الملاحظات
ركن الاتصالات والهواتف المتحركة
Blackberry , Apple , iPhone , iPod , Android , Nokia , Windows Mobile

تعلم كل شىء فى البلاك بيرى من الالف الى الياء

اضافة رد
رقم المشاركة # 1  
أضيفت بتاريخ 11 - 11 - 2009 عند الساعة 17:24
صورة 'Mr.Darsh' الرمزية
Mr.Darsh
:: عضو نشيط ::
Mr.Darsh غير متواجد حاليآ بالمنتدى
بيانات موقعي
اسم الموقع: قريبآ
اصدار المنتدى: منتج اخر
تاريخ الإنضمام: 28 - 12 - 2006
رقم العضوية : 31288
الإقامة: القاهرة
المشاركات: 654
قوة السمعة : 122
أرسل رسالة بواسطة MSN إلى Mr.Darsh أرسل رسالة بواسطة Yahoo إلى Mr.Darsh
افتراضي

تعلم كل شىء فى البلاك بيرى من الالف الى الياء


السلام عليكم ,

أسعد الله أوقاتكم بكل خير ,
بالبداية أعتذر من البعض إن لم يعجبه إسلوب طرحي للنقاش او الموضوع او التفاصيل ,
ولكن فقط للتذكير ,

ولله الحمد لم أتجاوز الأدب وحدود اللباقة بأي طرح أو بأي نقاش أو رد ,
ولكن ربمَا البعض لايتقبل ,
وربما البعض يشكو من خلل فني او فكري ,
وربما البعض " متحمس زيادة عن اللزوم " ,
وربما البعض " متحمس والهوا ضده " ,
وربما البعض يشجع فريق النصر ,

المهم ماعلينا <<- هذي اغنية لأبو بكر سالم ,


حبيت أطرح موضوع ربما أساعد فيه البعض
وربما أفتح نافذة للتفكير لبعض الأشخاص , <<- الولد مثقف

بعد الإستطلاع والرد والنقاش في ديوانية البلاك بيري ,
إتضح إن البلاك بيري مسوي مشكلة عويصه لكثير من الأشخاص ,
ومسوي لهم قلق بحياتهم وهو مايسوى كل هالقلق والإهتمام ,

أولاً جهاز البلاك بيري جهاز يشتغل على نظام " سقيم وقديم " جداً ,
والجهاز أصلاً مُصنّع لـ " قطاع الأعمال " وماهو للإستعمال الشخصي ,
والجهاز قديم جداً وأطلقته شركة الإتصالات قبل سنتين ونص لقطاع الأعمال ,
ومانجح الجهاز ولا خدماته إطلاقاً إطلاقاً إطلاقاً ,
لذلك لا تتوقعون خدمات خطيرة يقدمها لكم جهاز البلاك بيري ,
ولا تستغربون إنكم تكتشفون فيه أشياء سقيمة جداً ,
هذا بناء على بعض الأسئلة اللي بالديوانية تطلب مقارنة الجهاز بأجهزة ثانية من ناحية " الخدمات " ,

ثانيا الجهاز ماهو غبي للدرجة اللي تخليكم تكرهون الجهاز او تتوقعون إنه جهاز من العصر الحجري
ولايمكن انك تسوي اي خدمات على الجهاز .. لا بالعكس ,
البعض ممكن يقولي انت متناقض بالكلام ,
بقولك لا .. انا اقصد انه الكثير يقارن البلاك بيري بالآي فون !!
وهذا مستحيل جداً ,


لأن الآي فون جهاز ثوري عصري وتكنلوجي خطير جدا ولا يمكن مقارنته مع أي جهاز ثاني حالياً ,
أما بالنسبة للبلاك بيري يكفيه عن كل عيوبه خدمة البي بي ماسنجر ,
هذي نقطة أولى ,


نقطة ثانية ,
ابي اقولكم كيف تكونون محترفين بلاك بيري أو اي جهاز ثاني ممكن تمتلكونه ,
لاحظت كثير من الأسئلة بالديوانية " من جمب جمبها " <<- اسف على التعبير ولكن وش اسوي مالقيت غيره
انا هنا كتبت الموضوع لهذا الهدف والمقصد ,
ياليت ياليت ياليت قبل تطرح أي سؤال تجرب تحل مشكلتك بنفسك ,
تجرب تحوس بجهازك وتقلب بطن بطن جهازك لين تلقى حل للجهاز والمشكلة ,
مثلا : انا الحين استخدم جهازين معي وشغال على الجهازين كلهم ,

