ..! ؟ ويعدم لكـ الكنداسة ؟


اقتباس:

المشاركة التي أضيفت بواسطة : أبو عصفور (المشاركة : 13211679)
السيارات المانول القديمة تحتاج تسخين وطبعاً كل واحد واستخدامه للسيارة

لينا جار يشغل السيارة ويمسحها كلها من التراب ومو بعيد يطلع بيته يجيب شئ يشربه بعدين ينزل يقودها لإنها لو حاول قبل كذا بتفصل منه واشياء من هذه فى السيارارت القديمة واكرر على حسب الحالة

حياك حبيبي .. ما فهمت عليك .. يعني لو بردت السيارة ما تشتغل ؟


اقتباس:

المشاركة التي أضيفت بواسطة : نــــاصــــر (المشاركة : 13211691)
والله ياخوك انا ماقتنع اني لازم اسخن السياره
انا معي فووورد
والله بالبرد وهو برد قوووي
بالكثير اخليه دقيقه وامشي
بس عندي قاعده اني لما امشي والسياره بارده
ماتعدى 40
لما اشوف العداد ارتفع شوي
وعندك ابوي من فك الاندكروزر من الوكاله 2002
وهو من يدق سلف يدعس دعستين ويحرك
برد او حر مايهم عنده
والحمد لله ماخبط ولا شي

بس المشكله ان المكنيك يقووول لازم تسخين السياره وانا صراحه ماقتنع فيه
لان مثل ماااورد بالموضوع انه حرارت المااااء الي في العداد

عوافي على الموضوع

هذا الكلام يالغالي ..
عادي شغل السيارة وامشي وهي باردهـ .. بس امشي بشويش ..
وعلى فكرة بالنسبة للبرد .. اغلب مناطق السعودية او الدول العربية بردها عادي ..
مهما كانت ..
الزيوت المصنوعة .. مصنوعة وفق مواصفات قياسية تقاوم البرودهـ .. يعني ما يحتاج تحمّي المكينة عشان يحمى الزيت الا بالمناطق اللي فيها ثلوج وكذا



حياكـ اخوي ..

khlegi 19 - 01 - 2010 04:26

يعطيك العافيه أخوي وصحيح كلامك لانه مره دخلت على موقع بي أم دبليو

وسالتهم وكان الرد انه يكون 30 ثانيه وفوق

CZONA 19 - 01 - 2010 04:30

يعطيك العافيه ..

تصدقون ما عمري شفت احد خربت سيارته لأنه مايسخنها ..

اتوقع هي ترجع لتخيلات الشيبان الي خلونا نمشي عليها وان مشيت والسياره بارده تقل يعورك قلبك ما ودك تدعس ..


انا والله مع اني اسخن اقل من دقيقه .


وفيه معلومه جاتني تقول لا تمشي إلا ألين ينزل امبير الضغط عن واحد ..
طبعا قبل لا تدعس بنزين .


ويقولون احسن شي انك تمشي وتخلي السياره تمشي لحالها ألين راس الشارع وامش ..


والله انا خلاص بمشي على قاعه الأقل من دقيقه


اشكرك ..


مع التحية :)

MR.DNS 19 - 01 - 2010 04:40

اقتباس:

المشاركة التي أضيفت بواسطة : CZONA (المشاركة : 13211771)
يعطيك العافيه ..

تصدقون ما عمري شفت احد خربت سيارته لأنه مايسخنها ..

اتوقع هي ترجع لتخيلات الشيبان الي خلونا نمشي عليها وان مشيت والسياره بارده تقل يعورك قلبك ما ودك تدعس ..


انا والله مع اني اسخن اقل من دقيقه .


وفيه معلومه جاتني تقول لا تمشي إلا ألين ينزل امبير الضغط عن واحد ..
طبعا قبل لا تدعس بنزين .


ويقولون احسن شي انك تمشي وتخلي السياره تمشي لحالها ألين راس الشارع وامش ..


والله انا خلاص بمشي على قاعه الأقل من دقيقه


اشكرك ..


مع التحية :)

الله يعافيك .. حياك حبيبي ..
صحيح مثل ما قلت انا اتوقع انّهآ من كلام الشيبان واحنا مشينا عليه وما ندري هو صح ولا خطآ ..
اما حقت راس الشارع هذي :nosweat:
حلو نظامكـ ..

