شرح الحصول على 1000 شير لصورك او بوستاتك من موقع SOCTOP







السلام عليكم و رحمة الله و بركاته .. معانا النهارده شرح جديد وحصرى 100% ازاى تجيب 1000 شير لصورتك او لأى بوست عندك مش بس كده .. معانا كمان تزويد لايكات + فولورز انستجرام و لايكات و فولورز ask و هكذا التويتر و قريبا يوتيوب ^_^ اول حاجه انت محتاج كمبيوتر.. ولو معاك vps يبقى انت كده عديت خلاص و لو مش معاك يبقى احفظ الشرح ده عندك لوقت الحاجه ..

نبدأ على بركة الله : اول حاجه هتدخل تسجل فى الموقع من هنا Soctop.net التسجيل بسيط جدا هتدوس على sign up من فوق وهتكتب الايميل و الباسورد ومتنساش تفعل الايميل بتاعك ..

دى واجهة الموقع بعد ما تعمل تسجيل دخول .. مطلوب منك تجمع نقاط عشان تبدلهم بأى حاجه انت عايزها زى مثلا ( فولورز - لايكات - شيرات ) طيب ايه الفرق بقى بين الموقع ده و باقى المواقع ؟ اقولك يا سيدى ع الشمال هتلاقى كلمة vtop bot دوس عليها هيفتحلك صفحة فيها شرح للبرنامج وعندك كلمة download soctop bot البرنامج ده هتحمله وتسيبه و هو هيجمعلك نقاط تلقائى البرنامج بعد ما تحمله هتعمل تسجيل دخول بحسابك الى سجلته فى الموقع و هتبدأ بقى تضيف حساباتك ال Fake فى السوشيال ميديا زى انستجرام و فيس و تويتر

بعد ما تضيف الحسابات الفيك بتاعتك هتسيبه وهو هيبدأ يجمع نقاط لوحده . البوت بيشتغل تلقائى و يعمل فولو و لايكات و شيرات للناس عشان تاخد النقاط يعنى العملية كلها بتتم اوتو ماتيك . فى خلال 8 ساعات تقريبا انا جمعت مايقرب من 3500 نقطة و ده من حساب تويتر فيك وحساب فيسبوك .. انت ممكن تضيف 2 تويتر و 2 فيسبوك 2 انستجرام و 2 اسك لو شغلتهم كده ع الاقل هتعمل 15 الف نقطة فى اليوم .. طيب وبعد ما جمعت النقاط هعمل ايه ؟ بص للصورة الاولى اللى فوق هتلاقى كلمه add task من فوق على اليمين دوس عليها هيفتحلك قائمة بالمنظر ده

هنا بقى لو انت عايز تزود فولورز انستجرام هتحطالينك بتاع حسابك ولو عاوز تزود لايكات صورة هتحط لينك الصورة وهكذا لو تويتر او ask و لو عاوز تزود شير لصورتك او بوست على الفيس هتحط لينك البوست او الصورة اول ما تكتب اللينك الموقع بيحدد الخدمات اللى بيقدمها من خلال اللينك اللى انت كاتبه يعنى لو لينك لأنستجرام هيظهرلك خدمات انستجرام لو فيسبوك هيظهرلك خدمات الفيس وهكذا ..

زى مانتوا شايفين ده لينك لبوست على الفيس و ظهرلى عايز لايكات او شيرات ال reposts هو الشير ياجماعه هتحدد العدد اللى انت عايزه وهتنزل تحت هيقولك هنخصم منك كام نقطة هتضغط على pay and start و هيبدأ يجبلك الشيرات او اللايكات اللى انت عايزها اللايك اوالفولو = 1 نقطة الشير = 5 نقاط يعنى لو معاك 1000 نقطة هتبدلهم ب 200 شير او 1000 فولو او 1000 لايك مع العلم ان ال 1000 نقطة دى هتجيبها ف ساعه زمن ^_^ اخر حاجه هقولها ارجع للصورة الاولى هتلاقى كلمه competitions و دى مسابقة الموقع عاملها المركز الاول هياخد 100 الف نقطة التانى 50 الف التالت 30 الف ومن الرابع للعاشر 10 الاف و كل اللى اشترك ومكسبش هياخد 500 نقطة


http://www.traidnt.net/vb/traidnt2707246/