ركن التجارة الإلكترونية : هذا القسم يختص للشراء والبيع ( بين الأفراد , من الشركات الاجنبيه الموثوقه , و طرق الشحن ) يمنع بتجارة الحيوانات و العملات والمحظورات الشرعيه بشكل نهائي .

تجربتي في شراء موبايل من الانترنت بالتفصيل الممل

AGSAO
:: عضـــو::
تاريخ الإنضمام: 03 - 09 - 2014
رقم العضوية : 241329
الدولة : القاهرة
المشاركات: 30
قديمة 25 - 09 - 2014, 02:13
المشاركة 1
نشاط AGSAO
  • قوة السمعة : 50
  • الإعجاب: 10
    Smile تجربتي في شراء موبايل من الانترنت بالتفصيل الممل



    في البداية كان ليه تجربة حبيت أسردها ليستفيد منها الكل
    أنا كنت بدور على تلفون إمكانياته كويسة و سعر رخيص و لقيت موبايل لينوفو Vibe Z (K910) لكن سعره كان في مصر تقريبا 3200 جنيه (فوق 2000 جنيه في ..تلفون.. أنا مش دافع) بس لقيته في مواقع كتير بره بحوالي 280-300 دولار يعني في حدود 2000 جنيه أو أكثر (ممكن أتنازل عن مبدأ فوق الـ 2000 لو الفرق بسيط و خاصة إن فرق السعر مع مصر كبييييير جدا)
    المهم قولت لازم أدرس موضوع الشراء من برة و ايه مشاكله و ايه مزاياه (و أتعلمت كتير من المنتدى ده)

    نبدأ بالعيوب:
    1. بتدفع الفلوس مقدما و الاستلام ممكن يوصل بعد الدفع لشهرين (يعني بتدفع في الهوا يا صابت يا خابت – كنت لسة جديد)
    2. رسوم شحن و ضرائب و جمارك و رسوم و مصاريف مالهاش أول من اّخر.
    3. مطلوب موافقة من الجهاز القومي لتنظيم الإتصالات (مشوار و حوارات).
    4. لو في مشكلة في الاستلام البضاعة مخبوطة و لا ناقصة (مش فاضي للمشاكل)
    5. الضمان مفيش ضمان

    المزايا:
    1. فرق السعر الكبير
    2. إرضاء فضولي و حب المغامرة (و ربنا يستر)

    ================================================== ==================================================

    قعدت وزنتها في ميزاني أنا لقيت إن كفة المزايا تكسب و خاصة لو اتبعت مايلي:
    1. اختر بائع موثوق من موقع موثوق أنا اخترت موقع علي إكسبرس و اخترت بائع مبيعاته كتير و ردود المشتريين الإيجابية كانت 99.8% هتلاقي الناس بتقول مثلا البضاعة أصلية و سرعة توصيل ممتازة و غيرها من المزايا.موقع زي علي إكسبريس إنت بتدفع في الفلوس و البائع مش هيستلمها إلا بعد تأكيدك إنت للموقع استلامك للبضاعة.

    2. الضريبة في مصر على الموبايل 10% (إنت و شطارتك خلي البايع يضربلك فاتورة بسعر قليل مش قليل قوي و ده ملوش علاقة في فلوسك اللي انت دفعتها في الموقع ده عشان الضرائب فقط) و مفيش عليه جمارك و فيه شوية رسوم استخلاص جمركي

    3. مشوار الموافقة بتاعة الحهاز القومي للاتصالات مسافة السكة و عليها أقل من نصف ساعة لغاية ما تأخد الموافقة

    4. لو في مشكلة في الاستلام متستلمش البضاعة و قدم شكوى لموقع علي إكسبرس و هما هيدرسوها و هيرجعولك فلوسك في حالات كتير منها لو البضاعة مش زي المواصفات اللي ذاكرها البايع أو أي مشكلة فيها.

    5. البايع كان حاطط ضمان 12 شهر من تاريخ استلامي للتلفون بس أنا ملزم بمصاريف مشوار الشحن من مصر للصين وهو ملزم بالباقي و بمصاريف الشخن من الصين لمصر.