الأول / آي فون ,
علشان اتعلم على الآي فون والآي تونز ,
خربته 6 مرات ومسحت كل البيانات اللي فيه ,
و علشان أكسر حماية الآي فون وافكه .. خربت الجهاز وخربت اللاب توب ومسحت برامج من اللاب توب
كله علشان افك حماية الآي فون .. وبالأخير نجحت بفضل الله ..
وكان حل المشكلة تافه وبايخ وبسيط وجاني الصياح يوم عرفته ,
بعد حذف برامج الضغط وتحميلها وحذف كم برنامج وتحميل ثاني ,
اكتشفت بالأخير ان المشكلة بالمتصفح !!!
بدل ما افتح بالإنترنت اكسبلورر فتحت بالفاير فوكس وزبط كل شي معي
طبعا ما انكر فضل صديقي الأجمل والأحسن بالإقتراح هذا كإقتراح أخير وقالي ليه ما تجرب ,
قلت معقوله يكون المشكلة مشكلة متصفح !!!
ولكن بالنهاية استفدت خبرة جديدة ,
وماراح انساها لأني انا اللي خربت كل شي وصلحت كل شي ,
الآي فون الحين ازبطه بـ دقيقة ونص خخخ
الآي تونز أزبطه بـ 4 دقايق خخخخ
يوزر الآي فون والآي تونز موزع على كل العالم وكل البشر ,
هذا طبعا بعد تخريب وحوسه ولخبطه ومسح للبيانات ومسح لكل شي ,
بس المشكلة إنه اليوزر كان فيه شحن حوالي 15 باوند ..
الحين للأسف مافيه الا 3 باوند وين راحت ما أدري لوووول


نجي للبلاك بيري
استخدمت الكيرف والآن معي البولد ,
فيه احد منكم قد " حبرش " بالجهاز وأكتشف فيه اشياء ؟
فيه أحد قد خرب الجهاز ؟
فيه أحد قد فك الجهاز وصلح فيه واشتغل فيه ؟
انا صار للجهاز معي تقريبا شهر ونص ,
لعبت بأهل أهل أهله ,
وخربت علي الكورة اللي بالنص ووديته لمحل عندنا وقالي بصلحها لك بـ 25 باوند !!!
وحسيت انه نصاب ويبي يلعب علي يحسب اني دبشه ,
قلت له لا ,
رحت للبيت ولعبت بأبو الجهاز وفككت وركبت وحليت مشكلتي بنفسي
والجهاز ابشركم شغال لين الحين زي الحلاوه ولا خرب بعدها ,
ياليت كل واحد يجرب يحل مشكلته بنفسه قبل مايتصرف اي تصرف ,

بقولكم على كم طريقة تحلون فيها مشاكلكم بأنفسكم :
1- فيه أحد قد قرأ كاتلوج الجهاز اللي يجي معه ؟
اتوقع لا .. اول شي اقروا الكتالوج وصدقوني راح تتعرفون على كثير من الخدمات اللي ودكم فيها ,

2- فيه طريقة بالبلاك بيري انا متأكد انه الكثير ما يتستخدمها نهائيا نهائيا نهائيا
لأنه لو استخدمتوها ثلاث ارباع الأسئلة اللي بالديوانية ماراح تنسأل وراح تلقون الجواب بأنفسكم
وراح تكتشفون اشياء بالجهاز ما كنتوا تعرفون عنها اصلاً ,
الطريقة اللي هي لما تفتح على أي ايقونة بالجهاز اضغط علامة البلاك بيري
وبعدين اضغط على " تعليمات " راح يفتح لك صفحة فيها شرح على كيف كيف كيف كيفك
ويفصل لك الخدمات وطريقتها وكيف تسويها ومن وين تسويها ,
ولو كلنا قرينا هذي التعليمات راح نكون محترفين بلاك بيري بيومين صدقوني ,