وحياك اللهـ ..


اقتباس:

المشاركة التي أضيفت بواسطة : احسـ انسان ــاس (المشاركة : 13211697)
لاتاخذ فيها
عندك جيوب النيسان مايمشي الين يسخن وان جيت بتمشي طفى.
موجوده في العمل ولا اقدر امشي الا لما يسخن او ماعشق الموتر وبمشي ترررر طفى.
انا كنت ماسخن سيارتي امشي بس ماتااخذ معي فتره صوفة الصدر تعرفها !؟
مابين المكينه والجربوكس على طول تخرب تاخذها بـ10 ريال وتركبها ب250 حوليها
لأن تركيبها صعب وغير وغير الزبده التسخين ضروري ويعطي عمر اطول للمحرك كلام شيبان ولاغيره


في امان الكريم

هلا بك اخوي ..
ما اعتقد على جميع السياارات ..
اتذكرك من كم سنة كان معاي بنز موديل 88 ..
المهم شغلتها ودعست .. بعدها الجربوكس حاس .. صارت السيارة تعطي فراغ بين الغيارات ..
لكن الكلام بالسيارات من تسعين وانت طالع ..
ما قلتلي وش نوع سيارتك اللي خربت فيها الصوفة ؟


اقتباس:

المشاركة التي أضيفت بواسطة : أسود الأطلس (المشاركة : 13211704)
أؤكد لك هذا الكلام أخي يعني لا تفوت 2000 دورة حتى تتعدى درجة الحرارة 50 درجة أقل شيء
والأخ أعتقد أنه يتكلم عن التشغيل في منتصف النهار ولا يقصد به الصبح الباكر

اقتباس:

المشاركة التي أضيفت بواسطة : أسود الأطلس (المشاركة : 13211710)
أحسن ما تعمل أخي خليك مثل الأول

اخوي .. ما اقتنعت ان هالطريقة ممكن تأثر على السيارة ( الكنداسة بالتحديد ) مع مرور الزمن ؟
وبالنسبة للوقت .. اذا ان بالاماكن الباردة ما تأثر .. هل بتأثر البرودة بالليل مثلآ ؟؟

ما اتوقع

حياكم الله

E m p t y 19 - 01 - 2010 05:00

اسمحلي بس من واقع تجربه


شوف سيارات الايجار عشان الناس تشغلها وبدون تحميه وتمشي كيف اصوات المكيييينه ..


وغير كدا جرب بنفسسسك .. شغل السياره وع طول امشي ^^ .. ياعيني تسمع صوت المحرك من كيلو

فــايــــز 19 - 01 - 2010 05:07

-------------------------
الـ ـصـراحه كلأم منطقـي
لكن انا سمعت اعتقد من ميكانيكي يقول سبب خراب ((بلوف المكينه)) هو المشي والسيارة باردهـ
لان فعلا لما تشغل السياره تحصل الضغط مرتفع فوق رقم واحد ولما تاخذ خمس دقايق ينزل يشويش الى ان يصبح طبيعي :shiny01:

----------------------
والزيت اغسـل يدك انه يتجمد واذا تحب تجرب خذ زيت سيارات وخله بالفريزر((الثلاجه قوية البرودهـ :blushing: )) لمده يومين وشوف تجمد ولا لا :bleh:
----------------------
الزبدهـ
من غير عادته قلت سعادته :nosweat:
----------------------


وشكرا على الموضوع القميـل يا قمـيـل :icon30:

DR.ABO5LOOD 19 - 01 - 2010 05:17

ياخوان انا اعرف واحد سيارته لكزس مشى عليها وكانت واقفه لمدة اسبوع لم تشتغل ودق سلف وتلها على طول ومشى 8 كيلو فقط وخبطت السياره مره