    ================================================== ==================================================


    كل الحسابات ديه على الورق بس ساعة الجد ممكن تجد أمور .. و ده السناريو اللي حصل معايا بالضبط:

    1. دورت في موقع علي إكسبريس على بايع كويس انطباعات المشتريين عنه كويسة و سعره كويس و شحنه لمصر مجاني و فعلا لقيت.

    2. راسلت البايع أكثر من مرة للتأكد من مواصفات التلفون و البايع كان متعاون و بيرد على كل الاستفسارات حتى اني طلبت منه يبعتلي مع التلفون سكرينة حماية و هو وافق

    3. يوم 11/09/2014 الساعة 5 مساءا فعلا قدمت طلب للشراء و دفعت عن طريق الفيزا و كان التلفون بالجراب سعره 298 دولار سعر الجراب لوحده مصر (180 جنيه) و الموقع أعطاني رقم للطلب و طلب مني الانتظار لمدة لاتزيد عن 24 ساعة للتأكد من الحساب و بعديها يبعتوا الطلب للبائع.

    4. فعلا في نفس اليوم اتخصم من حسابي (بالجنيه المصري) ثمن الموبايل بالجنيه المصري بالإضافة إلى نسبة 2.5% بيأخذها البنك يعني 298$ *× 7.18 × 1.025 = 2192 جنيه

    5. بعت رسالة للبايع قلتله إن الطلب هيجيلك النهاردة و متنساش السكرينة و كمان إعملي فاتورة بـ 175 دولار للموبايل و 25 دولار للشحن رغم إن الشحن مجاني بس علشان الضريبة.

    6. يوم 11/09/2014 الساعة 12 مساءا (أقل من 24 ساعة) الموقع تأكد من الحساب و بعت الطلب للبايع

    7. البايع ليه مهلة لا تزيد عن 7 أيام يجهز فيها التلفون و يبعته للشحن.

    8. يوم 12/09/2014 الساعة 11 صباحا البايع علشان كان محترم جهز الطلب في أقل من 12 ساعة و بعته للشحن اللي كان عن طريق سنغافورة و بعتلي رقم التتبع (ادخل على موقع البريد السنغافوري وموقع البريد المصري علشان تعرف حالة الشحنة)

    9. لازم تستنى 24 ساعة علشان تقدر تتبع الشحنة على موقع البريد السنغافوري و فعلا بعديها لقيت المعلومة:
    رمز Code:
    2014-09-13 02:13	Information Received (This is not an acknowledgment of the physical receipt of the stated Registered Article)	<<Info from SingPost>>
    10. راسلت البايع علشان أفهم منه معنى المعلومة قاللي هي تسجلت عندهم بس لسة بتأخذ 5 أيام علشان تروح من الصين لسنغافورة و قاللي تابع الشحنة على الموقع ده أفضل ALL-IN-ONE PACKAGE TRACKING لأنه هيجيب حالتها من البريدين السنغافوري و المصري (مش قلتلكم الراجل ده محترم)

    11. فعلا يوم 17/09/2014 كانت وصلت سنغافورة و كانت في طريقها لمصر.
    رمز Code:
    2014-09-17 15:25	Despatched to overseas (Country code: EG)				<<Info from SingPost>>
    2014-09-17 03:25	SINGAPORE, SINGAPORE S05, Insert item into bag (Otb)	<<Info from EgyptPost>>
    12. يوم 21/09/2014 كان التلفون وصل لمصر و دخل مبنى البريد في رمسيس صالة الطرود الدور الرابع
    رمز Code:
    2014-09-21 19:49	EGYPT, CAIRO AIRMAIL TRAFFIC CENTER, Receive item at office of exchange (Inb)		<<Info from EgyptPost>>
    2014-09-21 20:21	EGYPT, CAIRO AIRMAIL TRAFFIC CENTER, Insert item into domestic bag				<<Info from EgyptPost>>	
    2014-09-21 21:47	EGYPT, PARCELS TRAFFIC CENTRE RAMSIS, Receive item at location (Inb)			<<Info from EgyptPost>>	
    2014-09-21 07:49	Arrived at overseas (Country code: EG)											<<Info from SingPost>>
    13. يوم 21/09 / 2014 اتصلت بالريد 16789 و قلتهم عندي شحنة عايز أعرف استلمها امتى قاللي يا فندم هي و صلت في رمسيس و ممكن تستلمها من هناك