3- " حبرش " بجهازك وألعب فيه لعب وراح تلقى فيه ألف طريقة وطريقة ,
مثال صغنون وبسيط على لوحة المفاتيح ,
انا أكتشفت انه فيها حركات " شدّة / ضمه / فتحة / كسرة / تنوين "
بالحبرشة واللعب ,
كنت جالس اكتب ومر على بالي ان الجهاز لما توصله رسالة وفيها حركات يقراها عادي ,
معناته ان الجهاز فيه حركات اصلا بس وينها فيه ؟
ضغطت كل ازارير لوحة المفاتيح لين حصلت الحركات وحفظت اماكنهم ,
المَدّة اللي تنكتب احيانا ببعض الحروف مثلا " الســــــــــلام عليكم " هذي برضوه عرفتها بالحبرشه والغلط ,

4- " نصيحة " اي عبارة تلقاها بالجهاز اضغط عليها وادخل وجربها وشف وش وضعها وليه هم حطوها بالجهاز اصلا !!

5- صدقني بعد ما تجرب كل هالأشياء راح تكون محترف بلاك بيري بإسبوع بس " خلك ملقوف 24 ساعه "
و" حبرش " بجهازك 24 ساعه ,
<<- قبل شوي تقول يومين وتصير محترف والحين تقول اسبوع !! ارسل لك على بر
وبعد اسبوع تعال هنا وقلي وش صار معك ..
واذا مالقيتني دف الورقة من تحت الباب وحط رقمك ورح وانا بدق عليك


وقبل اي مشكلة وقبل اي حل وقبل اي سؤال ,
ياليت اي مشكلة تواجهكم تحاولون تعطون تفكيركم وقدراتكم العقلية فرصة انها تعبر عن شعورها
وحاولوا قد ما تقدرون تستخدمون المنطق والعقليه بكل اشيائكم ,
( حتى بالإشاعات اللي ذبحتنا بالبرودكاست )
أجل الإتصالات يحسبون البرودكاست بـ 5 ريال لوووووول

نرجع لموضوعنا وهو التفكير والمنطق
مثلاً : امس كان فيه مشكلة بشرايح موبايلي ..
وكان عندي واحد فكر انه ينتحر وماخلا سبه ماسبها للبي بي ماسنجر الجديد !!
قلت له يا ابن الناس المشكلة ماهيب بالماسنجر ,
الناس عندي كلها اوكي الا انت !!
معناته المشكلة عندك انت بس ماهيب مشكلة عامه بالماسنجر !!
المهم بعد نقاش ومحاولة لأننا نهدي الأخ ابو الشباب هذا ..
قلت له ممكن محاولة صغنونة علشان نكتشف المشكلة !!
سألته سؤال برئ جداً ..
قلت له انت شابك على الشريحة او الواي فاي !!
قالي على الشريحة ..
قلت ممكن تشبك على الواي فاي علشان نتأكد المشكلة من الشريحة او من الجهاز او من الماسنجر !!
واذا ماعندك واي فاي ممكن تشبك من شريحة ثانية غير شريحة موبايلي !!
علشان نتأكد المشكلة وين بالضبط !!
هل هي بالجهاز بالشريحة بالشركة بالخدمة بالماسنجر الجديد وين بالضبط !!
طبعا فك الإتصال من الشريحة وشبك على الواي فاي ورجع كل شي تماااااام واشتغل الماسنجر زي العسل !!
لو فكر هو شوي من البداية كان حل مشكلته بنفسه .. صح او لا ؟
والمشكلة انه من المغرب لحد الساعه 1 بالليل وهو حايس الدنيا بمشكلته هذي !!
ولما بدل على الواي فاي دقيقة وحده وانحلت كل المشاكل !!
علشان كذا ياليت نفكر قبل اي شي نسويه ونجرب كل الطرق يالييييييت ,

شي ثاني ..
أتضح إنه كثير من الأشخاص يشطح شطحات بالردود والمشاكل ويكتب اشياء ماهيب لم سالفة ,
ولا إتجاة ولا قبلة .. ويودي اللي بعده بسته وستين داهية ,
وعندهم هم وحيد بالديوانية ( إنهم يردون بسرعة حتى لو الجواب غلط ..!! بس المهم عندهم انهم يرد بسرعه ) !!!
ليه ما أدري والله !!!!!
وكثير من الناس يسأل اسأله ماتحتاج تفكير ولا تعبير ولا حيرة ولا سؤال مفتي ,
بس يحتاج 14 ثانية يفكر بركادة