وراح لصيانه وقالو اكيد المشكله من انك ماشي والسياره بارده

مجرد نصيحه تاخير 5 او 6 دقايق ولا تخبيط وتصلح مكينه ب 2000 او 3000

تحياتي

Jciiio 19 - 01 - 2010 05:24

المسألة بكل بساطه (( تـعـودنـا )) لذلك راح نسخن السيارة حتى لو التسخين فيه ضرر

دفئ الروح 19 - 01 - 2010 05:27

والله اني اشغل الاكسنت في عز البرد ومع الفجر واتلها طوالي

والا دعستين وامش

يعطيك العافيه

ودي

وطن عمري 19 - 01 - 2010 07:19

صراحة انا معي فورد 99 ماركيز فل اوبيشن عداد إلكتروني
ما امشي غير لما تصل الحرارة 3 درجات ولو كنت مستعجل 2

اهل المدينه 19 - 01 - 2010 07:35

اللي يشغل ويمشي على طول يسمع صوت غريب بالمكينه طقطقه<<<

الافضل على الاقل الانتظار 4 دقائق

انا توي مطلع سيارة من الوكاله

قالولي امش على طوووول<<<الهدف والله اعلم عشان تخرب واردها لهم

الريان 19 - 01 - 2010 07:47

جزآك الله خير .,
مع ان موديل سيارتي 2003 .,
الا اني ما احب امشي قبل لا يرتفع عداد الحراره ...> لرآحة البآل ,.
وفقك الله

Caaav.Net 19 - 01 - 2010 08:51

لم اقتنع .. من تجربة شخصية

اوقات البرد بعض الاحيان السياة بعد تشغيلها وتحركها على طول دون التسخين .. تشعر بعدم عزمها وخاصة البي ام واللومينا .. كذالك معنا هايلوكس تايوتا نفس الطريقة اذا ما تسخنه مع البرد ما يمشي

عبدالله N 19 - 01 - 2010 11:05

والله ياخوك انا بين نارين موتري توه جديد مديله 2007 وممشاه قليل

الزبدة : انا عندي اشارة cold اذا طفت مشيت حتى ياخوك الموتر اول ما اشغله وهو بارد المكينة لها حنه قوية من غير عادة صوت الموتر

اذا قرب تطفى الأشارة ركد الموتر هذا دليل انه يحتاج تحمات


لكن لا مانع ان تترك السيارة لعدة دقائق ثم تتحرك


واخوي عندي موتر آخر هايلكس قديم اشغل السيارة اذا مشيت اول ما اشغل يالله يتحرك الموتر اذا احتمى مشى معي صح

هنا المشكلة


ومثل ماقلت بين نارين اخفهم احمي الموتر ولو اتأخر شويااات

وأرى انه لا افراط وى تفريط خل السيارة 30 ثانية مو ضار شي ولا انت خسران ..


.................. والله ياعندي كلام كثير حول الموضوع بس ما ابي اطول وان شاء الله وصلت اللي ابي اتوصل إليه

شكراً لك

سعيد بن محمد 19 - 01 - 2010 11:19

طيب ليش ندق سلف ونمشي على طول وليش ننتظر فترة طويلة حتى يسخن الموتر .. يعني نأخذ الحل الوسط .. من دقيقة إلى دقيقتين كحد أقصى وأمش وانت مرتاح :)

وقواك الله على الموضوع الشيق .. لاهنت

حـزن الامـاكن 19 - 01 - 2010 11:24

والله شوف بعطيك موضوع ويمكن غير وجهه نظري شوي

http://koreanbeast.com/showthread.php?t=1961

المجروح2009 19 - 01 - 2010 11:50

انا عن نفسي اشغل السياره

واحركها بعد 10 دقائق على الاقل

او لما ينزل ضغط المكينه تحت رقم وااحد في عداد الضغط

طلال الهاشمي 19 - 01 - 2010 11:56

أعتقد انه الغرض من التسخين والله أعلم < الوالد ما يمشي إلا ويسخن السيارة لمدة لا تقل عن 5 دقايق
انه الزيت يحمي ويدي مفعوله إلي هو قلة الإحتكاك داخل المكينه
وخاصه إذا ما سخنت السيارة تحس انها ثقيلة ودعستها ثقيله وما تستجيب بسرعه

ألف شكر على التقرير . وأكيد من سيارة لسيارة يفرق

محمد الحلي 19 - 01 - 2010 12:23

انصحكم بتسخين السيارة على الأقل خمس دقائق

عندي لومينا كنت أشغل ودقيقة أو دقيقتين وأمشي وأشوف البخاخات بدأ يطلع فيها كربون

وقلت أكيد المشكلة في التسخين لي أسبوع ما أتحرك إلا بعد عشر دقائق من التشغيل وصراحة نص المشاكل انتهت بسبب التسخين