    14. يوم 22/09/2014 خدت أجازة من الشغل و رحت لمبنى البريد في رمسيس و طلعت الدور الرابع لصالة الطرود و قابلني رجل محترم على باب الصالة قاللي أنت تروح على مكتب معاك رقم التتبع و هما يقولولك تستلم من أي تربيزة في صالة الطرود و فعلا رحت و عشان إحنا في مصر الموظفة اللي خدت الرقم قالتلي الطرد لسة واصل إمبارح عايز تستلمه النهاردة!!! لا لسة عندنا حوارات و كلام كتير و اللي بيردوا على التلفونات مش فاهمين حاجة و تعالى كمان خمس أيام تستلم الطرد.

    15. فعلا نزلت من هناك و أنا زعلان على يوم الاجازة على الفاضي و على مستوى الخدمة اللي في بلدنا و قبل ما أنزل للمترو افتكرت الراجل المحترم اللي قابلته على بوابة صالة الطرود و رحت راجع تاني و طلعت للدور الرابع تاني و سألت الراجل ده مفيش صرفة استلمه النهاردة و خاصة أنا عارف أنه وصل عندهم إمبارح و مش هقدر استنى 5 أيام قاللي انت مادام أنت متأكد إنه و صل إمبارح خد الرقم ده وادخل بيه للأستاذ #### و فعلا رحتله قاللي روح للموظفة إياها و اطلب منها الرقم الداخلي رحتلها تاني و هي برده قالتلي إنت تاني!!! قلتلها معلش أنا جايلك من طرف الأستاذ #### و هو عايز الرقم الداخلي و فعلا جابت الرقم الداخلي رجعت للأستاذ #### بالرقم قاللي اّه ده موجود في الكومة اللي قصادك ديه و صعب تأخده النهاردة تعالى بكرة قلتله اّخد الكتالوج بس علشان أجيب موافقة الجهاز القومي للإتصالات قاللي يا أستاذ أنا قلتلك بكرة.

    16. قلت بكرة بكرة أحسن من 5 أيام و فعلا أخذت إجازة يوم 23/09/2014 الساعة 9 ص و طلعت تاني للأستاذ #### قاللي مش قلتلك بكرة بس إحناه برده مخلصناش رص قلتله عايز ألحق الجهاز القومي للاتصالات فطلب مني استنى 10 دقائق و فعلا كتبولي جواب لجهاز الاتصالات و أعطوني الكتالوج و عنوان الجهاز مشكورين أمام جامعة الأزهر.
    رمز Code:
    2014-09-23 20:58	EGYPT, PARCELS TRAFFIC CENTRE RAMSIS, Send item to customs (Inb)																<<Info from EgyptPost>>
    2014-09-23 20:58	EGYPT, PARCELS TRAFFIC CENTRE RAMSIS, Record item customs information (Inb), Item handed over to customs authority for final delivery	<<Info from EgyptPost>>


    17. 23/09/2014 الساعة 10:10 ص كنت في الجهاز القومي للاتصالات بمدينة نصر و خدت الموافقة الساعة 10:40 ص بدون أي حورات.



    18. 23/09/2014 الساعة 11:15 ص كنت في مبنى البريد برمسيس و أعطتهم الموافقة و إبتديت التخليص الجمركي و لقيتهم مبصوش على الفاتورة و سعروا التلفون بـ 1000 جنيه أصله ماركة مش معروفة ليهم مش مشكلة مدام في صالحي خدوا مني 100 جنيه ضريبة و حوالي 25 جنيه رسوم و حبة ورق.