يتابع فى هذا الموضوع


منقول من



عابر سبيل
التعديل الأخير كان بواسطة Mr.Darsh; 11 - 11 - 2009 الساعة 17:28
أضيفت بتاريخ 11 - 11 - 2009 عند الساعة : 17:26
رقم المشاركة # 2
:: عضو نشيط ::
صورة 'Mr.Darsh' الرمزية
تاريخ الإنضمام: 28 - 12 - 2006
رقم العضوية : 31288
الإقامة: القاهرة
المشاركات: 654
قوة السمعة : 122
أرسل رسالة بواسطة MSN إلى Mr.Darsh أرسل رسالة بواسطة Yahoo إلى Mr.Darsh
افتراضي تعلم كل شىء فى البلاك بيرى من الالف الى الياء

سؤال ثالث يقول شلون اشحن الجوال !!!
حطه بالميكرويف وحط مدة التحميه 16 دقيقه وتعال تلقاه جاهز ومشحون !!
شلون تشحنه الله يرحم لي والديك .. عادي اشبكه بالكهرب واشحنه ..

سؤال رابع يقول اشحن جوالي 110 والا 220 ؟؟
لا اشحنه على 360 فولت
علشان البي بي ماسنجر يكون سريع عندك ويشبك على اسلاك الكهرب اللي بالشارع مايشبك على الواي فاي !!
ياخي اشحنه زي ماودك على 110 على 220 على 3459 على 498899 اللي تبي يابعد قلبي ..
ولو كلفت نفسك نص دقيقه وقريت وش مكتوب على الكرتون او على السلك حق الشاحن كان لقيت جواب لسؤالك !!
لكن ما ادري وين المشكلة !!!



اما بالنسبة للأجوبة ..
ابداً ماهوب عيب ولا حرام ولا منكر ..
لما تكون ما تعرف جواب تقول ما اعرف
بس المشكلة انك تتفلسف وتودي اللي بعدك بسته وستين داهييييييه !!
يعني انا شفت سؤال مره وشفت له جواب الصراحه انه اعدم البنت اللي رد عليها ..
لكن ماعاد ينفع لو عدلت له الرد ..
تسأل عن مشكلة عادية جدا وكان جواب المشكلة انه تقلب الجهاز انقليزي وتشتغل عنده زي الحلاوة ..
الأخ راح قاله مالك الا تسوين سوفت وير جديد للجهاز وانا اجيب لك الرابط !!!
اعدم البنت مع تقديم وجبة افطار شهية بالرابط !!!
البنت سوت سوفت وير وراح كل شي عنده !!!!
الحل يابعد قلبي انت وهي بس تقلب اللغة انقليزي
واصلا كان باين من جواب اخونا انه مايعرف وش المشكلة ولا وش الحل ..
ولكن ما قصر اجتهد وجاب لها حل .. ولكن مشكلة الحل كان جذري واعدم البنيّه مسكينه ..
بهالحالة ماهو عيب انك تقول ما اعرف وتترك الجواب للي يعرف ..



سؤال ثاني ..
شخص يسأل عن خدمة البريد الصوتي للجهاز ..
جاء احد الأخوان وقاله ماتقدر للأسف !!!
وماهي متاحة على البلاك بيري !!!
مع ان خدمة البريد الصوتي مالها علاقة إطلاقاً بالجهاز ..
خدمة البريد الصوتي خدمة موجودة على شريحة الجوال ..
يعني حتى لو كان معك جوال ابو لمبة تقدر تحط عليه بريد صوتي
وتقدر تحدد المدة بعد رنه رنتين ثلاث اربع .. عند انشغال الخط .. في حالة عدم الرد و و و و
وتقدر تسجل البريد اللي تبي " بصوتك / مقطع صوت / ... الخ "
لكن اخونا قاله لايمكن وماهي موجودة الخدمة



