4 خرافات عن تصميم موقع ناجح لمؤسستك







فيه خرافات منتشرة بين مصممي المواقع، و بيقنعوا بيها أصحاب المواقع، و بيوهموهم إن الموقع هيبقى ناجح لو الحجات دي اتعملت، مثال على كده التركيز على جمال الواجهة دون المضمون،و ان الموقع لازم يكون مناسب للجميع، و يبقى مليان بالمعلومات بغض النظر عن نوعها، و الاحتفاظ بشكل الموقع أطول وقت من غير تغيير ، وطبعاً كل الكلام ده خاطيء .

الخرافة اﻷولى : التركيز على إن جمال واجهة الموقع دون النظر للمضمون
كتير من مصممي المواقع على الانترنت، بيركزوا على واجهة الموقع، و انها لازم تكون جميلة، الوانها جذابة، و بيكتفوا بكده بغض النظر عن ايه هي أهداف الموقع، بمعني انهم بينسوا يحددوا من البداية الموقع ده هيقدم إيه للجمهور.
انت كصاحب موقع بتكون عاوز الزوار يعملوا إجراء معين، زي إنهم يشتروا منتج، أو يطلبوا خدمة، فلازم تكون الواجهة معبرة بشكل واضح عن ايه هو اﻹجراء المطلوب.
علشان كده لازم لما تفكر تعمل موقع، تروح لحد يصمم لك موقع واجهته جذابة، و بسيطة، و بتركز على المطلوب من الزوار عمله.
الخرافة الثانية : لازم يناسب كل الزوار
الموقع لازم يكون مناسب لكل الزوار، بمعنى إنه يكون مليان، و فيه كل حاجة هيحتاجها المترددين على الموقع،
طبعاً الكلام ده مش صحيح، ﻻن زمن الموقع الشامل انتهى، و دلوقتي لازم يكون موقعك متخصص في تقديم حجات محددة، لإنك بكده هتتسبب في عمل تشتت للزوار،
فلو موقعك خاص بمستشفى أو عيادة، يبقى هتكتفي بتقديم الخدمات الطبية، و لو بتبيع منتجات معينة، هيكون اهتمامك منصب على طريقة تقديم عروض للمنتجات اللى بتبعها.
الخرافة الثالثة : ﻻزم تبقى واجهته مليئة بالمعلومات
واجهة الموقع لازم تبقى مليئة بالمعلومات، علشان الزوار يلاقوا المعلومة اللى تخصهم، مهما كان توجههم، الكلام ده مش مظبوط، و زي ما وضحنا في النقطة السابقة، إن واجهة الموقع لازم يكون الهدف منها توجيه الزوار إلى تنفيذ إجراء مطلوب منهم، ووجود معلومات كتير هيؤدي إلى إن الزائر مش هيعرف إيه هو المطلوب منه بالظبط، و هيسيب الموقع قبل ما يقوم بتنفيذ اﻹجراء اللي انت عاوزه.
الخرافة الرابعة الاحتفاظ بتصميم الموقع أطول وقت ممكن
عدم تغيير تصميم الموقع لفترة كبيرة، هيخلي الزوار يعتادوا عل شكل الموقع، و ما يملوش منه، الكلام ده مش مظبوط، لإن عدم تغيير تصميم الموقع هيدي إنطباع للزوار إن صاحبالموقع مش مهتم بتطويره، و هيوصل لهم إن المعلومات اللى في الموقع قديمة، و بكده الزوار مش هيرجعوا للموقع مرة تانية.


https://www.traidnt.net/vb/traidnt2741638/