    19. 23/09/2014 الساعة 12:00ص كنت خلصت الورق و استلمت التلفون و نزلت من مبنى البريد

    20. 24/09/2014 جاللي جواب من مكتب البريد إني لازم أروح استلم التلفون من مبنى البريد في رمسيس علشان أخلص إجراءاته (بعد ايه يا عسل ما التلفون خلاص وصل)
    رمز Code:
    2014-09-24 19:55	EGYPT, PARCELS TRAFFIC CENTRE RAMSIS, Return item from customs (Inb)	<<Info from EgyptPost>>
    2014-09-24 20:10	EGYPT, PARCELS TRAFFIC CENTRE RAMSIS, Deliver item (Inb)				<<Info from EgyptPost>>
    2014-09-24 08:10	Product Delivered (Country code: EG)									<<Info from SingPost>>





















    21. الحمد لله كل حاجة تمت بفضله بس نصيحة خلص إنت و رقك و استلم بنفسك متستناش شركات الشحن علشان الوقت (ممكن تعدي أسبوعين)و علشان الفلوس ( ممكن تخلص بأكثر من 500 جنيه) و كمان استنى يومين بعد ما تيجي الشحنة مصر

    ================================================== ==================================================



    الخلاصة أنا دفعت إجمالي (2320 جنيه) مقابل تلفون أصلي + جراب أصلي (أكتشفت معاها سكرينتها) + سكرينه إضافية (سعره رخض دلوقتي 15 دولار)
    مدة الاستلام 11 يوم من تاريخ الشراء

    أنا اّسف جدا للإطالة بس انا و احد من الناس أحب أعرف التفاصيل كاملة قبل ما أجرب و أنا مستعد لاستفساراتكم و شكرا للجميع و أسألكم صالح الدعاء
    AL GAMDi, Ahmed Alatrosh, Mu7ammeD و 9 آخرون معجبون بهذا.
    التعديل الأخير كان بواسطة AGSAO; 25 - 09 - 2014 الساعة 02:18
    قديمة 25 - 09 - 2014, 03:05
    المشاركة 2
    mahmoud17
    :: عضو جديد ::
    تاريخ الإنضمام: 01 - 07 - 2012
    رقم العضوية : 148381
    المشاركات: 14
    افتراضي رد : تجربتي في شراء موبايل من الانترنت بالتفصيل الممل
    بجد تجربة ممتازة جزاك الله كل خير على المشاركه
    نجم ميلان معجب بهذا.
    قديمة 25 - 09 - 2014, 03:16
    المشاركة 3
    صورة 'AL GAMDi' الرمزية
    AL GAMDi
    :: عضو نشيط ::
    تاريخ الإنضمام: 03 - 03 - 2011
    رقم العضوية : 96203
    الدولة : SaudiArabia
    المشاركات: 1,393
    • أرسل رسالة بواسطة Skype™ إلى AL GAMDi
    الإجابات المقدمة: 14
    افتراضي رد : تجربتي في شراء موبايل من الانترنت بالتفصيل الممل
    ماشاء الله تبارك الله الله يبارك لك فيه يارب ويعطيك خيره ويكفيك من شره
    نجم ميلان معجب بهذا.
    سبحانك اللهم وبحمدك اشهد ان لا اله الا انت استغفرك واتوب اليك

    طهر صدرك من الهم والغم
    *استغفر الله واتوب اليه*

    اشتري كل الدومينات الثلاثية com بسعر معقول + رباعيات com حروف فقط
    AliAlghamdijiz -at- Gmail.com
    skype
    ialinasser
    لا ادخل سكايبي منذ شهور حالياً