خلاصة الموضوع

التسخين الزائد له أضرار و عدم التسخين له أضرار

لكن الأضرار الأكبر في عدم التخيسن


Marwan Munther 19 - 01 - 2010 12:26

ششكرا لـك اخـووي

هلال العتيبي 19 - 01 - 2010 13:43

لو شغلت السياره ومشيت بها بدون تحميه تتفتف معاك

وانا احيانا سيارتي اوقفها ثلاث اربع ايام ما اشغلها

وعند التشغيل صوت المكينة قوي

ويروح بعد التحميه :shiny01:


يعطيك العآفية

لحظات 19 - 01 - 2010 13:51

الله عليك

وانا كل يوم اسخن الموتر وأتأخر على الدوام


اجل السالفة كذا

ههههه انا مدلع الموتر زيادة عن اللزوم

وائل الظفيري 19 - 01 - 2010 13:59

مايصير تمشي والسيارة بارده

لأن رأس المكينه بيكون بارد

ولمن تمشي

بتجيه حراره كبيره فجأه

وبينشعر الراس ويمكن ينكسر من الحرارة

لانه انتقال من بروده الى حرارة فجأه

يعني لازم تتغير حرارته بسلاسه وتدريجياً

^_^


مثل استكانة الشاي بتكون باردة من تصب فيها شاي بتنكسر



شرايكم بالمثال
ههههههههههههههههههه

qtr4all 19 - 01 - 2010 14:39

اقرب مثال
تقدر تلعب كورة بدون تسخين؟

moonnt.com 19 - 01 - 2010 14:50

عندي الفيرنا مش بتحتاج تسخين موجود كدا بالكتالوج بتاعها


بنزل ادور وامشي علي السلانسيه بتاع خمس دقايق احتياط بردو

أرض العرب 19 - 01 - 2010 15:09

اقتباس:

مايصير تمشي والسيارة بارده

لأن رأس المكينه بيكون بارد

ولمن تمشي

بتجيه حراره كبيره فجأه

وبينشعر الراس ويمكن ينكسر من الحرارة

لانه انتقال من بروده الى حرارة فجأه

يعني لازم تتغير حرارته بسلاسه وتدريجياً
كلام سليم
+
سمعت مرة على اذاعة بي بي سي .. برنامجا عن تسخين السيارة
وقالوا الافضل ان تمشي عليها بسرعة لا تتجاوز 30 عالأول ولمدة خمس دقائق.. افضل من التسخين وانت واقف

ابو عمـر 19 - 01 - 2010 15:11

خذ العلم الوكاد يالذيب

امش مشي شايب بالطريق يعني 20 خل السياره تمشي لحالها بدون ماتضغط بنزين هذا المطلوب يعني تخلي السياره مرتاحه بدون ضغط الزيت إلا انا ترتفع الحراره و بعدها ماهو تدعس دعسه وحده تدرج

أسود الأطلس 19 - 01 - 2010 16:04

أخي الكريم
شيء معروف ومعتمد من كل مصانع السيارات العالمية أنه ضروري تسخين السيارة إلى أن يتغير صوت المحرك وينزل مؤشر عداد دورات المحرك إلى دون ال 1000 دورة وأن لا تتعدى ال 3000 إلا ومؤشر الحرارة وصل إلى 70 أو فاق ال 50 درجة
للأسف الشديد أن دراستي في هذا المجال بالأجنبية وكذلك عملي وإلا كنت شرحت لك كل ما يمكن أن يحصل دون تسخين السيارة نقطة بنقطة
لأني مهندس ميكانيكي راليات في نادي إيطالي
ولو أحد الإخوان له خبرة في ترجمة المصطلحات من الإيطالية إلى العربية لن أأبخل عليكم بما أعلمه عن تجارب وواقع


الساعة معتمدة بتوقيت جرينتش +3 . الساعة الآن : 11:12.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

Powered by vBulletin® Version 3.8.11 .Copyright ©2000 - 2020, Jelsoft Enterprises Ltd


SEO by vBSEO ©2011, Crawlability, Inc.