شي أخير ..
ياليت ياليت ياليت يالييييييييييت نستخدم التقنيه شوي بكل حالاتنا ..
مثال برضوه ..
وحده من الأخوات كانت كاتبة مشكلة وكانت تبي تنتحر لو ما انحلت المشكلة ..
المشكلة كانت انه تبي فرع أكسيوم تيلكوم بالمنطقة اللي هي موجوده فيها ..
وهل فيه له فروع او لا ؟
سوت عمليات انتحارية بالديوانية علشان تلقى حل لسؤاله ..
ومافيه احد بالديوانية مامر على هذا السؤال ومااحد جاوب ..
وكل واحد يقوله انتظري احد يجي من منطقتك !!!!
لما دخلت وقريت كلامه سألت نفسي سؤال ..
قلت ليه مافكرت شوي هي بدل هالأسئلة والردود اللي هي جالسه تكتب !!
كان عندها واحد من الخيارين السريعه لحل مشكلته بدل كل الحوسه اللي صارت ..
اول حل فيه تقنيه تقدر تستخدمها بأي مكان ومن أي مكان
التقنية اسمها 905 ..
تدق عليهم وتقولهم عطوني رقم المحل الفلاني ويعطونك وتنتهي مشكلتك ..
الحل الثاني واللي انا استخدمته مع اختنا ومشكلتها ..
فتحت العم " قوقل " وكتبت اكسيوم تيلكوم وطلع لي موقع الشركة ..
دخلت على موقع الشركة مكتوب فيه فروعنا ..
دخلت على فروعنا وقالي اختار المنطقة ..
اخترت المنطقة وطلع لي كل فروع الشركة ..
ووصفها وارقام تلفوناتها ..
سويت نسخ ولصق للأخت ..
وانحلت مشكلتها وراحت اشترت بلاك بيري !!!!
هل الحل خطير ؟؟
هل هو اخذ وقت ؟؟
انا ببريطانيا .. وهي بالسعودية وحليت مشكلتها مع العم " قوقل "
بس كانت المشكلة عندها انها تحتاج تعطي تفكيرها فرصة !!!

أتمنى من الجميع قبل اي مشكلة
انهم يستخدمون التقنيتين اللي فوق " 905 / والعم قوقل " للبحث عن بعض الإستفسارات
وصدقوني راح تنحل كثير من مشاكلكم ..
واعطوا تفكيركم فرصة يحل لكم مشاكلكم ..




بالنهاية ..
أعتذر كل العذر للجميع عن طريقة الكتابة والإسلوب ..
وحبيت اني ابسط الموضوع للجميع علشان يستفيد الجيمع بطريقة عادية ونقاشيه ..
وعلشان ما يكون الموضوع متكلف وزايد عن الحد ..
وأي احد عنده مداخلة انا حاضر ومن عيوني ..
وباب النقد والفايدة مفتوح للجميع ..
وأوعدكم بإذن الله بموضوع مرتب ومصفوف ولكن بس انتظر فرصة أفضى ..



منقول من



عابر سبيل
أضيفت بتاريخ 13 - 11 - 2009 عند الساعة : 08:26
رقم المشاركة # 3
:: عضو نشيط ::
تاريخ الإنضمام: 01 - 01 - 2009
رقم العضوية : 63844
المشاركات: 485
قوة السمعة : 389
افتراضي

تبي الصدق ولا ولد عمه

والله ما فهمت الا حربش به وقلب والدين والدينه

هذا الي فهمته بس

ما لقيت لك هنا ولا اجابه عن اي سوال

حربشب به وفكه والدين والدينه

وهنا اقولك حربش به وفك والدين والدينه وراح نفهم معك هع

أضيفت بتاريخ 13 - 11 - 2009 عند الساعة : 16:47
رقم المشاركة # 4
BBM
:: مشرف الركن العام ::
صورة 'BBM' الرمزية
تاريخ الإنضمام: 05 - 09 - 2005
رقم العضوية : 8103
الإقامة: جـJeddaHـده
العمر: 29
المشاركات: 10,695
قوة السمعة : 13599
أرسل رسالة بواسطة Skype™ إلى BBM
افتراضي