    قديمة 25 - 09 - 2014, 03:19
    المشاركة 4
    E|r|a|N|Y|
    :: عضـــو::
    تاريخ الإنضمام: 12 - 09 - 2014
    رقم العضوية : 242357
    المشاركات: 99
    الإجابات المقدمة: 1
    افتراضي رد : تجربتي في شراء موبايل من الانترنت بالتفصيل الممل
    تجربه رائعه وانا اريد شراء الهاتف فل يمكني ان تقول لي
    رابط البائع وازاي اعرف بائع موثوق بيه
    + انت من مصر صح
    ازاي اجيب تصريح اتصالات لو ماركه دي مش في مصر
    لو سعر الهاتف 150 دولار فكمم مصاريف الجمارك والاتصالات وكل هذااااااااااااااااااااااااااا
    قديمة 25 - 09 - 2014, 05:28
    المشاركة 5
    صورة 'Ahmed Alatrosh' الرمزية
    Ahmed Alatrosh
    :: عضـــو::
    تاريخ الإنضمام: 19 - 01 - 2014
    رقم العضوية : 230370
    المشاركات: 115
    افتراضي رد : تجربتي في شراء موبايل من الانترنت بالتفصيل الممل
    تجربه ممتازه وبجد شرح تمام التمام وفرت على ناس كتير كانت عايزه تعرف القصه كامله

    بس اهم نقطه بقى ممكن صفحه البائع :D
    قديمة 25 - 09 - 2014, 06:03
    المشاركة 6
    صورة 'qkash' الرمزية
    qkash
    :: عضو نشيط ::
    تاريخ الإنضمام: 12 - 12 - 2012
    رقم العضوية : 175208
    الدولة : مصر-الاسكندرية
    المشاركات: 3,266
    • أرسل رسالة بواسطة Yahoo إلى qkash
    • أرسل رسالة بواسطة Skype™ إلى qkash
    الإجابات المقدمة: 4
    افتراضي رد : تجربتي في شراء موبايل من الانترنت بالتفصيل الممل
    ما شاء الله عليك

    برنس والله

    كاتب كل التفاصيل ومصور كل حاجة حتي فواتير المصاريف الغريبة بتاعت البريد المصري

    بصراحة الله ينور

    بس لينك البائع والموبايل مهم تكتبه علشان اللي يحب يعيد التجربة يبقي استفاد منك

    وجزاك الله خيراً
    خدمات تجارة وتحويلات بين البنوك الالكترونية"ويب موني-برفكت موني -بيت كوين-كاش يو-نتللر-سكريل-باي بال-وغيرها"
    حجز دومينات علي جودادي وتجديد ونقل الدومينات بخصم خاص جداً
    اعلان ممول علي الفيس بوك
    اعلان ممول علي جوجل
    للتواصل : skype: qkash1 | yahoo: qkash1 | 01020390034 | www.fb.com/qkash.net
    قديمة 25 - 09 - 2014, 06:53
    المشاركة 7
    صورة 'Mu7ammeD' الرمزية
    Mu7ammeD
    :: عضو نشيط ::
    تاريخ الإنضمام: 01 - 03 - 2011
    رقم العضوية : 91470
    الدولة : Egypt
    المشاركات: 2,481
    الإجابات المقدمة: 16
    افتراضي رد : تجربتي في شراء موبايل من الانترنت بالتفصيل الممل
    حاجة تقرف والله الروتين في مصر!

    وأنت أيه علاقتك بجهاز تنظيم الاتصالات وتجيب جواب و .. الخ ؟

    مفروض طلاما تم السماح له بالدخول خلاص تستلم من مكتب البريد
    sasuke99 معجب بهذا.
    ربّ؛ قـِني عـَذابَك؛ يـَوم تَبعثُ عِبادَك
    قديمة 25 - 09 - 2014, 08:14
    المشاركة 8
    صورة 'fancy' الرمزية
    fancy
    :: عضو نشيط ::
    تاريخ الإنضمام: 01 - 07 - 2011
    رقم العضوية : 100464
    الدولة : E G Y P T
    المشاركات: 302
    قديمة 25 - 09 - 2014, 08:59
    المشاركة 9
    mtm4egy
    :: عضو جديد ::
    تاريخ الإنضمام: 18 - 10 - 2013
    رقم العضوية : 219573
    المشاركات: 1
    افتراضي رد : تجربتي في شراء موبايل من الانترنت بالتفصيل الممل
    AGSAO بعد اذنك
    انا محتاج الموضوع دا من زمان
    وعاوز اساال على كذا حاجة
    طريقة الدفع ازاى ؟ انا بسمع انو فى فيزا انترنت بتطلع من البنك العربي الافريقي ممكن تشتري بيها من النت
    يا ريت تقولنا انت دفعت ازاى ؟
    --------------------------------------
    انا عاوز افهم حاجة الجمارك ثابتة على اى سلعة ولو كان السلعة الى ها اشتريها فى حدود 50 دولار او 100
    ممكن ياخدو جمارك عليها

