تعريب الفيستا .. ( جميع الإصدارات )

السلام عليكم ورحمة الله





كثييييير أنطرحت مواضيع وأستفسارات هنا تستفسر عن تعريب الفيستا .. ( خاصة نسخ الـ Home Premium و Basic ) واللي غالبا تجي على طول مع اللابتوبات .


ما اخفيكم أنه من اول يوم أخذت جهازي قشعت الفيستا الهوم بريميوم اللي معه وحطيت الألتميت العربي لكذا سبب منها عشان يصير عندي لغتين بالجهاز وبعد عشان أجرب الـ Dreamscenes والأأهم لزوم الحوسة والتجربة .


طبعا كنت متاكد أنه ما راح تضيع علي النسخة الأصلية بحكم انه السيريل موجود معي .. المهم وبدون زود كلام جربت كذا طريقة لتعريب النسخ ومنها تعديل ملف اللغة عن طريق برنامج الـ vLite ولكني نسيت اضيف له ملف البوت ورفع ضغطي وهونت عنه .. بل وحتى الطريقة اللي بقولها بعد شوي لكني ما فكرت بآخر جزء منها .


بعد كذا اثناء حوستي بالمنتديات لقيت الطريقة أو الجزء الناقص اللي ما فكرت فيه او ما انتبهت له .


** للعلم : حقوق الطريقة محفوظة للأخوة الكرام بمنتديات الصايرة .. لهم كل شكر وتقدير على كل معلومة استفدناها منهم .. أنا فقط أعدت ترتيبها بعد التجربة وحطيت صور توضيحية .


والطريقة نازلة من فترة لكني ما حبيت أحطها إلا بعد ما جربتها وضبطت معي على 3 اجهزة .. جهازين HP DV2297 وجهاز توشيبا U300-111 .


بالبداية نحتاج سيدي ويندوز فيستا عربي نسخة نظيفة ( خام ) بدون تعديلات أو إضافات .. بتلقون عند أغلب المحلات أو حراج الكمبيوتر ديفيدي فيه كل نسخ الفيستا .. إذا تهور سعره بيوصل 20 ريال .


• لو كنت مقسم جهازك بارتشن للنظام وثاني للملفات الشخصية انقل ملفاتك للبارتشن حقك عشان ما تروح عليك .. أو انقلها على هاردسك خارجي أو فلاش أو ديفيديات ( بالعربي دبر عمرك ولا تقول راحت ملفاتي ) .


• لو كنت تعرف تسوي فورمات تسوي بوت من السيدي وتقسم الهاردسك لو كان يحتاج تقسيم .. أو تختار بارتشن الـ C وتكمل تثبيت النظام ..


• راح يعطيك الخيار حق أدخال رقم النسخة تشوف الرقم اللي جاي مع الجهاز ( غالبا موجود أسفل الجهاز ) تحصلونه بأسم Product Key مكون من 25 خانة أرقام وحروف .


• بعد ما تدخلون الرقم بشكل صحيح راح تحصلونه أختار النسخة حقت رقم التسجيل بشكل تلقائي .



• بعد كذا راح يكمل التثبيت بشكل عادي وكلها 7 دقايق أو حولها وتدخل على الويندوز.



* اللي ما يعرف يفرمت الجهاز يخلي أي واحد أو محل يفرمته له .. بس يتاكد انه يحط الرقم اللي جاي مع الجهاز أو يحط نفس النسخة اللي جاية مع الجهاز ( عربي طبعا ) ولا يحط أي سيريل .. بحيث أنك تحطه إذا دخلت على الويندوز .




إذا دخلت على الويندوز تروح لوحة التحكم --> النظام زي ما هو واضح بالصورة ونضغط على تنشيط ويندوز الآن .





بعد كذا راح يجيك 3 خيارات نختار اول واحد الموضح بالصورة .







بعدين بتجيك نافذة ( البحث عن أرقام الهواتف المتاحة من أجل التنشيط ) نختار السعودية ونكمل .



بعد كذا نجي لأهم خطوة .. بيطلع لك رقمين تدق عليهم انا دقيت على المجاني اللي فوق 8001242255 وعلى فكرة تراه يدق من الجوال عادي .





اتبع التعليمات اللي تجيك .. بتضغط رقم 1 اللي هو خاص بتنشيط المنتج .. بيرد عليك موظف أو موظفة .. قله انا عندي ويندوز وطلب مني التنشيط وعطاني الرقم هذا ( الموظف ما يسألك عن نوع النسخة أو اللغة غالبا .. وأنت لا تحرص وتقول له ) .

راح يطلب الموظف منك انك تعطيه رقم معرف التثبيت الموجود بالصورة اللي فوق .. وبعد ما تخلص راح يحولك على الرد الآلي اللي راح يعطيك أرقام معرف التأكيد اللي تكتبه بالخانات اللي تحت .

وعلى فكرة راح يعطيك فرصة أعادة الرقم كامل مرة واحدة أو أعادة خانة معينه .. أيضا لو تخطئ برقم أثناء كتابة معرف التأكيد راح يطلع لك مسج يعلمك انه خطأ قبل ما تكمل للخانة اللي بعدها .


وبعد ما تضغط التالي خلاص .. نكون انتهينا .. نسختك أصلية وعربية .






والشئ الغريب راح يطلع لك معالج أضافة اللغات زي الموجود بالألتميت بعدها .. بصراحة ما جربت اضيف لغة عن طريقه ولا احتجت اصلا .







* طبعا للويندوز( نسخة الألتميت Ultimate ) تحتاج بس تنزل ملف التعريب وتضغط عليه دبل كليك وخلاص .


من هنا ..
http://www.download.windowsupdate.co...c265c49f0e.exe
تحــــية

مشكور حبيبى ..

آنآ بحب آلآنجليزى آلآفضلى لى للحين جربت آلعربى مآ عرفت آتعآمل ..