مع احترامي لكاتب الموضوع الاصلي

مسألة المعرفه او اضافة ردود ماهو مجبور يرد او يحل

عندك 3 انواع من البشر في كل الحالات تحصلهم

نوع ما يحب يوجع راسه ويفكر في حلول لجهازه يبي الحل جاهز

ونوع يبي يتفلسف ويتعب الغير معه بفلسفته ويعطي حلول لا اصل لها

والنوع الاخير وهذا الي احترمه الي يدور الحل بنفسه واذا يأس في الاخر يطرح سؤاله

وهذه الدنيا وانا اخوك يعني ماهو شي جديد اذا في شخص يبي ياخذ نصيحه الافضل ياخذها من شخص فاهم

وليس من اي شخص رد على الموضوع

تقبل مروري ويعطيك العافيه على النقل

سبحان الله ,, والحمدالله ,, ولا اله إلا الله ,, والله أكبر

  • تطبيق آيات - القرآن الكريم للموبايل والكمبيوتر كتابه وقراءه وتفسير لجميع المشايخ تحت إشراف جامعة الملك سعود
  • تطبيق قناتي على الفيس بوك يهتم بتقديم ( حكم - ترفيه - قصص - فيديوهات - معلومات عامه )

أضيفت بتاريخ 14 - 11 - 2009 عند الساعة : 10:19
رقم المشاركة # 5
:: عضو نشيط ::
صورة 'Mr.Darsh' الرمزية
تاريخ الإنضمام: 28 - 12 - 2006
رقم العضوية : 31288
الإقامة: القاهرة
المشاركات: 654
قوة السمعة : 122
أرسل رسالة بواسطة MSN إلى Mr.Darsh أرسل رسالة بواسطة Yahoo إلى Mr.Darsh
افتراضي

مع احترامي لكاتب الموضوع الاصلي

مسألة المعرفه او اضافة ردود ماهو مجبور يرد او يحل

عندك 3 انواع من البشر في كل الحالات تحصلهم

نوع ما يحب يوجع راسه ويفكر في حلول لجهازه يبي الحل جاهز

ونوع يبي يتفلسف ويتعب الغير معه بفلسفته ويعطي حلول لا اصل لها

والنوع الاخير وهذا الي احترمه الي يدور الحل بنفسه واذا يأس في الاخر يطرح سؤاله

وهذه الدنيا وانا اخوك يعني ماهو شي جديد اذا في شخص يبي ياخذ نصيحه الافضل ياخذها من شخص فاهم

وليس من اي شخص رد على الموضوع

تقبل مروري ويعطيك العافيه على النقل

تحياتى ليك شكرا على المرور

عابر سبيل
أضيفت بتاريخ 05 - 12 - 2009 عند الساعة : 23:42
رقم المشاركة # 6
:: عضو نشيط ::
صورة 'Bader_vip' الرمزية
تاريخ الإنضمام: 14 - 03 - 2007
رقم العضوية : 33199
الإقامة: www.3nwd.com
المشاركات: 5,416
قوة السمعة : 736
افتراضي

أحب افيدك حبيبي

أن الاتصلات السعودية صحيح طرحة خدمة البلاك بيري للقطاع الاعمال برسوم 200 ريال بالشهر

واول ماسمعت عن الخبر تمنيت ان يكون لدي جهاز بلاك بيري لاكن كانت الاجهزة قديمة قبل الكيرف والبولد لاتلفت النظر لها بسبب سوء شكلها لاكن بعد ظهور البولد والكيرف بدأة تنتشر بين الناس

وبعدها قامت بطرحة للأفراد بــ 200 ريال بالشهر وليس لعدم نجاح الخدمة لاكن بسبب الطلبات المستمره من قبل الناس

وتم تخفيض رسوم الاشتراك للأفراد الى 99 ريال شاملة 1 جيجا استخدام انترنت

اضافة رد

العلامات المرجعية

أدوات الموضوع
طرق العرض

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة
المراجع : معطّلة
Refbacks are متاحة



الساعة معتمدة بتوقيت جرينتش +3 . الساعة الآن : 07:02.
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي معهد ترايدنت ولا نتحمل أي مسؤولية قانونية حيال ذلك (ويتحمل كاتبها مسؤولية النشر)


Powered by vBulletin® Version 3.8.7 .Copyright ©2000 - 2014, Jelsoft Enterprises Ltd
SEO by vBSEO 3.6.0 ©2011, Crawlability, Inc.
Google
‪Google+‬‏

vBulletin Optimisation by vB Optimise.