    انا عاوز اعرف هيا الجمارك انت وحظك ولا ثابتة على اى سلعة

    فى حاجة ممكن تمنع وصول الحاجة لمكتب البريد بمعنبي اول حاجة بتوصل ليها السلعة هيا مكتب البريد
    ولا ممكن السلعة تقف فى مكان قبل كدا

    معلش الاستفسارات كتير
    شكرا
    قديمة 25 - 09 - 2014, 09:31
    المشاركة 10
    صورة 'hamada2400' الرمزية
    hamada2400
    :: عضو نشيط ::
    تاريخ الإنضمام: 03 - 01 - 2014
    رقم العضوية : 228677
    الدولة : Traidnt
    المشاركات: 2,108
    الإجابات المقدمة: 66
    افتراضي رد : تجربتي في شراء موبايل من الانترنت بالتفصيل الممل
    يعطيك العافية تجربة مميزة وحلوة

    تحياتي
    ان قمت بالرد على موضوعي او على ردي فضلا اعجاب كي انتبه

    سيد الإستغفار
    [ اللهم أنت ربي لا إله إلا أنت خلقتني وأنا عبدك وأنا على عهدك
    ووعدك ما استطعت أعوذ بك من شر ما صنعت أبوء لك بنعمتك
    علي وأبوء لك بذنبي فاغفر لي فإنه لا يغفر الذنوب إلا أنت ]
    قديمة 25 - 09 - 2014, 09:53
    المشاركة 11
    AGSAO
    :: عضـــو::
    تاريخ الإنضمام: 03 - 09 - 2014
    رقم العضوية : 241329
    الدولة : القاهرة
    المشاركات: 30
    Idea رد : تجربتي في شراء موبايل من الانترنت بالتفصيل الممل
    رابط التلفون اللي أنا شاريه :
    Original Lenovo K910 Vibe Z Mobile Phone 5.5'' IPS Quad core Snadragon 800 CPU 2GB RAM 5MP + 13MP Dual SIM 3G Android 4.4-in Mobile Phones from Electronics on Aliexpress.com | Alibaba Group

    و البايع حاطط معاه حبة هدايا صغيرة و عامل تحديث للسوفت وير بتاعه و يدعم كل اللغات تقريبا
    و ممكن تراجعوا انطباعات المشترين الإيجابية
    قديمة 25 - 09 - 2014, 12:34
    المشاركة 12
    zidonsubziro
    :: عضو نشيط ::
    تاريخ الإنضمام: 26 - 02 - 2012
    رقم العضوية : 116650
    الدولة : مصر - بورسعيد
    المشاركات: 257
    الإجابات المقدمة: 1
    افتراضي رد : تجربتي في شراء موبايل من الانترنت بالتفصيل الممل
    الف الف مبروك على الجهاز الجميل ده

    وياريت كل واحد ليه تجربه يحط تجربته عشان يفيد الناس ونبعد عن استغلال المواقع الجديده زى اشتريلى وادفعلى الحوارات دى اللى بتاخد فلوس على الفاضى فى موضوع سهل وبسيط مش مستاهل

