درس الرسم باستخدام ps حصريا علي ترايدنت







                

بسـم الله الرحمن الرحيم السلام عليكم ورحمة الله وبركـاته , شعب الـTraidnt كيف حالكم .. إن شاء الله تكونو بخير .. ؟ والله يباركلكم في اللي باقي من رمضـان إن شاء الله , . . . طيب يا عسولين أنا عندي درس اليوم خـاص وحصري ولأول مرا بتلاقيه إن شاء الله .. وبإذن الله انك حتستفيد منو كـتير , جهزوا أنفسكم شويتين وخلّو كل شي على جنب دقايق بس وركّزوا معايا لإنو هوا سهل لكن يبغالو تركيز كبدايـة يعني حق المرّه الأولى بس , وبعدها حتطبق بدون ما ترجع للشرح ..

 الشرح:

 أولا : نفتح الفوتوشوب

بعديـن تطبق كل شي زي ما هوا واضح .. تبدأ بالترتيب من 1 بعدين 2 .. و 3 وزي كدا

استمر في التحديد حتى تتوصـل لشكل زي دا

كمّل تحديدك يا سيد إنتا وهوا وإذا وصلت للملامح ياريت تكون دقيق شويتين عشان تطلع الرسماا خطنطرياا زي ما تبغى انتا .. وحاول انك لا تستعجل عليها .. مو مشكلة تطول عااادي المهم انك تطلع بشي نااايس : ) وشغل محترم للآخر

:: بعد تحديد الملامح :: ... دحين شي بسيط بس , امشي بالترتيب مع الخطوات زي ما قولنا اول 1 , 2 , 3 , ... وكدا .. طبعاً اللي هنا انو خلصنا من تحديد الشخصية اللي بنرسمها , وطبعاً لازم نتأكد اننـا حددنا تمام وانو ما يوجد فراغ بسيط عشان التعبئه ما تطلع عن الحدود [ يلزمك إنك تسوي حفظ للملف بصيغة PSD ] صيغ ملفات فوتوشوب اللي لا زال جاري العمل عليـها , عشان لا قدّر الله وحدث خطـأ مثلاً في التلوين تقدر ترجع للتحديد من أول شيء وتلوّن من جديد : ) - شوف الصوره تحت -

.:. ملاحظه .:. طبعاً بعض المنـاطق يصعب الوصول لها بأداة التعبئـه , فتلاقي مكان إنتا محددو تمام ومتأكد منو .. لما تعبيّه تلاحظ وجود مربعات صغيره ما وصلها اللون .. مم أوكي في دي الحاله تطبق معايا الآتي ^^" تروح تغير الفرشـاه إلى " مرسام " زي كدا

وتختار شكـل الفرشـاه والحجم إلى الشكـل التالي , أول شكل للفرشاه .. والحجم " 1 " زي ما هوا موجود قدامك بالصوره ..

عندك مثـال على الأماكن اللي أقصدها ( اللي ممكن ما توصلها التعبئة ) فـتظطرّ إنك تستخدم معاها المرسام زي ما وضّحناه فوق , - شوف المثال تحت -

نواصل التلويـن زي الطيبين<< طيب يا طيب , اوكي دحين انتا وصلت معايا للآخر إن شاء الله ^^ كمان تحتـاج شويـة تركيز يا بطل : )

يلآإ شدّ الهمّه وشوف الخطوتين الأخيره بس هيا اللي باقياا وتحتاج واحد بالو شوياا وسيع .. مم وكمان واحد يكون فاهم بالإضاءات .. حتسألوني ليش .. مم لإنو الرسماا ما تحلى إلا بوجود الظلال وإنك تجلعها على هيئة 3D وحنشوف مع بعض الفرق في الأخير .. ^^ . طيب طبّق معايا اللي في الصوره تحت

حتشوف إنو الشكـل طلع معاك زي كدا ..

طيب يا ليوناردو دا فنشي .. إنتا وياه خلاص خلصنا إن شاء الله .. بس الخطوه الاخير ديا وبعدها خلاص عشان تخلي الرسمـاا فيها شوية واقعياا وأكتر قرب للحقيقـه مم إن صح التعبير تخليـها زي صور فـن Victor ^^ بإستخدام أداتين سهله جداً ما تحتاج شرح ابداً .. يمكن تكون أول مرا تسمع عنها لكنها والله ما تحتاج شرح بس تحتاج واحد خيالو واسع يعني يتخيل انو الإضاءه جات من الجهه اليمنى يعني حتكون المناطق المضيئه هي " كذا .. وكذا " , والمناطق المعتمه هي " كذا , وكذا " .. وزي كدا .. المهم ما أطول رغي عليكم .. الأداتين هي ( الحرق , والتفتيح ) أهم أداتين يستهين فيها كتير من المصممين وما يدرو إنها تسوي من لا شيء .. عالم من الخيال - انظر تحت -

شباب يلزمكم قبل لا تشتغلو عليهـا .. تسوو Save للعمل بصيغـة PSD عشان في منكم ناس أول مرا يشتغلو عليها .. فخلي الأولى تجربـاا لهم والتانياا تكون الأكيدة إن شاء الله : ) , عادي مو مشكلة تغلط مره مرتين تلاتااا .. ألف .. المهم تبدع بالآخر :7b42c0956208f11ade4 , وطبعاً أنا ما سويت شرح لهـا لإنها بسيطه إن شاء الله كل ما في الأمر أداة الحرق , تسوي تعتيم على المكان المطلوب .. وأداة التفتيح تعطي إضاءة للمكان .. بالنهاية تطلعلك كأنها 3D : )

أخيراً دا تطبيقي للرسم بعد الحرق والتفتيح ويعض الإضافات ^^

انتهي


http://www.traidnt.net/vb/traidnt1459928


 :

انشر الدرس في فيس بوك أرسل الدرس لجوجل انشر الدرس علي تويتر RSS انشر الدرس في ماي سبيس انشر الدرس في ياهو