    المهم كله عاوز تركيز وتجميد قلب وبس
    لا وطبعا فيزا انترنت للشراء

    الف مبروك يا برنس ومستنين دايما تجارب المصريين المميزه
    قديمة 25 - 09 - 2014, 12:43
    المشاركة 13
    AGSAO
    :: عضـــو::
    تاريخ الإنضمام: 03 - 09 - 2014
    رقم العضوية : 241329
    الدولة : القاهرة
    المشاركات: 30
    Idea رد : تجربتي في شراء موبايل من الانترنت بالتفصيل الممل
    تجربه رائعه وانا اريد شراء الهاتف فل يمكني ان تقول لي
    رابط البائع وازاي اعرف بائع موثوق بيه
    + انت من مصر صح
    ازاي اجيب تصريح اتصالات لو ماركه دي مش في مصر
    لو سعر الهاتف 150 دولار فكمم مصاريف الجمارك والاتصالات وكل هذااااااااااااااااااااااااااا
    رابط البايع :
    Original Lenovo K910 Vibe Z Mobile Phone 5.5'' IPS Quad core Snadragon 800 CPU 2GB RAM 5MP + 13MP Dual SIM 3G Android 4.4-in Mobile Phones from Electronics on Aliexpress.com | Alibaba Group

    أنا ايوة من مصر
    سواء كان التلفون موجود في مصر أو مش موجود انت محتاج موافقة من جهاز الاتصالات. لازم يكون معاك جواب من إدارة الجمارك بالريد مرفق معته الكتالوج تروح بيه لمكتب جهاز الاتصالات أمام كلية طب الأزهر و هتأخذ الموافقة علطول بدون مصاريف أو أي حوارات

    بالنسبة للجمارك على التلفونات في مصر مفيش جمارك
    الضرائب 10% من سعر التلفون

    يعني ضريبة 150 دولار = 15 دولار يعني حوالي 110 جنية مصري
    حط عليهم مصاريف استخلاص حوالي 25 جنيه
    قديمة 25 - 09 - 2014, 15:55
    المشاركة 14
    صورة 'مريام احمد' الرمزية
    مريام احمد
    :: عضو فعال ::
    تاريخ الإنضمام: 11 - 09 - 2014
    رقم العضوية : 242271
    الدولة : مصر
    المشاركات: 136
    • أرسل رسالة بواسطة Yahoo إلى مريام احمد
    • أرسل رسالة بواسطة Skype™ إلى مريام احمد
    افتراضي رد : تجربتي في شراء موبايل من الانترنت بالتفصيل الممل
    ما شاء الله تجربة موفقه

    لاكن انا افضل التعامل مع شركة شحن زي dhl تعاملهم فوق الممتاز ولا تحتاج موافقه من اي جهة او دفه جنيه زيادة او التحرك من مكانك

    بس المشكلة بياخدو من 25 لـ 50 دولار علي تليفون زي بتاعك كده
    مدونتي المتواضعة VIP العرب




    لا اله الا الله * * * محمد رسول الله
    قديمة 25 - 09 - 2014, 18:13
    المشاركة 15
    E|r|a|N|Y|
    :: عضـــو::
    تاريخ الإنضمام: 12 - 09 - 2014
    رقم العضوية : 242357
    المشاركات: 99
    الإجابات المقدمة: 1
    افتراضي رد : تجربتي في شراء موبايل من الانترنت بالتفصيل الممل
    طيب لو سمحت
    دلوقتي اروح اجيب موافقه بعد شراء الموبيل علي طول ولا استني لما الموبيل
    يوصلي
    __________________________________________________ ______
    انت محتاج موافقة من جهاز الاتصالات. لازم يكون معاك جواب من إدارة الجمارك بالريد مرفق معته الكتالوج تروح بيه لمكتب جهاز الاتصالات أمام كلية طب الأزهر و هتأخذ الموافقة علطول بدون مصاريف أو أي حوارات
    اضافة رد
    العلامات المرجعية

    تجربتي في شراء موبايل من الانترنت بالتفصيل الممل


    حسابات تويتر للبيع ارجو من الجميع الدخول للاهمية

    أدوات الموضوع
    طرق العرض



    الساعة معتمدة بتوقيت جرينتش +3 . الساعة الآن : 21:45.
    المعهد غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
    التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة Traidnt 2015
    • 00966920020037
    • 00966138648289
    • 2051033691
    Powered by vBulletin® Version 3.8.7 .Copyright ©2000 - 2017, Jelsoft Enterprises Ltd
    SEO by vBSEO ©2011, Crawlability, Inc.